Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Meta shprehet në postimin e tij në rrjetet sociale, se juristi i IEPV “Jordan Misja” e ka njoftuar së për 14 ditë është ndaluar nga ushtrimet fizike të përbashkëta.
TIRANË- Kreu i Partisë së Lirisë, Ilir Meta ka ndarë nga burgu se ditën e sotme është njoftuar për një dënim të ri që ishtë vendosur sipas tij, bazuar në një rregullore të re. Meta shprehet në postimin e tij në rrjetet sociale, se juristi i IEPV “Jordan Misja” e ka njoftuar së për 14 ditë është ndaluar nga ushtrimet fizike të përbashkëta.
Argumenti për këtë dënim, sipas Metës ishte se kishte shkelur një pikë të rregullores që thotë se nuk lejohej komunikimi me mediat pa leje të posaçme nga Drejtori i Përgjithshëm i Burgjeve. Rasti në fjalë ishtë një komunikim përmes telefonit të avokatit Kujtim Cakrani me gazetaren Aida Toncica në MCN TV, në 2 korrik 2025.
Ndërsa sjell në vëmendje një tjetër dënim për të njëjtën arsye, Meta shprehet se tashmë duhet "leje e posaçme" për komunikimet e tij. Ai shkruan më tej se fytyrën e vërtetë të kryeministrit Edi Rama, të cilin e akuzon si personi që qëndron pas arrestimit dhe mbajtjes së tij në burg, e tregojnë sjelljet "kriminale" ndaj komunitetit të Thethit.
"“Toka e xanun” nuk e mbulon dot “pushtetin e xanun” me burgosje opozitarësh dhe ndihmën e karteleve të drogës. Ata njerëz të mrekullueshëm janë në tokat e tyre brez pas brezi dhe nuk e meritonin këtë pabesi dhe poshtërsi se me sakrificat dhe mikpritjen e tyre i dhanë emër Shqipërisë në botë.", shkruan Meta ndër të tjera.
POSTIMI I PLOTË:
Dënim i ri me rregullore të "re".
Sot u njoftova për një dënim të ri i bazuar mesa duket në një Rregullore të “re”. Juristi i IEPV “Jordan Misja” më solli për t’u njohur me dënimin e ri, normalisht siç shkruhej atje të marrë “njëzëri” nga Komisioni Disiplinor, që të ndalohesha edhe 14 ditë nga ushtrimet fizike të përbashkëta.
Argumenti ishte se kisha shkelur në mos gaboj pikën c të pikes ç të Rregullores ku nuk lejohej komunikimi me mediat pa leje të posaçme nga Drejtori i Përgjithshëm i Burgjeve.
Për këtë i referoheshin një komunikimi përmes telefonit të avokatit tim Kujtim Cakrani me gazetaren Znj. Aida Toncica në MCN TV, në 2 korrik 2025.
Kur më dënuan herën e parë u thashë se ju nuk po më dënoni pse kam folur pas orës 20:00, por për faktin pse iu përgjigja gazetares Znj. Beti Njuma.
Jo, më thanë, nuk ka lidhje me këtë por me shkeljen e rëndë të orarit me 20 minuta.
Kur fola live në ora 12:00 të drekës (brenda orarit) shpikën Rregulloren e “re” se nuk mund të flitet me mediat pa leje të posaçme nga Drejtori i Përgjithshëm i Burgjeve.
Tani kemi jo vetëm Prokurori të Posaçme, jo vetëm Gjykata të Posaçme, por edhe “leje të posaçme” për të folur.
Këta që nuk pyetën as për lejet e posaçme që Prokuroria e Posaçme u dha zyrtarisht deputetëve të Partisë së Lirisë për të më takuar do më japin mua leje të posaçme për të folur kundër “Ramaduros”.
Këta që nuk kanë lejuar asnjë gazetar vendas dhe të huaj që të më takojë do më japin leje të posaçme mua.
