"Delirantë, injorantë dhe dështakë-zemërakë"/ Rama shpërthen ndaj protestuesve: "Paketa e Maleve" nuk tjetërson pronat
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
TIRANË– “Verifikuesit e fakteve hodhën poshtë pretendimet, por dëmi ishte bërë tashmë. A i mirëpriti me të vërtetë kryeministri i Shqipërisë “vetëm vizitorët etnikë” shqiptarë nga fqinjët e Ballkanit në vendin e tij kohët e fundit? A i ka ndaluar vërtet Greqia udhëtarët nga Maqedonia e Veriut me shumicë popullsie etnike shqiptare dhe rome?- kështu e ka nisur artikullin kushtuar Kryeministrit Rama dhe Maqedonisë, faqja e njohur Globalvoices.
Përgjigja për të dyja këto pyetje është “jo”.
Me rritjen e rasteve të koronavirusit në Maqedoninë e Veriut, ku sot me 26 qershor ka rihapur kufijtë, sezoni turistik në vendet fqinje u përdor për të manipuluar opinionin publik me dezinformata dhe për të shkaktuar nacionalizëm.
Ky pretendim jo i vërtetë dhe manipulues, i përhapur përmes mediave dhe rrjeteve sociale, është konfirmuar nga kontrollimi i fakteve të kryera nga “Mendimi Kritik Për Qytetarët”, i mbështetur nga Bashkimi Evropian, i njohur gjithashtu si projekti “Crithink”. Dëmi ishte bërë megjithatë dezinformimi acaroi qytetarët e Maqedonisë së Veriut, tashmë të shqetësuar për rritjen e rasteve të COVID-19 në fund të majit dhe gjysmën e parë të qershorit.
Vendimi i qeverisë në Shkup për të mbajtur kufijtë e mbyllur gjatë asaj kohe është përdorur nga propaganduesit populistë si një justifikim për ta paraqitur partinë në pushtet si jokompetente dhe të marrë vendime.
Këto përpjekje zakonisht janë bërë në kurriz të pakicave në vendin shumetnik.
Çfarë tha kryeministri shqiptar në të vërtetë!
Më 24 maj, kryeministri shqiptar, Edi Rama doli live në Facebook për të njoftuar hapjen e kufijve të vendit të tij më 1 qershor. Gjatë fjalës së tij, ai iu drejtua edhe shqiptarëve etnikë nga vendet fqinje, duke i këshilluar të bëjnë kujdes dhe të kenë vëmendjen e duhur ndaj COVID-19.
Ai tha se kufijtë do të hapen, por theksoi se plazhet do të jenë të mbyllura për një periudhë të gjatë, duke paralajmëruar vizitorët e huaj se mund të ketë një “valë të dytë” të pandemisë.
“Duke nisur nga e hëna e 1 qershorit, do të hapim kufijtë tokësorë me fqinjët. Për të gjithë shqiptarët, pavarësisht nëse kanë pasaporta të Shqipërisë, apo të Kosovës, Maqedonisë së Veriut apo Malit të Zi, ne do të vazhdojmë t’u bëjmë thirrje të gjithëve ju pa ndalim, pa përjashtim, të jeni vigjilent. Më 1 qershor do të hapen kufijtë, por jo plazhet.”- tha kryeministri i Shqipërisë.
Përtej kufirit në Republikën e Maqedonisë së Veriut , disa media në gjuhën maqedonase filluan të botojnë një përkthim të gabuar të deklaratës, duke krijuar një skandal të menjëhershëm. Në interpretimin e tyre, ai thoshte: Duke filluar nga e hëna, 1 qershor, ne do të hapim kufijtë tokësorë me fqinjët, përkatësisht për shqiptarët (etnikë) që jetojnë në Kosovë, Maqedoninë e Veriut ose Malin e Zi, por ne do të vazhdojmë t’u bëjmë thirrje të gjithëve që të jeni vigjilent.”- u shpreh presidenti shqiptar (siç e kanë shkruar ata – pasi Edi Rama është kryeministër, jo president).
Personazhet publikë etnikë shqiptarë në Maqedoninë e Veriut, të cilët flasin dy gjuhë, shqip dhe maqedonisht, shpejt paralajmëruan se disa media dhe politikanë po e përkthenin keq. Gazetari Petrit Saraçini theksoi se përkthimi i gabuar kishte ndryshuar pozicionin e shenjave të pikësimit, duke bërë që njoftimi për shqiptarët etnikë të jenë pjesë e fjalisë së mëparshme.
Përveç kësaj, partia e opozitës në Maqedoninë e Veriut VMRO-DMPNE doli menjëherë me një deklaratë duke keqinterpretuar Ramën dhe duke pretenduar se ai ftoi vetëm shqiptarët etnikë nga vendet fqinje në plazhet lokale, duke përjashtuar grupet e tjera etnike.
