Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Boçi u shpreh se për ngritjen e këtij komisioni kanë firmosur 45 deputetë të PD-së.
TIRANË- Deputetët e Partisë Demokratike, Luçiano Boçi dhe Albana Vokshi dorëzuan ditën e sotme në Kryesinë e Kuvendit, kërkesën për ngritjen e Komisionit Hetimor për çështjen e ish-agjentit të FBI-së, Charles Mcgonigal. Deputeti Boçi u shpreh se për ngritjen e këtij komisioni kanë firmosur 45 deputetë të PD-së.
“Kemi dorëzuar kërkesën për 44 deputetë të Kuvendit të Shqipërisë për ngritjen e Komisionit Hetimor për çështjen Rama-McGonigal. Me këtë komision do ta nxjerrim Ramën nga kamarja ku është fshehur, pasi që e dini shumë mirë që kryeministri nuk pranon as interpelancë, as mocion me debat, as vjen të japë shpjegime në parlament, por në mënyrë të çuditshme del nga frengjia e Skype-s dhe mundohet të justifikohet. Jo vetëm Komisioni do ta nxjerrë nga kamarja, por do ta nxjerrë edhe protesta e datës 11. Ndërkohë që, e dimë shumë mirë që ka një paralajmërim nga kreu i grupit parlamentar të PS për mospranimin e Komisionit Hetimor, nën justifikimin që nuk di sesi t’ia vë epitetin fëminor, apo budallallëk ligjor, pasi pretendon që ky Komisionet do të ndryshohet. Ndërkohë rregullorja e përcakton qartë në nenin 25, kur ¼ e deputetëve kërkojnë ngritjen e një komisioni është detyrë e Kuvendit ta pranojë komisionin. Është refuzuar komisioni po prej Edi Ramës për çështjen e çarterave, dhe pretendimet dolën hapur. Rama ka shfrytëzuar dhe ka harxhuar paratë e taksapaguesve 20 milionë euro, pasi dolën faktet në media. Megjithatë ai nuk prano iqë të vijë në komision. Nuk do të shpetojë kësaj radhe. Nuk mundet që Rama të fshihet përsëri. Do vijë në Komision Hetimor si Çeço dhe do të përgjigjet para këtij komisioni. Paralelisht jeni njoftuar që Kongresi Amerikan ka ngritur një komision të tillë hetimor dhe ka kërkuar nga FBI të gjitha informacionet e detajuara për këtë çështje McGonigal, përfshirë edhe Ramën, sepdse është edhe akuza e dytë që bëhet në aktakuzën e Grand Jurisë. Dhe njëkohësisht, ky komision i yni do i marrë të gjitha detajet dhe do të kërkojë nga kryeministri të gjitha takimet dhe pjesët e duhura për të zbardhur të gjithë skandalin e përpjekjes së Ramës për të korruptuar institucionet e sigurisë amerikane me qëllim goditjen e sistemit politik në Shqipëri, goditjen e pluralizmit, eleminimin e opozitës. Nuk ka arritur dhe nuk do të arrijë, madje edhe gjithçka do t’i kthehet në bumerang. Faleminderit!'-tha Boçi.
Në listën e emrave të deputetëve që kanë firmosur është dhe ai i deputetit të Partisë Demokratike, Gazment Bardhi, deputetja Jorida Tabaku, por mungon firma e Enkelejd Alibeajt. Boçi u pyet nga gazetarët se nëse firma e Bardhit do të thotë se do të bashkohen dy PD-të. Boçi u shpreh se ky është një sinjal mirëpo u shpreh se ka nevojë që brenda PD-së të ketë qëllime të njëjta.
Pyetje: Z.Boçi, te firmat që janë mbledhur për komisionin, vëmë re që është edhe firma e z.Bardhi, por edhe të deputetëve të tjerë që deri diku kanë qenë kandidatë të drejtimit ndryshe për sa i përket PD. A janë këto sinjale bashkimi, dhe a do të ketë një tjetër përpjekje për t’u bashkuar përpara zgjedhjeve?
Boçi: Sigurisht, këto janë sinjale dhe shprehin atë dëshirën politike për të qenë bashkë pjesë e refleksionit të instiktit politik për të qenë një në luftën përballë tij që konsiderohet dhe kundërshtari ynë i përbashkët. Ne duam që raste të tilla të bashkëpunimit të jenë në vijëmësi, pasi në PD ka mendime të ndryshme, por nuk ka qëllime të ndryshme. Qëllimi ynë është i qartë e deri frontale me këtë mazhoranzë arrogante e cila si vërtetohet dhe faktohet kërkon të eleminojë pluralizmin në sistemin demokratik. Është detyra jonë dhe e çdo deputeti, çdo opozitari dhe qytetari që të mbrojë vlerat politike, vlerat e sistemit të mbrojë demokracinë.
Pyetje: Z.Boçi pse mendoni që PS do ndryshojë qendrim për ngritjen e Komisionit Hetimor në këtë rast, duke parë edhe precedentin, duke parë edhe mesazhet e dhëna që duken pësimiste në këtë drejtim.
