Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Etiketimi si llumi i PS Shkodër të atyre që nuk marrin pjesë në mbledhjet e Këshillit Bashkiak për shkak të nxitjes nga individë të tjerë që janë pakicë sipas Bilalit, nuk u pranua nga disa prej këshilltarëve të pranishëm. Hekuran Gjorreta tha se kanë punuar shumë më parë për PS-në e nuk pranon të etiketohen në këtë mënyrë. Këshilltari Gerald Hasaj tha se një prej arsyeve që këshilltarët mungojnë mund të jetë edhe mosdëgjimi i shqetësimeve që kanë qytetarët.
SHKODËR- Drejtuesja politike e qarkut të Shkodrës për Partinë Socialiste dhe njëkohësisht ministrja për sipërmarrjen Edona Bilali ‘ka shpërthyer’ ndaj socialistëve që kanë braktisur mbledhje e Këshillit Bashkiak, të thirrur prej saj më 23 shtator. Katër ditës pas dështimit të asaj mbledhjeje, Bilali thirri sërish socialistët në selinë e PS-së. Edhe këtë herë, gazetari Senad Nikshiqi raporton për BalkanWeb se nga 40 këshilltarë të PS që janë në Këshill në mbledhjen e PS morën pjesë vetëm 22. 18 të tjerë e braktisën sërish mbledhjen. Të pranishëm në sallë ishin edhe dy bashkëkryetarët e PS Shkodër Mirela Dodaj dhe Hilmi Lakti. Edhe vetë Bilali nuk shkoi fizikisht në zyrë, por përmes një lidhje me video në platformën ZOOM, ngriti tones ndaj socialistëve.
Drejtuesja politike Bilali u shpreh se PS ka në radhët e saj një pakicë që e quajti llumi i partisë të cilët nxisin të tjerët për interesat e tyre personale që të bojkotojnë mbledhjet e këshillit bashkiak. Ajo shtoi me tone të larta se ata që e braktisin PS-në e mbledhjet nuk përfaqësojnë partinë, por veten e tyre dhe ka një arsye përse nuk kanë më asnjë funksion në selinë rozë. Etiketimi si llumi i PS Shkodër të atyre që nuk marrin pjesë në mbledhjet e Këshillit Bashkiak për shkak të nxitjes nga individë të tjerë që janë pakicë sipas Bilalit, nuk u pranua nga disa prej këshilltarëve të pranishëm. Hekuran Gjorreta tha se kanë punuar shumë më parë për PS-në e nuk pranon të etiketohen në këtë mënyrë. Këshilltari Gerald Hasaj tha se një prej arsyeve që këshilltarët mungojnë mund të jetë edhe mosdëgjimi i shqetësimeve që kanë qytetarët.
Ndërkohë këshilltarja Blediana Nika tha se mbledhjet e Këshillit janë të rëndësishme duke u shprehur pro prezencës por nga ana tjetër sipas saj duhet t’i tërhiqet veshi atyre që mungojnë. Një prej zërave kritik në radhët e PS Tereze Brigja deklaroi se pjesëmarrja në mbledhjet e këshillit bashkiak të PS është e rëndësishme ndaj duhen zhvilluar. Kurse Erion Vukaj kujtoi kohën e ish-drejtuesit politik Ilir Beqaj dhe u shpreh se duhen orientime sit ë tijat në selinë rozë. Kryetarja e këshillit bashkiak Brisela Kadia e kundërshtoi, kurse këshilltaret Jona Leqejza dhe Dhurata Tyli ishin të mendimit që të merren masa konkrete për ata që mungojnë.
Debatet:
Edona Bilali: Jam e detyruar të bëj këtë komunikim të paparashikuar lidhur me një ngjarje të ndodhur këto ditë: bojkoti i mbledhjes së Këshillit Bashkiak. I ndjek të gjitha mbledhjet e këshillit nga dita që kam marrë këtë detyrë dhe veç habisë që kam herë pas here kur shikoj që flitni e votoni si opozitë apo në rastin më të mirë si shoqëri civile duke harruar që përfaqësoni Partinë Socialiste në këshill, por nuk kam ndërhyrë asnjëherë. Ajo çfarë ka ndodhur këtë javë është në kulmin e jo njerëzores. Në kulmin e jo njerëzores sepse për të bërë një skemë përfitimesh personale keni rrezikuar bukën e gojës së mijëra familjeve dhe kjo sjellje është e pafalshme. Unë jam krejt koshiente që ditën që kam ardhur për një llum krejt pakicë në numër, që s’kalojnë as gishtat e dorës, që nga partia kanë marrë çdo gjë nga promovimi deri tek favoret e që partisë ja kanë nxirë fytyrën me hajdutëri e shitje vendesh pune. Kjo është arsyeja që sa t’më besohet ky pozicion që kam ky kontingjent do të vijojë të rrijë jashtë selisë së Partisë Socialiste Shkodër. Jo më kot s’kanë më asnjë funksion në parti jo më kot s’janë më pjesë e jetës publike në administratë në qytet. Unë nuk kam preferuar të flas asnjëherë me fjalë kaq të forta sepse kam menduar që me veprime do e kuptoni njëherë e mirë që kjo nuk është sjellje e tolerueshme në parti. Mos harroni në këshill para qytetit ju jeni Partia Socialiste nuk jeni individë, e të shkoni mbrapa njerëzve që e kalojnë ditën duke shkruar tinëzisht pas faqesh anonime, letrash anonime apo komentesh nëpër portale kundër Partisë Socialiste, meje dhe tashmë drejtuesve të rinj të partisë së bashkisë si e si të krijojnë përçarje për tu kacavjerrë nëpërmjet jush drejt minimajave ku kanë qenë për të vjedhur e marrë fytyrën sërish kjo nuk ndodh më! Për asnjë emër të përveçëm s’do të vuajë më pasojat partia aq më keq qyteti dhe turpin para këtij të fundit do ta mbani me emra të përveçëm pasi sjellja juaj nuk e përfaqëson Partinë Socialiste e cila distancohet totalisht nga sjellja juaj e kësaj jave.
