LIVE UPDATES
Politike

Lufta dhe 'paqja' me Ramën&SHBA/ Dita e fundit e Ilir Metës si president, nesër e presin në LSI

Një tjetër përplasje me qeverinë, kreu i shtetit e shënjoi po në 2019, pas dekretit që shtynte zgjedhjet lokale të 30 Qershorit, pasi opozita (PD-LSI) kishte vendosur bojkotin e tyre. Zgjedhjet u shtynë me dekret për në tetor, kurse maxhoranca mori të gjitha bashkitë, me përjashtim të asaj në Pustec.

24 Korrik 2022, 16:26 Nga k.m.
Lufta dhe 'paqja' me Ramën&SHBA/ Dita e fundit e Ilir
Ilir Meta, Sandër Lleshaj dhe Gent Cakaj

TIRANË- Ilir Meta po kalon orët e fundit si president i vendit. Sot në vendin e tij do të betohet Bajram Begaj, i votuar më 4 qershor me 78 vota nga Kuvendi i Shqipërisë, për të “çliruar” kështu presidentin nga posti i kreut të shtetit. Presidenti në detyrë Ilir Meta, u vendos në krye të shtetit më 24 korrik të 2017, disa muaj pasi ishte zgjedhur me propozim të socialistëve, u votua në Kuvend vetëm nga mazhoranca, me 88 vota. Ndërsa opozita kishte dy muaj që bojkotonte Kuvendin. Për kryeministrin Edi Rama, zgjedhja e Metës president ishte e detyruar pasi nuk i kishte votat për të votuar kreun e shtetit.

Megjithatë nuk ngurronte që ta cilësonte si presidentin më të mirë që kishte pasur vendi.

Ilir Meta nuk ka bërë asnjë gabim deri më sot. Nuk është se kemi shumë komunikim,po ka pak rëndësi. Ajo që unë vlerësoj është pozicioni që ai mban. Nëse nuk do ishte Meta, po një person që s’do kishte bagazh nga e shkuara do ishte shume keq. Është presidenti më i mirë që kemi pas,”- u shpreh Rama.

Lufta dhe 'paqja' me Ramën&SHBA/ Dita e fundit e Ilir

Mirëpo ky konstatim do të rrëzohej shumë shpejt. Që para se të betohej në atë detyrë ai u përfshi në fushatën e vitit 2017, duke dalë hapur në përkrahje dhe mbështetje të Lëvizjes Socialiste për Integrim. Edhe pse priste vetëm ditën e betimit. Gjatë fushatës nuk munguan dhe akuzat, ndërsa dhe Rama kërkonte ‘timonin’ i vetëm. Me të ardhur në detyrë, drejtimi i Presidencës u karakterizua nga përplasje të shpeshta me qeverinë. Pikënisja ndodhi kur në fillim të 2019, kur Meta refuzoi dekretimin e Gent Cakajt dhe Sandër Lleshaj, si ministër përkatësisht të Jashtëm dhe të Brendshëm. Çështja me Lleshajn u sqarua, por Cakaj nuk u emërua kurrë në detyrë. Postin e mori vetë kryeministri Edi Rama, duke ia deleguar të drejtat Cakajt.

Lufta dhe 'paqja' me Ramën&SHBA/ Dita e fundit e Ilir

Një tjetër përplasje me qeverinë, kreu i shtetit e shënjoi po në 2019, pas dekretit që shtynte zgjedhjet lokale të 30 Qershorit, pasi opozita (PD-LSI) kishte vendosur bojkotin e tyre. Zgjedhjet u shtynë me dekret për në tetor, kurse maxhoranca mori të gjitha bashkitë, me përjashtim të asaj në Pustec. Për ta bërë edhe me keq situatën e tij, në tetor opozita as që u regjistrua për zgjedhje, duke shënuar një situatë të pazakontë në vendin tonë.

Më 2 mars, të vitit 2020 Meta bëri atë që nuk e ka bërë asnjë president tjetër. Thirri miting kundër qeverisë. Më 2 mars të 2020 ai u zhvendos nga zyra e tij në bulevardin “Dëshmorët e Kombit” në tubimin kundër atij që e quajti grusht shteti. Ligji anti-shpifje, zgjedhja e anëtarëve të Gjykatës Kushtetuese, ndryshimet në kodin zgjedhor për heqjen e koalicioneve parazgjedhore dhe skandalet e tjera të qeverisë kanë përplasur në vazhdimësi Kreun e Shtetit me Parlamentin. Por kulmi arriti me betimin e dy anëtareve të Këshillit të Emërimeve në Drejtësi. Por edhe pas përplasjeve që pati asokohe me kreun e KED, gjyqtarin Ardian Dvorani. Meta u fut në betejë ligjore me të duke e akuzuar se po bënte një grusht shteti. Përplasja e Presidentit Ilir Meta me Ardian Dvoranin erdhi pas ngërçit në Gjykatën Kushtetuese dhe dublikimin e një vendi, për të cilin u emëruan dy anëtare, Marsida Xhaferrllari nga Meta dhe Arta Vorpsi nga KED.

