Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
. Sabri Tahiri punon për Bankën Botëore dhe prej 15 vitesh jeton në Uashington. E shtuna e gjeti atë në mjediset e Ambasadës së Kosovës në kryeqytetin amerikan, ku votoi për zgjedhjet e përgjithshme. Për herë të parë, shtetasit e Kosovës që jetojnë jashtë vendit kishin mundësi të votonin në përfaqësitë diplomatike të Kosovës në vendet përkatëse.
KOSOVA- Në këto zgjedhje, për herë të parë votuesit në diasporë patën mundësi të votojnë në përfaqësitë diplomatike të Kosovës. Sipas Komisionit Qendror të Zgjedhjeve, dje është votuar në 43 qendra, në 16 Ambasada dhe 14 Konsullata në 19 vende të ndryshme. Numri i përgjithshëm i shtetasve të regjistruar për të votuar në përfaqësitë diplomatike është 20,324.
Zëri i Amerikës përcolli votimet në mjediset e Ambasadës së Kosovës në Uashington dhe bisedoi me disa votues mbi përshtypjet dhe pritshmëritë e tyre. Sabri Tahiri punon për Bankën Botëore dhe prej 15 vitesh jeton në Uashington. E shtuna e gjeti atë në mjediset e Ambasadës së Kosovës në kryeqytetin amerikan, ku votoi për zgjedhjet e përgjithshme. Për herë të parë, shtetasit e Kosovës që jetojnë jashtë vendit kishin mundësi të votonin në përfaqësitë diplomatike të Kosovës në vendet përkatëse.
“Emocionet janë më të forta kur voton në Ambasadë”, thotë votuesi Tahiri për Zërin e Amerikës.
“Votën e shoh si detyrim”, thekson ai ndërsa shton se përmbushja e këtij detyrimi “në shtëpinë e shtetit tënd, është emocion më i fortë”.
Votuesja Fatlinda Gashi, e cila ndodhet në Uashington përkohësisht në kuadër të një programi të Korporatës Ndërkombëtare Financiare, thotë se procesi i votimit në Ambasadë ishte i lehtë dhe i shpejtë.
“Gjithçka shkoi ashtu siç duhet. Po ndihem si me qenë në Kosovë, domethënë si në shtëpinë time”, thotë ajo.
Votuesi Florent Sahiti, i cili jeton në Uashinton prej gjashtë vitesh, tha se përvoja e tij në këto zgjedhje ishte shumë më ndryshe krahasuar me atë të para katër viteve.
“Herën e kaluar nuk munda të votoj fare, sepse jam vonuar pak në procedura dhe mbeta pa votuar. Por tani procesi është bërë shumë më i thjeshtë”, thotë zoti Sahiti për Zërin e Amerikës.
Procesin e lavdëruan edhe Jeta Abazi Gashi, e cila është pjesë e programit ‘Fullbright’ në Universitetin ‘George Washington’ dhe bashkëshorti i saj, Qëndrim Gashi, Ish-Ambasador i Kosovës në Francë.
“E ka njëfarë kënaqësie kjo puna e votimit, sepse të bën që ta vlerësosh demokracinë dhe rëndësinë që e ka qytetari për të kontribuar në demokraci”, thotë zonja Abazi-Gashi.
“Shpresoj që të gjithë ata që nuk janë regjistruar kësaj here, herën e ardhshme të mund të regjistrohen dhe të ushtrojnë të drejtën e tyre për të votuar sepse është jashtëzakonisht e rëndësishme që qytetarët të flasin sa herë që ka zgjedhje, në mënyrë që zëri i tyre të dëgjohet në vitet në vijim”, shtoi zoti Gashi.
Për disa nga votuesit me të cilët bisedoi Zëri i Amerikës, siguria ishte çështja kryesore.
“Jemi në një botë që po ndërron”, thotë votuesi Tahiri. “Siguria më duket se do të bëhet çështja më e rëndësishme për të paktën disa vitet e ardhshme”, thekson zoti Tahiri.
“Lufta, aneksimi i territoreve në Ukrainë, konfliktet në Lindjen e Mesme, pastaj njëfarë rivijëzimi i shteteve të ndryshme dhe madje çarjet ndërmjet shteteve në perëndim bëjnë që këto zgjedhje për ne, si shtet që varet bukur shumë nga siguria, mbrojtja, ombrella e sigurisë rajonale ndërkombëtare, të kenë një peshë shumë më të madhe”, thotë ish-Ambasadori i Kosovës në Francë, Qëndrim Gashi.
Të tjerë mendojnë se mirëqenia e qytetarëve është thelbësore.
“Unë kisha pritur që si grua të ketë më shumë gra të zgjedhura. Fushat e tjera, ekonomia, qytetarët janë ankuar për çështjen e rrymës, ujit, tema të ndryshme sociale”, thotë votuesja Jeta Abazi Gashi.
Pritshmëri të ngjashme ka edhe votuesi Florent Sahiti i cili uron që edhe Kosova “të përparojë si vendet e tjera”.
“Pres të jetë më mirë sidomos për stabilitetin politik dhe gjithashtu një zhvillim ekonomik më i begatë”, thekson votuesja Fatlinda Gashi.
Përveç Ambasadës në Uashington, shtetasit e Kosovës që jetojnë në Shtetet e Bashkuara patën mundësi të votojnë edhe në Konsullatën e vendit në qytetin e Nju Jorkut./ VOA
foto nga votimet KOSOVË - Qytetarët e Kosovës me të drejtë vote, ditën e sotme vazhdojnë ti drejtohen kutive t...
Foto ilustruese TIRANA- Diaspora shqipatare do të ketë mundësinë të votojë nga jashtë në zgjedhjet e vitit 202...
Votat KOSOVË - Komisioni Qendror i Zgjedhjeve në Kosovë, ka nisur verifikimin e votave që kanë ardhur përmes postës...
sali berisha ITALI- Kryetari i Partisë Demokratike, Sali Berisha në takimin me shqiptarët e Italisë tha se një rrezik tjetër...
pamje nga takimi ITALI- Kryetari i Partisë Demokratike, Sali Berisha iu ka bërë thirrje shqiptarëve që në zgjedhjet e 11 maj...
sali berisha ITALI- Kryetari i Partisë Demokratike, Sali Berisha po mban fjalën e tij në takimin me shqiptarët e Italisë. Berisha...
Foto ilustruese KOSOVA- Komisioni Qendror i zgjedhjeve në Kosovë ka njoftuar se nga 20 mijë votues kanë votuar më shumë ...
sali berisha ITALI- Kryetari i Partisë Demokratike, Sali Berisha po zhvillon sot një takim me shqiptarët e Italisë në Romë. ...
hashim thaci dhe babai i tij KOSOVË- Haxhi Thaçi, babai i ish-presidentit të Kosovës Hashim Thaçit, nuk ka mundur ta shf...
Foto ilustruese KOSOVA- Eugen Cakolli nga koalicioni i organizatave joqeveritare, Demokracia në Veprim, tha se votuesit kanë deklaruar se ng...
