Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Kryedemokrati gjithashtu akuzoi qeverinë se është mbështetur mbi dy shtylla kryesore, që sipas tij janë droga dhe kontrolli i mediave. Ndër të tjera, ai tha se plantacionet masive të kanabisit në vitin 2015 krijuan miliarda euro para të nëndheshme, të cilat, sipas tij, zhytën policinë, ligjin dhe hodhën themelet e një narkoshteti.
TIRANË- Kreu i partisë Demokratike, Sali Berisha ka komentuar arrestimin e arrestimin e Federica Mogherinit, rektorja e Kolegjit të Europës dhe 2 zyrtarëve të lartë të BE-së. Në një takim me qytetarët e njesisë nr.9, Berisha theksoi se Mogherini, e cila është rektore edhe në degën e Kolegjit të Europës në Tiranë, kishte në plan të vizitonte Shqipërinë dhe se kryeministri Rama kishte bërë programin që t’i merrte deklarata. Lideri i opozitës theksoi se Eurojust i dha Mogherinit ato deklarata që meritonte.
Kryedemokrati gjithashtu akuzoi qeverinë se është mbështetur mbi dy shtylla kryesore, që sipas tij janë droga dhe kontrolli i mediave. Ndër të tjera, ai tha se plantacionet masive të kanabisit në vitin 2015 krijuan miliarda euro para të nëndheshme, të cilat, sipas tij, zhytën policinë, ligjin dhe hodhën themelet e një narkoshteti. Më tej, berisha tha se mediat në vend janë 90% nën kontrollin e qeverisë, duke shkaktuar helmim mediatik, manipulim dhe fshehje të së vërtetës.
"Mirëmbrëma dhe përshëndetjet më të përzemërta për ju demokrate e demokratë, të pranishëm në këtë sallë, kudo që jeni sonte në Tiranë, në mbarë vendin dhe mbështetës të PD. Së pari, do përulem me mirënjohjen e pakufishme ndaj të gjithë jush, ndaj kontributit dhe përpjekjes tuaj të jashtëzakonshme kundër këtij regjimi. Regjim që në fakt ka shkretuar këtë vend sa asnjë pushtim tjetër në tërë ekzistencën e tij. Regjim që ka sjellë këtë komb në mënyrë absolute para alternativës të jesh apo të mos jesh.
Kjo sepse nga një komb ndër më të rinjtë në Europë dhe në botë që ishim vetëm pak dekada më parë, sot jemi kombi me numrin e lindjeve që kishim 100 vite më parë kur ishim gjithsej 700 mijë banorë. Sot jemi kombi me lindshmërinë më të ulët në botë për shkak të largimit të të rinjve tanë nga Shqipëria. Sot jemi kombi që nga viti 2018 gjer sot, vdekjet dominojnë shumë mbi lindjet. Dhe në këtë trend, në këtë rrokullisje, kombi shqiptar ka për fat reduktimin e gjysmë milionë e mos më shumë.
Pse u ndala në këtë moment? U ndala në këtë moment për të theksuar se jetojmë në një sistem diktatorial, i cili e ka pranuar pluralizmin, se ja ku jemi parti politike, nuk e ka të ndaluar me Kushtetutë dhe ligje, por e shtyp pa princip, e shtyp dhe i ngushton hapësirën me të gjitha mjetet për të qëndruar në pushtet. Dhe në këtë mënyrë, ai vazhdon të bazohet në dy shtylla kryesore. Bazohet në drogën. Miqtë e mi, duhet t’u them këtu se kombi në ekzistencën e tij nuk ka pasur faktor më shfarosës se sa droga.
Çfarë ndodhi me ne? Në vitin 2015, Edi Rama mbolli nga Pogoni gjer në Koshuticë në thellësi të Alpeve, me mijëra parcela kanabis. U krijua një fond miliarda eurosh parash të nëndheshme. Po çfarë ndodhi? Policia u zhyt e tëra në drogë. Ligji u zhyt i tëri në drogë. Shqipëria humbi ligjin. Shqipëria hodhi në një vit, ndoshta si asnjë vend tjetër në histori, themelet e narkoshtetit, të cilit po i marr sot me disa elementë kanë shtrirë përdhe euron, e kanë ulur atë me 30-35 përqind. Me mijëra punëtorë humbën vendet e punës sepse eksportet falimentuan. Me mijëra punëtorë humbën vendet e punës sepse prodhimi industrial ra.