Pas betimit tek noterja, Meta akuzoi Dvoranin se kishte shkelur ligjin dhe kishte kryer dy vepra penale, shpërdorim detyre dhe përvetësim të titullit apo detyrës. Ai bëri edhe kallëzim në SPAK, por nuk u ndal me aq duke thirrur edhe një protestë më 2 mars 2020, ku iu bashkua edhe opozita. Në fund, Meta e përsëriti qëndrimin e tij: vija e kuqe hiqej tek Kushtetuta! Tensionet me të nuk janë shuar as tani që ai mori titullin "kampion i korrupsionit" nga Ambasada Amerikane për luftën që ai ka bërë në fushën e tij. Por ky fakt s'ka ndryshuar asgjë tek Meta, as sot. 

Presidenti Ilir Meta dekretoi Masrsida Xhaferllarin në një kohë kur kandidatja tjetër në listë Arta Vorpsi shkoi në kushtetuese automatikisht. Po ashtu, për zgjedhjen e Xhaferllarit, Presidenca publikoi një argumentim të thelluar e të komplikuar tekniko juridik. Në të tilla kushte thotë presidenca i hiqej kuvendit e drejta për të zgjedhur pasi lista e KED do të reduktohej nga 3 në 2 kandidatë. Gjihashtu për zgjedhjen e zonjës Marsida Xhaferllari presidenca e argumenton me faktin se ajo kishte CV më të mirë. Zonja Xhaferllari ende nuk ka përfunduar procesin e vettingut, ajo do përballet me 21 janar me komisionin e posacëm te apelimit. Presidenti iu rikthye deklaratave të forta akuzuese ndaj maxhorancës një ditë më parë. Megjithatë toni akuzues i presidentit dhe përplasja më e re me maxhorancën e Edi Ramës nuk e stepën Arta Vorpsin të merrte detyrën. Kjo e fundit nuk humbi kohë të presë ftesën për tu betuar përpara presidentit, duke shkuar përpara një notereje, duke u betuar se gjatë kryerjes së detyrave do ti qëndroj kurdoherë besnik kushtetutës së Republikës së Shqipërisë.

“2 Marsi nuk ishte një tubim për arsye që Ilir Meta të tregonte se e donte populli. 2 Marsi erdhi si nevojë e kapjes së shtetit, sepse Parlamenti po nxirrte akte pikërisht për të uzurpuar Gjykatën Kushtetuese. Gjykata Kushtetuese ishte vija e kuqe sepse ky institucion është vetë sovraniteti i Shqipërisë. Nëse unë nuk jam i sigurt që masa të tilla të merren atëherë unë nuk kam çfarë të bëj të shkoj para me përfaqësimin e 2 marsit. Unë e mora një përgjigje, por tre javë para 2 marsit. Kur u pa që ishte gjithë ai popull, nuk ishte popull opozitar, por ishin persona të pakënaqur. Presidenti bëri çdo përpjekje për mos e bërë 2 marsin. Unë e kam lajmëruar zotin Dvorani. Unë i kam thirrur hajde bisedojmë mora dhe Avokaten e Popullit. A mund t’i thuhet jashtë publikut, kur presidenti është i pa interesuar për debat, por vetëm për zgjidhje dhe ti t’i thuash ditën tjetër që kanë parë këta ekspertët tanë dhe qëndrimi i presidentit nuk është i drejtë. Shqipëria ngeli pa Gjykatë Kushtetuese, kjo i intereson vetëm qeverisë të bënte ato që bëri dhe po bën ato që po bën. Ata e bllokuan KED qëllimisht,”-thoshte Meta.

Por kulmi i marrëdhënieve të acaruara kapi kulmin në prag të zgjedhjeve parlamentare të 2021. Meta u angazhua që të mbronte votën pavarësisht rolit në krye të shtetit. Madje nuk u kursye edhe me retorikën e tij, ku kërcënonte se do t’i priste dorën kujdo që prekte votën. Tensionet politike me maxhorancën, prodhuan edhe konfrontim fizik në zyrat e një partie politike, FRD në 12 mars të 2021, ku shkoi për të mbrojtur zyrat e Sali Shehut, për të cilin u konfliktua me Policinë Bashkiake. Meta luhatje pati edhe në marrëdhënie me opozitën, të cilën e kundërshtoi për lënien e mandateve duke e quajtur tradhti ndaj demokracisë, duke mos kursyer edhe bashkëshorten e tij, Monika Kryemadhi. Ndërsa për Lulzim Bashën, nuk është kursyer as për të treguar prapaskenat e  kërkesës së tij për shtyrjen e zgjedhjeve lokale të 2019. Ndërsa Basha e cilëson si pjesë të trekëndëshit të Bermudës (Meta-Rama-Berisha).