Këta që vetë më kërkuar që më 11 Maj të votoja në ora 10:00 se donin mediat të më filmonin dhe që “çuditërisht” ua bënë të pamundur kameramanëve dhe gazetarëve duke i vonua për “arsye të kontrollit të sigurisë” që të më filmonin.
Këta që dy javë më lanë motrën dhe tre fëmijët te dera e burgut pa më takuar dhe që herën e tretë kur erdhën të katërt u shpikën rregulloren se njëri duhej të rrinte jashtë se nuk lejoheshin katër siç ndodhte gjithmonë, tani do më japin “leje të posaçme” që të çmontoj të gjithë këtë proces monstruoz criminal të fabrikuar me shpifje dhe kallzime të rreme prej shumë vitesh.
Të dëshpëruar se gjatë 9-muajve në paraburgim nuk arritën të më krijojë asnjë provë të re këtu pavarësisht nga provokacionet e panumërta, kujtojnë se do më nervozojnë me çmendurira të tilla, pjellë e një koke të çmendur e të droguar nga pushteti i vjedhur që nuk mbulohet dot me operacionin “tokë e xanun” e as duke blerë e korruptuar ndërkombëtarët me çanta me dollar si McGonigalin e plot të tjerë.
As ndalimi i komunikimit tim telefonik me Sekretarin e Përgjithshëm të Partisë së Lirisë, Tedi Blushin, nuk do i qetësojë dot makthet e “Ramaduros”,
Fytyrën e vërtetë kriminale të “Ramaduros” e tregojnë sjelljet kriminale ndaj komunitetit të mrekullueshëm të Thethit.
“Toka e xanun” nuk e mbulon dot “pushtetin e xanun” me burgosje opozitarësh dhe ndihmën e karteleve të drogës.
Ata njerëz të mrekullueshëm janë në tokat e tyre brez pas brezi dhe nuk e meritonin këtë pabesi dhe poshtërsi se me sakrificat dhe mikpritjen e tyre i dhanë emër Shqipërisë në botë.
Ndërsa i pabesi e di se në mandatin e katërt karrigia e tij nuk ka më katër këmbë nga pasha e rënduar e vjedhjeve, korrupsionit dhe krimeve.
tedi blushi TIRANË- Deputeti i zgjedhur dhe njëkohësisht sekretari i Përgjithshëm i Partisë së Lirisë, Tedi Blushi,...
pamje nga rama ITALI- Kryeministri Edi Rama ndodhet ditën e sotme në Romë për të marrë pjesë në “Ukraine Reco...
edi rama ITALI- Kryeministri Edi Rama ka mbajtur fjalën e tij në Konferencën për Rimëkëmbjen e Ukrainës që po zhvil...
kryeministria TIRANË- Kryeministria ka reaguar lidhur me miratimin e raportit për progresin e Shqipërisë gjatë viteve 2023 d...
Jamarbër Malltezi TIRANË- Jamarbër Malltezi, dhëndri i kreut të Partisë Demokratike Sali Berisha, ka folur publikisht pë...
Adriatik Lapaj TIRANË- Mandati i vetëm i koalicionit “Nisma Shqipëria Bëhet” duket se është në rrezik, pasi ...
Arben Anamali TIRANË- Qeveria ka shpallur Dëshmor të Atdheut, kapitenin 51-vjeçar Arben Anamalin, që sakrifoi jetën du...
Altin Dumani dhe Nancy VanHorn TIRANË- E Ngarkuara me Punë, Nancy VanHorn ka zhvilluar një një takim me Kreun e SPAK, Altin Dumani dhe ...
Fotoja familjare ITALI- Liderët botërorë janë takuar ditën e sotme në Itali për Konferencën për Rim&...
Kosove KOSOVË- Drejtori i Policisë së Kosovës, Gazmend Hoxha, e ka konfirmuar për Radion Evropa e Lirë, se e ka miratuar k&eu...
