Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Enkelejd Alibeaj dhe Gazment Bardhi kanë pyetur nëse shkarkimet kanë ndodhur në të vërtetë dhe nëse janë bërë në kuadër të Kodit të Punës. Pasi në të kundërt, sipas tyre mund të ketë gjyqe që do të ndikojnë në buxhetin e institucionit për vitin e ardhshëm.
TIRANË- Lajmi për shkarkimet masive në Presidencë ka shkaktuar debate tek Komisioni i Ligjeve. E gjitha pasi sekretari i Përgjithshëm, Florian Kali bëri bilancin e buxhetit për vitin 2023 para deputetëve, ndaj në momentin që mbaroi u përball me pyetjet e demokratëve.
Enkelejd Alibeaj dhe Gazment Bardhi kanë pyetur nëse shkarkimet kanë ndodhur në të vërtetë dhe nëse janë bërë në kuadër të Kodit të Punës. Pasi në të kundërt, sipas tyre mund të ketë gjyqe që do të ndikojnë në buxhetin e institucionit për vitin e ardhshëm. Megjithatë nga Presidenca u sigurua se lëvizjet janë bërë për shkak të ristrukturimit të institucionit.
DEBATI NË KOMISION:
Enkelejd Alibeaj: Kanë dalë disa njoftime në media lidhur me shkarkimet masive nëse kanë ndodhur, a do të sjellë impakt te buxheti për vitin 2023? Se nëse ata shkojnë në gjykatë dhe fitojnë gjyqet, marrin dëmshpërblim. Dëgjova që ju kërkoni edhe shtesë në personel.
Florian Kali (Presidenca): Ne kemi bërë një ristrukturim dhe kemi sjellë strukturën siç duhet, pasi ishte në një piramidë jo të drejtë. Të gjithë personat që nuk plotësonin kriteret, janë larguar. Numrin total të përafërt nuk mund ta them. Sa i përket llogarive, nuk shohim ndonjë impakt gjatë gjatë viteve të ardhshme. Nuk kemi asnjë procedim në Gjykatë Administrative. E gjitha është bërë brenda kritereve.
Gazment Bardhi: Pagat duhet të rriten për të gjithë administratën publike, jo vetëm për Presidencën. Sa i përket investimeve nëse lidhen me sigurinë e Presidencës, duhet të vendosen në dispozicion. Sa i përket shtesës në strukturë, ndaj të njëjtin shqetësim për pushime masive nga puna në institucionin e Presidentit. Nuk e pranoj dot që punonjësit që janë marrë në punë, janë marrë në kundërshtim me dispozitat ligjore. Pushimet nga puna të pamotivuara janë të dënueshme kudo që ndodhin. Nuk e pranojmë dot që Presidenca të bëjë pushime masive nga puna, vetëm se u ndërrua Presidenti i Republikës. Punonjësit duhet të kenë qëndrueshmëri në punë. Ju strukturën bëjeni siç iu përshtatet më shumë, por respektoni ligjin për nëpunësit civilë. Duhet të ketë një qëndrueshmëri. Bëjeni strukturën por respektoni ligjin për nëpunësin civil
Klotilda Bushka: Pa diskutim që qëndrueshmëria e administratës është parim që garantohet. Ajo që ju thoni është sikur është kështu që thoni ju nisur nga ajo që dëgjoni në media. Ristrukturimi i institucioneve është e drejtë e vetë institucionit. Kur flasim për çështje së pari duhet të jemi korrekt. Ne nuk bëjmë dot gjykatën është bërë gabim apo jo. Nëse nuk e keni rishikojeni dhe një herë se dixhitalizimi është i rëndësishëm. Nuk nisemi dot nga një lajm në media dhe themi kështu është. Nuk merremi dot me retorikën e lajmeve. Çdo institucion mban përgjegjësi për buxhetin e shtetit. Presidenca e ka zbatimin e ligjit për vete. është shqetësim dhe jam dakord që ka një shqetësim, por që të themi kjo që dëgjuam kështu është.
