Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Në krahasim me vitet e tjera, kur dyqanet në tregjet e hapura të Tiranës në fillim të sezonit veror janë të mbushura me produkte plazhi, këtë vit – të ndikuar nga pandemia e COVID-19, numri i tyre është reduktuar ndjeshëm dhe mund të numërohet me gishtat e njërës dorë. Sezoni i sivjetshëm turistik në Shqipëri pritet të mbështetet kryesisht në kërkesën vendase, ndërkohe që ardhja e turistëve nga jashtë varet akoma nga hapja e ndërsjellët e kufijve midis shteteve dhe rifillimi i fluturimeve ajrore.
Në tregun e madh të Tiranës, ku gjithnjë në fund të muajit maj kishte një dyndje të klientëve që blinin produkte të plazhit si shezlongë, çadra, kamerdare, peshqirë, topa dhe frigoriferë portativ, këtë vit shumë pak tregtarë i shesin këto produkte. Ndërkohë, në të ashtuquajturin tregu Çam, pranë rrugës Myslym Shyri në qendër të Tiranës, vetëm dy dyqane kishin nxjerrë të enjten disa produkte të plazhit për shitje.
Një prej tregtarëve, Blerim Rrënjollari, i tha BIRN se në hapje të këtij sezoni turistik të pazakontë nuk ka pasur fare kërkesë për këto produkte. “Nuk flitet për rënie apo përgjysmim kërkese….këtë vit nuk ka pasur fare blerje për produktet e plazhit,” tha Rrënjollari. “Ndërkohë që në vitet e tjera do kishte filluar normalisht blerja në këtë periudhë,” theksoi ai.
Ai pranon se njerëzit janë të trembur dhe nuk ndihen të sigurt të shkojnë me pushime sivjet, kjo për shkak të pandemisë, frikë që sipas tij që ka ndikuar edhe në rënien e blerjeve. Më 2 maj, Ministria e Turizmit në bashkëpunim me Ministrinë e Shëndetësisë publikoi draft- protokollin e masave anti-COVID-19 për sezonin turistik 2020, dokument ky që i është shpërndarë operatorëve të turizmit.
Sipas këtij protokolli, çdo hotel në territorin shqiptar do të ketë një koordinator ‘anti-COVID’ që do të jetë përgjegjës për menaxhimin e kontrolleve shëndetësore të pushuesve në hotel, ndërsa plazhet do të kenë rojen bregdetare që do të jetë përgjegjës për ruajtjen e distancave prej 3.5 m nga çadra në çadër, si edhe distancën e caktuar ndërmjet pushuesve, si në rërë ashtu edhe në ujë.
Edhe pse zyrtarisht sezoni turistik këtë vit nuk është hapur akoma, Agjencia Kombëtare e Turizmit thotë se janë marrë masat e distancimit fizik për subjektet akomoduese. Rënia e kërkesës për produkte plazhit lidhet direkt me pasigurinë e pushuesve vendas dhe të huaj për sezonin veror turistik. Pjesa më e madhe e agjencive të udhëtimit në Tiranë akoma nuk kanë rifilluar aktivitetin e tyre, ndërsa edhe ato të pakta që hapur dyert ndjehen të pasigurta për sezonin turistik që po afron, për shkak të situatës kaotike.
Shumë prej dyqaneve që kanë qenë agjenci udhëtimi tashmë kane nxjerrë lajmërime se jepen me qira, pasi sektori i turizmit është ai që ka marrë dhe goditjen më të madhe nga kufizimet e imponuara nga pandemia e COVID-19. Një pjestare e stafit të agjencisë së udhëtimeve “Amara”, pranë rrugës së Durrësit, u shpreh se këtë vit ata ndodhen në një pozicion të vështirë si asnjëherë tjetër.
