Dita e 53-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdhi fundi!
“Nuk tërhiqemi"/ Sot dita e 53-të e revoltës kundër qeverisë, qytetarët të vendosur deri në...
“Nuk tërhiqemi"/ Sot dita e 53-të e revoltës kundër qeverisë, qytetarët të vendosur deri në...
Aksidenti i rëndë te rrotullimi i TEG-ut, humb jetën 1 person, plagoset një tjetër 22 Korrik, 16:59 A...
"Duhet të bëjmë gjithçka për suksesin e saj"/ Berisha: Protesta po firmos fundin e sundimtarit më të keq q&...
Stuhia 'mbërtheu' vendin, Ministria e Infrastrukturës dhe Energjisë: Mbi 1000 punonjës në terren, situata drejt normali...
•Votuesit do ti drejtohen sot kutive të votimit në Spanjë për të vendosur nëse do t'i japin kryeministrit socialist Pedro Sanchez një mandat të ri ose do të sjellin në pushtet dhe të djathtën ekstreme. •Qendrat e votimit hapen në orën 09:00 dhe do të mbyllet në orën 20:00. •Zgjedhjet e reja mund t’i sigurojnë të djathtës ekstreme një vend në qeveri për herë të parë që nga kthimi i vendit në demokraci pas vdekjes së Gjeneralit Franko para gati 50 viteve. •Sipas anketave, partia opozitare konservatore, Partia Popullore, pritet që të dalë e para, por pa e siguruar shumicën absolute. •Edhe pse kryetari i saj, Alberto Nunez Feijoo, doli fitues i debatit javën e kaluar me kryeministrin socialist, Pedro Sanchez, fushata e Partisë Popullore ka pasur ditë të dobëta në pjesën e fundit të fushatës.
3 artikuj për këtë temë.
SPANJË- Votuesit në Spanjë u bënë ballë të dielën temperaturave të larta të verës për të thënë fjalën e tyre në zgjedhjet e përgjithshme, rezultati i të cilave mund ta bëjë këtë vend, anëtarin më të fundit të Bashkimit Evropian që spostohet drejt së djathtës.
Ministria e Brendshme tha se pjesëmarrja deri pasdite ishte në nivelin 40%, 2.5% më shumë se në zgjedhjet e fundit në nëntor të vitit 2019. Kryeministri Pedro Sánchez kishte shpallur zgjedhjet e parakohshme pasi Partia e tij e Punëtorëve Socialistë Spanjolle dhe partneri i saj i së majtës ekstreme, Unidas Podemos, pësuan një goditje të fortë në zgjedhjet lokale dhe rajonale në maj.
Sanchez është kryeministër që nga viti 2018. Qendrat e votimit për 37 milionë votuesit mbyllen në orën 20:00. Rezultatet paraprake pritet të dalin deri në mesnatë.
Shumica e sondazheve ka parashikuar që Partia Popullore e krahut të djathtë, që fitoi në zgjedhjet e majit, do të ketë epërsi ndaj socialistëve, por ka të ngjarë që të ketë nevojë për mbështetjen e partisë të së djathtës së skajshme Vox për të formuar qeverinë.
Një koalicion i tillë, do të shënonte kthimin e një force të ekstremit të djathtë në qeverisje, për herë të parë që kur u vendos demokracia në vend në fund të viteve 1970, pas sundimit gati 40-vjeçar të diktatorit Francisco Franko.
Një qeveri e këtyre dy partive do të ishte vazhdim i prirjes drejt së djathtës së skajshme mes anëtarëve të BE, pas Suedisë, Finlandës dhe Italisë. Vende si Gjermania dhe Franca janë të shqetësuara tek efekti i një ndryshimi të tillë tek politikat e BE-së për imigracionin dhe klimën.
Marrë nga VOA
SPANJË- Kryeministri Pedro Sanchez ka mbërritur në një qendër votimi në Madrid për të votuar në zgjedhjet e parakohshme. Ai shoqërohej nga bashkëshortja e tij ndërsa, ka ndarë disa momente edhe me qytetarët të cilët ndodheshin aty, duke shkrepur disa foto.
SPANJË- Votuesit spanjollë do të shkojnë të dielën drejt vendvotimeve në një palë zgjedhje të përgjithshme që mund ta bëjnë Spanjën vendin më të fundit anëtar të Bashkimit Evropian që do të kalojë nga e djathta.
Kryeministri Pedro Sanchez ka thirrur zgjedhje të parakohshme, pasi Partia e Punëtorëve Socialistë Spanjollë dhe partneri i saj nga ekstremi i majtë, Unidas Podemos, u mposhtën në zgjedhjet lokale dhe rajonale në maj. Sanchez është kryeministër që nga viti 2018.
Shumica e anketave të opinionit për zgjedhjet e 23 korrikut e kanë vënë Partinë Popullore të krahut të djathtë, e cila ka fituar zgjedhjet në maj, para socialistëve të Sanchezit, por kanë parashikuar se asaj do t’i duhet mbështetja e partisë së ekstremit të djathtë, Vox, për të formuar një qeveri, raporton AP.
Një koalicion i tillë do të kthente një forcë të ekstremit të djathtë në qeverinë spanjolle për herë të parë që kur vendi kaloi në demokraci, në fundin e viteve ’70, pas sundimit gati 40-vjeçar të diktatorit Francisco Franco.
Kundërshtarë të tyre janë socialistët dhe një lëvizje e re, e quajtur Sumar, e cila ka bërë bashkë 15 parti të vogla majtiste për herë të parë. Teksa asnjë parti nuk pritet të fitojë një shumicë absolute, spanjollët praktikisht do të zgjedhin ndërmjet një tjetër koalicioni majtist dhe një partneriteti mes krahut të djathtë dhe ekstremit të djathtë.
Qeveria e Sanchezit e ka drejtuar Spanjën gjatë pandemisë së COVID-19 dhe është marrë me një rënie ekonomike të nxitur nga inflacioni dhe të përkeqësuar nga pushtimi i Ukrainës nga ana e Rusisë.
Por, varësia e tij nga partitë e ekstremit për të ruajtur koalicionin e tij pakicë, përfshirë forcat separatiste nga Katalonja dhe Baskia, dhe miratimi i disa ligjeve liberale mund t’i kushtojë me pozitë.
Të djathtët nuk e pëlqejnë fare Sanchezin, i cili, sipas tyre, e ka tradhtuar dhe e ka shkatërruar Spanjën. Ata duan t’u shfuqizojnë shumë prej ligjeve të tij, prej të cilave kanë përfituar miliona qytetarë dhe mijëra kompani.
Zgjedhjet po mbahen në kulmin e verës, teksa miliona votues do të jenë duke pushuar larg qendrave të tyre të votimit. Por, kërkesat për votim me postë janë rritur, ndërsa zyrtarët kanë parashikuar një pjesëmarrje prej rreth 70 për qind të personave më të drejtë vote.
Në vazhdën e valëve të të nxehtit gjatë korrikut, temperaturat mesatare pritet të jenë mbi 35 gradë celsius, dhe të shkojnë ndërmjet 5 dhe 10 gradë mbi normalen në shumë pjesë të vendit, të dielën.
Mbi 36 milionë votues në Spanjë do të mund t’i hedhin votat e tyre ndërmjet orës 9 të mëngjesit dhe 8 të mbrëmjes, ndërsa rezultatet pothuajse përfundimtare pritet të bëhen të ditura para mesnatës./REL
