Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ilir Alimehmeti përballë, fillimisht në garën e Primareve, do të ketë ish-kreun e FRPD-së, Belind Këlliçi dhe ish-nënkryetarin e Bashkisë së Tiranës, Gerd Bogdanin.
TIRANË- Mjeku Ilir Alimehmeti prezantoi zyrtarisht ditën e sotme kandidaturën e tij për të marrë pjesë në Primare. Në një dalje nga selia e Partisë Demokratike, mjeku shprehet se Tirana është e sëmurë e se ka nevojë për përmirësim. Duke u zotuar se do t'i dedikohet kryeqytetit, ai shprehet se Tirana është e PD-së.
DEKLARATA E ALIMEHMETIT:
Të dashur qytetarë të Tiranës,
Unë jam Dr. Ilir Alimehmeti, mjek dhe pedagog, lindur në Tiranë në vitin 1979, nga dy prindër mjekë me eksperiencë përkatësisht mbi 40 dhe 50-vjeçare. Përveç kulturës së punës dhe shërbimit ndaj personave në nevojë, ndërgjegja qytetare e të cilëve u shpalos edhe në angazhimet politike në Partinë Demokratike, ku, ndër të tjera, kanë shërbyer më parë si deputetë, kandidatë për deputet dhe këshilltarë në këshillin bashkiak të Tiranës.
Lindur e rritur në këtë frymë, u mbrujta me besimin te vlerat, dija, vërtetësia dhe shërbimi, të cilat arrihen vetëm përmes edukimit, arsimit, punës, mundit dhe djersës. Me eksperiencën time rreth 15-vjeçare si mjek dhe pas formimit si epidemiolog klinik në Europë Perëndimore, vendosa të rikthehem në Tiranë në vitin 2014 për t’i vënë frytet e punës, mundit dhe djersës në shërbim të komunitetit tim, në edukimin dhe shërimin e tij, si profesionist i shëndetësisë dhe si pedagog.
Gjatë viteve në vijim gëzova mbështetjen dhe vlerësimin e pacientëve, kolegëve dhe studentëve të mi, por bashkë u njohëm më gjerë për shkak të krizës së shëndetit publik që goditi botën gjatë tri viteve të kaluara. Ajo prani mediatike dhe ai adresim i publikut nuk erdhi si rrjedhojë e babëzisë për përfitime ekonomike dhe as e etjes për lavdi personale, por erdhi si rrjedhojë e përgjegjësisë qytetare për të vendosur dijet, vlerat dhe vërtetësinë në shërbim të komunitetit tonë të sëmurë e në nevojë.
Me të njëjtën ndërgjegje qytetare, me të njëjtat vlera dhe me të njëjtin seriozitet, duke ndjekur hapat e prindërve të mi më parë, vij para jush për t’ju dedikuar plotësisht Tiranës dhe komunitetit të saj, pasi Tirana jonë është e sëmurë dhe në gjendje krize miqtë e mi. Dhe, miqtë e mi, Tirana i ka të gjitha mundësitë për t’u shëruar dhe ringjallur, vlerat dhe bukuria e saj mund të ripërtëriten, por kjo mund të ndodhë vetëm përmes punës, mundit dhe djersës, ndërgjegjes qytetare dhe kontributit të çdonjërit prej nesh që ka vendosur të ndërtojë jetën në Tiranë, përfshirë këtu edhe mua.
Sot, në shërbim të komunitetit, unë kandidoj në zgjedhjet primare për Bashkinë e Tiranës pranë Partisë Demokratike të Shqipërisë, me besimin e plotë se procesi i Primareve do të jetë plotësisht transparent, i besueshëm dhe shpresëndjellës.
