Atentat në Memaliaj/ Qëllohet me breshëri plumbash avokati për çështje pronash, arrestohet autori (EMRAT)
Atentati ndaj avokatit në Memaliaj/ Reagon policia: Autori qëlloi në ajër për t'i kanosur, sekuestrohet arma e për...
Atentati ndaj avokatit në Memaliaj/ Reagon policia: Autori qëlloi në ajër për t'i kanosur, sekuestrohet arma e për...
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
• Vendimet e marra nga qeveria më 27 prill 2023. • Ministri i Brendshëm Bledi Çuçi ka bërë me dije se më 14 maj do të votojnë të gjithë qytetarët, përfshirë dhe ata që u ka skaduar karta e identitetit. • Çmimi tha se do të rishikohej pasi prodhimi i mjeteve të identifikimit do të kalojë në administrim të shtetit. • Përsa i përket Vettingut në Policinë e Shtetit, Çuçi tha se procesi do të vijojë me 330 funksionet e kupolës së Policisë së Shtetit. Trupa e madhe është përjashtuar. • Ministri foli dhe për riatdhesimin e shqiptarëve të dënuar nga Britania e Madhe dhe tha se nuk ka një ndarje kategorish. Ai shtoi se me këtë process po merret Ministria e Drejtësisë. • Ndërsa ministrja Delina Ibrahimaj u shpreh se zhvlerësimin e euros e kanë sjellë remitancat dhe ardhja e shumtë e turistëve. Sipas saj rënia e euros ka të bëjë dhe me paranë informale, por jo me futjen e saj në fushatën zgjedhore. • Ajo tha se Ministria po angazhohet në nxitjen e formësimit të të rinjve shqiptarë, process që pason me gjetjen e një vendi pune.
8 artikuj për këtë temë.
TIRANË- Ministrja Delina Ibrahimaj ka deklaruar se paraja informale nuk ka lidhje me fushatën elektorale. Në një prononcim për gazetarët, pas mbledhjes së Këshillit të Ministrave, Ibrahimaj tha se paraja informale ekzeiston, ka ndikuar në rënien e euros, por nuk ka lidhje me fushatën e zgjedhjeve lokale.
Pjesë nga prononcimi:
A është paraja informale arsyeja e zhvlerësimit? A lidhet me paratë që hidhen në fushatën elektorale?
Delina Ibrahimaj: Nuk ka një elemnt shtesë. Zhvlerësimi i euros dhe forcimi i lekut është i lidhur me hyrjet që kemi pasur në këtë vit. Kemi pasur një fluks turistësh shumë të lartë, më të lartë edhe se në vitin 2019. Nga ana tjetër ka qenë një vit ku investimet e huaja direkte janë rritur në neto dhe kjo ka bërë që leku të forcohet. Pra kanë qenë të ndikuara nga remitancat dhe hyrjet e shumta të turistëve.
TIRANË- Ministrja Delina Ibrahimaj ka deklaruar se nga zhvlerësimi i euros kanë humbur kompanitë që kanë lidhur kontrata para se të binte euroja. Në një prononcim për mediat, Ibrahimaj tha se lëvizjet e euros janë pjesë e riskut për të bërë biznes.
"Shqipëria prej shumë vitesh ka vendosur që të aplikojë një kurs këmbimi jo të fiksuar por të lirë. Kursi i këmbimit të lirë, në krizat e njëpasnjëshme që na është të kalojmë, ka qenë një stabilizues i funksionimit dhe të gjitha goditjeve që kemi pasur, Ka disa kompani që fitojnë dhe disa që humbin dhe kjo është pjesë e riskut të të bërit biznes. Kompanitë që kanë pasur humbje janë ato që kontratat i kanë lidhur shumë kohë më parë, para se të zhvlerësimi i euro. Ne analizojmë me kujdes çdo lëvizje. Kursi i këmbimit nuk afekton vetëm kompanitë eksportuese. Normat e interesit të kredive në euro kanë bërë që euroja të bëhet atraktive. Analiza bëhet në të gjithë fushat,"- tha Ibrahimaj.
TIRANË- Ministrja Delina Ibrahimaj ka deklaruar se qeveria ka miratuar një vendim për të aftsuar të rinjtë e papunë. Në një prononcim për mediat, Ibrahimaj tha se kjo gjë do të bëjë që të rinjtë më pas të punësohen. Sipas ministres, në tre muajt e parë, ata do të paguhen me 80% të pagës minimale, ndërsa më pas me pagën e plotë.
Pjesë nga prononcimi:
Sot, në Këshillin e Ministrave miratuam dy vendime. Në radhë të parë, miratimi i projektvendimit për programin e nixtjes së punësimit që lidhet me garancinë rinore. Kjo u drejtohet aftësimit të të rinjve nga 15-30 vjeç, brez që ka një papunësi më të madhe. Çdo i ri që ka katër muaj pa punë, do t'i ofrohen programe dhe një vend pune., E gjithë kjo do të bëhet në kuadër të bashkëpunimit të forneve të shtetit shqiptar dhe të BE-së. Më pas do tu gjendet një vend pune, për tre muaj e parë do të paguhen me 80% të pagës minimale, më pas me 100% të rrogës. Të rinjve do tu paguhet edhe transporti nëse banojnë më larg se dy kilometra.
