6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Ilir Meta u ndal tek kontrata që siguron me ‘pasaporta të arta’ ata që blejnë një apartament në Durrës
TIRANË- Kryetari i Partisë së Lirisë Ilir Meta pretendon se disponon dokumente që vërteton se projekti i portit të Durrësit është mega aferë korruptive e Edi Ramës dhe se për këtë gjë ai do të përballet me drejtësinë. Teksa paralajmëron pasoja, Meta u ndal tek kontrata që siguron me ‘pasaporta të arta’ ata që blejnë një apartament në Durrës, duke shtuar se në fakt Rama do të bëjë pastrim parash dhe se një nga qytetet më të rëndësishme po ia jep një kompanie guaskë.
"Projekti nuk është një projekt strategjik por është thjesht një projekt ndërtimi pallatesh dhe apartamentesh, pasi në fund të të gjithë këtij projekti, rezultojnë të ndërtuara vetëm dy hotele me 800 shtretër dhe një marinë e vogël me 280 vende parkimi. Do të falen qindra milionë euro taksa, falen 820 mijë metra katrorë me një vlerë edhe kjo qindra milionë euro, është parashikuar edhe fond për shpronësime të tjera dhe e gjithë kjo, do të bëhet për të ndërtuar apartamente. Përjashtimi nga taksat është një shkelje flagrante e Kushtetutës, pasi trajton në mënyrë të diferencuar bizneset e një kategore, pra në Durrës, kompanitë e ndërtimit të zakonshme do të paguajnë 7% taksë (4% për Taksën e Ndikimit në Infrastrukturë dhe 3% Taksa e Strehimit Social), ndërsa apartamentet e Edi Ramës do të përjashtohen nga kjo taksë… Ashtu siç del e qartë nga Plani i Financimit të Projektit, është e qartë se kemi të bëjmë me një skemë të pastrimit të parave, sepse vetëm 6.8% e investimit prej 2 miliardë Euro, do të financohen përkatësisht: 3.4% nga aksionerët dhe 3.4% nga Bankat. Pra, rreth 130 milionë euro. Ndërsa pjesa tjetër, 93.2% do të jetë me vetë-financim, pra, prit të shiten apartamentet që investimi të vazhdojë… Megjithëse Bashkimi Europian ka qenë i qartë dhe i prerë lidhur me pasaportat e Arta, për të cilat rrezikohet seriozisht lëvizja e qytetarëve shqiptarë në BE, marrëveshja e Edi Ramës parashikon që kush blen një apartament mund të marrë një pasaportë shqiptare, pra të lëvizë në të gjithë zonën Schengen. Përse, Edi Rama është i gatshëm të sakrifikojë lëvizjen e lirë të Shqiptarëve? Përgjigja është e qartë, për të pastruar para…. Bashkimi Europian ka qenë i qartë dhe i prerë që ky projekt është në kundërshtim të hapur me Marrëveshjen e Stabilizim Asociimit mes Shqipërisë dhe BE-së. A mungojnë në Europë investitorët shumë të fuqishëm dhe seriozë që mund të investonin seriozisht dhe me transparencë në Portin e Durrësit? Cili është fati, kur do ndërtohet dhe a ka burim financimi për portin e ri të mallrave që do duhet të ndërtohet e që kushton mbi 1 miliardë e gjysëm Euro? Është shumë e qartë se projekti nuk është aspak strategjik, nuk është aspak turistik, dhe nuk është aspak transformues për potencialin turisitik të qytetit, sepse është qartazi një biznes ndërtimi apartamentesh duke grabitur pronen me strategjike te Shqiperisë,"-tha ndër të tjera në fjalën e tij Ilir Meta.
FJALA E PLOTË E METËS:
Jemi së bashku me Sekretarin e Përgjithshëm të Partisë së Lirisë, zotin Tedi Blushi dhe me Sekretaren për Marrëdhenien me Publikun, zonja Silva Caka. Sot kur Parlamenti me nxitim dhe përmes sulmeve të paprincipta nga përfaqësues të mazhorancës bërë deputetëve të opozitës thellon përgjegjësinë e tij për megaaferën më të madhe deri tani që është pikërisht grabitja e Portit të Durrësit, asetit më strategjik të Shqipërisë. Kryeministri aktual i kapur në flagrancë si organizatori, miratuesi dhe përfituesi kryesor i grabitjes së Portit të Durrësit, sot është nën akuzë përpara të gjithë shqiptarëve sepse faktet flasin vetë, faktet janë shumë të rënda dhe të pamohueshme. Së pari, prona më e rëndësishme në pikëpamjen strategjike dhe ekonomike e Shqipërisë do t’i jepet kompanive guackë me pronarë të fshehur. Pra, me pronarë të panjohur, me fonde të panjohura dhe që nuk u dihet origjina e tyre. Thënë thjesht, asnjë shqiptar nuk di se në duart e kujt po përfundon një pronë e tillë kolosale. Së dyti, projekti nuk është një projekt strategjik por është thjesht një projekt ndërtimi pallatesh dhe apartamentesh, pasi në fund të gjithë këtij projekti, rezultojnë të ndërtuara vetëm dy hotele me 800 shtretër dhe një marinë e vogël me 280 vende parkimi.
