Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË- Një grup aktorësh dhe regjisorësh e skënaristësh i janë drejtuar sot Presidentit Ilir Meta e kreut të PD, Lulzim Bashës që të mos pengojnë ndërtimin e teatrit të ri. Këta aktorë deklarojnë se ndërtimin e Teatrit të Ri e konsiderojnë të mbyllur me sukses në emër të interesit kombëtar dhe u bëjnë thirrje atyre që t’i lënë lojërat politike sepse pikërisht nga këto lojëra komuniteti i artistëve ka mbetur edhe sot pa Teatër.
Peticioni është publikuar së pari nga mediat e qeverisë e bëhet me dije se e kanë nënshkruar Robert Ndrenika, Luftar Paja, Viktor Zhusti, Artan Imami, Spiro Duni, Leka Bungo, Altin Basha, Arben Derhemi etj. “Me këtë peticion ne kërkojmë që politika e të gjitha anëve, të mos na bëjë as ne, as projektin e Teatrit të ri Kombëtar, pjesë të lojës apo çorbës së saj”, shkruajnë ata.
PETICIONI I PLOTË
Ne aktorët, regjisorët dhe përfaqësuesit e artit skenik shqiptar, detyrohemi sot të rimerremi me një debat të shterruar plotësisht, të cilin nga ana jonë e konsiderojmë të mbyllur me sukses në emër të interesit kombëtar dhe të interesit të komunitetit tonë! Me anë të këtij peticioni publik, nuk duam të flasim më për nevojën e lashtë që komuniteti ynë ka për një Teatër të ri Kombëtar, modern dhe bashkëkohor, i cili duhet të ndërtohet pa asnjë diskutim në truallin e kompleksit ekzistues, sepse ai truall ka qenë, është dhe duhet të mbetet trualli material e shpirtëror i komunitetit tonë në breza. Me këtë peticion ne kërkojmë që politika e të gjitha anëve, të mos na bëjë as ne, as projektin e Teatrit të ri Kombëtar, pjesë të lojës apo çorbës së saj. Ne Ju drejtohemi me kërkesën publike që të ndaloni menjëherë politizimin e mëtejshëm të kësaj çështjeje! Ne duam të ndajmë me Ju dhe publikun shqiptar, bindjen tonë se kushdo që do të përpiqet ta përdorë më tej emrin dhe skenën e Teatrit Kombëtar për teatro të natyrave të ndryshme, pa asnjë lidhje me teatrin tonë, nuk do as të mirën e kulturës shqiptare, as të mirën e Teatrit Kombëtar dhe as të mirën tonë jo dhe jo!
Ju lutemi na mirëkuptoni, por durimi ynë ka sosur dhe nuk përballojmë dot më as edhe një kokërr loti krokodili në mexhelis për teatrin tonë! 50 vjet në atë ndërtesë-karantinë dhe të harruar nga politika na dalin e na teprojnë! Ne dhe brezat e aktorëve e regjisorëve pas nesh meritojmë një Teatër dinjitoz, që të na shërbejë jo vetëm neve, por edhe publikut teatërdashës, që nuk mund të vazhdojë të ndjekë edhe për 50 vjet të tjera teatrin politik me Teatrin Kombëtar, në vend të shfaqjeve tona. Ndaj, të nderuar zotërinj, kërkojmë nga Ju të mos përziheni më me nevojën urgjente që ka komuniteti ynë për ndërtimin e Teatrit të ri Kombëtar! Sepse boll dekada janë djegur duke pritur që të merreni vesh Ju me njëri-tjetrin për zgjidhjen e këtij halli jetik për ne. Keni boll punë të tjera edhe më të mëdha, prandaj me konsideratën më të lartë, ne Ju kërkojmë të mos kërkoni tek Teatri Kombëtar as punë dhe as masha për këtë punë!
