"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Ai theksoi se vendi ende nuk ka mundësuar një proces të organizuar për këtë çështje, duke e krahasuar situatën me Serbinë, ku punimet për gjetjen e eshtrave të viktimave të Kosovës kanë qenë më të avancuara.
TIRANA- Gjatë seancës plenare të sotme, deputeti Erald Kapri ngriti shqetësime për mënyrën se si Shqipëria ka trajtuar çështjet e të përndjekurve dhe të viktimave të regjimit komunist, duke vënë theksin te mungesa e progresit në gjetjen e eshtrave të personave të vrarë gjatë periudhës së komunizmit. Ai theksoi se vendi ende nuk ka mundësuar një proces të organizuar për këtë çështje, duke e krahasuar situatën me Serbinë, ku punimet për gjetjen e eshtrave të viktimave të Kosovës kanë qenë më të avancuara.
Kapri nënvizoi gjithashtu se Parlamenti ka një përgjegjësi morale dhe politike për të adresuar të kaluarën dhe për të ndihmuar në zbardhjen e fatit të viktimave të komunizmit. Ai kritikoi të gjitha palët politike për dështimin në këtë drejtim, duke kërkuar një angazhim më të madh institucional.
Krahasimi i bërë nga Kapri me Serbinë nxiti reagimin e kreut të grupit parlamentar socialist, Taulant Balla, i cili e konsideroi krahasimin të papërshtatshëm dhe të rëndë, duke theksuar se kjo nuk i bën nder as Kuvendit dhe as vetë deputetit.
Pjesë nga debati:
Erald Kapri: Për çështjen e eshtrave dhe të mos gjeturve është një skandal. Nuk e besoni ndoshta, por Serbia ka lejuar ICMP-në që është edhe në Shqipëri, të gjejë shqiptarët e Kosovës të vrarë në territorin e saj, dhe janë gjetur. Në Shqipëri nuk mundësohet akoma. Kam pyetur Prokurorin e përgjithshëm që ka dhënë garancinë se sa herë të gjendet një eshtër, prokurorët të gjendet aty.
Kjo është shumë e rëndësishme, sepse në momentin që gjendet një eshtër, prokurori duhet të hapi hetim dhe të shoh nëse është torturuar, kush e vrau, të hapi hetim penal. Sot nuk kemi dënuar asnjë person për krimet e komunizmit. Vendi me diktaturën më të egër, nuk ka një të dënuar për krimet, 6 mijë të vrarë. Gati 30 mijë njerëz në burgje, mbi 60 mijë të tjerë në internime, megjithëse shifra të sakta nuk kemi.
E ka detyrim ky Parlament përtej të majtës, të djathtës, sepse të dyja kanë përgjegjësi për këtë dështim mbi këtë çështje, por nuk mund ta zbarisim më shumë kompensimin për të përndjekurit politikë… Me thënë të drejtën, dua të shoh që maxhoranca të bëj ndonjë lëvizje sepse ndonjëherë më duket absurde sesi kjo maxhornacë kujton se ka nisur historinë e vetë në 1941. Ka figura të së majtës që edhe një kontribut të jashtëzakonshëm por nuk i nderon kush sepse ata i ka vrarë dhe i ka nxjerrë jashtë loje Enver Hoxha.
Kemi dështuar me të kaluarën e komunizmit dhe ky është një turp më të mëdha të shoqërisë sonë, politikës sonë, nuk u dhamë drejtësi atyre familjeve, nuk u dhamë ato pak para që ata meritonin, por edhe sot në nuk e kemi të qartë se çfarë duhet të bëjmë për të mbyllur këtë plagë të madhe. Nuk e kemi të qartë, flasim në ajër, por nuk e dimë çfarë të bëjmë për të zgjidhur plagët e komunizmit.
Taulant Balla: Krahasimi që sapo bëri deputeti se nuk qenkemi as tek Serbia në gjetjen e trupave të atyre që janë pushkatuar në Shqipëri pavarësisht mendimit që duhet të bëjmë gjithçka për t’i gjetur, e konsideroj si të pavend dhe i kërkoj deputetit të kërkojë ndjesë për krahasim që nuk i bën nder një deputeti të Shqipërisë.
