Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Me anë të një njoftimi për media zëdhënësja e PD-së Floriana Garo ka deklaruar se kjo amnisti po bëhet vetëm që kriminelët e kryeministrit Edi Rama të pastrojnë lekët.
TIRANË- Partia Demokratike ka dakë kundër nismës ligjore për Amnistinë Fiskale. Me anë të një njoftimi për media zëdhënësja e PD-së Floriana Garo ka deklaruar se kjo amnisti po bëhet vetëm që kriminelët e kryeministrit Edi Rama të pastrojnë lekët. PD gjithashtu e ka krahasuar Amnistinë Fiskale me akt kriminal dhe se e fut Shqipërinë në listën e vendeve që pastojnë para të pista.
Deklarata e Garos:
Ligji i amnistisë fiskale, i Edi Ramës, është dëshmia tjetër flagrante e lidhjes së Edi Ramës dhe ministrave të tij me krimin, por edhe e vendosmërisë së tij për të penguar hapjen e negociatave me BE. Ky ligj, Shqipërinë, vendin tejet problematik për larjen e parave, e fut automatikisht në listën e zezë të këtyre vendeve. Shqipëria sot, është tashmë arena kryesore e larjes së parave të krimit në Europë. Të dhënat e fundit dëshmojnë se, nga 3 miliard euro prona të blera nga shqiptarët, vetëm 1 miliardë janë transkaksione bankare, kurse 2 miliardë janë dhënë cash me valixhe apo strajca.
Sipas këtij ligji, Edi Rama ka vendosur që çdo qytetar shqiptar, rezident në Shqipëri apo emigrant, që ka vënë pasuri nga puna në të zezë, por jo kriminale, mund ta deklarojë tashmë atë, duke paguar një tatim të veçantë që varion nga 7 deri në 10%. Por, ju ftojmë të shtrojmë pyetjen: Kush janë këta emigrantë që me djersë, sakrificë, punë me orare të tejzgjatura, dy turne, ose punë të rënda fizike, të kenë vendosur një pasuri të tillë? Përgjigja është, shumë, shumë pak. Ky ligj ndonëse paraqitet sikur po lehtesohen emigrantët në të vërtet ai ka si synim: Së pari, larjen e qindra miliona eurove nga Rama dhe ministrat e tij të vjedhur në tendera e prokurime publike, të bëra në trafiqe kriminale e të vendosura në llogaritë off-shore, ose në emra fonio për të fshehur veten pas tyre.
Po rikujtojmë këtu se, vetë Edi Rama akuzohet në raportin e OSBE të vitit 2014 se ka të fshehura në llogari offshore 200 milion euro dhe këtë akuzë ai nuk guxoi ta përgënjeshtrojë asnjëherë. Së dyti, ligji nuk ka asnjë lidhje me punën në të zezë të emigrantëve tanë, por lidhet direkt me larjen e miliarda euro para droge e krimi të bandave të lidhura me qeverinë, dhe që bëjnë ligjin në narkoshtetin e Edi Ramës. Së treti, emigrantët po përdoren vetëm si fasadë! Kjo amnisti nuk është për emigrantët e ndershëm, por për të besuarit e Ramës, klientelën dhe investitorët e tij strategjikë, të privilegjuarit e tij. Si përfundim, PD dënon me ashpërsinë më të madhe këtë amnisti fiskale si një akt kriminal që realizohet për botën e krimit qeveritar dhe fut Shqipërinë në listën e zezë për larjen e parave të pista. Mbi të gjitha, ky akt largon shqiptarët akoma më shumë nga Bashkimi Europian. Kjo amnisti shndërron zyrtarisht Shqipërinë në mega-lavatriçen gjigande të parave të krimit në Europë. Ajo është e rrezikshme për sigurinë kombëtare dhe duhet anulluar menjëherë.
Amnistia Fiskale është deklaruar nga qeveria si mundësia për të legalizuar paratë e të gjithë emigrantëve shqiptarë. Shteti u jep mundësinë emigrantëve që të legalizojnë deri në dy milionë euro. Në rastet kur subjektet deklaruese duan t’i transferojnë shumat e deklaruara jashtë vendit para këtij afati, ndaj tyre parashikohet penalitet në masën 30% të shumës së transferuar. Nëse subjektet vendosin t’i investojnë pasuritë e deklaruara në tituj shtetëror, bono thesari apo obligacioni jo më të vogla se 2-vjeçare, Banka e Shqipërisë do të mbajë një tatim prej 5% të shumë totale për investimet e bëra në 4-mujorin e parë prej hyrjes në fuqi të ligjit dhe 7% pas kësaj periudhe kohore.
Grida Duma TIRANË- Kryetarja e Komisionit të Çështjeve Sociale, Grida Duma akuzoi qeverinë se po nuk po bën shpër...
Sali Berisha dhe Erion Veliaj TIRANË- Kryetari i Partisë Demokratike, Sali Berisha ka ngritur shqetësim për gjendjen në të c...
Evis Kushi TIRANË- Ministrja e Arsimit, Evis Kushi deklaron se testi i biologjiksë nuk ka pasur asnjë gabim shkencor. Përmes një v...
Maturantet TIRANË- Maturantët do të ngrihen ditën e sotme në protestë. Në orën 10:00 ata kanë paralajmëru...
Ilir Meta Presidenti Ilir Meta ka zgjedhur që ditët e nxehta ti kalojë në bregdet. Mbrëmjen e sotme, Meta me anë të nj&e...
Edi Rama TIRANË- Kryeministri Edi Rama ka marrë pjesë mbrëmjen falënderuese për delegacionet e mbi 150 vendeve të bot&eu...
Luçiano Boçi TIRANË- Nën kryetari i Partisë Demokratike Luçiano Boçi ka reaguar pas shqetësimeve të m...
Edi Rama TIRANË- Kreu i Partisë Demokratike, Sali Berisha ka ironizuar fjalimin skandaloz të kryeministrit Edi Rama gjatë samitit n&eu...
Sali Berisha: Nesër, në ora 10:00, marurantët nisin protestën pa kthim kundër pabesisë Rama-Kushi, të cilët me provimi...
Foto ilustruese SHKODËR- Përfundon procesi i numërimit të votave në zgjedhjet që u zhvilluan në degën e Partisë...