Po ashtu, kjo periudhë shënoi edhe krisjen më të thellë me ndërkombëtarët, veçanërisht me ambasadoren amerikane Yuri Kim. Lidhur me përplasjen e tij publike me ambasadoren amerikane në Shqipëri, Yuri Kim, Meta u shpreh se kishte bërë gjithçka për të parandaluar konfliktet publike, ndërsa Kim me postime në rrjete sociale dënonte ashpër thirrjet e Presidentit drejtuar qytetarëve që të kapin “sfurqet” për të mbrojtur demokracinë. Mbrëmjen e 23 prillit, teksa ishte live në emisionin "Çim Peka Live", Meta mori një mesazh nga ambasadorja Yuri Kim. Përgjigjen Meta ia dha live:

"I kam thënë ambasadores që nëse keni gjë me mua më lajmëroni nëse e keni se unë e di që ju më vrisni nëse doni. Por të paktën, më çoni te Mali me Gropa dhe më lëshoni një raketë që të mos dëmtoni njerëzit e tjerë."


Megjithatë pas tensioneve të njëpasnjëshme, Meta ka shuar sherret me ambasadën amerikane, për t’u kthyer kështu në “urën” e vetme mes ndërkombëtareve dhe opozitës së re. Pasi kryedemokrati Sali Berisha është shpallur “non grata” si nga Departamenti i Shtetit dhe Mbretëria e Bashkuar.

Meta ka vendosur rekord për diçka tjetër. Meta u bë presidenti i parë në historinë e pluralizmit për të cilin Kuvendi merr nismën për ta shkarkuar, jo një por 2 herë. Por nuk ia doli në asnjë moment. As për gjuhën e përdorur në zgjedhjet parlamentare në 2021, as për mosdekretimin e ministrave.

Por me rikthimin në opozitë, Meta nuk humb asnjë ditë kohë. Nesër, LSI mbledh Konventën Kombëtare, ku pritet që Meta të marrë drejtimin e forcës politike që themeloi e drejtoi për ta lënë për 5 vite në duart e Kryemadhit. Megjithatë kurrë në asnjë moment nuk e ka pranuar plotësisht, por ka lënë të kuptohet se mund të krijojë një forcë të re politike. Ndërsa vetë ka dhënë ‘hint-e’ se do të ketë diçka me “Agimi”, pasi është term që e përdor shpesh. Ndoshta dhe për të testuar audiencën.

Deri më tani, Meta ka qenë i qartë aleati i tij kryesor do të jetë Sali Berisha, ndërsa sfida e parë, me shumë gjasa gara për Bashkinë e Tiranës vitin që vjen. Sigla, mbetet ende për t’u zbuluar...

ilir meta sandër lleshaj gent cakaj

Sondazh

Poll

VIDEO-VIRALE/ Po fliste në Rrugën e Salës, demokrati 'kapet mat' nga gruaja

VIDEO-VIRALE/ Po fliste në Rrugën e Salës, demokrati 'kapet mat' nga gruaja

"Injoranca nuk është argument" Nuk i pëlqeu pyetja, Rama prek në faqe gazetaren Ambrozia Meta

Del VIDEOJA, Elia godet Princ Lekën: Familja ime të ka mbajtur me bukë

VIDEO/ Noka i jep Spiropalit pankartën, Ministrja ofrohet ta mbaj para fytyrës

Publikohen pamjet nga brenda bazës ajrore të Kuçovës, Komandanti: E gatshme për stërvitjen e trupave

Tempulli 2/ Me kanabis gati për shitje dhe shuma parash, arrestohen 4 të rinj në Tiranë

Dalin pamjet nga kasollja ku u vra 50-vjeçari në Durrës

Kontrabandonin ilaçe dhe telefona, arrestohen dy persona në Tiranë, sekuestrohen 47 iPhone

I vunë flakën eskavatorit me vlerë 150 mijë euro, arrestohen 2 autorët e ngjarjes

Reshjet e shiut dhe borës në vend, policia: Moderoni shpejtësinë e mos kryeni parakalime të gabuara

Kampioni Alvin Karaqi mes lotësh: Për besë u ndjeva si Gjergj Kastrioti kur mora flamurin

'Dokumentar horror'/ Berisha publikon pamjet: Do ju paraqes terrorin që Bajrajt ushtruan më 14 maj

Krimi në Bulqizë/ Fqinji: Po hante bukë në banesë kur erdhën dy makina!

