Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Presidenti Ilir Meta ka dhënë një intervistë për Televizionin shtetëror të Estonisë ku foli për krizën politike në Shqipëri dhe për hapjen e negociatave me Bashkimin Europian.
I pyetur në lidhje me marrëdhënien me kryeministrin Edi Rama, Meta tha se kryeministri shqiptar ka probleme me demokracinë dhe me zgjedhjet e lira, por që marrëdhëniet mes tyre janë të mira.
Përsa i përket vendimit të Bundestangut, Presidenti u shpreh se ishte shumë i drejtë.
Intervista e plotë e Presidentit Meta për Televizionin shtetëror të Estonisë: Negociatat me BE, Holanda dhe Franca të ndjekin shembullin e Gjermanisë
Gazetari: Mirë se vini në programin tonë, Zoti President Meta!
Presidenti Meta: Ju faleminderit për ftesën!
Gazetari: Ju tani nuk keni një Gjykatë Kushtetuese funksionuese në vendin tuaj apo jo?
Presidenti Meta: Ky është një tjetër problem, por shpresojmë që në muajt e ardhshëm do ta kemi Gjykatën Kushtetuese dhe që ajo do të marrë vendimet e duhura e të drejta.
Gazetari: Ka një ngërç mes Parlamentit të Shqipërisë dhe Institucionit të Presidentit. Ju duhet të emëroni gjyqtarët për në Gjykatën Kushtetuese dhe duket sikur kjo gjë është tepër e vështirë. Si mendoni ta tejkaloni këtë ngërç?
Presidenti Meta: Ky është një ngërç i kanalizuar gjatë zbatimit të reformës në drejtësi, që u votua në mënyrë unanime tre vjet më parë, kur unë isha Kryetar i Parlamentit dhe kur ne ia dolëm mbanë të arrinim një konsensus me të gjitha partitë parlamentare. Por gjatë zbatimit të reformës në drejtësi përjetuam disa probleme, por shpresoj që së shpejti do t’ia dalim mbanë për të pasur një Gjykatë Kushtetuese funksionuese.
Gjithashtu, edhe për ta çuar reformën gjyqësore përpara në drejtimin e duhur.
Gazetari: Gjithsesi, kur shikoj zgjedhjet vendore, të cilat u sunduan nga një parti e vetme, ku votuesit nuk kishin ndonjë zgjedhje, kur kam parasysh faktin se ju nuk keni një Gjykatë Kushtetuese funksionuese, çfarë tregojnë të gjitha për shëndetin e demokracisë në Shqipëri?
Presidenti Meta: Nuk është se po kalojmë çastet më të shkëlqyera të demokracisë në Shqipëri.
Gazetari: Po me Kryeministrin e Shqipërisë, Edi Rama si po ia kaloni? A merreni vesh mirë me të?
Presidenti Meta: Me të jam në rregull dhe nuk kam probleme. Nganjëherë ai ka vështirësi për të bashkëjetuar në harmoni me demokracinë, me pluralizimin politik dhe me zgjedhjet e lira e të ndershme, por këto janë themelet për një vend demokratik dhe europian.
Gazetari: Vetëm disa muaj më parë ai tha se Shqipëria nuk është gati të anëtarësohet në Bashkimin Europian, sepse institucionet e saj politike nuk janë edhe aq fort të zhvilluara në të tashmen?
Presidenti Meta: Kjo është arsyeja më e mirë që ai duhet të përpiqet edhe më shumë për të ndihmuar vendin, për të rivendosur rendin kushtetues dhe demokratik.
Gazetari: Javën e ardhshme ju shpresoni që të merrni një ftesë për të filluar bisedimet e anëtarësimit. Kam një ndjesi se Bashkimi Europian është paksa i lodhur nga krizat e veta të brendshme. E pse i duhet që të importojë një krizë si ajo që po përjeton vendi juaj me demokracinë?
