6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Një debat i fortë është zhvilluar sot në Komisionin e Punëve të Brendshme dhe të Mbrojtjes, ku deputeti i Partisë Demokratike dhe zv/kryetar i Komisionit, Klevis Balliu, u përplas ashpër me ministren e Brendshme Taulanda Kociu lidhur me gjendjen alarmante të rendit dhe sigurisë në vend.
TIRANA- Zv/kryetari i Komisionit të Punëve të Brendshme dhe të Mbrojtjes, Klevis Balliu, akuzon qeverinë për bashkëjetesë me krimin e organizuar. Një debat i fortë është zhvilluar sot në Komisionin e Punëve të Brendshme dhe të Mbrojtjes, ku deputeti i Partisë Demokratike dhe zv/kryetar i Komisionit, Klevis Balliu, u përplas ashpër me ministren e Brendshme Taulanda Kociu lidhur me gjendjen alarmante të rendit dhe sigurisë në vend.
“Krimi i organizuar sot kontrollon çdo cep të vendit,” deklaroi Balliu, duke theksuar se ndërkohë që të gjitha raportet ndërkombëtare flasin për Shqipërinë si nyje të trafikut të kokainës, policia e shtetit nuk kap asnjë gram.
Sipas tij, kjo është prova më e qartë se strukturat e rendit janë nën kontroll të kartelëve dhe jo në luftë me ta.
Balliu iu referua raportit të fundit të Departamentit Amerikan të Shtetit (DASH), duke theksuar se korrupsioni dhe krimi i organizuar e kanë bërë Shqipërinë të cenueshme ndaj pastrimit të parave.
“Ju nuk ktheni përgjigje për këtë, sepse s’mund të flisni për një sistem që e keni ndërtuar vetë,” u shpreh Balliu duke akuzuar ministren Kociu për heshtje dhe mbrojtje politike të grupeve kriminale.
Zv/kryetari i Komisionit solli në vëmendje raportin e fundit të OSBE-ODIHR, ku për herë të parë theksohet ndërhyrja e krimit të organizuar në proceset zgjedhore.
“Pamë me sytë tanë se si në Vorë policia nuk guxonte të afrohej, ndërsa banda e Xhabirave ushtronte presion mbi qendrat e votimit,” tha Balliu, duke shtuar se ky është shembulli më i qartë i kapjes së shtetit.
Deputeti demokrat nuk kurseu as drejtuesit e policisë, duke përmendur konkretisht Ilir Prodën, për të cilin tha se “është në shërbim të krimit dhe jo në luftë me të.”
Ai theksoi se raportet e DASH konfirmojnë rënien e sigurisë publike:
“Dy policë me të njëjtën gradë, në të njëjtën rrugë — njëri me skaf 200 mijë euro, tjetri mezi paguan qiranë. Ky është imazhi real i një sistemi të kalbur nga korrupsioni
Duke iu referuar Indeksit Global të Krimit të Organizuar 2025, Balliu theksoi se Shqipëria ka shënuar rritje të ndjeshme të ndikimit të grupeve kriminale dhe të nivelit të kriminalitetit në rajon.
“Ndërkohë që në portin e Durrësit nuk kapet prej vitesh asnjë gram kokainë, janë autoritetet e vendeve partnere që kapin tonelata të tëra që dalin nga portet tona,” u shpreh ai.
Balliu ngriti edhe çështjen e ndërtimit të kullave në Tiranë dhe qytete të tjera, që sipas tij financohen me para të pista:
“Vetëm 22% e financimit të tyre vjen nga bankat. Pjesa tjetër është para e zezë që po pastron sistemin financiar. Banka e Shqipërisë bleu 800 milionë euro për të frenuar rënien e monedhës europiane — kjo tregon se paraja e pistë po mbyt ekonominë, ndërsa 20% e shqiptarëve jetojnë në varfëri ekstreme dhe 41% janë në përjashtim social.”
Në mbyllje të debatit, Balliu lëshoi një akuzë të fortë politike:
“Sot, bandat nuk fshihen më — ato kanë përfaqësues në Parlament dhe në çdo hallkë të shtetit. Kjo është fytyra e pushtetit që ka zëvendësuar shtetin me bandat dhe rendin me frikën,” përfundoi zv/kryetari i Komisionit të Punëve të Brendshme dhe të Mbrojtjes.
Foto ilustruse TIRANË- Komisioni i Posaçëm për Reformën Administrativo-Territoriale është mbledhur ditën e sotme....
Monika Kryemadhi TIRANA- Monika Kryemadhi, pas përfundimit të seancës në GJKKO, deklaroi se përmes avokatit të saj,...
Albana Koçiu TIRANË- Ministrja e Punëve të Brendshme, Albana Koçiu ka komentuar vendimin për ndalimin e mo...
Albana Koçiu TIRANË- Ministrja e Punëve të Brendshme, Albana Koçiu ka komentuar 3 vrasjet që ndodhen brënd...
Tedi Blushi TIRANË- Deputeti i Partisë së Lirisë, Ted Blushi, ka kritikuar qeverinë se nuk ka marrë asnjë masë n&eu...
Ervin Salianji TIRANË- Ish-deputeti i Partisë Demokratike, Ervin Salianji ka kërkuar shfuqizimin e tre vendimeve ndaj tij, të cila...
Albana Koçiu TIRANË- Ministrja e Punëve të Brendshme, Albana Koçiu ka deklaruar se Shqipëria ka bër&e...
Ivi Kaso TIRANË- Deputeti demokrat Ivi Kaso ka deklaruar se opozita është hasur me një ngushtim të hapësirave parlamentare dh...
Albana Koçiu TIRANË- Ministrja e Punëve të Brendshme, Albana Koçiu ka deklaruar sot se Shqipëria është nj&...
Ilir Meta TIRANË- Seanca gjyqësore në Gjykatën e Posaçme të Apelit, ku do të shqyrtohej kërkesa e Ilir Metës...
