Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Tetë muaj pas zgjedhjeve i mandatuari për krijimin e qeverisë së re të Kosovës, Albin Kurti, do të provojë sot (26.10.) të arrijë në një seancë parlamentare një shumicë për të krijuar qeverinë e re.
Albin Kurti paraqet sot para deputetëve përbërjen e kabinetit qeveritar. Kurti nuk ka njoftuar nëse ka siguruar shumicën e nevojshme. Partitë e deritashme opozitare nuk pranojnë koalicion me Kurtin.
Tetë muaj pas zgjedhjeve i mandatuari për krijimin e qeverisë së re të Kosovës, Albin Kurti, do të provojë sot (26.10.) të arrijë në një seancë parlamentare një shumicë për të krijuar qeverinë e re. Megjithë insistimin e gazetarëve kryeministri në detyrë nuk pranoi të thotë, nëse ka arritur marrëveshje për koalicion me ndonjë nga subjektet politike parlamentare.
Mundësitë për koalicion
Lëvizja Vetëvendosje, e cila udhëhiqet nga Albin Kurti, arriti të fitojë në zgjedhjet e fundit parlamentare vetëm 48 deputetë, por atij i duhen edhe të paktën 11 vota për të bërë një shumicë të thjeshtë prej 61 votash, nga 120 vende sa i ka parlamenti i Kosovës. Lëvizja Vetëvendosje e ka përjashtuar mundësinë e bisedimeve me subjektin e dytë për nga fuqia e votës, Partinë Demokratike të Kosovës (PDK) që ka 24 deputë, ndërsa e ka lënë të hapur mundësinë për bashkëpunim me Lidhjen Demokratike të Kosovës (LDK) që ka 20 deputë dhe me Nismën Socialdemokrate, e cila ka vetëm tre deputetë.
Tri partitë më të mëdha parlamentare, të cilat deri tani ishin në opozitë, Partia Demokratike e Kosovës (PDK), Lidhja Demokratike e Kosovës (LDK) dhe Aleanca për Ardhmërinë e Kosovës (AAK) kanë deklaruar tashmë disa herë se nuk hyjnë në koalicion me Vetëvendosjen e Kurtit. Ky i fundit nuk pranon të bëjë koalicion me Listën Serbe, që ka nëntë deputetë, ndërsa të siguruara ka votat e disa deputetëve të pakicave joserbe, të cilët po ashtu kanë vetëm 10 vende në parlament.
Krizë e re institucionale?
Nëse të dielën nuk arrihet të krijohet qeveria e re e Kosovës, pas zgjedhjeve të 9 shkurtit dhe muajve të tërë përpjekjesh për të formuar institucionet e reja, Kosova mund të përballet me një krizë të re institucionale.
Në fillim të kësaj jave, gjatë një vizite në Londër, Albin Kurti la të kuptohej se mund të mos jetë në gjendje ta formojë qeverinë e re dhe tha se “zgjidhje alternative është edhe zhvillimi i zgjedhjeve të reja parlamentare”.
Mundësia e një mandatari tjetër
Megjithatë Kushtetuta e Kosovës përcakton që, nëse përbërja e propozuar e qeverisë së re nuk e merr shumicën e nevojshme të deputetëve, presidentja e Kosovës duhet të emërojë një mandatar të dytë për të krijuar qeverinë brenda dhjetë ditësh. Presidentja Vjosa Osmani këtë e tha edhe në njëintervistë për DW.
“Në qoftë se s’ka marrëveshje, atëherë, si presidente e vendit, do t’i ftoj të gjitha partitë politike për të parë, nëse ka mundësi që dikush ta krijojë shumicën, sepse mendoj që është përsëri herët të flasim për zgjedhjet e jashtëzakonshme, por ajo është një alternativë në qoftë se nuk krijohet shumica”, tha Presidentja Osmani.
I mandatuari i dytë për kryeministër, kushdo që të jetë, sërish do t’i kishte 15 ditë për t’i propozuar Kuvendit përbërjen e qeverisë. E nëse as herën e dytë i mandatuari nuk arrin të sigurojë shumicë parlamentare, atëherë presidentja e Kosovës është e detyruar të shpallë zgjedhjet e reja të jashtëzakonshme, të cilat duhet të mbahen brenda 40 ditëve nga data e shpalljes.
Krizë institucionale disamujorëshe
Që nga data 9 shkurt e këtij viti, kur u mbajtën zgjedhjet e rregullta parlamentare, Kosova hyri në krizë institucionale duke mos arritur që për muaj të tërë të konstituojë Kuvendin e Kosovës dhe as të krijojë qeverinë.
Kuvendi u konstituua javë më parë, pa nënkryetarin e Listës Serbe — parti kjo që e konteston zgjedhjen nënkryetar të një deputeti të vetëm serb jashtë kësaj partie, Nenad Rashiq. Lënda kundërshtuese e Listës Serbe tashmë është dërguarnë Gjykatën Kushtetuese, ndërsa kjo e fundit ka deklaruar se është duke e shqyrtuar lëndën e Srpska-s./DW
Edi Rama Edi Rama: Anëtarësimi në BE nuk është në dorën tonë. Kosova duhet të përmbushë në m&eu...
Albin Kurti KOSOVA- Në Kuvendin e Kosovës do të mbahet sot seanca e jashtëzakonshme, ku deputetët do të votojnë për...
Edi Rama GJERMANI- Kryeministri Edi Rama, ka folur mbi procesin e integrimit evropian të Shqipërisë. Në një intervistë p...
Albin Kurti dhe Edi Rama TIRANË- Kryeministri Edi Rama ka folur për marrëdhënie e tij me Kryeministrin e Kosovës, Albi...
Ervin Salianji TIRANË- Ish-deputeti i Partisë Demokratike, Ervin Salianji ka folur për garën për Bashkinë e Tiranës.&nbs...
Ditmir Bushati TIRANË- Ambasador Edward Djerejian ka punuar për tetë administrata amerikane në disa role shumë të rënd&e...
foto ilustruese TIRANË- Siguria dhe mirëmbajtja rrugore kanë qenë gjithmonë në fokusin e Autoritetit Rrugor Shqiptar, por ta...
Vjosa Osmani BERLIN- Presidentja e Kosovës Vjosa Osmani, e cila qëndron këto ditë në Berlin në një intervistë p&eum...
Foto ilustruese KOSOVA- Komisioni Qendror i Zgjedhjeve e ka miratuar listën e votuesve e për raundin e dytë të zgjedhjeve për krye...
Foto ilustruese TIRANA- Afati për regjistrimin e kandidatëve që do të marrin pjesë në zgjedhjet e pjesshme lokale të 9 n...
