Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas mbledhjes së grupit në selinë e PD-së, Bardhi u shpreh se Koçiu duhet që të japë përgjigje për skandalin me mjekët te spitali Onkologjik.
TIRANË- Kryetari i grupit parlamentar të Partisë Demokratike Gazment Bardhi ka bërë të ditur se, deputetët e Komisionit të Shëndetësisë në Kuvend kanë kërkuar një interpelancë urgjente me ministren e Shëndetësisë, Albana Koçiu. Pas mbledhjes së grupit në selinë e PD-së, Bardhi u shpreh se Koçiu duhet që të japë përgjigje për skandalin me mjekët te spitali Onkologjik.
“Sapo ka përfunduar mbledhja e grupit parlamentar të PD. Në qendër të diskutimeve skandali i Onkologjikut. Grupi ka miratuar kërkesën për një interpelancë me ministren Koçiu, në seancën e ardhshme, për t’iu përgjigjur papërgjegjshmërinë që ka udhëhequr ministrin në trajtimin e këtij problemi. Dje ministrja, edhe për shkak të indinjimit të thellë që gjëja ka shkaktuar në popull, shprehu neveri për që që ka ndodhur, por institucionet kanë qenë të informuara në kohë për atë që po ndodhte. Skandali nuk është rast i veçuar, por një skemë e plotë e iniciuar nga drejtuesit politikë në Shëndetësi. Ministri ka pasur në dorë raportet e KLSH, ku nuk është marrë asnjë masë. Ka pasur denoncime nga opozita dhe gazetarë e ka pasur zero veprime nga MSH. Pasi vepron prokuroria nuk mund të veprosh me fjalinë kemi pushuar mjekët.Kërkesa për interpelancë, është dorëzuar sot. Secili nga ata që janë përfshirë në skemë, pasi ka dhe të tjerë, duhet të mbajnë përgjegjësi”, tha Bardhi.
Shkresa e Plotë:
Grupi Parlamentar i Partisë Demokratike
Lënda: Kërkesë për interpelancë urgjente me Ministrin e Shëndetësisë dhe Mbrotjes Sociale Albana Koçiu
Drejtuar: Znj. Lindita Nikolla Kryetare e Kuvendit të Republikës së Shqipërisë
Këtu, Zonja Nikolla,
Gjatë ditës së djeshme, opinioni publik shqiptar është përballur me një të vërtetë rrënqethëse dhe shokuese të korrupsionit galopant të Spitalit Onkologjik, pranë “Qëndrës Spitalore Universitare “Nënë Tereza”, Tiranë”, e cila kalon përmasat thjeshtë të një abuzimi të disa mjekëve dhe stafit mjekësorë në bashkëpunim me subjekte private të fushës së shëndetësisë. Jeta dhe fati i mijëra qytetarëve shqiptarë të diagnostikuar me sëmundje tumorale, shpesh terminale, në vend që të gjenin një trajtim dinjitoz shëndetësor publik, sikundër është zbardhur nga mediat, në fakt janë përballur me një abuzim c’njerzor, duke u trajtuar si plackë për përfitime financiare midis stafit shëndetësor, përfshirë dhe drejtuesen e institucionit, dhe klinikave private.
Duke iu referuar burimeve të medias, të cilët kanë zbardhur pjesë nga hetimi paraprak i Prokurorisë së Tiranës dhe fill pas njoftimit të kësaj të fundit për kërkesën për masë sigurie të së paku 8 personave të përfshirë, opinioni publik mbarë-kombëtar iu dëshmua një pjesë e skemës korruptive dhe abuzive që institucionet publike sic është Spitali Onkologjik veprojnë në kurriz të jetës së qytetarëve. Ndërkohë që gjithë sistemi i Shëndetësisë tashmë prej 11 vite keqqeverisje në vend, përballet me abuzime të njëpasnjëshme duke ofruar një shërbim shëndetësor me kosto të rritura për qytetarët dhe aspak pranë nevojave të tyre.