Kryeministri Rama le të merret me Armikun e Padukshëm, Lulzim Basha le të merret me Ramën, Presidenti Meta le të merret me Kushtetutën, ndërsa ne të mos merremi më nëpër këmbë me ose pa dashjen Tuaj! Sa për ata pak kolegë dhe “kolegë” që mendojnë se kanë marrë përsipër të mbrojnë godinën, shumicën e të cilëve nuk i njohim kush janë apo disa i kemi edhe miq (pavarësisht se nuk e gjejmë dot mbi çfarë karriere skenike kanë monopolizuar dhe devijuar totalisht kauzën tonë), ne kemi lutjen publike që të ndahen nga politikanët! Sepse Teatri Kombëtar nuk është “Astiri” dhe skena kombëtare nuk është “tokë e xanun”! Historia e Teatrit Kombëtar nuk shkruhet tek dera e godinës, po në qendër të skenës! Duke ju uruar suksese në punën Tuaj dhe shëndet në familjet Tuaja, urojmë që të mos e konsideroni këtë thirrje publike si një letër më shumë pa përgjigje.
Me respekt, Robert Ndrenika; Luftar Paja; Viktor Zhusti; Artan Imami; Spiro Duni; Leka Bungo; Altin Basha; Arben Derhemi; Pellumb Kulla; Arben Kumbaro; Marjana Kondi; Zamira Kita; Helidon Fino; Ema Andrea; Hervin Culi; Luli Hoxha; Laert Vasili; Salsano Rrapi; Gazmend Paja; Lulzim Zeqja; Genc Shkodrani; Gjergj Mena; Sonila Kapidani; Iliriana Basha; Marin Orhanasi; Bajram Dosti; Ledio Lako; Jonida Beqo; Josif Sina; Aleksander Grami; Eriola Kakeli; Erblin Bajko; Edvin Mustafa; Laejda Hajdari; Jorkë Brokaj; Jaho Guma; Roland Saro; Edmond Rrapi; Kozeta Kurti; Kristo Cala; Albana Perhati; Dervish Biba; Armela Demaj; Algiona Aga; Alex Seitaj; Genti Deçka; Donald Shehu; Klesta Shero; Roerd Toçe; Amri Hasanlliu; Andon Koço; Laid Ymeri; Besart Cani; Afrim Agalliu; Artan Islami; Margent Caushi; Agron Hamo; Artur Dhamo.
Por pas publikimit të këtij peticioni ka ardhur një reagim nga një prej firmëtarëve, e cila shprehet se nuk është në dije të këtij peticioni. Kozeta Kurti shprehet se nuk ka hedhur firmë dhe mendimin e saj e ka dhënë që në vitin 2018.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
BRAZIL– Një video e një biznesmeni brazilian po bënë xhiron e rrjetit pasi gjatë kohës që ishte në dush kishte harruar hapur kamerën e kompjuterit. Ndërkohë në ...
TIRANË– Duke qënë se në këtë periudhë pandemie e vetmja gjë që mund të bëjnë njerëzit është të shikojnë televizon ose të merren me rrjetet sociale- te kjo ...
TIRANË– Aktorja shqiptare Olta Gixhari do të bëhet nënë për herë të parë. E karantinuar në Spanjë bukuroshja shqiptare duket se po shijon ditët më të lumtu...
TIRANË– Alba Çobaj, ish-banorja e ‘Big Brother 8’ ka surprizuar të gjithë me lajmin e shtatzënisë. Vetëm pak kohë më parë ajo është shkëputur nga ek...
TIRANË– Aktori i njohur i humorit Florjan Binaj ka reaguar ashpër për vendimin e Bashkisë së Tiranës për shembjen e Teatrit Kombëtar. Binaj thotë se Teat...
TIRANË– Moderatorja e njohur shqiptare Luana Vjollca duket se e ka shfrytëzuar për projekte të suksesshme kohën e karantinës. Emri i saj po bëhet goxha i ...
KOSOVË– Ditën e sotme Renee, vajza e këngëtres së njohur Nora Istrefi dhe këngëtarit Robert Berisha ka ditëlindjen. Në ditën më të veçantë të Renee...
TIRANË– Këngëtarja Albërije Hadërgjonaj ka reaguar ashpër ndaj ministres Elisa Spiropali, e cila një ditë më parë gjatë seancës plenare në Kuvend i quajti ...
TIRANË- Gazetarja Sonila Meço njofton se është gjobitur me 10 milionë lekë të vjetra masë administrative, nga Inspektoriati Shtetëror Shëndetësor, p...
Farah Dhukai, blogerja e njohur që tregon truke dhe mënyra sesi vajzat të bëjnë më lehtë Make-up ndryshe nga ditët e tjera, ditën e sotme ka publikuar një vid...