Prej shumë vitesh qeveria ka qenë ofruesi kryesor i bonove të thesarit dhe të obligacioneve. Miratuam një strategji duke i hapur rrugë zgjerimit të emetimit të obligacioneve. Synojmë të fuqizojmë bursën e Shqipërisë në mënyrë të kompanitë private dhe shtetërore të emetojnë tituj, bono dhe obligacione.
TIRANË- Ministri i Brendshëm Bledi Çuçi ka bërë me dije se nuk janë ndarë ende kategoritë e shqiptarëve që pritet të riatdhesohen në Shqipëri. Në një prononcim për mediat, Çuçi tha se do të vijojnë procedurat ligjore.
Pjesë nga deklarata e Çuçit:
Cilat janë kategoritë e shqiptarëve të dënuar në Britaninë e Madhe që do të rikthehen në vendin tonë?
Bledi Çuçi: Kjo është pyetje për ministrinë e Drejtësisë, rikthimet janë të bazuara në marrëveshjen e nënshkruar mes tij dhe Britanisë së Madhe, Në bazë të marrëveshjes do të fillojë dhe zbatimi. Kategoria, nuk besoj se ka një dallim. Ka një proces gjyqësor dhe këto janë procedura ligjore ku ndërhyn dhe gjykata. Marrëveshja është në fuqi, ka filluar të zbatohet dhe kanë filluar negociatat edhe me ndihmën e britanikëve. Për më shumë, mund të pyesni edhe Ministrin e Drejtësisë.
TIRANË- Ministri i Brendshmë Bledi Çuçi ka deklaruar se mund të rishikohen çmimet e kartave të identitetit dhe të pasaportave. Në një prononcim për gazetarët, ai tha se kjo gjë mund të ndodhë kur ky proces të kalojë në duart e shtetit. Megjithatë, nuk dha garanci.
Pjesë nga prononcimi:
Pyetje: Ndryshimi i pronësisë së kompanisë për prodhimin e dokumenteve a do të sjellë një reduktim të cmimit?
Bledi Çuçi: Nuk lidhet fare me çmimin, është një marrëdhënie kontraktore me kompaninë që mbaron në fund të korrikut të këtij viti dhe në si qeveri apo unë si ministër, do përfundojmë kontratën dhe do të marrim në dorëzim të gjithë kompaninë e prodhimit të kartave. Pasi ta marrim në administrim, cështja e çmimit është gjithçka që shihet, jemi fleksibël për të bërë ndryshme. Do shohim hapësira për ta lehtësuar në maksimum për shtetasit.
TIRANË- Ministri i Brendshëm Bledi Çuçi ka bërë me dije se Vettingu në polici vijon, por vetëm për kupolën e Policisë së Shtetit. Në një prononcim për gazetarët, pas mbledhjes së Këshillit të Ministrave, Çuçi tha se janë vetëm 300 funksione të kupolës që do të vetohen. Sipas tij, ky proces nuk ka lidhje me zgjedhjet.
Pjesë nga prononcimi:
Pyetje: Vettingu në Policinë e Shtetit u pezullua për muaj me radhë, çfarë ndodhi që u rikthye tani në prag të zgjedhjeve lokale?
Bledi Çuçi: Vettingu në polici është pezulluar kohë më parë me ligj dhe ne morëm kohën e duhur për ta ribërë ligjin në polici siç na keni ndjekur kemi miratuar dhe ndyrshet në ligjin për Vettingun e policisë. Aty parashikuam dhe ka nisur vetëm për pjesën drejtuese të Policisë së Shtetit dhe duke hequr nga vetimi trupën e madhe. Janë vetëm 300 funksione të kupolës që do të vetohen. Nuk ka as pezullimin as rifillim dhe as lidhje me zgjedhjet.
TIRANË- Ministri i Brendshëm Bledi Çuçi tha se policia kriminale do të riformatohet. Në një prononcim për gazetarët, Çuçi tha se vendimi është marrë gjatë mbledhjes së këshillit të ministrave. Ai u shpreh se është miratuar ngritja e trukturës dhe se tashmë do të nisë zbatimi i reformës.
Pjesë nga deklarata e Çuçit:
Gjithashtu morëm vendimin për t'i hapur rrugë zbatimit dhe implementimit të strukturës së re në Policinë e Shtetit duke miratuar të gjithë strukturën e gradave në qeveri. Tashmë struktura fillon zbatimin dhe është një nga reformat më të mëdhaja që ka bërë Policia e Shtetit sidomos për të adresuar riorganizimin e policisë kriminale. Besoj është një nga vendimet më të rëndësishme edhe në zbatim të objektivave të ministrit të Brendshëm.
TIRANË- Të gjithë qytetarët mund të votojnë në zgjedhjet lokale të 14 majit. Ministri Bledi Çuçi ka bërë me dije se është miratuar vendimi që lejon të votojnë edhe ata që u ka skaduar karta e identititetit.
Deklarata e Çuçit:
Sot miratuam në Këshillin e Ministrave vendimin për shtyrjen e afatit të dokumentit të qytetarëve shqiptarë, që skadojnë më 14 maj. Partia politike duke parë numrin e madh të kartave të identitetit që kanë skaduar apo skadojnë deri më 14 maj, vendosëm që ta shtyjmë afatin duke lejuar që të gjtihë të votojnë në zgjedhjet lokale, pavarësisht se dokumentet e tyre kanë skaduar.