Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Kandidatët që do aplikojnë për Zëvendësdrejtor në Byronë Kombëtare të Hetimit duhet të plotësojnë dhe dorëzojnë dokumentet si më poshtë.
TIRANË- Gara për emërimin e zv.drejtorit të Byrosë Kombëtare të Hetimit është hapur ditën e sotme. Pas emërimit të Joni Ketës në krye të BKH-së, institucioni ka hapur të drejtën e garimit për hetuesit e BKH-së që mund të garojnë për këtë post.
Kandidatët që do aplikojnë për Zëvendësdrejtor në Byronë Kombëtare të Hetimit duhet të plotësojnë dhe dorëzojnë dokumentet si më poshtë. Kandidatët duhet të dorëzojnë kërkesë për aplikim, një platformë mbi kuptimin e funksionit të Zëvendësdrejtorit, rolit në fushën e menaxhimit, menaxhimit të burimeve njerëzore, komunikimit, punës në grup, ndërveprimit dhe marrëdhënieve ndërinstitucionale, jetëshkrim.
Gjithashtu, kandidatët duhet të paraqesin vlerësimin e fundit nga eprori direkt, si dhe çdo dokumentacion tjetër që vërteton trajnimet, kualifikimet, arsimim shtesë, vlerësimet pozitive apo të tjera të përmendura në jetëshkrim. Ndërkohë, dokumentet duhet të dorëzohen fizikisht në Drejtorinë e Burimeve Njerëzore, në Byronë Kombëtare të Hetimit deri në datën 22.01.2026.
Njoftimi i plotë:
Shpallje për pozicionin e zëvëndësdrejtorit, në byronë kombëtare të hetimit
Në zbatim të nenit 31 e nenit 36 të Ligjit nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”, i ndryshuar, Byroja Kombëtare e Hetimit shpall procedurat për përzgjedhjen e pozicionit:
Zëvendësdrejtor , në Byronë Kombëtare të Hetimit – Kategoria 80% e G 3.
Pozicioni më sipër, u ofrohet Hetuesve të Byrosë Kombëtare të Hetimit.
Afati për dorëzimin e Dokumenteve:
Deri në datën 22.01.2026
Përshkrimi i punës për pozicionin:
a. Zëvendësdrejtori është përgjegjës për funksionimin e Shërbimeve të Policisë Gjyqësore të Byrosë Kombëtare të Hetimit;
b. Zëvendësdrejtori është përgjegjës për funksionimin e vazhdueshëm të Byrosë Kombëtare të Hetimit gjatë çdo mungese të Drejtorit të BKH-së;
c. Zëvendësdrejtori është hetues i Byrosë Kombëtare të Hetimit;
d. Zëvendësdrejtori raporton te Drejtori i Byrosë Kombëtare të Hetimit;
e. Zëvendësdrejtori ka për detyrë menaxhimin, organizimin, menaxhimin e burimeve njerëzore, hartimin e politikave të punës për Shërbimet e Policisë Gjyqësore, të përbëra nga oficerë të Policisë Gjyqësore, nga Policia e Shtetit dhe institucionet e tjera përkatëse, të cilat i ka nën drejtimin administrativ.
f. Asiston Drejtorin e Byrosë Kombëtare të Hetimit për çështjet që kanë lidhje me funksionimin e BKH-së;
g. Organizon, drejton e kontrollon veprimtarinë e punonjësve sipas fushës së përgjegjësisë, duke u udhëhequr nga fryma e bashkëpunimit, mirëbesimit dhe respektit reciprok;
h. Planifikon dhe koordinon punën për hartimin e procedurave të nevojshme për përmbushjen e përgjegjësive;
i. Kryen studime dhe analiza te ndryshme me qëllim përmirësimin e akteve normative që normojnë punën e shërbimeve të Policisë Gjyqësore, në BKH;
j. Planifikon kontrolle për personelin sipas fushës së përgjegjësisë;
k. Planifikon nevojat për aftësimin profesional të personelit sipas fushës së përgjegjësisë;
l. Përcakton kërkesat për bazën materialo-teknike për krijimin e kushteve për realizimin e detyrave e objektivave;
m. Kur konstaton ose merr informacion për shkeljet e kryera nga varësit, fillon procedurat për ecurinë disiplinore, sipas rregullores së disiplinës, si dhe merr masa për pengimin e ardhjes së pasojave nga këto shkelje;
n. Kryeson grupe pune, ose merr pjesë në grupe pune, në rastet kur caktohet nga Drejtori dhe monitoron e raporton në kohë për realizimin e detyrave dhe objektivave të planifikuara;
o. Konsultohet dhe ndihmon varësit për realizimin e detyrave të tyre;
p. Vlerëson në mënyrë periodike performancën e punonjësve në varësi, apo sa herë që kërkohet për çështje të ndryshme të punës e karrierës së tyre;
q. Harton informacione e ndjek korrespondenca për çështje që lidhen me veprimtarinë e Shërbimeve të Policisë Gjyqësore;
r. Harton Memo informuese për Drejtorin e BKH-së lidhur me problemet që lindin gjatë procesit të punës.
