Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Salianji shkruan se njeriu i Trump në Tiranë, është bërë menjëherë përfaqësues i interesit publik dhe i interesave të vendit.
FIER-Ish-deputeti i Partisë Demokratike, Ervin Salianji përmes një postimi nga burgu i Fierit shprehet se kohët e fundit kryeministri Edi Rama ka shfaqur shenja të luhatjes së humorit dhe nervozizmi të thellë.
Salianji shkruan se kryeministri pak ditë më parë lëshoi "fermanin për vrasjen e zgjedhjeve", por sipas tij në qytet kanë nisur të ndihen ndryshimeme ardhjen e Chris LaCivita në krye të fushatës elektorale të PD-së.
Sipas ish-deputetit, LaCivita ka bërë disa pohime të forta, por një nga më kryesoret, sipas tij ishte se do të ketë zgjedhje të lira e të paprekura. Salianji shkruan se njeriu i Trump në Tiranë, është bërë menjëherë përfaqësues i interesit publik dhe i interesave të vendit.
POSTIMI I PLOTË:
Nuk frikëson më, tregon frikën që e ka vetë.
Për ata që janë pasionantë ose hulumtues në psikologji, ditët e fundit Kryeministri është vetofruar si kazus, ku dallohen luhatjet e forta të humorit dhe gjendja e paqendrueshme emocionale. Nervozizmi i thellë ka dalë në sipërfaqe përmes gjuhës pa filtra, duke treguar disa të vërteta që në rastin e Edi Ramës, kthehen në aksione kur njeh pushtetin që ka e strukturat që urdhëron.
Mjafton të mallkojë ai SPAK-un, dhe dhjetra punonjës e rrethojnë godinën e makinat e funksionarëve. Hedh helm ai ndaj kundërshtarëve dhe drejtësia vepron mbi ta. Pra gjithkush e di që retorika e tij, materializohet në akte konkrete.
Së fundmi, nga dëshpërimi pasi toka i është lëkundur shumë, Kryeministri lëshoi dy tre fjali, për të cilat, në kushte normale do të duhej të mbante përgjegjësi. Duke thënë se 11 maji do të jetë “tërmet nga poshtë dhe flakë nga lart”, ai urdhëroi gjithë strukturat që ka në varësi, dhe gjithë segmentet që kontrollon, përfshirë dhe bandat, që të nisin punën për rezultatin që ai dëshiron.
Pra, Edi Rama lëshoi fermanin për vrasjen e zgjedhjeve. Problemi është se në qytet shumë ndryshime po ndihen. Drejtuesi i fushatës për Opozitën, është Chris LaCivita, një nga bashkëpunëtorët më të ngushtë të Presidentit, Donald Trump. Ai ka bërë disa pohime të forta. Por një nga më kryesoret, mendoj se është që; Do të ketë zgjedhje të lira e të paprekura. Ky është një nga qendrimet më të forta kundër Edi Ramës në gjithë këto vite. Dihet mirë se zgjedhjet e lira, të ndershme dhe të paprekura, janë fundi i tij.
Dhe për të shmangur këtë fund, ai nxori dekretin e “tërmet nga poshtë, e flakë nga lart”. Kemi pra një kryeministër që nxit kapjen e votës, prekjen, deformimin e vullnetit të qytetarëve. Haptazi fare. Më e renda, nëse e interpreton drejt dhe pa shumë mund, me një qendrim si ky, Edi Rama po thotë se nëse ai nuk fiton, pra nëse nga kutitë e 11 majit nuk del ajo që ai dëshiron, do të ketë tërmet e flakë, pra do të ketë luftë. Më i papërgjegjshëm, dhe më antiligjor, e anti-kushtetues se kaq, nuk ka se si të jetë një Kryeministër.
Dihet mirë se deviza 12 vjeçare e Ramës ka qënë sundimi mbi frikën, dhe jo qeverisja mbi besimin. Këtë po tenton të bëjë edhe në muajt e fundit. Vetëm se tanimë ka një ndryshim. Ai nuk arrin më të ndjellë frikë, por sa më shumë lëshon të tilla logore, aq më shumë dëfton frikën që ka kapluar atë vetë. Koraca që e bentë të pushtetshëm, që ndihmonte sundimin e tij ka rënë. Sherifi i ri në qytet, nuk ka ardhur të japë dekorata, e as të mbyllë sytë para një regjimi.
Njeriu i Trump në Tiranë, është bërë menjëherë përfaqësues i interesit publik, përfaqësues i interesave të vendit. Sepse Shqipëria e ka jetike që të bëjë zgjedhje të lira e të ndershme, e ka jetike sa ujin dhe diellin, sa ajrin. Vetëm me votë të paprekur do të shkojnë në vend prapësitë e paudhësitë e panumërta që janë bërë kapicë në 3 mandate. Vetëm vota e lirë dhe e ndershme e ka këtë aftësi korigjuese. Kështuqë, ende pa nisur mirë punën, strategu i Trump ka ndihmuar jo vetëm demokratët, por Shqipërinë.
Dhe është po aq në interesin e vendit, në interesin madhor të ecjes drejt integrimit dhe shpëtimit nga rënia në humnerë, qendrimi tjetër i tij, që dënon përndjekjen e burgosjen e kundërshtarëve. Një tezë e fortë mesa duket e Shtëpisë së Bardhë, duke qënë se atë çka Chris LaCivita e thanë Rogner, e theksoi Zv-Presidenti Vance në konferencën e Mynihut. Presioni për votën e lirë, e për të zbatuar normat bazë të demokracisë, kanë nxjerrë nga binarët Kryeministrin e vendit. Dhe nuk është pak për të. Se Edi Rama ka shumë hesape për të larë, ka shumë llogari për të dhënë. E pret një rrugë e gjatë dhe e mundimshme pas 12 majit. Normal që ka frikë. Bën mirë të ketë frikë.
Mediu dhe Duka TIRANË-Në selinë e Partisë Demokratike po vijojnë negociatat për në koalicion të mundshëm me al...
Erion Veliaj TIRANË- Kryebashkiaku i Tiranës Erion Veliaj ka reaguar sërish në lidhje me seancën gjyqësore ku dhe pati p...
Gazment Bardhi TIRANË- Kreu i grupit Parlamentar i PD-së Gazment Bardhi i ka kthyer përgjigje kryeministrit Edi Rama në lidhje me ...
Foto ilustruese KOSOVË- Qeveria e Kosovës ka njoftuar se dje ka mbajtur mbledhje elektronike, ku ka miratuar themelimin e Këshillit Shtet&eu...
Bashkia Tirane TIRANË- Pas denoncimit të kreut të PD Sali Berisha se kryebashkiaku Erion Veliaj ka urdhëruar zhdukjen e dokumen...
Edi Rama TIRANË- Kryeministri Edi Rama ka publikuar një mesazh nga koordinatori juridik ndaj gjyqeve me Opozitën në lidhje me...
veliaj, dado TIRANË- Këshilli i Lartë i Prokurorisë ka shprehur shqetësimin për sulmet e vazhdueshme të kryebashkiakut t...
Vojo Bregu TIRANË- Ish-Sekretari i Përgjithshëm i Ministrisë së Bujqësië Vojo Bregu ka komentuar postimin e kryemin...
KQZ TIRANË- Komisioni Qendror i Zgjedhjeve i është drejtuar Kuvendit të Shqipërisë dhe Ministrisë së Financave...
Bashkia Tirane TIRANË- Detaje të reja kanë dalë në lidhje me largimin e dosjeve mëngjesin e sotëm nga Bashkia Tiran...
