Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
. Dy partitë më të mëdha opozitare, Partia Demokratike e Kosovës (PDK) dhe Lidhja Demokratike e Kosovës (LDK), me të cilat kryeministri i Kosovës, Albin Kurti, zhvilloi bisedime për çështjen e presidentit, thonë se tashmë kjo çështje është e mbyllur, s'ka marrëveshje me liderin e partisë fituese, Vetëvendosja, Albin Kurti.
Një javë para përfundimit të afatit kur parlamenti duhet ta zgjedhë presidentin e vendit, Kosova duket se po shkon drejt zgjedhjeve të reja të jashtëzakonshme. Dy partitë më të mëdha opozitare, Partia Demokratike e Kosovës (PDK) dhe Lidhja Demokratike e Kosovës (LDK), me të cilat kryeministri i Kosovës, Albin Kurti, zhvilloi bisedime për çështjen e presidentit, thonë se tashmë kjo çështje është e mbyllur, s'ka marrëveshje me liderin e partisë fituese, Vetëvendosja, Albin Kurti.
Kryeministri të hënën, më 20.04, pas dështimit të një ujdie me kreun e LDK-së, Lumir Abdixhiku, tha se kreu i LDK-së ka refuzuar të gjitha ofertat që ia ka bërë, duke shpalosur kështu për herë të parë publikisht se çka i ka ofruar LDK-së.
Oferta për LDK-në
"Ne ofruam që LDK-ja në bashkëqeverisje me Lëvizjen Vetëvendosje dhe partnerët tjerë ta ketë zëvendëskryeministrin, Ministrinë e Punëve të Jashtme dhe tri ministri të tjera. Kam preferuar që zëvendëskryeministër i imi të bëhet Abdixhiku dhe të fillojmë një kapitull të ri”, deklaroi Kurti, duke shtuar se LDK-së i ofroi edhe postin e kryetarit të Kuvendit të Kosovës, por ata refuzuan.
Pas refuzimit nga ana e LDK-së, sipas Kurtit, Kosova po shkon drejt zgjedhjeve, të cilat ai i ka quajtur të panevojshme.
"Në këtë mënyrë Kosova po shkon drejt zgjedhjeve të reja, të panevojshme, që i humbin kohë shtetit dhe buxhetit të Kosovës mjete. Së paku 10 milionë euro kushtojnë zgjedhjet e reja dhe nuk do të sjellin zgjidhje sepse nuk do ta kemi numrin prej 80 deputetëve për ta bërë kuorumin. Është dashur të përpiqemi më shumë dhe nuk është dashur të refuzohet oferta jonë për qeverisje”, deklaroi Kurti.
Kryetari i LDK-së, Lumir Abdixhiku, nga ana e tij tha se ai nuk i ka pranuar ofertat e Kurtit pasi konsideron që presidenti nuk duhet të jetë, siç shprehet, "zgjatim i qeverisë”, sikundër që një parti, "duke iu referuar Vetëvendosjes”, nuk mund t'i udhëheqë tri institucionet kryesore në vend, Kuvendin, Qeverinë dhe Presidencën.
"Nuk kemi kërkuar asnjë pozicion për LDK-në e as për mua dhe me kaq në këto rrethana LDK nuk mund të bëjë më shumë. LDK-ja e lë të hapur diskutimin me partitë tjera. Nuk kemi dëgjuar asnjë propozim tjetër përveç që presidenti të jetë i Vetëvendosjes. LDK-ja e konsideron këtë çështje të mbyllur që nga ky moment. Do të bëhemi gati për skenarin më të keq, më të rëndë e më të pakuptueshëm të zgjedhjeve të reja dhe të jashtëzakonshme”, tha Abdixhiku.
Mesazh për PDK-në
Pas dështimit që të arrijë marrëveshje me LDK-në, Kurti tha se i ka dërguar mesazh edhe kreut të Partisë Demokratike të Kosovës, Bedri Hamza, për të parë nëse edhe me këtë parti mund të arrijë një marrëveshje për çështjen e presidentit, duke mos shpalosur ofertën e tij. PDK, në orët e pasdites, mblodhi Këshillin Drejtues të Partisë dhe për më shumë se pesë orë diskutimesh, kjo parti tha se "e konsideron të përmbyllur kontributin e saj për zgjedhjen e presidentit”.