Nacionalistët maqedonas u përpoqën të përdornin deklaratën si “provë” të prapambetjes midis shqiptarëve, gjithashtu si “një humbje të re” dhe një “shuplakë në fytyrë” për qeverinë e RNM.
Përfaqësuesi i rangut të lartë të VMRO-DPMNE-së, deputeti Ilija Dimovski, shpërtheu me një deklaratë të fortë: Çmenduri drejtpërdrejt nga shekulli i 19-të dhe diskriminimin në baza etnike ndaj qytetarëve të Republikës së Maqedonisë.
Ministri i Jashtëm i Maqedonisë së Veriut, Nikolla Dimitrov, dhe qeveria u kundërpërgjigjën shpejt se ata nuk kishin marrë ndonjë informacion të tillë nga homologët në Shqipëri.
Por pak ditë më vonë ishte radha e Greqisë, pasi disa media të djathta në Maqedoninë e Veriut dezinformuan për regjimin kufitar të vendit fqinj.
Duke përdorur si “provë” një dokument të përpunuar që pretendohej se ishte nga ministria e Jashtme e Greqisë, ato thanë se Greqia do të ndalojë hyrjen e qytetarëve nga Maqedonia e Veriut nga komunat me shumicë popullsie myslimane (kryesisht komunitetet etnike shqiptare dhe rome, duke nënkuptuar se këto grupe duhet të fajësohen për përhapjen e koronavirusit).
Ministria e Punëve të Jashtme në Shkup e mohoi këtë përmes një postimi në Facebook, duke e quajtur “lajm të rremë”. CriThink vuri në dukje se ishte e pamundur për Greqinë të ndërmarrë kufizime të tilla udhëtimesh që kanë të bëjnë vetëm me qytetarët që jetojnë në territore të caktuara, pasi kjo do të ishte një shkelje e marrëveshjes ETIAS midis Maqedonisë së Veriut dhe Bashkimit Evropian.
Disa nga mediat në fjalë i fshinë këto artikuj, por pa përgënjeshtrim ose falje për lexuesit e tyre mbi informacionin e pasaktë që publikuan.
Pushimet në plazhet e huaja janë një opsion për vendet e Ballkanit që nuk kanë dalje në det. Kufizimet që pengojnë këtë të drejtë, siç janë bllokimet e lidhura me COVID-19, kanë qenë jashtëzakonisht jopopullore. Forcat populiste në rajon, veçanërisht partia qeverisëse serbe, kanë përdorur plazhin për qëllime politike.
Sipas të dhënave të OBSH-së të publikuar nga Universiteti Johns Hopkins, me shkrimin e këtij artikulli më 25 qershor, Shqipëria ka raportuar 2,114 raste me COVID-19, 47 vdekje, ndërsa Maqedonia e Veriut kishte 5,445 raste dhe 259 viktima. Greqia ka raportuar 3.310 persona të infektuar dhe 190 të vdekur deri më tani.
Burimi: globalvoices
A.C/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË -Kreu i Kuvendit, Gramoz Ruçi u takua ditën e sotme me kryenegociatorin e Shqipërisë me Bashkimin Europian, Zef Mazi. Ruçi i garantoi ...
TIRANË– Presidenti Ilir Meta në një konferencë për mediat, i ka dalë në mbrojtje homologut të Kosovës, Hashim Thaçit dhe ish-kryeparlamentarit, Kadr...
Më pas, është Grupi Qendror i Koordinimit që më 1 gusht 2020 dorëzon një listë dhe raport në Parti për kandidaturat. Në këtë moment, nis procedura e seleksionim...
TIRANË– Presidenti Ilir Meta ka njoftuar ditën e sotme se nisur nga e hëna pret një takim me kryeparlamentarin Gramoz Ruçi për të diskutuar lidhur m...
TIRANË- Presidenti Ilir Meta ka paralajmëruar një takim me kryeparlamentarin Gramoz Ruçi, për çështjen e emërimeve në Gjykatën Kushtetuese. N...
TIRANË- Partia Socialiste ka “ndezur motorët” për zgjedhjet e ardhshme që priten të zhvillohen më 2021. Kryetarja e Partisë Socialiste në Tiranë, Elisa Spi...
LUSHNJE– Kryeministri Edi Rama ka shkuar paraditen e sotme në Lushnje për të inspektuar nga afër rindërtimin e rezervuarit të Thanës dhe kanaleve të tij kryesor...
TIRANË– Deputeti i Kuvendit të Shqipërisë, Ralf Gjoni ka shpjeguar incidentin që ndodhi ditën e djeshme gjatë seancës plenare me deputetin Halit Valt...
TIRANË- Kreu i Partisë Demmokratike, Lulzim Basha është takuar me përfaqësuesit e konfindustrisë, ku u njoh më nga afër me shqetësimet e tyre. Në një posti...
TIRANË- Ambasadori i Bashkimit Europian, Luigi Soreca nëpërmjet një postimi në Twitter ka theksuar se duhet të vijojë zbatimi i Reformës Zgjedhore. Kryedip...