Pranë Partisë Demokratike të Shqipërisë gjej njerëz, profesionistë dhe personalitete, që ndajnë të njëjtat shqetësime, kanë të njëjtën ndërgjegje qytetare, kanë të njëjtat vlera, dhe kanë të njëjtin besim se vetëm puna, mundi dhe djersa e pashtershme mundet ta shërojë Tiranën tonë dhe të çojë përpara zhvillimin e qëndrueshëm dhe të përgjegjshëm të Tiranës sonë. Ky ekip nuk është hermetikisht i mbyllur. Ai është një ekip i hapur dhe do të pasurohet me figura dhe profesionistë të tjerë me vlera të pamohueshme si nga forcat aleate, si nga shoqëria civile, pasi Tirana është e jona, është e të gjithëve ne!
Së fundmi, dua të bëj një thirrje patjetër të marrim pjesë masivisht në protestën kombëtare të datës 12 nëntor 2022 pikërisht në Tiranën tonë, për të filluar çrrënjosjen e të keqes që ka pllakosur në çdo prag.
Unë ju ftoj ju, të merrni pjesë masivisht në Protestën Kombëtare të 12 Nëntorit!
Unë ju ftoj ju, të merrni pjesë masivisht në Primare!
Unë ju ftoj ju, ta shërojmë të gjithë së bashku Tiranën tonë!
Tirana është e jona
Ndërkohë që përballë, fillimisht në garën e Primareve, do të ketë ish-kreun e FRPD-së, Belind Këlliçi dhe ish-nënkryetarin e Bashkisë së Tiranës, Gerd Bogdanin. Megjithatë procesi ende nuk është mbyllur dhe nuk dihet nëse për Tiranën do të ketë një garues të katërt.
Dje, me kode, Alimehmeti i paralajmëroi vetë garimin, por sot kandidatura e tij u zyrtarizua dhe nga Partia Demokratike, për më tepër që sot mjeku del për herë të parë nga selia blu.
Partia Demokratike dhe Partia e Lirisë shkojnë bashkë në zgjedhjet vendore të 14 majit 2023. Marrëveshja e kthyer në një "kontratë" bashkëpunimi elektoral mes dy partive u firmos nga dy kryetarët Sali Berisha dhe Ilir Meta. Belind Këlliçi dhe Gert Bogdani janë dy kandidaturat e para nga Partia Demokratike që kanë finalizuar kandidimin për primaret. Deri më tani janë lakuar edhe emra të tjerë për Tiranën si aktori Julian Deda që është njëkohësisht anëtari i Këshillit Kombëtar të Partisë Demokratike.
Edi Rama dhe dokumenti TIRANË- Kryeministri Edi Rama ka postuar dokumentat që sipas tij, janë shkaku i sulmit nga media "Top Channel" ndaj q...
Blendi Fevziu dhe Ervin Salianji TIRANË- “Gjithë diskutimi nëse nuk ka kandidatë të përbashkët do të jetë...
Blendi Fevziu dhe Ervin Salianji TIRANË- Deputeti i Partisë Demokratike Ervin Salianji thotë se nuk ka besuar prej fillimit në negociat...
Analisti Fatos Lubonja TIRANË- Analisti Fatos Lubonja gjatë një lidhje Live në emisionin ‘Open’ në News24 ka deklaruar...
Sali Berisha TIRANË- Ish-kryeministri Sali Berisha u shpreh se nuk ka frikë të hetohet në lidhje me dosje e CEZ që është...
Kontrolli në Durrës DURRËS- Kryedemokrati ka publikuar një video ku një tufë me efektivë shihen teksa ushtrojnë kon...
Sali Berisha TIRANË- Ish-kryeministri Sali Berisha, e ka cilësuar si gjueti shtrigash ligjin për hapjen e dosjeve. I ftuar në emisionin...
Sali Berisha TIRANË- Kreu i Partisë Demokratike Sali Berisha ka thënë se thelbi i betejës së tij është të rikt...
Sali Berisha TIRANË- Kryedemokrati Sali Berisha ka komentuar dënimin me 21 vite burg që i dha sot Apeli Izet Haxhisë, duke konfirmuar v...
Belind Këlliçi TIRANË- Kandidati në Primaret për kreun e bashkisë së Tiranës, Belind Këlliçi ka ...