Boçi: Unë nuk mendoj, unë them që do të detyrohet, do kërkojë me forcë zbatimin e rregullores se Kuvendit dhe nuk pres Hallellujah që ata të ndryshojnë mendim dhe unë të jem i kënaqur. Duhet zbatuar pikë për pikë rregullorja e Kuvendit. Është detyrim ligjor dhe kushtetues. Këtu është shpresa dhe besimi im që duhet që të zbatohen ligjet e shtetit shqiptar. Ligjet e miratuara nga vetë Kuvendi, Rregullorja, Kushtetuta e vetë Kuvendit dhe Ligjet për Komisionet Hetimore. Do t’i çojmë në Kushtetuese të dyja rastet. Edhe rastin e komisionit të parë për çarterat, edhe këtë rast për çështjen McGonigal-Rama.
Në këtë komision hetimor, është paralajmëruar të hetohet lidhja e kryeministrit shqiptar Edi Rama me ish zyrtarin e FBI-së të arrestuar, Charles McGonigal. Një ditë më parë, në mbledhjen e grupit parlamentar demokrat, Sali Berisha denoncoi me emra dhe ministra të tjerë si të përfshirë në skandalin e ashuquajtur ‘McGonigal’.
'I përgëzoj të gjithë deputetët që kanë firmosur në këtë Komision Hetimor Parlamentar dhe e siguroj Komisionin Hetirpor Parlamentar të Kongresit të SHBA se komisioni ynë do të bëjë gjithçka për të zbardhur veprimtarinë kriminale të Edi Ramës, të McGonigal në Shqipëri, të Marco Ross-it dhe grupit të tyre. Duhet të dini se, jo vetëm në këtë fushë, por edhe në aspekte të tjera, këta aventurierë kanë luajtur me interesa të një rëndësie jetike për SHBA. Komisioni do t’i rreshtojë të gjitha këto, si një detyrim madhor ndaj SHBA. Mos prisni nga SKAP-i i partisë. Mc Gonigal është ulur këmbëkryq me ta. Jo një herë, por disa herë. Hetimin më të plotë do ta bëjë komisioni hetimor parlamentar.”, tha Berisha një ditë më parë.
Një javë më parë, FBI arrestoi ish-zyrtarin e lartë të kësaj strukture, Charles McGonigal. McGonigal ka zhvilluar takime të njëpasnjëshme me kryeministrin Edi Rama dhe dy persona që në dosje emërtohen si ‘Personi A’ dhe ‘Personi B’, që janë përkatësisht Agron Nezaj e Dorian Duçka, të dy të lidhur me qeverinë shqiptare. Nezaj del në dosje si njeriu që i jep 225 mijë dollarë McGonigal në mënyrë që të ndërhyjë në FBI që të nisë hetimin për personin që po lobonte në SHBA për PD-në, në vitin 2017 kur drejtohej nga Lulzim Basha. Supozohet që bëhet fjalë për Nicolas (Nick) Muzin. Ndërsa Duçka del si njeriu që e shoqëron kudo ish-agjentin, paguan fluturimet e akomodimet e tij, si dhe i përcjell informacionet e nevojshme që do t’i shërbenin në nisjen e hetimit nga FBI. Rama mohon të ketë lidhje me akuzat e ngritura nga McGonigal./Dosja.al
Adriana Kalaja TIRANË- Partia Demokratike, përmes kryetares së Komisionit të apelimit, Adriana Kalasë, akuzuan kryeministrin Edi R...
Edi Rama TIRANË- Kryeministri Edi Rama mori pjesë ditën e sotme në konkursin Ndërkombëtar për Projektin “Auto Moto...
Sali Berisha dhe Gazment Bardhi TIRANË- Deputeti i Partisë Demokratike, Saimir Korreshi ka zbuluar se negociatat që janë duke u zhvillu...
Sali Berisha TIRANË- Kreu i Partisë Demokratike, Sali Berisha ka folur lidhur me betejën në Gjykatë për selinë blu. N&e...
Sali Berisha TIRANË- Kryetari i Partisë Demokratike është pyetur nëse personalisht kishte patur njohje me Dorian Duçkë...
Erion Veliaj TIRANË- Kryebashkiaku i Tiranës, Erion Veliaj foli edhe për fluksin e ndërtimeve në Tiranë, duke pretenduar se ...
Edi Rama TIRANË- Kryeministri Edi Rama ka bërë me dije mënyrën sesi kishte marrë ftesën për takim me ish-zyrtarin e...
Edi Rama TIRANË- Kryeministri Edi Rama ka folur për një mundësi që të shkojë dhe të dëshmojë në Prok...
Edi Rama TIRANË- Kryeministri Edi Rama i është përgjigjur disa pyetjeve lidhur me çështjen e hetimit t&eum...
Sali Berisha dhe Edi Rama TIRANË- Kryeministri Edi Rama i është përgjigjur shkurt ftesës së kryetarit të Partisë D...
