Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË- Dy ditë pas zgjedhjeve në Kosovë, Astrit Patozi, kreu i Bindjes Demorkatike, ka publikuar një shënim në Facebook, ku shkruan se fajin në vendin tonë e ka sistemi.
Patozi shkruan se ajo që u bë në Kosovë nuk ishte vetëm një rotacion, por ishte një ndryshim. Shqiptarët e Kosovës, thotë ai, vendosën të qeverisen prej atyre që ditën të ndryshojnë edhe duke qenë në opozitë.
“It’s the system, stupid! Është thjesht sistemi i gabuar politik, i cili në Shqipëri praktikisht i ka dhënë të gjitha provat se ka falimentuar. Ndërkohë që, jo vetëm mbrëmë, nga Prishtina ke pasur mundësi të shohësh, se si modeli i duhur funksion dhe prodhon demokraci e maturi politike për t’u marrë shembull”, shton më tej ai.
SHKRIMI I PLOTË
Kosova zgjodhi dje qartësisht ndryshimin, më shumë se sa rotacionin politik. Sepse nuk votoi thjesht opozitën, por mbi të gjitha shpresën se dikush tjetër mund të jetë më i mirë se qeveria. Ndryshimi dhe rotacioni janë dy gjëra të ndryshme, të cilat jo gjithmonë mund të shkojnë bashkë me njëra-tjetrën.
Shqiptarët e Kosovës vendosën dje të qeverisen prej atyre që ditën të ndryshojnë edhe duke qenë në opozitë. Në përmbajtje dhe në formë dhe kjo ka ndodhur me të dyja partitë fituese. Ndaj edhe jo rastësisht ato u shpërblyen.
Kjo vlen të kuptohet prej të gjithë atyre që mendojnë se për të fituar mjafton të jesh e keqja më e vogël dhe thjesht ke nevojë për durimin e caktuar në pritje të radhës.
Që do të thotë se për të mundur patjetër qeverinë duhet të përgatitesh për të sjellë ndryshimin dhe jo thjesht rotacionin. Sepse nuk është aspak çudi që, duke pritur që ajo të rrëzohet vetë, të mos arrish as njërën nga të dyja.
Në fakt, jemi e njëjta racë dhe i njëjti popull. Me të njëjtat virtyte dhe vese, me të njëjtën ADN dhe predispozitë genetike, dhe natyrisht me të njëjtët heronj dhe tradhtarë. Madje po të krahasoheshim me një familje, Kosova do të kishte qenë vëllai i vogël dhe më i përvuajturi nga fati historik. Prej të cilit me të drejtë do të kërkohej dhe pritej që gjithmonë ta mbante kokën e kthyer nga shteti amë për t’u orientuar drejt.
Por sot na bën të ndjehemi të turpëruar, kur shikojmë se me çfarë qetësie dhe pjekurie përjetohen dhe kapërcehen zgjedhjet në anën tjetër të kufirit, që ndan shqiptarët me njëri-tjetrin. Ndërkohë, që në këtë nahinë tonë ne nuk biem dakord as të përcaktojmë rregullat për të hyrë në garë, se për rezultatin nuk bëhet fjalë fare të merremi vesh.
Dhe pyetja është se kush e bën diferencën. Mos u lodhni kot të gjeni arsye të mëdha gjeopolitike dhe as ndonjë mallkim të lashtë perëndish, që na ka veçuar, jo vetëm nga Europa, ku duam të shkojmë, por edhe prej Kosovës sonë.
It’s the system, stupid! Është thjesht sistemi i gabuar politik, i cili në Shqipëri praktikisht i ka dhënë të gjitha provat se ka falimentuar. Ndërkohë që, jo vetëm mbrëmë, nga Prishtina ke pasur mundësi të shohësh, se si modeli i duhur funksion dhe prodhon demokraci e maturi politike për t’u marrë shembull.