“Prenotime të reja nuk ka fare…të vetmit që interesohen janë turistë nga Kosova, të cilët marrin në telefon për të pyetur nëse do t’iu lejohet këtë verë që të vijnë të pushojnë në plazhet tona. Ndërkohë ne si agjenci nuk iu japim dot një përgjigje pasi akoma nuk ka dalë një vendim zyrtar për lëvizjen e lirë”, u shpreh agjentja e udhëtimit nga “Amara Travel”. “Ne kemi një hotel tonin në Golem, ku dërgojmë klientët tanë. Por aktualisht nuk kemi rezervime për shkak të situatës së pasigurt,” tha ajo, ndërsa shtoi se as pushuesit vendas këtë vit “nuk kanë shprehur interes në lidhje me pushimet e tyre.”
Në tregun Çam, pak më tutje dyqanit të Rrënjollarit, një tjetër çift tregtarësh, të cilët shesin produkte të ndryshme plazhi, shkolle, e shtëpiake , shprehen se kërkesa për produktet e plazhit ka qenë afër zeros. “Asnjë shitje, fare, zero…zero shitje për produktet e plazhit…ja aty kanë ngelur,” tregon tregtari duke bërë me gisht nga kamerdaret të modelit ‘flamingo rozë’ që janë rreshtuar në trotuar, të cilat askush nuk i blen, ndërsa para një viti kishte kërkesë të lartë. “Klientët vijnë, pyesin, marrin çmimin dhe ikin e nuk kthehen më për t’i blerë,” thotë ai.
Çmimet e kamerdareve që kanë dalë në treg këtë variojnë nga 1000 lekë deri 2000 lekë të reja, çmime të arsyeshme por që gjithsesi nuk kanë ndikuar në shitjet e produkteve pasi klientët tashmë kanë problematika të tjera për të zgjidhur. Sipas tregtarëve, vështirësitë ekonomike që ka shkaktuar kriza COVID-19, kanë ndikuar ndjeshëm në uljen e fuqisë blerëse të qytetarëve, të cilët i kanë reduktuar ndjeshëm shpenzimet për argëtim dhe pushime.
“Jo vetëm kërkesa për produktet e plazhit ka rënë, por në përgjithësi për të gjitha produktet që ne tregojmë nuk ka pasur xhiro këto kohë”, përfundoi tregtari në tregun Çam.
(Marrë nga Reporter.al)
1 vit nga zgjedhjet e 25 prillit si e shikoni gjendjen e vendit:
BERAT– Policia e Shtetit ka shpallur në kërkim, drejtorin e Burgut të Beratit, Hiqmet Këlliçi pasi akuzohet për favorizimin e të dënuarve për liri me kus...
TIRANË- Policia ka arrestuar një të ri i cili ka tentuar që të gëlltisë një qese me hashash që ka pasur me vete. Kur policia i bëri shenjë një automjeti pë...
FIER– Zbardhet dëshmia e të resë në Fier, e cila u shantazhua dhe u abuzua seksualisht nga i dashuri dhe shoku i tij. E reja ka treguar, se ngjarja e rënd...
TIRANË- Një aksident i rëndë ka ndodhur pak ditë më parë në Tiranë. Sipas informacioneve mësohet se afër vendit të quajtur rrethorrotullimi i TEG-ut, një m...
TIRANË- Ministrja e Financave, Anila Denaj, ka folur sot për pasojat e pandemisë në ekonomi dhe u shpreh se punëtorët duhet të tregohen fleksibël dhe të zg...
Ajo s’ka mbushur ende 14 vjeç. E ka lënë shkollën që në klasën e pestë. Është e komunitetit rom. Por, gjithçka ka kaluar është përtej imagjin...
TIRANË- Aktori Neritan Liçaj, ka folur pas takimit me Lulzim Bashën është shprehur se teatri nuk mund të shkatërrohet nga uzurpatorët e popullit.Në ...
GREQI– Prej më shumë se 1 viti, në Greqi po zhvillohet gjyqi për vrasjen e studentes Eleni Topaloudi, ku dy të pandehurit janë shqiptari Aleksandër Luca d...
KORÇË– Një 8-vjeçar është mbytur në një liqen në ‘Parkun Japonez’ të Korçës. Mësohet se ai kishte shkuar që të luante bashkë me fëmijë...
TIRANË- Regjisori Edmond Budina u bëri thirrje të gjithë qytetarëve që të ngrihen dhe të mbrojnë Teatrin Kombëtar, ndërsa bëri me dije se artistët do të je...
