Dita e 53-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdhi fundi!
“Nuk tërhiqemi"/ Sot dita e 53-të e revoltës kundër qeverisë, qytetarët të vendosur deri në...
“Nuk tërhiqemi"/ Sot dita e 53-të e revoltës kundër qeverisë, qytetarët të vendosur deri në...
Aksidenti i rëndë te rrotullimi i TEG-ut, humb jetën 1 person, plagoset një tjetër 22 Korrik, 16:59 A...
"Duhet të bëjmë gjithçka për suksesin e saj"/ Berisha: Protesta po firmos fundin e sundimtarit më të keq q&...
Stuhia 'mbërtheu' vendin, Ministria e Infrastrukturës dhe Energjisë: Mbi 1000 punonjës në terren, situata drejt normali...
• Ditën e sotme u mblodh fraksioni i Partisë Demokratike i Lulzim Bashës, ku u miratuan kandidaturat për kreun e ri. • Në këtë mbledhje u miratua gara mes Lulzim Bashës dhe Gjergj Hanit, e cila do të zhvillohet më 29 korrik. •Mbledhja nisi në orën 20:00. • Pjesë e mbledhjes ishin deputetët: Enkelejd Alibeaj, Roland Bejko, Indrit Sefa, Fitim Zekthi, Arbi Agalliu, Kreshnik Çollaku dhe Flutura Açka. • Në deklaratën e shpërndarë për mediat, Kryesia dënon veprimet e anëtarëve të Këshillit Kombëtar si edhe deputetët, të cilët bojkotuan mbledhjen e Këshillit Kombëtar, që i hapi rrugë këtij procesi. • Në deklaratë thuhet se qëndrimet bojkotuese dëmtojnë partinë. • Kryesia thotë se mosnjohja e institucioneve dhe akuzat nuk ndihmojnë në riorganizimin e partisë.
6 artikuj për këtë temë.
TIRANE- Kryesia e Partisë Demokratike ka miratuar dy kandidaturat për kreun e partisë, atë të Lulzim Bashës dhe Gjergj Hanit. Dy emrat janë miratuar sot si kandidatura në mbledhjen e Kryesisë së PD-së. Zgjedhjet për kreun e PD-së do të mbahen më 29 korrik. Kryesia e Partisë Demokratike kishte një mesazh edhe për ata që kanë bojkotuar, duke e vlerësuar si të papranueshëm qëndrimin bojkotues. Kryesia thotë se fton secilin prej tyre të vetëpërmbahet nga ngritja e pretendimeve të pabaza që dëmtojnë interesat e familjes politike.
Njoftimi
"Në mbështetje të nenit 45, pika 1 të Statutit të PDSh-së, dhe në zbatim të vendimeve të datave 6 qershor dhe 15 Qershor 2023, Kryesia e Partisë Demokratike të Shqipërisë, bazuar në relacionin e paraqitur nga Sekretariti Ekzekutiv, vendosi miratimin e kandidaturave për zgjedhjet për pozicionin e Kryetarit të Partisë Demokratike të Shqipërisë si vijon:
– Gjergj Tomor Hani
– Lulzim Xhelal Basha
Miratimi i kandidaturave për pozicionin e Kryetarit të Partisë Demokratike shënon një moment vendimtar për familjen tonë politike. Në prag të çeljes së garës, ne ftojmë çdo demokrat të jetë pjesë aktive e saj dhe e procesit të riorgnizimit, nëpërmjet të cilit do të ngrihemi në lartësinë e vlerave dhe aspiratave mbi të cilat Partia Demokratike u themelua në Dhjetor të vitit 1990, si forca e parë pro-perëndimore dhe si shpresa e shqiptarëve për ndryshim.
Gjithashtu, nisur nga zhvillimet e fundit brenda forcës sonë politike, Kryesia e Partisë Demokratike e vlerëson të papranueshëm qëndrimin bojkotues të disa prej anëtarëve të saj dhe fton secilin prej tyre të vetëpërmbahet nga ngritja e pretendimeve të pabaza që dëmtojnë interesat e familjes sonë politike.