Pra gjithçka është e orientuar tek biznesi i apartamenteve dhe prona strategjike e portit të Durrësit më e rëndësishmja që ka Shqipëria falet për apartamentet. Së treti, do të falen qindra milionë euro taksa, falen 820 mijë metra katrorë me një vlerë dhe kjo qindra miliona euro ndërkohë që është parashikuar edhe fond për shpronësime të tjera, dhe e gjithë kjo do të bëhet për të ndërtuar apartamente. Së katërti, përjashtimi nga taksat është një shkelje flagrante e Kushtetutës së Republikës së Shqipërisë, pasi trajton në mënyrë të diferencuar dhe diskriminuese bizneset e të njëjtës kategori, pra në Durrës, kompanitë e ndërtimit të zakonshme do të paguajnë 7% taksë (4% për Taksën e Ndikimit në Infrastrukturë dhe 3% Taksën e Strehimit Social), ndërsa apartamentet e Edi Ramës do të përjashtohen nga kjo taksë. Ashtu siç del e qartë nga Plani i Financimit të Projektit, kemi të bëjmë me një skemë të pastër dhe të mirëfilltë të pastrimit të parave, sepse vetëm 6.8% e investimit prej 2 miliardë Euro, do të financohen përkatësisht: 3.4% nga aksionerët dhe 3.4% nga Bankat. Pra, rreth 130 milionë euro. Ndërsa pjesa tjetër, 93.2% do të jetë me vetë-financim, pra, prit të shiten apartamentet që të vazhdojë investimi me apartamentet e tjera. Megjithëse Bashkimi Europian ka qenë i qartë dhe i prerë lidhur me pasaportat e Arta, për të cilat rrezikohet seriozisht ndalimi i lëvizjes së lirë të qytetarëve shqiptarë në BE, marrëveshja e Edi Ramës parashikon që kushdo blen një apartament mund të favorizohet me një pasaportë shqiptare, pra të lëvizë në të gjithë zonën Schengen.
Përse, Edi Rama është i gatshëm të sakrifikojë edhe lëvizjen e lirë të shqiptarëve? Përgjigja është e qartë, për të pastruar paratë. Bashkimi Europian ka qenë i qartë dhe i prerë që ky projekt është në kundërshtim të hapur me Marrëveshjen e Stabilizim Asociimit mes Shqipërisë dhe BE-së. Përse Edi Rama, është egërsisht kundër transparencës dhe kundër zbatimit të marrëveshjes së stabilizim asociimit duke insistuar në avancimin e nxituar të këtij projekti mafioz dhe jo transparent? A mungojnë në Europë investitorët shumë të fuqishëm dhe seriozë që mund të investonin seriozisht dhe me transparencë në Portin e Durrësit? Cili është fati, kur do ndërtohet dhe a ka burim financimi për portin e ri të mallrave që do duhet të ndërtohet e që kushton të paktën mbi 1 miliardë e gjysëm Euro? Errërisa e plotë, e qëllimshme për këtë çështje madhore, është për t’i humbur Shqipërisë këtë aset ekonomik të paçmuar, siç është Porti i Mallrave për të ndihmuar tërë ata që kanë interesa edhe në defaktorizimin e Shqipërisë dhe humbjen e rolit të saj si nga pikëpamja ekonomike, ashtu dhe nga pikëpamja politike dhe gjeostrategjike. Është shumë e qartë se projekti nuk është aspak strategjik, nuk është aspak turistik, dhe nuk është aspak transformues për potencialin turisitik të qytetit, sepse është qartazi një biznes ndërtimi apartamentesh duke grabitur pronën më strategjike të Shqipërisë. Është koha që drejtësia të veprojë sa më parë, në thellësi për këtë mega aferë e cila tashmë është në dritën e diellit dhe që ne do t’i shkojmë deri në fund edhe me faktet e reja që do të bëjmë publike.
Komisioni TIRANË- Në Komisionin e Ekonomisë, u diskutua sot marrëveshja e Portit të ri të Durrësit. Gjatë fjal...
Komisioni TIRANË- Mungesa e deputetit demokrat në Komisionin e Ekonomisë, u përmend disa herë nga kryetari i Komisionit, Eduard Sh...
Komisioni TIRANË- 'Non grata' u përmend në Komisionin e Ekonomisë. Kryetari i Komisionit, Eduard Shalsi u shpreh se deputeti demokrat, ...
Agron Shehaj TIRANË- Në komisionin e Ekonomisë, deputeti demokrat, Agron Shehaj kërkoi të dinte nëse do ketë përfit...
Elira Kokona TIRANË- Elira Kokona, zv.sekretarja e përgjithshme në kryeministri deklaroi në Komisionin e Ekonomisë se të...
Edi Rama, kryeminister TIRANE- Kryeministri Edi Rama mohoi publikimin e fundit të koncesionit 35-vjeçar me vlerë 320 milionë euro p&e...
Edi Rama TIRANË- Kryeministri Edi Rama është shprehur gjatë një konference për shtyp se deklaratat e Sekretares së...
Dashamir Shehi TIRANË- Deputeti Dashamir Shehi mendon se në Portin e Durrësit do ishte më mirë që investitorët të i...
Edi Rama, kryeminister TIRANE- Kryeministri Edi Rama nuk e ka parë protestën e opozitës së bashkuar më 12 nëntor 2022. I pyet...
Delina Ibrahimaj TIRANË- Ministrja e Ekonomisë dhe Financave, Delina Ibrahimaj tha në një konferencë për mediat se si funksio...
