Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Teksa ndodhej në makinë, Rama u ka bërë thirrje banorëve që kanë zaptuar zonat e lira, për t'i kthyer në parkim me pagesë apo lokalet që kanë vendosur tenda në zona publike që t'i heqin.
TIRANË- Kryeministri Edi Rama ka dalë në një video-live në lidhje më vizitat në bashkinë e Vlorës dhe të Tiranës këto dy ditë. Teksa ndodhej në makinë, Rama u ka bërë thirrje banorëve që kanë zaptuar zonat e lira, për t'i kthyer në parkim me pagesë apo lokalet që kanë vendosur tenda në zona publike që t'i heqin.
Rama u fukusua dhe te bashkia Vlorë, duke vijuar kritikat për punën e saj, ndërkohë që ka theksuar se kjo është plotësisht e pa justifikueshme. Për këtë gjë, Rama ka lënë 2 javë afat, ose ndryshe do të përballen me gjoba dhe ndjekje penale.
"Jemi live këtu, edhe e pashë të arsyeshme t'ju drejtohem ju pasi kemi zhvilluar dy takime, do zhvillojmë edhe një tjetër në Durrës, e më pas pastaj në Fier, e ndoshta në Elbasan dhe në Shkodër. Por në Vlorë e nisëm dje dhe sot në Tiranë vazhduan një takim që nuk u bë i plotë ditën e djeshme për shkak të parlamentit dhe të pamundësisë për një pjesë të skuadrës së Tiranës që të ishin prezent, pasi duhet të qëndronin në parlament, lidhur me muajin që kemi përpara dhe me domosdoshmërinë që deputetët të rikthehen në territor për të mbledhur përfundimisht të gjitha shqetësimet e qytetarëve, por në këto qytete, me një fokus të veçantë tek hapësira publike. Tek hapësira publike, e cila është kthyer në një hapësirë ku ka shumë abuzivizëm, ka shumë zgjerim të paarsyeshëm të aktiviteteve të ndryshme dhe u ka gjithfarë lloj trarësh, e gjithfarë lloj pengesash të krijuara nga koha që pengojnë seriozisht frymëmarrjen e qetë të lirë të komuniteteve në blloqet e banimit.
Natyrisht, që deputetët, së bashku me drejtuesit dhe me përgjegjësit e sektorëve të ndryshëm në bashki do të shikojnë edhe çështje të tjera që ata i kanë tani parasysh nga fushata, por edhe që do dalin nga komunikimi me njerëzit, por do të jenë dy javë intensive dhe pastaj do të rikthehemi për të vendosur në favor të komunitetit, sepse është bërë e papranueshme dhe e padurueshme për shumë njerëz, për shumë lagje në qytetet e mëdha ushtrimi i forcës, ushtrimi i vullnetit abuziv, edhe patjetër, edhe sy mbyllja e strukturave përkatëse, siç për shembull, është krejtësisht evidente dhe e pajustifikueshme në Vlorë.
Kështu që, duke thënë këto, dua të sqaroj edhe një element tjetër dhe do t'i bëj një thirrje të gjithë atyre që kanë keqkuptuar për fat të keq, prej vitesh, por kjo është një çështje në radhë të parë e pushtetit vendor në këto territore, sensin e pronës së përbashkët dhe të asaj private dhe këtu kam parasysh zhvilluesit, zhvilluesit e pallateve, po themi ndërtuesit e pallateve, që pasi kanë ndërtuar pallatet dhe bashkë me ta dhe ata që kanë lokalet në këto pallate, kanë vazhduar të trajtojnë pronën përreth si pronë private, ndërkohë që ajo nuk është pronë private. Ajo nuk mund të jetë pronë private, ajo është po aq pronë private sa ç'është gjithë shkalla e pallatit, apo sa ç'janë ashensorët e pallateve që i përkasin minimalisht të gjithë atij komuniteti banorësh në atë pallat. Dhe askush nuk ka mbi tokën rreth pallatit dhe mbi hapësirën mes pallateve më shumë të drejta se sa secili prej atyre banorëve dhe secila prej atyre familjeve që janë në ato pallate.
Kështu që ju bëj thirrje të gjithë atyre që zotërojnë të tilla asete që nga trarët që vendosin për t'u marrë lekë për parkim banorëve në mënyrën më abuzive dhe më skandaloze, duke pretenduar që është prona e tyre private, nuk ka pronë private në sa kohë ajo është një pronë e cila ka derivuar nga zhvillimi i ndërtesave rreth e rrotull dhe nuk ka pronë private sa kohë që ajo është një hapësirë ku nuk ka leje për të bërë një aktivitet të caktuar, duke filluar që nga parkimi. Nuk mundet dot të vendosë një tra në qytet me pretendimin se është prona jote dhe ti të marrësh lekë për të lejuar banorët aty apo cilido qoftë tjetër që qasen në atë territor për një arsye vizite, a çfarëdo qoftë, që të paguajnë për të qenë zotër të vendit të vet. Kështu që u bëj thirrje të gjithëve që të fillojnë t'i heqin vetë këto trarë dhe këto pengesa. U bëj thirrje të gjithë atyre që janë hapur me tenda dhe pastaj i kanë vënë edhe ato mushamatë dhe pas i përdorin edhe për t’i rihapur rrugë pirjes së duhanit nëpër lokale, që të fillojnë t'i çmontojnë vetë, sepse jo vetëm që do t'iu çmontohen, por do të përballen pastaj me gjoba dhe do të përballen edhe deri me ndjekje penale për krim mjedisor dhe për zaptim dhe shkatërrim të pronës publike," tha Rama.
sali berisha TIRANË- Kryetari i Partisë Demokratike, Sali Berisha ka zhvilluar sot një konferencë për mediat nga selia blu. Berish...
edi rama TIRANË- Akademia politike e Partisë Socialiste ka uruar kryeministrin Edi Rama për 61-vjetorin e lindjes me një videoklip dhe ...
Edi Rama VLORË- Takimi i djeshëm i Ramës në bashkinë e Vlorës tregoi qartë strategjinë e ndjekur nga ky i fund...
rama dhe mazniku TIRANË- Kryeministri Edi Rama po zhvillon në selinë rozë një mbledhje me deputetët e zgjedhur të q...
bashkia e vlores VLORË- Kryeministri Edi Rama trazoi ujërat me vizitën e tij një ditë më parë në bashkinë e Vl...
Foto TIRANË- Ambasada amerikane në Tiranë përmes një postimi në "Facebook" ka uruar 249-vjetorin e Pavarësisë s&eum...
foto ilustruese TIRANË- Kryeministri Edi Rama po zhvillon në selinë rozë një mbledhje me deputetët e zgjedhur të qarkut ...
Osmani KOSOVË- Presidentja e Kosovës, Vjosa Osmani ka uruar Shtetet e Bashkuara të Amerikës Ditën e Pavarësisë. Osmani n...
edi rama TIRANË- Shoqata e të Zgjedhurve Vendorë ka reaguar lidhur me dorëheqjet e drejtorëve në bashkinë e Vlorës ...
Rama TIRANË- Kryeministri Edi Rama sot feston ditëlindjen e tij të 61-të. Edhe pse ka ditëlindjen ai ka vijuar me takimet dhe &eum...
