Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Udhëheqësi i opozitës ruse Alexey Navalni është dërguar në një burg jashtë Moskës për të vuajtur dënimin, tha avokati i tij të enjten, një veprim që vjen pavarësisht një kërkese për lirimin e tij nga Gjykata Evropiane për të Drejtat e Njeriut.
Avokati i zotit Navalni, Vadim Kobzev nuk njoftoi menjëherë emrin e burgut ku u dërgua Navalni. Agjencitë ruse të lajmeve kanë njoftuar më parë se Navalni, i cili është mbajtur në një burg të sigurisë maksimale në Moskë, mund të dërgohej në një burg në Rusinë perëndimore.
Alexey Navalni, 44 vjeç, kundërshtari më i zëshëm i Presidentit rus Vladimir Putin, u arrestua më 17 janar kur po kthehej nga Gjermania, ku kaloi pesë muaj duke u rikuperuar nga një helmim me agjentë nervorë për të cilin ai e ka fajësuar Kremlinin. Autoritetet ruse e kanë hedhur poshtë akuzën dhe e kanë akuzuar zotin Navalni për bashkëpunim me agjencitë perëndimore të zbulimit, pretendime që ai i ka quajtur qesharake.
Në fillim të këtij muaji, Navalni u dënua me 2.5 vjet burg për shkeljen e dënimit me kusht, ndërsa po shërohej në Gjermani. Dënimi ishte pjesë e akuzave për përvetësim parash të ngritura në 2014 që Navalni i ka quajtur të sajuara, dhe Gjykata Evropiane e të Drejtave të Njeriut (ECHR) e ka quajtur të paligjshëm vendimin e gjykatës ruse për këtë çështje.
Arrestimi i Navalnit ka nxitur një valë protestash nga dhjetëra mijëra njerëz në të gjithë Rusinë. Autoritetet kanë arrestuar rreth 11,000 njerëz, shumë prej të cilëve u gjobitën ose u burgosën me nga shtatë deri në 15 ditë.
Zyrtarët rusë kanë hedhur poshtë kërkesat e Shteteve të Bashkuara dhe Bashkimit Evropian për të liruar Navalnin dhe për të ndalur shtypjen e mbështetësve të tij.
Moska gjithashtu hodhi poshtë vendimin e Gjykatës Evropiane për të Drejtat e Njeriut, e cila citonte rrezikun për jetën e Navalnit në burg në thirrjen e saj për lirimin e tij nga qeveria ruse. Kremlini e ka quajtur kërkesën e gjykatës evropiane një ndërhyrje të paligjshme dhe “të papranueshme” në punët e brendshme të Rusisë.
Më parë këtë javë, ministrat e jashtëm të BE-së ranë dakord të vendosnin sanksione të reja kundër zyrtarëve rusë të lidhur me burgimin e Navalnit.
Që nga arrestimi i Navalnit, zyrtarët rusë dhe mediat shtetërore të lajmeve janë përpjekur në mënyrë agresive ta diskreditojnë atë, një ndryshim nga taktika e mëparshme e injorimit të tij.
Disa nga kritikat kanë theksuar pikëpamjet anti-emigrantëve të shprehura vite më parë ndërsa popullariteti i tij po ngrihej.
Amnesty International këtë javë tërhoqi përcaktimin e Navalnit si “i burgosur i ndërgjegjes” për shkak të atyre pikëpamjeve. “Në të kaluarën, Navalni ka bërë komente, që mund të kishin arritur kufirin e mbështetjes së urrejtjes dhe që përbënin nxitje të diskriminimit, dhunës ose armiqësisë”, tha organizata të enjten.
Deklarata mohonte se vendimi ishte në përgjigje të presionit të jashtëm, por njoftimet e agjencive të lajmeve kanë sugjeruar se Amnesty International ishte objekt i një fushate të koordinuar për ta diskredituar atë.
“Këta nuk ishin aktivistë që vepruan në mënyrë të pavarur … ata ishin njerëz që dëshironin të shpifnin kundër Alexey Navalnit si kundërshtari më i shquar i zotit Putin”, tha Vladimir Ashurkov, drejtor ekzekutiv i organizatës anti-korrupsion të Navalnit, të enjten në një konferencë me gazetarët.
Amnesty International tha se heqja dorë nga emërtimi i të burgosurit të ndërgjegjes nuk e ndryshon kërkesën e saj për lirimin e Navalnit.
“Nuk duhet të ketë konfuzion: Asgjë që Navalni ka thënë në të kaluarën nuk e justifikon burgosjen e tij aktuale, që është thjesht e motivuar politikisht. Navalni është ndaluar në mënyrë arbitrare për ushtrimin e të drejtës së tij të lirisë së shprehjes, dhe për këtë arsye, ne vazhdojmë të bëjmë fushatë për lirimin e tij të menjëhershëm”, thuhet në deklaratën e organizatës për mbrojtjen e të drejtave të njeriut, Amnesty International.
Marre nga DW
(a.b)/dosja.al
1 vit nga zgjedhjet e 25 prillit si e shikoni gjendjen e vendit:
Gazetari Duriqi sipas policisë u sulmua në hyrje të banesës së tij. Ai u trajtua në spital, sepse i janë thyer dhëmbët dhe hunda nga pasojat e sulmit.“Në ...
Me premtimin për kthim gradual në normalitet tani që shumë vende kanë filluar fushatat e vaksinimit, po ndizet debate për pasaportat e vaksinimit. Ata që e mbës...
Një prokuror në Nju Jork ka marrë në dorëzim kopje të dokumenteve fiskale të ish-Presidentit Trump, pasi Gjykata e Lartë hodhi poshtë këtë javë përpjekjet e zot...
KOSOVË-Kryetari i PDK-së, Enver Hoxhaj, ka komentuar hartën që është shfaqur gjatë një interviste të të dërguarit të Bashkimit Evropian Miroslav Lajç...
Organizata Botërore e Shëndetësisë tha të enjten se një në 10 pacientë me COVID-19 përjetojnë probleme shëndetësore edhe 12 javë pasi kanë patur virusin dhe u b...
KOSOVË-Kryetari në detyrë i PDK-së, Enver Hoxhaj, ka komentuar fitoren e kreut të Lëvizjes Vetëvendoje, Albin Kurti.Sipas Gazeta Express Hoxhaj ka thënë se...
KOSOVË-Kreu i Aleancës për Ardhmërinë e Kosovës, Ramush Haradinaj ka reaguar pas sulmit ndaj gazetarit Visar Duriqi.Me anë të një postimi në Facebook, Hara...
KOSOVË-Ish-presidentja e Kosovës Atifete Jahjaga ka reaguar pas dënimit të një gruaje, e cila vrau të dashurin në vitin 2018.Me anë të një postimi në Faceb...
KOSOVË- Kompania e mishit “Meka”, që është një nga bizneset prodhuese në Kosovë, nuk ka arritur që të jetë e pranishme në tregjet rajonale, përveç S...
Bennet Nura, nga Kosova është vetëm 19 vjeç. Ai prej tre vitesh jetën në Holande, ku vazhdon studimet për shkenca kompjuterike.Emri i Bennetit do të mbah...