Presidenti Meta: Edhe kriza jonë, ajo së cilës ju i referoheni, kjo e demokracisë në Shqipëri, po e pasqyron këtë krizë të brendshme të Bashkimit Europian, sepse ata mund të jenë më tepër ndihmues për ta shmangur këtë situatë krize. Ata mund të jenë më shumë të paanshëm dhe më të përkushtuar për të mundësuar dialogun politik mes të dyja palëve. Sidoqoftë, pse Bashkimi Europian duhet t’i mbajë dyert e saj hapur për zgjerimin përkundrejt Shqipërisë? Sepse Ballkani është shumë jetësor për qëndrueshmërinë, sigurinë dhe të ardhmen e Bashkimit Europian. Dhe mbajtja hapur e dyerve të zgjerimit për Shqipërinë, për Maqedoninë e Veriut, e cila e meriton plotësisht si dhe për vendet e tjera, që shpresojnë të vazhdojnë në këtë rrugëtim, mendoj se ky do të ishte një investim për qëndrueshmërinë dhe sigurinë e këtij rajoni, që ka qenë dhe do të jetë shumë jetësor për qëndrueshmërinë e mbarë kontinentit.
Gazetari: Ka disa vende tepër skeptike: Holanda, Francë, madje edhe Greqia, që nuk janë edhe aq shumë entuziaste për të nisur bisedimet e anëtarësimit me vendin tuaj. Si e mund t’i bindni këto vende?
Presidenti Meta: Do të sugjeroja që këto vende duhet të ndjekin shembullin e Gjermanisë, nëse ende do të kenë një dozë skepticizmi apo rezerva për çështje të caktuara. Mendoj se Bundestagu mori një vendim tepër të drejtë dhe të arsyeshëm për t’i thënë “Po!” hapjes së negociatave të anëtarësimit me Shqipërinë, por gjithashtu duke pasur një udhërrëfyes të qartë se si do të vazhdojë më tej ky proces.
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Bashkimi Europian rithekson nevojën që të gjithë aktorët politikë në Shqipëri të kontribuojnë përmes dialogut për Reformën Zgjedhore. Në një pronon...
KOSOVË- Albin Kurti dha një intervistë për gazetarin Muhamed Veliu për Open në Top Channel. Në intervistë Kurti ka treguar se çfarë do të ndodh nëse...
SHKODËR- Ambasadori gjerman në Shqipëri Petet Zingraf ka deklaruar sot nga Shkodra se vendi i tij i ka thënë “Po” Shqipërisë.Gjatë një vizite në impiantin ...
Shkodër- Ditën e sotme u mblodh Këshilli i Bashkiak i Shkodrës, ku u zgjodh si kryetar Hilmi Lakti. Ndonëse në zgjedhje kanë marrë pjesë të gjithë kryetarët e b...
TIRANË– Kryedemokrati Lulzim Basha ka shprehur angazhimin e opozitës së bashkuar për tejkalimin e krizës në vend në mënyrë që Shqipëria të mos penalizohet ...
TIRANË- Zëdhënësja e Partisë Demokratike, Ina Zhupa, ka kërkuar shkarkimin nga detyra të Denada Seferit, drejtoreshë e Programeve të Zhvillimit për Shëndet...
TIRANË- Për të dytën herë radhazi, kryeministri Edi Rama, njëherazi kryetar i Partisë Socialiste ka mbledhur pasditen e djeshme koordinatorët e qarkut Shko...
TIRANË- Ministri në detyrë për Evropën dhe Punët e Jashmte, Gent Cakaj ka zhvilluar sot një takim me homologun e tij austriak, ku kanë dhënë dhe një konfer...
Tiranë- Ish- deputetja Grida Duma, e ftuar në emisionin “369 gradë” në Ora News deklaroi se “në Parlament nuk bëhet me politikë por vetëm batuta”.Menjëherë ka r...
TIRANË- Dy ditë pas zgjedhjeve në Kosovë, Astrit Patozi, kreu i Bindjes Demorkatike, ka publikuar një shënim në Facebook, ku shkruan se fajin në vendin ton...