Ne ftojmë çdo anëtar të Kryesisë së Partisë Demokratike të jetë pjesë e jetës institucionale dhe t’i japë zë çdo shqetësimi që mund të ketë brenda mandatit me të cilin është ngarkuar nga anëtarësia.
Mosnjohja e institucioneve, pretendimet mediatike të pabaza dhe akuzat e pamotivuara nuk ndihmojnë procesin e riorganizimit dhe shfokusojnë përpjekjet e përbashkëta për t’u dhënë demokratëve dhe shqiptarëve një opozitë të fortë dhe një alternativë qeverisëse të denjë për sfidat e Shqipërisë".
TIRANË- Mbrëmjen e sotme është mbledhur Kryesia e Partisë Demokratike së vulës. Pritet që ditën e sotme të diskutohet në lidhje me zgjedhjen e kreun e ri të partisë, proces që do të mbahet më 29 korrik.
Pjesë e mbledhjes janë: Enkelejd Alibeaj, Roland Bejko, Indrit Sefa, Fitim Zekthi, Arbi Agalliu, Kreshnik Çollaku dhe Flutura Açka.
Kandidaturat për postin e drejtuesit të PD janë Lulzim Basha dhe Gjergj Hani./Dosja.al
TIRANË- Deputeti i Partisë Demokratike, Bledjon Nallbati ka reaguar në lidhje me zhvillimet e fundit në PD-në e vulës, lidhur me zgjedhjet e reja për kryetar. Në një prononcim për mediat para Kuvendit, Nallbati theksoi se ky ishte një proces i zhvilluar nja zyrat, ilegjitim dhe i bazuar mbi përjashtime.
Sipas Nallbatit, partia ka nevojë për votues dhe anëtarë dhe jo e kundërta.
"Unë uroj dhe shpresoj që kjo paligjshmëri të ndalet dhe gjithsecili t'i thërrasë arsyet. Unë nuk kam as njoftim se dot mblidhet Kryesia. Po nuk do të marr pjesë. Kush e thotë që është deputet i këtij apo atij?! Kush e vendos këtë? Kjo parti ka nevojë për më shumë njerëz apo më pak. Unë jam kundër mënyrës sesi po zhvillohet procesi i zgjedhjeve. Të nisë nga poshtë-lartë. Të nisim nga themelet deri tek çatia. Nuk kam asnjë problem as me Bashën, e asnjë tjetër. Nuk duam që kjo parti të zvogëlohet. Do njohim si kryetar atë që do të dalë nga një proces i rregullt statutor,"- u shpreh Nallbati.
TIRANË- Deputeti i Partisë Demokratike, Ferdinand Xhaferraj ka komentuar situatën në Partinë Demokratike dhe rikandidimin e ish-kryedemokratit Lulzim Basha. Në një intervistë për Panorama, Xhaferraj tha se PD është futur në një rrugë qorre dhe jo për çështje të parimeve politike, por për afera personale dhe biznesi.
Xhaferraj theksoi se duhet lidership i ri, ndërsa Berisha të japë kontributin e tij në këtë parti.
"Është një rrugë qorre që nuk të dërgon asgjëkundi, na duhet rrugë që e nxjerre opozitën si alternativë kryesore. Basha kishte të gjitha në dorë, mos të bëjmë komente për atë që kërkon të bëjë Basha sepse unë nuk merrem me iniciativa që kërkojnë të bëjnë biznes, nuk është çështje politike, por biznesi. Kam qenë jam dhe do të mbetem tek ajo ekspoze që jam munduar të ekspozoj në çdo dalje. Grupi jonë u provua më 14 maj dhe në 7 mars që nuk ishte në gjendje të transformohej në alternativë.
Berisha performoi më mirë se grupi i vulës por nuk krijoi besimin që rrëzon Ramën, rruga që duhet ë ndjekim ka të bëjë me faktin se mund të luanim rolin e kontributit për të krijuar një mozaik të gjerë opozitar. Berisha të luante rol por jo në krye, edhe Basha të luante rol, por të krijohej lidership që thith energji të reja.