Janë 1636 trupa shqiptarësh të Kosovës që ende nuk gjenden në Serbi, janë shqiptarë të cilët u burgosën në burgjet e Serbisë dhe sot nuk i gjendet trupit. Të vijë një anëtarë i Kuvendit të na bëjë moral e të na thotë që “ne nuk jemi si Serbia”, ku 1636 shqiptarë që u burgosën nuk i gjendet trupi, kjo është jo e rëndë, por nëse nuk distancoheni menjëherë, nuk e di se si mund të rrimë bashkë në një sallë.
Unë pranoj gjithçka, por askënd të më krahasoj Shqipërinë me Serbinë në këtë kontekst. Kemi përgjegjësi të gjithë, të bëjmë gjithçka. Si mund të marrësh fjalën të thuash “as sa Serbia nuk kemi bërë në”. Gjej mo një vend tjetër, mos më krahaso mua Shqipërinë me Serbinë, kur Serbia ka hesape të pambyllura me shqiptarët. Kjo nuk është gafë, është e rëndë.
Erald Kapri: Unë mendoj që çfarë zoti Balla tha në këtë sallë është e turpshme se nuk më dëgjoi çfarë thashë. Ka një institucion të Kombeve të Bashkuara ICMP-ja i cili është i specializuar për gjetjen e eshtrave. Në Shqipëri e kemi ratifikuar konventën dhe në Serbi është ratifikuar konventa. Dhe në Serbi është lejuar zoti kryetar që të bëjë kërkime për shqiptarët e Kosovës dhe është lejuar dhe ka gjetur pavarësisht se ka mijëra ende të pagjetur.
Ndërkohë që në Shqipëri nuk po ndodh kjo akoma, edhe del dhe bën moral zoti Balla. Pse s’bën moral për Gjergj Velon? Tërhiqjani titullin e nderit Gjergj Velos këtë thuaj. Informacioni që kam është i saktë dhe e them me përgjegjësi dhe kjo është e vërtetë. Ndërkohë që OKB-ja gjen eshtrat e shqiptarëve të Kosovës në territorin e Serbisë, institucioni i OKB-së ka ardhur në Shqipëri dhe ende nuk po i gjen dot shqiptarët e vrarë nga Komunizmi.
Kjo është e vërteta zoti Balla, lëri këto lojërat Serbia, Kosova e të tjera me radhë, por gjeni eshtrat e shqiptarëve edhe mos na thoni përralla këtu. Kjo është e vërteta.
Sali Berisha TIRANË- Kreu i Partisë Demokratike, Sali Berisha ka sqaruar deklaratën të cilën ka bërë ndaj ambasadorit t&...
Foto ilustruse TIRANË- Kreu i grupit parlamentar të PS-së, Taulant Balla i është përgjigjur akuzave të Kreut të PD-...
Sali Berisha TIRANË- Kreu i Partisë Demokratike, Sali Berisha është përplasur me Ministrin e Shtetit për Marrë...
Foto ilustruese FRANCË- Media investigative zviceriane Blast ka publikuar një artikull në lidhje me rritjen e ndikimit të maf...
Taulant Balla TIRANË- Kreu i Grupit Parlamentar të PS-së, Taulant Balla ka kërkuar përjashtimin e kreut të PD-së, Sali B...
Foto ilustruse TIRANË- Aleanca Kundër Diskriminimit LGBTI ka reaguar ndaj gjuhës së përdorur nga Kreu i PD-së Sali Berisha dh...
Sali Berisha TIRANË- Kreu i Partisë Demokartike, Sali Berisha ka drejtuar akuza ndaj kreut të grupit parlamentar të PS-së, T...
Gonzato-Rama TIRANA- Kryeministri Edi Rama i është drejtuar me një kërkesë për falje Komisioneres për Zgjerimin e B...
Marta Kos BRUKSEL- Komisionerja për Zgjerimin, Marta Kos, ka reaguar pas komenteve të ish-kryeministrit Sali Berisha ndaj ambasadorit të...
Adea Pirdeni TIRANË- Ministria e Shtetit për Administratën Publike dhe Antikorrupsionin, Adea Pirdeni ka deklaruar se në proj...