Dosja "Gjici"/ Zv.kryetari i bashkisë së Kukësit shkon në SPAK

Newsroom 11 |XAMA: LAJMI I FUNDIT FAKE QË PASHË, ISHTE PËR MUA

Newsroom 11 |XAMA: KËSHILLË QYTETARËVE- MOS LEXONI VETËM NJË BURIM

Newsroom 11 | XAMA: GAZETARËT NUK SHKRUAJNË ME EMËR, KJO S'ËSHTË ETIKE

Xama në Newsroom: Lajmet e rreme përhapin panik! Më akuzuan se kisha marrë para për një shkrim

Muka në Newsroom: Në Shqipëri ka portale gjobaxhie, u bëjnë shantazh njerëzve

Xama në Newsroom: Fake News shpërndahet më shumë në Facebook e Tik Tok! Gazetarët të shkruajnë emrin

Newsroom 11 |Kush prodhon lajme të rreme në Shqipëri

Newsroom 10 |SENJA: NE S'REAGOJMË NDAJ GJUHËS SË URREJTJES

Newsroom 10 |HAZIZAJ: 'ÇOHU ENVER', PJESË E GJUHËS SË URREJTJES

Newsroom 10 | HAZIZAJ KEMI MARRËVESHJE PËR TË MBROJTUR 'VIKTIMAT'

Newsroom 10 |HAZIZAJ: GJUHA E URREJTJES KA SHKAKTUAR DHE KRIME

Newsroom 10 |GAZETARI: GJUHA E URREJTJES, PJESË E SHOQËRISË

Newsroom 10 |HAZIZAJ: GJUHA E URREJTJES, E FRIKSHME NË SHQIPËRI

Vidhnin në banesa duke përdorur çelësa të klonuar, vihet në pranga 1 person,nje tjeter në kërkim

Newsroom 10 |GJUHA E URREJTJES PËRDORET NGA POLITIKA, AMA TË KONTROLLOJË GJUHËN E URREJTJES

Newsroom 10 | HAZIZAJ: STEREOTIPET NXISIN GJUHËN E URREJTJES

Newsroom 10 | HAZIZAJ: GJUHA E URREJTJES LUFTOHET ME EDUKIM

Newsroom 10 | Gjuha e urrejtjes në media, si dhe kush e shpërndan?

Ndryshimet në PS/ Gjiknuri: S'është fundi, por fillimi i diçkaje të re.

Inceneratorët/ S’kam dhënë asnjë kontratë pa garë, ato janë publike!

Ndihet 'i shitur' nga Rama? Gjiknuri: Nuk ndjej braktisje, kam komunikim me të prej 20 vitesh

Klosi: Kemi primare reformimin e partisë, PS synon mandatin e katërt

U shkarkua si Sekretar i Përgjithshëm, Gjiknuri: PS edhe kur fiton, refekton!

Digjet shtëpia në Shkodër, në banesë ndodhej një i moshuar, përfundon në spital

Vazhdon përplasja në PD! Basha kërkon mbledhjen e Komisionit të Etikës për të, Bardhi: Shenjë humbje

Vrasja e Jetmirës/ Autori u dënua me 28 vite burg, nëna e viktimës: Duhet dënim përjetë!

Newsroom 9 | Kallanxhi: Threads? S`besoj se do zgjasë shumë

Newsroom 9 | Eksperti i IT: Mos merrni për bazë asgjë thuhet në rrjet

Newsroom 9 | Gazetarja: po ndodhin vrasje nga tik tok

Newsroom 9 | Eksperti i IT: Fake News dallohet vetëm po të jemi kritikë

Newsroom 9 | Kallanxhi: Shqiptarët besojnë gjithçka shohin në rrjet

Newsroom 9 | Eksperti i IT, Tomi Kallanxhi: Tik Tok ka "fake news" sepse s'ka censurë

Newsroom 9 | Gazetarja: Shqipëria do kohë të përshtatet me Tik Tok

Newsroom 9| Eksperti i IT: Çdo rrjet është i përkohshëm, duhet të kujdesemi për vlerat

A mund të mbyllet TikTok për Shqipërinë? Flet për Newsroom eksperi i IT

Fëmija mbyllet brenda në shtëpi, nëna e alarmuar njofton zjarrfikësit, NDËRHYRJA nga ballkoni