Anëtari Hekuran Gjorreta: Ne nuk jemi llumi. Nuk e pranojmë që të quhemi llumi sepse kemi punuar sot por edhe shumë më përpara për PS edhe kur shumë të tjerë s’kanë qenë fare në këtë parti. Unë kam siguruar votat për PS.
Këshilltari Lush Marku: Ne kemi rënë në hall. Hall me ardh në mbledhjet e Këshillit sepse jemi akuzuar pak a shumë se kemi votuar vendimet e kryebashkiakes së mëparshme. Tani hall edhe kur nuk shkojmë sepse prap po akuzohemi.
Këshilltari Gerald Hasaj: Kemi pasur ankesa nga qytetarët sepse nuk kanë gjetur rrugëzgjidhje për problemet e tyre dhe zëri i qytetarëve nuk është dëgjuar për hallet që kanë dhe ne përfaqësojmë në këshill qytetarët dhe problemet që ata kanë.
Ndërkohë këshilltarja Blediana Nika: Mbledhjet e Këshillit Bashkiak të Shkodrës janë shumë të rëndësishme pë rata që duan që t’i konsiderojnë. Në këshill ka shumë gjëra serioze për t’u marrë dhe për të diskutuar për ata që duan të vijnë. Unë mendoj se duhet të merrni në telefon ata këshilltarë që nuk vijnë dhe t’i kërkoni arsyet e mungesës së tyre.
Tereze Brigja: Duhet që të vijmë në mbledhjet e Këshillit Bashkiak. Kemi marrë përsipër që t’i përgjigjemi atyre që na kanë votuar. Çfarë jemi ne që vijmë në çdo mbledhje. Edhe ne kemi halle, punë e probleme por kemi marrë përsipër këtë përgjegjësi të rëndësishme dhe duhet të përgjigjemi ose ata që nuk duan të vijnë t’i lënë vendin të tjerëve. Unë nuk e ndjej veten pjesë të turpit të cilët kolegët kanë futur veten me mos prezencën e tyre.
Erion Vukaj: Ne kërkojmë që të mblidhemi kështu si sot më shpesh në mënyrë që të na jepen orientime politike si në kohën e Z.Ilir Beqaj.
Kryetarja e këshillit bashkiak Brisela Kadia: Edhe në atë kohë që thoni ju pasi jemi dakordësuar për vendimmarrje në mbledhje grupi, sërish këshilltarët tanë nuk kanë vijuar sipas orientimit politik.
Edi Rama TIRANË- Kryeministri Edi Rama foli sërish për sigurinë në plazhe. I pranishëm në një takim për turizm...
Edi Rama TIRANË- Kryeministri Edi Rama u ka bërë thirrje emigrantëve shqiptarë që shkojnë në Londër që p...
Edi Rama DURRËS- Kryeministri Edi Rama deklaron se Shqipëria është kthyer në një vend që po rekomandohet për turiz&...
Ervin Salianji TIRANË- Deputeti i Partisë demokratike Ervin Salianji ka denoncuar ngritjen e kullave pa leje. I ndodhur në sheshin “Sk...
Edi Rama TIRANË- Kryeministri Edi Rama deklaroi ditën e sotme se gjatë 6 muajve sezon turistik në vend, janë përfituar 1 mili...
Genc Ruli në SPAK TIRANË- Ish-ministri i Financave dhe Ekonomisë në qeverinë e ish-kryeministrit Sali Berisha, Genc Ruli, ka dal&e...
Genc Ruli në SPAK TIRANË- Genc Ruli, ish-deputeti dhe ish-ministri i Financave dhe Ekonomisë në qeverinë e ish-kryeministrit Sali ...
Jozefina Topalli, ish-kryetare e Parlamentit TIRANE- Deputeti i Partisë Demokratike, Tritan Shehu krahason Jozefina Topallin me kryeministren e ardhsh...
TIRANË- Kryeministri në detyrë i Malit të Zi, Dritan Abazoviç tha se mocioni i mosbesimit ndaj qeverisë së tij nisi 10 dit&...
Fatjona Mejdini TIRANË- Gazetarja Fatjona Mejdini ka rrëfyer përvojën e saj gjatë udhëtimit në Ekuador, ku ka realizuar...
