Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Në kallzimin e tij Olsi Rama thotë se shpifja është bërë për një fabrikim pervers me qëllim manipulimin e opinionin publik, për motive të dobëta politike.
TIRANË-Olsi Rama, vëllai i kryeministrit Edi Rama ka kallëzuar sot penalisht kreun e Gruopit Parlamentar të PD-së Gazmend Bardhi, lidhur me akuzat për përfshirje të tij në njohje dhe favorizim të një grupi kriminal. Në kallzimin e tij Olsi Rama thotë se shpifja është bërë për një fabrikim pervers me qëllim manipulimin e opinionin publik, për motive të dobëta politike.
Ndërkohë ai pak ditë me parë e ka pranuar që ka njohje me trafikantët e dënuar nga dosja, "Xibraka". Në padi theksohet se faktet e paraqitura nga zoti Bardhi, sipas Olsi Ramës janë të pavërteta dhe janë publikuar me qëllim nga kreu i grupit të PD.
PADIA E PLOTË:
Sot kam depozituar në SPAK kallëzimin për deputetin e paturpshëm Gazmend Bardhi, i cili ka cënuar publikisht nderin dhe dinjitetin tim publik, si individ, prind dhe drejtues i një klubi të mirënjohur futbolli, duke shpikur një lidhje totalisht inekzistente mes meje dhe një grupi trafikantësh të drogës.
Fakti që zotëria aspak i nderuar, ka marrë përsipër të më akuzojë si trafikant droge, thjesht dhe vetëm sepse unë jam vëllai i një kundërshtari politik, të cilin prej vitesh tanimë janë cfilitur më kot ta mundin, duke mos lënë asnjë anëtar të familjes sonë pa sulmuar me gjuhën e pistë të shpifjeve, kërkon përgjigje! Jo thjesht nga unë, po nga drejtësia!
Unë nuk jam politikan dhe s’kam asnjë lidhje tjetër me politikën, përveçse si votues i tim vëllai ashtu si qindramijëra të tjerë dhe arsyeja kryesore e neverisë time të hershme me politikën është pikërisht kthimi i shpifjeve në një normalitet të jetës publike. Uroj shumë që SPAKU, tek i cili bashkë me plot të tjerë kam edhe unë besim, si diçka ndryshe në zullumin kaq vjeçar të drejtësisë, të mos e çojë kallzimin tim në koshin e madh të këtij normaliteti absurd, që po shkatërron fare bazën elementare të besimit tek fjala dhe të vërtetat e këtij vendi. Pra po shkatërron vetë shoqërinë dhe po hedh në erë në mënyrë të pariparueshme themelet e edukatës për rininë.
Jam i gjithi në dispozicion të hetimit të atyre që deputeti i pacipë i quan prova mbi përkatësinë time në një grup kriminal trafikantësh droge, ndërsa unë nuk mund t’i quaj ndryshe përveçse si shpifje për një fabrikim pervers me qëllim manipulimin e opinionin publik, për motive të dobëta politike.
Troç fjala këtu s’mund të ketë dy të vërteta dhe ose unë duhet të shkoj në burg si trafikant ose Gazmend Bardhi duhet të ndiqet penalisht dhe dënohet si fabrikues provash në dëmin tim, të fëmijëve të mi, të klubit të futbollit “Partizani”, të miqve të mi dhe të njohurve të mi.
Solidariteti i këtyre të fundit gjatë këtyre ditëve më lumturon, po nuk më mjafton. Shoqëria duhet të dijë të vërtetën dhe duhet ta mësojë nga drejtësia. Shqipëria s’mund të ketë një kryeministër që e ka vëllain një trafikant droge që lëviz i lirë nëpër Tiranë. Sikur edhe vetëm një shqiptar i ndershëm të gënjehet nga kjo maskaradë dhe ta besojë këtë çmenduri, të cilën as vetë sharlatani që e ka hedhur në pazarin e llafeve nuk e beson, kjo mjafton që drejtësia të mos heshtë duke e nënvleftësuar peshën e kësaj poshtërsie si as e para dhe as e fundit.
Dikush, dikur, diçka, duhet të bëhet sebep që ky turp kombëtar i pashoq me asnjë vend në Europë - ku njerëz me mandate nga populli, me një mikrofon në ekran apo me një portal në internet gënjejnë e sajojnë po aq shumë sa marrin frymë - të goditet nga e vërteta e drejtësisë së re.
Nëse është vërtetë e re natyrisht!
Me shpresë, Olsi Rama
Disa ditë më parë Gazment Bardhi Kreu i Grupit të PD ka paditur vëllain e Kryeministrit Olsi Rama për përfshirje në laboratorin e drogës në Xibrakë. Sipas tij prokuroria duhet të hetojë sistemin TIMS-s në lidhje me kallëzimin.
Komisioni TIRANË- Komisioni Hetimor për Shëndetësinë ka caktuar 4 ekspertët ditën e sotme për zhvillimin...
Foto ilustruese TIRANË-Ervin Salianji, deputeti i Partisë Demokratike dhe njëkohësisht dhe anëtar i Komisionit të Ligjeve ka...
Komisioni TIRANË- Debatet kanë vijuar ditën e sotme në Komisionin hetimor për shëndetësinë. Gjatë mbledhj...
Sali Berisha SHKODRA- Në nderim të 4 martirëve që u vranë më 2 prill të vitit 1991 në Shkodër, sot n&e...
Foto ilustruese TIRANË-Kryetari i Grupit Parlamentar, Bledi Çuçi, bëri një deklaratë për mediat pas përfundimi...
Ina Zhupa TIRANË- Deputetja Ina Zhupa ka deklaruar se ish-zv/ministrja Milva Ekonomi ka firmosur për koncesionin në shëndet&e...
Foto ilustruese TIRANË-U zhvillua sot në Gjykatën e Tiranës seanca për shqyrtimin e kërkesës së depozituar ng...
Albana Vokshi TIRANË- Komisioni hetimor për koncensionin e Sterilizimit ka vijuar me përplasje ditën e sotme. Gjatë komisioni...
Foto ilustruese TIRANË-Ditën e sotme do të mbahet në Gjykatën e Tiranës seanca ku do të shqyrtohet kërkesa e kreut...
Foto ilustruese TIRANË-Genc Gjokutaj një nga avokatët e çështjes së Kryetarit të Partisë Demokratike Sali Berish...