1.1
Kriteret për pozicionin
Kandidatët duhet të plotësojnë kriteret si vijon:
a. Të jenë hetues në Byronë Kombëtare të Hetimit;
b. Të mos kenë masë disiplinore në fuqi;
c. Të kenë të paktën vlerësimin e fundit “mirë” apo “shume mirë” (të vërtetuar me formularin e vlerësimit individual të punës);
d. Të ketë të paktën 3 vjet eksperiencë pune në hetimin e veprave penale të korrupsionit, krimit të organizuar apo krimeve të rënda, si dhe duhet të ketë treguar aftësi drejtuese;
e. Të ketë integritet të lartë;
f. Të ketë njohuri në fushën e menaxhimit dhe planifikimit organizativ, menaxhimit të burimeve njerëzore, etj;
g. Të ketë aftësi shumë të mira në komunikim, punën në grup, ndërveprim dhe në marrëdhëniet ndërinstitucionale;
h. Të ketë njohuri shumë të mira në të folur dhe të shkruar të gjuhës angleze, (element që do të merret në konsideratë gjatë procesit të vlerësimit).
1.2
Dokumentacioni, mënyra dhe afati i dorëzimit
Kandidatët që do aplikojnë për Zëvendësdrejtor në Byronë Kombëtare të Hetimit duhet të plotësojnë dhe dorëzojnë dokumentet si më poshtë:
a. Kërkesë për aplikim;
b. Një platformë mbi kuptimin e funksionit të Zëvendësdrejtorit, rolit në fushën e menaxhimit, menaxhimit të burimeve njerëzore, komunikimit, punës në grup, ndërveprimit dhe marrëdhënieve ndërinstitucionale ;
c. Jetëshkrimi ;
d. Vlerësimin e fundit nga eprori direkt;
e. Çdo dokumentacion tjetër që vërteton trajnimet, kualifikimet, arsimim shtesë, vlerësimet pozitive apo të tjera të përmendura në jetëshkrimin tuaj.
f. Certifikatë mbi njohurit e gjuhës angleze.
Dokumentet duhet të dorëzohen fizikisht në Drejtorinë e Burimeve Njerëzore, në Byronë Kombëtare të Hetimit deri në datën 22.01.2026.
1.3
Mënyra e vlerësimit të kandidatëve
a. Përzgjedhja do të bëhet nga Drejtuesi i Prokurorisë së Posaçme dhe Drejtori i Byrosë Kombëtare të Hetimit.
b. Për secilin kandidat krijohet dosje e cila përmban të gjitha dokumentet e prezantuara nga kandidati. Drejtoria e Burimeve Njerëzore dhe Dokumentacionit janë përgjegjës për formimin dhe mbajtjen e dosjes ku sigurojnë kompletimin dhe përditësimin e saj deri në momentin e përmbylljes përfundimtare të procesit të përzgjedhjes së zëvendësdrejtorit.
c. Vlerësimi i përzgjedhjes së kandidatit për Zëvendësdrejtor, bëhet përmes verifikimit të dokumentacionit të dorëzuara nga kandidati, plotësimit të kritereve, të dhënave nga Prokurorët e Posaçëm (vlerësimi i punës dhe performancës) dhe eprorët e drejtpërdrejt, sigurimit të të dhënave për masat eventuale disiplinore, në përputhje me legjislacionin në fuqi.
1.4
Rezultatet pas verifikimit
Kandidati që plotëson kriteret dhe përzgjidhet do të njoftohet zyrtarisht nga Drejtoria e Burimeve Njerëzore dhe Dokumentacionit në BKH.
Kandidatët që nuk i plotësojnë kriteret do të njoftohen individualisht nga Drejtoria e Burimeve Njerëzore, në BKH, nëpërmjet adresës së e-mail.
Edi Rama TIRANË- Kryeministri Edi Rama do të mbledhë Grupin Parlamentar të PS ditën e premte në orën 10:00, në...
Foto ilustruse KOSOVA- Kryetari i Lidhjes Demokratike të Kosovës, Lumir Abdixhiku, ka dhënë dorëheqjen nga posti i tij. Ky vendim ...
Hykmete Bajrami KOSOVË- Hykmete Bajrami ka dhënë dorëheqje nga posti i nënkryetares së LDK-së. Njëkohësisht a...
Foto ilustruse Dyshime për manipulime me vota, veçanërisht brenda subjekteve politike, dhe ankesa nga kandidatët për deputet&eum...
Foto ilustruse Ambasada amerikane në Tiranë ka reaguar pas deklaratave të një dite më parë të kryeminist...
Besfort Lamallari TIRANA- Ministri i Drejtësisë, Besfort Lamallari ka thirrur sot një takim të posaçëm me drejtuesit e t&e...
Kuvendi i Shqipërisë TIRANË- Kuvendi i Shqipërisë ka hartuar një Plan Veprimi 27-faqësh, pasi Bashkimi Evropian e k...
Protesta para kryeministrise TIRANË- Partia Demokratike do të zhvillojë të shtunën e 24 janarit protestën e radhës komb&...
Foto ilustruse TIRANË- Ministri i Drejtësisë, Besfort Lamallari, ka firmosur ditën e sotme shkarkimin e drejtorit të IEVP Dur...
Sali Berisha TIRANË- Kryetari i Partisë Demokratike, Sali Berisha po zhvillon një mbledhje me drejtuesit politik të oposzitës...