Këto nuk janë rrugë, janë rrugica qorre që nuk provojnë asgjë përveçse kënaqen e grupeve të vogla që PD i ngriti si figura të mëdha. Të gjithë duhet të shtyjnë në këtë drejtim për bashkimin e PD-së. Berisha duhet të ripozicionojë vetveten, në kuptimin e metaforës që kam përdor. Pa kontributin e tij përsëri nuk bëhet alternativë PD, por jo me të në krye. Basha e provoi 8 vite nuk e bëri, nuk është dramë e madhe që të bëhen pas mbrapa për ti krijuar opozitës mundësinë të bëjë hapin e madh për tu kthyer në alternativë sfiduese e pushtetit,"-tha Ferdinand Xhaferraj.
TIRANË- Deputeti demokrat Saimir Korreshi ka dalë hapur kundër procesit për zgjedhjen e kreut të ri të Partisë Demokratike. Gjatë fjalës së tij në Kuvend, Korreshi është shprehur se mund të ketë një mbledhje tjetër të Këshillit Kombëtar të PD-së, ndërkohë që ka ironizuar kandidimin e Lulzim Bashës për kreun e PD-së. Korreshi po ashtu u bëri thirrje kolegëve të partisë se ata duhet ta kenë të qartë se lufta në këtë parti nuk po bëhet për ta por për interesat e disave prej anëtarëve.
“I lumtë që ka plotësuar formularin Basha. Por mund të ketë një mbledhje të këshillit kombëtar rrugës. ne jemi shpallur një herë kulak para ’90, por nuk i dihet jemi duke verifikuar dhe parë sesi mund të behët një tjetër Këshilli Kombëtar. Të mbyllemi të mos hamë as bukë as ujë siç zgjidhet Papa. Ne do kërkojmë listën e anëtarëve të Këshillit Kombëtar që morën pjesë. Ka qenë një rreckë e grisur keq. Atllas i ri por i grisur shumë shpejt. Anëtarët e Këshillit kombëtar janë votuar nga demokratët mos të bëjnë farsë. Në shtëpi jemi përditë, ideja është se Demokratët ta kenë të qartë lufta s’po bëhet për ta, po për b*thën e tyre! Të mbash një vit karrigen dhe të bësh si i djegur për PD-në nuk e di kush e ka çuar te Meta dhe Berisha partinë”, tha Korreshi.
Deputeti i Partisë Demokratike Enkelejd Alibeaj ka folur këtë të enjte në lidhje me procesin zgjedhor që pritet të mbahet për zgjedhjen e kreut të ri të PD-së.
Nga ambientet e jashtme të Kuvendit, Alibeaj iu përgjigj akuzave të Gazmend Bardhit se Këshilli Kombëtar i PD-së nuk ka kuorumin e mjaftueshëm për t’u mbledhur.
Alibeaj pranoi se një pjesë e anëtarëve të Këshillit Kombëtar të PD-së janë larguar te LSI-ja, dhe tha se nga 453 anëtarë kanë mbetur 329. Pra numri i anëtarëve të Këshillit Kombëtar të PD-së të larguar sipas Alibeaj është 124.
Sipas tij, shifra prej 329 përmbush kuorumin e nevojshëm dhe Këshilli Kombëtar i PD-së është një organ që gëzon legjitimitet.
“Nuk ka qenë aspak një proces që i shërbente Lulzim Bashës. E mbani mend, kishte një vendim të Kryesisë një vit më parë me votat e të gjithë deputetëve, të cilët morën një vendim, në këtë seli të uzurpuar, që do të vazhdonim me këtë situatë pa bërë zgjedhje deri në përfundimin e zgjedhjeve lokale.
Zgjedhjet lokale kanë përfunduar dhe në respekt të atij vendimi duhet të kishin nisur një orë e më parë zgjedhjet në Partinë Demokratike. Mund të jenë dhe tre kandidatë. Ju duhet të besoni dokumentat, faktet dhe syrin e kamerave. Ju keni qenë në punimet e Këshillit Kombëtar, po, është e vërtetë që një pjesë e anëtarëve të Këshillit Kombëtar kanë zgjedhur të jenë në një strofull të majtë, te LSI-ja, gjatë zgjedhjeve; dhe numri i personave besnikë, anëtarë që i qëndruan PD-së në ditët më të vështira, është 329. Nëse e pjestojmë me dy dhe i shtojmë 1, del shumica”, tha Alibeaj.