Ndaj edhe jemi katandisur në një shtet gjysmagjel, ku nga njëra anë, qeveria nuk po di çfarë të bëjë me një mbipushtet, që i ka mbetur në dorë, dhe nga ana tjetër, opozita e vetëpërjashtuar, që nuk po di si të rikthehet aty ku e ka vendin.
Dhe megjithë këtë krizë të pashembullt, që po gërryen çdo ditë shoqërinë, nuk shihet ende asnjë shenje serioze se mund të ketë ndonjë reflektim. Ndaj edhe sot të gjithë flasin me krenari për Kosovën, duke treguar me gisht kundërshtarin e vet në Tiranë, të cilit i faturojnë me lehtësi të admirueshme shkaqet dhe përgjegjësitë e kësaj ngecjeje spektakolare.
Kjo është arsyeja se përse sot në Shqipëri nuk ka nevojë të lodhesh shumë për ta kërkuar Albin Kurtin. Sepse atë e gjen menjëherë, jo vetëm në të gjitha partititë tona politike, por edhe në kioskat e vogla të lagjeve periferike, ku konsumohet raki me qofte. Puna është se është e pamundur t’i gjesh, edhe po t’i kërkosh me qiri, Kadri Veselin dhe Ramush Hajredinajn, sepse ata nuk ekzistojnë.
Sepse në këtë vend është më e lehtë të humbasësh gjithmonë, sesa ta pranosh humbjen qoftë edhe vetëm një herë.
Astrit Patozi shkruan se fajin e ka sistemi, por vet është pjesë e një sistemi dhe pak ditë më parë qeveria shqiptare i ka dhënë ambiente për përdorim partisë “Bindja Demokratike” e drejtuar nga Astrit Patozi. Vendimi është marrë në mbledhjen e qeverisë të datës 25 shtator 2019 dhe është botuar në Fletoren Zyrtare më 27 shtator.
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Gazetari Arion Sulo mbrëmjen e djeshme ka bërë një deklaratë të fortë, duke bërë dy parashikime, një për moshapjen e negociatave dhe një për largim...
Tiranë- Grida Duma, ish-deputetja e PD-së ka deklaruar se opozita duhet të ketë një fjalor më goditës, shumë të qartë dhe më të shkurtër.Në emisionin “360 Gradë...
Tiranë- Kryeministri Edi Rama uroi këtë hënë Albin Kurti dhe Vetëvendosjen për fitoren, ndërsa mes dy liderëve duket se marrëdhëniet mes tyre nuk janë fort të ...
TIRANË– Diplomati Lisen Bashkurti deklaroi se kryeministri i vetëshpallur i Kosovës Albin Kurti në fjalimin e tij i shtriu dorën për bashkëpunim Lidh...
TIRANË– Ambasada Amerikane në Tiranë ka reguar në lidhje me Reformën në Drejtësi. Në një status në rrjetet social, amerikanja e konsideron këtë reform si n...
TIRANË– Pavarësisht kushteve të vendosura, Gjermania e shikon pozitivisht ecurinë e Shqipërisë drejt hapjes së bisedimeve për anëtarësimin në BE. Ng...
TIRANË– Kryetarja e Lëvizjes Socialiste për Integrim, Monika Kryemadhi ka folur së fundmi rreth situatës politike dhe aktuale në vend. Në një intervistë pë...
TIRANË– Kryeministri Edi Rama ka mbledhur koordinatorët dhe deputetët e qarkut Shkodër Mbledhja u zhvillua në selinë rozë, ku burime për Dosja.al bëjnë me ...
Analisti Baton Haxhiu këshillon kryeministrin e ardhshëm të Kosovës, Albin Kurti, që t’i kërkojë falje kryeministrit shqiptar Edi Rama, për linçimin publ...
PARIS- Ka nisur në parlamentin francez interpelanca 2 orëshe e cila ka në fokus debatin për azilkërkuesit në Francë. Kryeministri i Francës, Edouard Philippe ë...
