Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Ai thekson gjithashtu, se Rama duket se nuk i reziston tundimit për tu zhytur në marrëdhënie të paqarta me Beogradin dhe Vuçiçin, duke përsëritur gabimet që kanë krijuar konflikte dhe keqkuptime në rajon.
TIRANË- Këshilltari i presidentes së Kosovës Vjosa Osmani, Kreshnik Çollaku ka komentuar letrën e e përbashkët Rama-Vuçiç, drejtuar vendeve të Bashkimit Europian për procesin integrues të dy vendeve të Ballkanit Perëndimor. Duke folur për mediat shqiptare, Çollaku deklaron se kjo është totalisht të pavend dhe një gabim, duke theksuar se ajo dëmton drejtpërdrejt interesat e Kosovës dhe përsërit dështimet e së kaluarës.
Çollaku shprehet se kjo lëvizje e Ramës është një rikthim tek modeli i dështuar i nismës “Open Balkan”. Ai thekson gjithashtu, se Rama duket se nuk i reziston tundimit për tu zhytur në marrëdhënie të paqarta me Beogradin dhe Vuçiçin, duke përsëritur gabimet që kanë krijuar konflikte dhe keqkuptime në rajon. Ndër të tjera, Këshilltari i presidentes nënvizoi se nëse Brukseli do ta merrte seriozisht këtë letër, pala e vetme e humbur do të ishte Kosova.
"Më duket, më duket totalisht e pavend, më duket e pamend, një gabim dhe rikthim në një rrobë të vjetër siç ishte Open Balkan-is, praktikisht kjo është një model, është e njëjta mendësi. Nuk e kuptoj pse zoti Rama nuk i reziston tundimit për t'u zhytur në të tilla marrëdhënie të paqarta me Beogradin dhe me Vuçiçin. Përpjekja e parë me Open Balkan, me Mini-Shengenin mori një përgjigje ai e pa se si përfundoi, na konsumoi kohën, katër vite, pesë vite duke e kritikuar. Komplikoi marrëdhëniet e Shqipërisë me Kosovën. Por në fund rezultoi një nisëm, e kuptoi që rezultoi një nismë e dështuar, nuk pati mbështetje as evropiane, as amerikane kjo e fundit.
Shqipëria, sido të jenë marrëdhëniet midis dy kryeministrave, presidentëve, kryetarëve të parlamenteve, kush, pavarësisht si do të jenë, duhen apo nuk duhen, jemi të detyruar të ecim të koordinuara në raport me interesat strategjike, në raport me kundërshtarët strategjikë, që është Serbia, me armiqtë strategjikë që është Serbia. Serbia pretendon territorin e Kosovës, sovranitetin e Kosovës. Si mundet Shqipëria të bëjë kauzë të përbashkët për në BE me Serbinë duke i hequr Kosovës një armë të mirë që ka në raport me Serbinë, që është procesi i integrimit dhe neni 35, që Serbia e ka detyrim ta plotësojë në Bruksel.
Rama me atë letër duket sikur do t'i krijojë një shortcut, sikur do t'i krijojë një ashensor për t'ia, për ta kaluar pengesën. Më duket e pamend, irracionale. Dhe nuk e kuptoj pse nuk vetë-frenohet kryeministri Rama. E provoi njëherë me Open Balkan-in, e pa që nuk funksionon. Krijoi konflikt me Kosovën, krijoi konflikt brenda vendit, krijoi keqkuptime me, me miqtë ndërkombëtarë. Ritenton prapë me këto skema. Nuk ka rëndësi fare letra, letra është një simbolikë mendoj. Po si mundet të mendosh të bësh një letër të tillë? Sikur, çfarë do të thuash? Është e pakuptimtë në rastin më të mirë, është e gabuar në mënyrë absolute dhe besoj do të ketë të njëjtin rezultat siç kishte nisma me Open Balkan apo ajo marrëdhënia e asaj kohe. Krijon marrëdhënie, distanca me Kosovën. Lë në aneks Kosovën.
Në rast se do të merret parasysh kjo letër nga Brukseli, nuk do të merret besoj unë, po në rast se do të merret parasysh, e humbura është Kosova, sepse Serbisë i lejohej, i hiqet ajo nyja e nenit 35, kapitulli 35 i negociatave të saj, që është detyrimi i Serbisë për të njohur Kosovën. Si mund t'ia hapësh këtë pistë kësaj pike të pistë Serbisë duke mos llogaritur çfarë lë mbrapa? Kuptoj fryma e bashkëpunimit. Po do e kuptoj edhe frymën e protagonizmit e këtij liderizmit të ndërkombëtar. Po çështja e Kosovës në mes, nuk mundet Edi Rama, asnjë lider i Shqipërisë të krijojë këtë marrëdhënie me Beogradin për sa kohë Kosova është në mes si problem i madh kombëtar i pazgjidhur ende në raport me Serbinë," u shpreh këshilltari i Osmanit./Dosja.al
Tedi Blushi TIRANË- Sekretari i Përgjithshëm i Partisë së Lirisë, Tedi Blushi ka bërë thirrje për mobili...
TIRANË- Gazetari Enver Robelli ka bërë një reagim në rrjetet sociale, pas publikimit të mesazheve të Mirosla...
Sali Berisha TIRANË- Kryetari i Partisë Demokratike, Sali Berisha, ka përshëndetur vendimin e Bashkimit Europian për heqjen e t&eu...
SPANJË- Ministri për Evropën dhe Punët e Jashtme, Ferit Hoxha po zhvillon një vizitë zyrtare në Madrid të Spanjës...
TIRANË- Vrasja e inxhinierit elektrik, Rigels Kaso në Tiranë, për prokurorinë e kryeqytetit nuk është “Vrasje me dash...
Fredi Beleri TIRANË- Gjykata Kushtetuese ka vendosur të mos kalojë për shqyrtim në seancë plenare ankimimin e eurodepute...
Ervin Demo TIRANË- Ministri i Shtetit për Pushtetin Vendor, Ervin Demo foli për nismat, arritjet dhe sfidat e pushtetit vendor. Duke fo...
Benet Beci TIRANË- GJKKO ka kaluar për gjykim dosjen ndaj kryebashkiakut të Shkodrës, Benet Beci, dhe ndaj 6 zyrtarë...
Sali Berisha BRUKSEL- Kryetari i Partisë Demokratike, Sali Berisha, është nisur drejt Brukselit për të marrë pjesë n&eum...
Foto ilustruse IZRAEL - Ministri i Jashtëm i Izraelit, Gideon Sa'ar ka reaguar pas vendimit të Parlamentit të Shqipërisë p&eu...