"PDK ka dëshmuar gatishmëri të plotë për të kontribuar në zgjedhjen e Presidentit të ri dhe në zhbllokimin e situatës, duke mbështetur mundësinë e një kandidati konsensual, pa asnjë kushtëzim apo kërkesë për përfshirje në bashkëqeverisje. Për PDK-në, stabiliteti institucional ka qenë çështje parimore dhe e interesit shtetëror, e jo objekt i negocimit politik. Përkundër kësaj qasjeje konstruktive, mungesa e vullnetit politik dhe seriozitetit institucional nga ana e pushtetit aktual po e pamundëson përsëri zgjedhjen e Presidentit të ri. Rrjedhimisht, PDK e konsideron të përmbyllur kontributin e saj në këtë proces”, thuhet ndër të tjera në deklaratën e PDK-së.
Më tej thuhet se kjo parti vlerëson se "Kosova po përballet me kriza të njëpasnjëshme politike dhe institucionale, të shkaktuara drejtpërdrejt nga shumica parlamentare, e cila përmes bllokadave të vazhdueshme dhe mungesës së përgjegjësisë shtetërore po e paralizon funksionimin normal të institucioneve, po i politizon ato dhe po e dëmton interesin qytetar e shtetëror”.
Kriza të njëpasnjëshme politike
Më datë 28 prill, përfundon afati i dhënë nga Gjykata Kushtetuese për ta zgjedhur presidentin e Kosovës dhe pas përfundimit të këtij afati, automatikisht shpërbëhet parlamenti dhe zgjedhjet e jashtëzakonshme duhet të mbahen brenda 45 ditëve. Presidenti i Kosovës, në bazë të Kushtetutës, zgjidhet me dy të tretat e votave në dy rundet e para apo me 61 vota në rundin e tretë, por nevojiten 80 deputetë të pranishëm në sallë që seanca të mund të mbahet.
Lëvizja Vetëvendosje, me partnerët në qeverisje, pakicat jo serbe, ka vetëm 66 ulëse në kuvend, nga 120 vende sa i ka parlamenti i Kosovës. Pas përfundimit të mandatit të Vjosa Osmanitsi presidente dhe dështimit të kuvendit që ta zgjedhë presidenten/in e ri, më 4 prill, sipas Kushtetutës, ushtruese e detyrës së presidentes u emërua kryetarja e kuvendit, Albulena Haxhiu, e cila nuk mund ta ushtrojë këtë post më shumë se gjashtë muaj. Vetë Haxhiu, e cila vjen nga Lëvizja Vetëvendosje, disa herë u ka bërë thirrje partive politike për arritjen e një konsensusi për zgjedhjen e presidentit, duke thënë se vendi nuk duhet të shkojë në zgjedhje të reja të jashtëzakonshme./DW
Ambasadori Matthew Whitaker gjatë takimit me shefin e KFOR-it, Ozkan Ulutash. Ambasadori amerikan në NATO, Matthew Whitaker, ka nisur vizitë...
Edi Rama dhe Peng Xia gjatë takimit në Abu Dhabi Rama zhvilloi të hënën një vizitë zyrtare në Abu Dhabi, ku pë...
Edison Memolla RROGOZHINË- Ish kryebashkiaku i Rrogozhinës, Edison Memolla ka bërë rekurs në Gjykatën e Lartë. Memolla k...
Gazment Bardhi dhe Jorida Tabaku në takim me Kryetarin e Komisionit të Jashtëm në Senatin Italian, Maurizio Gasparri ITALI- Kryetari i ...
Redi Molla TIRANË- Gjykata Kushtetuese ka rrëzuar kërkesën e ish-drejtorit të Bashkisë së Tiranës, Redi Mollës...
Kyriakos Mitsotakis, Edi Rama GREQI- Kryeministri Edi Rama do të zhvillojë një vizitë pune në Greqia gjatë datave 21–23...
Albin Kurti KOSOVË- Kryetari i Lëvizjes Vetëvendosje (LVV), njëherësh kryeministri i Kosovës, Albin Kurti, tha të mart&e...
Edi Rama TIRANË- Kryeministri Edi Rama deklaroi se ekspertë të Bashkimit Evropian kanë inspektuar pikat e prodhimit dhe grumbullimit q&...
Edi Rama TIRANË- Kryeministri Edi Rama deklaroi se procesi i integrimit në Bashkimin Evropian ka në të njëjtën kohë mund...
Edi Rama TIRANË- Kryeministri Edi Rama deklaroi se modernizimi i rrjetit të laboratorëve dhe veterinarive është një domosdosh...