Është e paprecedentë dhe fyese për qytetarët shqiptar që përgjegjësia të kufizohet vetëm ndaj disa mjekë abuzues, ndërkohë që ky nuk është një rast sporadik dhe i izoluar i korrupsionit pranë Onkologjikut. Prej disa vitesh tashmë media, qytetarë, profesionistë përfshirë edhe mjekë kurajozë kanë ngritur zërin për abuzime të vazhdueshme për barnat e parimbursueshme, për mjekime që nuk ofroheshin, për trajtimin me rreze që deklarohej jashtë funksioni.
LPrandaj kjo përgjegjësi jo vetëm morale por adminsitrative dhe ekzekutive në fakt përfshin në mënyrë të drejtëpërdrejtë vetë Ministrinë e Shëndetësisë dhe Mbrotjes Sociale. Është vetë Ministria që duhet dhe mund të kishte vepruar në kohë pas dhjetra e qindra denoncimesh për abuzime ndër vite. Janë titullarët ndër vite të Ministrisë së Shëndetësisë dhe Mbrotjes Sociale, që duhet të kishin vepruar në kohë, për të ndaluar abuzimet ndaj jetës dhe shëndetit që qindra apo mijëra pacientë të Onkologjikut janë përballur cdo vit, në duart e një grupi të korruptuarish dhe abuzuesish për qëllime përfitimi financiar.
Prandaj dhe sot, qytetarëve shqiptarë nuk mund ti ofrohet thjeshtë një deklaratë publike shfajësimi por përballje të përgjegjësive të drejtëpërdrejta që mbart Ministria e Shëndetësisë për rastin në fjalë, duke e nisur nga Kuvendi i Shqipërisë, nëpërmjet kësaj kërkese për interpelancë, dhe duke inkurajuar organin e akuzës për të hetuar mbi mundësinë e përgjegjësive të tjera përfshirë dhe penale.
Në këtë kontekst, kërkesa jonë për interpelancë urgjente me Ministren e Shëndetësisë dhe Mbrotjes Sociale është domosdoshmëri që vjen nga vullneti i opinionit publik dhe qytetarëve për këtë rast të paprecedentë që kërkon mbatje përgjegjësie të plotë nga institucionet përgjegjëse. Ndaj dhe bazuar në nenin 80, pika 1 e Kushtetutës dhe të nenit 96 pika 1 dhe 2 dhe nenit 97 të Rregullores së Kuvendit, kërkojmë interpelancë urgjente me Ministrin e Shëndetësisë dhe Mbrotjes Sociale, Albana Koçiu.
Kyriakos Mitsotakis GREQI- Fjalimi i Kyriakos Mitsotakis në Grupin Parlamentar në Kuvend përfundoi me thumba për ata q&e...
Genci Gjonçaj TIRANA- Kuvendi shpalli vjet në korrik thirrjen për aplikime nga radhët e avokatisë dhe shoqërisë c...
Ulsi Manja TIRANA- Ministri i Drejtësisë Ulsi Manja ka reaguar në lidhje me skandalin e djeshëm te Onkologjiku duke thënë...
Ogerta Manastirliu TIRANA- Ministrja e Arsimit, Ogerta Manastirliu bëri me dije se nga rritja e pagave që do të nisë në 1 kor...
Albana Koçiu TIRANË- Ministrja e Shëndetësisë Albana Koçiu ka komentuar skandalin e ndodhur te Spitali Onkologjik n&...
Niko Peleshi TIRANA- Ministri i Mbrojtjes, Niko Peleshi deklaroi sot se pagat e Forcave të Armatosura do të rriten çdo vit. Peleshi t...
Ervin Mete TIRANË- Ministri i Financave Ervin Mete ka deklaruar nga 1 korriku do të nis aplikimi i rritjes se pagës për punonjësit...
Asllan Dogjani TIRANA- Deputeti i Partisë Demokratike, Asllan Dogjani tha sot se ndërhyrja në sistemin TIMS është bër&e...
Ervin Salianji TIRANA- Kanë vijuar debatet në Komision hetimor për sistemin TIMS pas deklaratës së kryetarit Ervin Salianji, se dr...
Komisioni TIRANA- Neritan Nallbati, drejtor i Departamentit të Policisë Kriminale, në Drejtorinë e Përgjithshme të Polic...