Gazment Bardhi: Ndodh për herë të parë që dalin në lajme për shkarkime masive nga puna në Presidencë. Është për herë të parë në historinë 30-vjeçare. Bëni kujdes për të mos e politizuar institucionin e Presidentit. Pushime të tilla janë të dënueshme. Kam gjithashtu shqetësim që thoni se nuk e ka numrin sesa njerëz janë pushuar nga puna. Ata që pushohen nga puna e çojnë çështjen në Gjykatë dhe janë fatura që i rëndojnë buxhetit të shtetit.
Klotilda Bushka: Ne nuk mund të nisemi nga një lajm në media dhe të themi kështu është. Çdo institucion ka të drejtën e tij ta menaxhojë institucionin.
Gazment Bardhi: Unë po them është një shqetësim.
Bushka: Jam dakord që ka një shqetësim. Por që ti vëmë ne vulën që kjo që dëgjuam kështu është, kjo nuk është e qartë. Sekretari i përgjithshëm e shpjegoi.
Po ashtu, në mbledhjen e sotme, Presidenca kërkoi rritjen e pagave dhe shtimin e numrit të punonjësve deri në 10 persona dhe gjithashtu një fond për rritjen e shpenzimeve të lidhura me veprimtarinë e presidentit të ri të Republikës, Bajram Begaj.
"Kemi nevojë për rikonstruksionin e godinës. Rikonstruksioni i fundit është bërë para 14 vitesh, kati i parë është i mbushur me lagështi. Kemi nevojë për lyerjen e godinës brenda dhe jashtë saj si dhe kthimi i godinës në parametrat e sigurisë të klasit A. Të gjitha këto kushtojnë rreth 400 milionë lekë. Pagat e institucionit nuk janë aty ku duhen në hierarkinë e piramidës që pagave të institucioneve. Kemi vlerësuar një shtesë në strukturë për 10 persona. Këto ndryshime kërkojnë një shtesë prej 36 milionë lekë. Si dhe duam një rritje të shpenzimeve për 50 milionë lekë për veprimtarinë e Presidentit. Kosto totale e të gjithave do të jetë 490 milionë lekë. Shpresojmë që ky komision të na mbështesë në kërkesat tona"-tha Florian Kali, përfaqësues i institucionit të Presidencës.
Pas kërkesës, përfaqësuesja e Ministrisë së Ekonomisë dhe Financave, Vilma Causholli tha se kërkesa të tilla duhej të diskutoheshin në detaje, ndërsa Klodilda Bushka sqaroi se kërkesa për rritjen e pagave duhej sqaruar në një tjetër mbledhjes, por për rikonstruktimin e ndërtesës tha se duhet të sqarohej sa më shpejt nëse ishte emergjente.
Edi Rama TIRANË- Kryeministri Edi Rama ka reaguar pas paralajmërimit të Sindikatës së Pedagogëve ditën e djeshme pë...
Erion Brace TIRANË-Ditën e sotme, në komisionin e Ekonomisë deputeti socialist Erion Braçe u shpreh se projekt buxheti 2023, &eu...
Komisioni TIRANË- Këshilli i Lartë i Prokurorisë ka kundërshtuar sot në Komisionin e Ligjeve projektbuxhetin e vitit të ...
Jorida Tabaku TIRANË-Deputetja e Partisë Demokratike, Jorida Tabaku, e cilësoi politikën fiskale të qeverisë si të pap&e...
Geghyseni TROPOJË- Deputeti i Partisë Demokratike Isuf Çelaj ka publikuar disa video nga fshatrat Gri e Gegëhysen në Tropojë...
Delina Ibrahimaj TIRANË- Ditën e sotme, ministrja Delina Ibrahimaj raportoi në Komisionin e Ekonomisë për projektbuxhetin e vitit ...
Delina Ibrahimaj TIRANË- Ministrja e Ekonomisë dhe Financave, Delina Ibrahimaj zbuloi ditën e sotme se një kompani ka hedhur në gj...
Fisnik Qosja KAVAJË- Ish-kandidati për deputet i Partisë Demokratike, Fisnik Qosja ka shpallur kandidaturën për të marrë...
Ilir Alimehmeti TIRANË- Mjeku Ilir Alimehmeti prezantoi zyrtarisht ditën e sotme kandidaturën e tij për të marrë pjesë n...
Edi Rama dhe dokumenti TIRANË- Kryeministri Edi Rama ka postuar dokumentat që sipas tij, janë shkaku i sulmit nga media "Top Channel" ndaj q...
