Zjarr në Urgjencën e re të QSUT, evakuohen pacientët, policia dhe ministria e Shëndetësisë: Situata nën kontroll

Foto ilustruese

TIRANË-Drejtoresha e QSUT-së, Albana Fico ka dhënë detaje në lidhje me zjarrin që ra në Urgjencën e QSUT-së. 

“Kjo ndërtesë ka elementë të lartë të sigurisë kjo bën që pacientët të jenë të sigurt. Ka qenë një defekt në një dhomë teknike e cila po vlerësohet dhe po monitorohet ndërkohë gjithë grupi teknik kanë nën kontroll cdo lloj elementi. Është një dëm i kufizuar vetëm, në një dhomë teknike dhe nuk ka prekur asgjë tjetër. 

Shërbimet kanë marrë masat e tyre, ne kemi paciente që për siguri më të lartë i kemi lëvizur brenda QSUT. Nuk ka ndryshim të parametrave të tyre. Janë në vijim të trajtimit të tyre. QSUT ka planin e vet të emergjencës, mbase nuk donim ta testonim sot, por ja qe u desh ta testonim”, tha Fico.

Foto ilustruese

TIRANA- Qendra Spitalore Universitare “Nënë Tereza” ka reaguar në lidhje me zjarrin e rënë në orët e para të mëngjesit të sotëm në katin -1 të urgjencës së re. Në reagim thuhet se situata është në monitorim të vazhdueshëm dhe pacientët janë të gjithë jashtë rrezikut për jetën. Sipas QSUNT-së, situata u vu nën kontroll në një kohë rekord dhe shkaqet e tymit po hetohen.

Reagim për Media nga QSUNT:

Në orët e para të mëngjesit të ditës së sotme në katin -1 të godinës së QSUT është raportuar tym. Menjëherë janë marrë masat për sigurimin e pacientëve të shtruar dhe situata u vu nën kontroll në një kohë rekord dhe shkaqet e tymit po hetohen. Situata është në monitorim të vazhdueshëm dhe pacientët janë të gjithë jashtë rrezikut për jetën, falë anagazhimit të personelit mjekesor dhe atij zjarrefikës. Çdo gjë është nën kontroll dhe gjendja paraqitet e qetë.

Foto ilustruese

TIRANA- Ministria e Shëndetësisë reagoi pas zjarri që regjistrua në urgjencën e re të QSUT-së në Tiranë, duke theksuar se situata është normalizuar. Në reagimin e ministrisë thuhet se situata është në monitorim të vazhdueshëm dhe pacientët janë të gjithë jashtë rrezikut për jetën. Po ashtu ministria thotë se çdo gjë është nën kontroll dhe se gjendja paraqitet e qetë.

“Në orët e para të mëngjesit të ditës së sotme në katin -1 të godinës së QSUT është raportuar tym. Menjëherë janë marrë masat për sigurimin e pacientëve të shtruar dhe situata u vu nën kontroll në një kohë rekord dhe shkaqet e tymit po hetohen. Situata është në monitorim të vazhdueshëm dhe pacientët janë të gjithë jashtë rrezikut për jetën, falë angazhimit të personelit mjekësor dhe atij zjarrfikës. Çdo gjë është nën kontroll dhe gjendja paraqitet e qetë”, shpjegon ministria e Shëndetësisë.

QSUT

TIRANA- Lidhur me zjarrin që u raportua mëngjesin e sotëm për në godinën e urgjencës së re të QSUT- së dyshohet se shkak është bërë një shkëndijë. Mësohet se zjarri ka rë katin e parë të godinës. Po ashtu mësohet se zjarri është fikur dhe si pasojë e tij nuk ka persona të dëmtuar. Më parë të sëmurët janë transportuar me ambulanca pranë spitalit të Sanatoriumit në Sauk. 

Njoftimi:

Tiranë/Informacion paraprak

Më datë 11.02.2024, rreth orës 05:30, në Rrugën e Dibrës, dyshohet se si pasojë e një shkëndije, ka rënë zjarr në katin -1, te urgjenca e re. Shërbimet e Policisë në bashkëpunim me forcat zjarrfikëse, menjëherë kanë bërë evakuimin e stafit mjekësor dhe pacientëve. Zjarri është fikur dhe si pasojë e tij nuk ka persona të dëmtuar. Grupi hetimor po punon për zbardhjen e rrethanave të ngjarjes.

Foto ilusruese

TIRANA- Mëngjesin e sotëm është raportuar për një vatër zjarri pranë ambienteve të urgjencës së re në QSUT. Në vendin e ngjarjes kanë shkuar forcat zjarrfikëse. Mësohet se të sëmurët po transportohen me ambulanca pranë spitalit të Sanatoriumit në Sauk. 

Ndërkohë nuk dihen ende rrethanat e rënies së zjarrit, por policia dhe grupi hetimor po punojnë për të zbardhur shkakun.