Zëvendës Sekretari amerikan i Shtetit në Tiranë/ Verma zhvillon takim me Ramën dhe ambasadën e SHBA-së: Integrimi në BE, kritik për të ardhmen e Shqipërisë

edi rama, richard r. verma

TIRANË- Zëvendës sekretari amerikan i Shtetit, Richard R. Verma gjatë vizitës së tij në Tiranë ka zhvilluar një takim me kryeministrin Edi Rama. 

Në një postim në "X", Verma shkruan se gjatë takimit ka falenderuar kryeministrin për pritjen e afganëve dhe mbështetjen për Ukrainën. Ai është shprehur gjithashtu se ranë dakord se integrimi në BE është një faktor kritik për të ardhmen e Shqipërisë. Më tej shkruan se partneriteti mes dy vendeve mbështet rrugën europiane të Shqipërisë. 

“Takim i shkëlqyeshëm me kryeministrin Edi Rama në Tiranë ku e kam falënderuar për pritjen e afganëve dhe mbështetjen e Ukrainës. Ne ramë dakord se integrimi në BE është kritik për të ardhmen e Shqipërisë. Partneriteti ynë i fortë mbështet Shqipërinë drejt rrugës europiane”, thuhet në postimin e tij. 

Siç shihet edhe nga fotot e postuara nga zyrtari amerikan në takim ishte e pranishme edhe E ngarkuara me Punë e SHBA-së në vendin tonë, Nancy VanHorn. Lidhur me takimin mes tyre ka ndarë detaje edhe ambasada amerikane në vendin tonë. 

Në postimin e ambasadës thuhet se zëvendës Sekretari Verma përgëzoi Shqipërinë për përzgjedhjen për një marrëveshje kompakte me MCC. Sipas tyre kjo është një mundësi për të bashkëpunuar në një program për rritjen ekonomike teksa Shqipëria ecën drejt integrimit të plotë europian.

"Zëvendës Sekretari i Shtetit për Menaxhimin dhe Burimet Richard R. Verma dhe e Ngarkuara me Punë Nancy VanHorn u takuan sot në Tiranë me Kryeministrin Edi Rama. Ata diskutuan mbështetjen e jashtëzakonshme të Shqipërisë për refugjatët afganë dhe Ukrainën dhe se sa jetik është integrimi në BE për të ardhmen e Shqipërisë. Zëvendës Sekretari Verma përgëzoi Shqipërinë për përzgjedhjen për një marrëveshje kompakte me MCC, një mundësi për të bashkëpunuar në një program për rritjen ekonomike teksa Shqipëria ecën drejt integrimit të plotë europian.", thuhet në postimin e ambasadës. 

Richard R. Verma

TIRANË- Zëvendës Sekretari amerikan i Shtetit për Menaxhimin dhe Resurset, Richard R. Verma ka mbërritur ditën e sotme në Tiranë. Verma ka zhvilluar një takim në ambientet e ambasadës së SHBA, ndërsa ka falenderuar Shqipërinë për pritjen dhe mbështetjen. 

“Ishte shumë mirë teksa mbajta një takim në Ambasadën në Tiranë. Angazhimi me fuqinë tonë punëtore është jetik ndërsa përballemi me sfidat përpara dhe eksplorojmë mundësi të reja së bashku. Faleminderit, Shqipëri, për pritjen tuaj të ngrohtë — jam mirënjohës për mbështetjen tuaj”, u shpreh ai.

Zyrtari i lartë amerikan pas Shqipërisë do të udhëtojë edhe drejt Kosovës dhe Serbisë. Verma gjatë vizitës në Kosovë do të diskutojë për normalizimin e marrëdhënieve me Serbinë përmes Dialogut të lehtësuar nga BE-ja, forcimin e qeverisjes dhe sundimit të ligjit, dhe nxitjen e rritjes ekonomike dhe sigurisë energjetike për të mirën e të gjithë kosovarëve. Ai gjithashtu do të falënderojë Qeverinë e Kosovës për mbështetjen e fuqishme të Ukrainës dhe për ndihmën e saj për afganët në nevojë.

Zëvendës Sekretari do të vizitojë edhe Serbinë ndërsa gjatë vizitës së tij do të theksojë partneritetin strategjik në rritje SHBA-Serbi për energjinë dhe çështje të tjera ekonomike. Ai do të ofrojë mbështetje për integrimin e Serbisë në institucionet evropiane, normalizimin e marrëdhënieve të Serbisë me Kosovën, forcimin e sundimit të ligjit dhe bashkëpunimin më të ngushtë dypalësh për çështjet ushtarake dhe të sigurisë.

Verma

TIRANË- Zëvendës Sekretari amerikan i Shtetit për Menaxhimin dhe Resurset, Richard R. Verma sapo ka mbërritur në Shqipëri. Verma përmes një postimi në 'X' ka njoftuar mbërritjen në Tiranë ndërsa shkruan se sapo ka zbritur në Shqipërinë e bukur. Ai thekson se është i ngazëllyer për të punuar për forcimin e demokracisë dhe sigurisë.

“Sapo zbrita në Shqipërinë e bukur! I ngazëllyer për të filluar vizitën time dhe për të punuar me partnerët tanë për forcimin e demokracisë, sigurisë dhe mbështetjen e atyre në nevojë”, shkruan Verma.

Zyrtari i lartë amerikan pas Shqipërisë do të udhëtojë edhe drejt Kosovës dhe Serbisë.  Verma gjatë vizitës në Kosovë do të diskutojë për normalizimin e marrëdhënieve me Serbinë përmes Dialogut të lehtësuar nga BE-ja, forcimin e qeverisjes dhe sundimit të ligjit, dhe nxitjen e rritjes ekonomike dhe sigurisë energjetike për të mirën e të gjithë kosovarëve. Ai gjithashtu do të falënderojë Qeverinë e Kosovës për mbështetjen e fuqishme të Ukrainës dhe për ndihmën e saj për afganët në nevojë.

Zëvendës Sekretari do të vizitojë edhe Serbinë ndërsa gjatë vizitës së tij do të theksojë partneritetin strategjik në rritje SHBA-Serbi për energjinë dhe çështje të tjera ekonomike. Ai do të ofrojë mbështetje për integrimin e Serbisë në institucionet evropiane, normalizimin e marrëdhënieve të Serbisë me Kosovën, forcimin e sundimit të ligjit dhe bashkëpunimin më të ngushtë dypalësh për çështjet ushtarake dhe të sigurisë.