Me qindra mijëra familje që jetojnë me ato remitanca marrin prej vitesh 30 përqind më pak për shkak të zhvlerësimit të euros. Imagjinoni ju një njeri me 6 miliardë euro që vjen nga errësira e errësirës, siç është Frank Çopja, që i përdor ato kundër jush, kundër vendeve të punës tuaj, i përdor për të blerë zgjedhjet, i përdor ato për të investuar aty ku do dhe nuk duhet. Ja ku janë kullat miq. Kullat janë të pashitura shumica. Jo, i kanë blerë çunat e drogës dhe i lënë ashtu, i lënë aty. Pra, çfarë është kjo para?
Kjo para toksike more miqtë e mi, kjo i përzë fëmijët tanë, djemtë tanë, vajzat tona nga Shqipëria. Kjo është njëra anë. Për të mos thënë tjetrën që vret kudo, vret në aeroport, vret kudo. Atë shtet të brishtë, atë shtet ia fali krimit Edi Rama. Dhe sundon me krimin. Mirëpo në rrafshin politik, kush e pësoi nga kjo? Opozita e pëson sepse i gjithë ky potencial bie mbi opozitën. Problemi është se ne vinim nga një sistem diktatorial, kaluam në një sistem demokratik dhe kjo ndodhte para syve tanë pa e kuptuar se çfarë po ndodh.
Mediat u vunë të gjitha në kontroll, 90 përqind thonë raportet ndërkombëtare, nën kontrollin e qeverisë.
Kjo do të thotë helmim mediatik ditë e natë për qytetarët. Helmim në kuptimin e mashtrimit, manipulimit, fshehjes së të vërtetave dhe servirjes së gënjeshtrave nga mëngjesi gjer në darkë. Kjo do të thotë para e pafundme për të korruptuar cilindo. Cilido nuk është i korruptueshëm, por për të korruptuar sa më shumë brenda dhe jashtë vendit njerëz. Kjo është e vërteta. Ajo zonja që u arrestua dhe unë e përgëzoj, ajo nesër do ishte në Tiranë. Edi Rama i kishte bërë programin që t’i merrte deklarata asaj, por për fat të mirë Eurojust ia dha deklaratat asaj që i meritonte," tha Berisha./Dosja.al
Ardit Bido TIRANË- Deputeti i Partisë Socialiste, Ardit Bido ka kritikuar opozitën në lidhje me festën e 28 nëntorit. Nga Kuv...
foto ilustruese ITALI- Organizata ndërkombëtare ‘ActionAid’ ka paraqitur një ankesë prej 60 faqesh pranë Gjykat&...
Tedi Blushi. TIRANË- Deputeti i Partisë Liria, Tedi Blushi ka deklaruar se 60 lekë në ditë është tallje për pe...
Foto Ilustruese TIRANË- Një debat ka shpërthyer në Kuvend mes deputetit të PL-së, Tedi Blushi dhe deputetes së PS-së...
Eno Bozdo TIRANË- Deputeti i Partisë Demokratike, Eno Bozdo ka deklaruar se 1 mijë hektarë tokë janë të përmb...
Erion Braçe TIRANË-Deputeti i Partisë Socialiste, Erion Braçe tha se ka nisur shpërndarja e bonuseve për pensio...
Ivi Kaso TIRANË- Deputeti i Partisë Demokratike, Ivi Kaso foli në Kuvend për dëmet e krijuara në vend nga përmbytjet.&n...
Bujar Leskaj TIRANË- Deputeti i Partisë Demokratike, Bujar Leskaj ka deklaruar ditën e sotme se Vlora është pasqyra e &...
Tedi Blushi TIRANË- Deputeti i Partisë Liria, Tedi Blushi ka kërkuar të dijë se kush do të japë llogari për s...
Agron Gjekmarkaj TIRANË- Deputeti i Partisë Demokratike, Agron Gjekmarkaj foli për përmbytjet e fundit të regjistruara në Shq...
