Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Teliti vuri në dukje se sektori i bujqësisë është ai që po vuan krizën më të thellë, teksa theksoi 3 shtresat që e vuajnë më shumë varfërinë: pensionistët, familjet me ndihmë ekonomike, personat me aftësi të kufizuar.
TIRANË- Këshilltari i çështjeve ekonomike në Partinë Demokratike, Dorian Teliti, e ka cilësuar buxhetin një set instrumentesh. Sipas Telitit, buxheti i shtetit këto 12 vite është përdorur në mënyrën më makabre prandaj nuk ka ndodhur as mirëqenia, as fuqizimi apo rritja ekonomike.
Teliti vuri në dukje se sektori i bujqësisë është ai që po vuan krizën më të thellë, teksa theksoi 3 shtresat që e vuajnë më shumë varfërinë: pensionistët, familjet me ndihmë ekonomike, personat me aftësi të kufizuar.
Gjatë fjalës së tij, Teliti vuri dhe një herë theksin te buxheti për vitin 2025, sipas të cilit, i shpall besnikëri oligarkisë dhe i zyrtarizon për të 12 vit radhazi tradhëtinë ndaj popullit shqiptar.
Fjalimi i Dorian Telitit:
I nderuar Kryetari i PD, Dr. Berisha, është një kënaqësi që të kemi midis nesh së fundmi, dhe që drejtësia u vendos pas 333 ditësh në këtë shkelje të hapur të Kushtetutës dhe të normave minimaliste humane në Republikën e Shqipërisë.
Në fund të fundit, kjo është Shqipëria e Edi Ramës, kjo është Shqipëria e 12 viteve të shkretimit, të rrënimit dhe të varfërimit të shqiptarëve.
Buxheti i shtetit, të nderuar deputetë, drejtues departamentesh, anëtarë, miq, në fund të ditës është një set instrumentesh. Qëllimi është një dhe vetëm një: mirëqenia e shqiptarëve, fuqizimi i ekonomisë, rritje ekonomike gjithëpërfshirëse, e prekshme nga të tërë, fuqizimi i sipërmarrjes.
Asgjë prej këtyre nuk ka ndodhur, sepse instrumenti kryesor, seti kryesor, pikërisht që është buxheti i shtetit këto 12 vite, është përdorur në mënyrën më makabre të mundshme.
E tha shumë qartë doktori: kur buxheti përdorej drejt për qytetarët, për sipërmarrjet, për sektorët e ekonomisë, patëm zhvillim të ekonomisë në vitet 2005-2013.
Ishim vendi me pagat më të larta, ishim vendi me investimet e huaja direkte më të larta. Ishim vendi që luftuam varfërinë dhe e reduktuam atë në maksimum. Ishim vendi që hapnim vende pune, dhe ishim i vetmi vend që në raportin e FMN të vitit 2013, ishte i vetmi vend Shqipëria, e shkruar e zeza në të bardhë, që i bëri ballë krizës ekonomike botërore të vitit 2008-2014.
I vetmi vend, i cili rezultoi me rritje pozitive ekonomike, dhe kjo ishte, jo sepse ne shpikën rrotën, po kjo ishte sepse ne përdorëm një nga instrumentat kryesore, buxhetin. Politikat fiskale dhe politikat e shpenzimeve i përdorëm vetëm me një qëllim, për t’i ardhur në ndihmë dhe në mbështetje ekonomisë dhe aktorëve të saj.
Ndërkohë, në kto 11 vite të fundit, investime direkte të të huajve nuk shohim, modele ekonomike zhvëllimore nuk kemi. Modeli ekonomik i vetëm është ai i betonit dhe ai i pastrimit të parave të pisëta.
I vetmi sektor që lulëzon ende, edhe në vitin 2024, ndërkohë që sektorët e tjerë prodhues të ekonomisë shqiptare, sektorët e infrastrukturës, të shërbimeve, janë në krizë të thellë.
Por mbi të gjitha, ai që është në krizë më të thellë, është sektori i bujqësisë, i cili prej dy vitesh tashmë nuk po shikon as rritje, por shikon vetëm regres dhe kjo si pasojë e braktisjes zyrtare e dy shuplakave të forta që Edi Rama dhe qeveria e tij i ka dhënë sektorit të bujqësisë. Nga njëra anë, duke dhënë subvencionet më të ulëta në rajon për 11 vite dhe në anën tjetër duke shpikur një skemë kriminale të diferencimit të tvsh-së në hyrje dhe në dalje që e ka rritur koston e fermerit shqiptar me të paktën 20-30%.
Është një model, i cili bazohet tek paratë e pisëta dhe në pastrimin e tyre, prandaj euro në këto vite është shfuqizuar përtej çdo lloj norme dhe arsyeje normale.
Do ishte lajm i mirë, sikur leku shqiptar të fuqizohej nga fuqizimi i ekonomisë shqiptare, por nuk ardhur nga fuqizimi i ekonomisë shqiptare, ka ardhur nga dyndja e miliarda eurove të cilat sot gjenden në tregun shqiptar, kanë deformua konkurrëncën e lirë dhe të ndershme, ka vrarë sipërmarrjen shqiptare, që ka bërë të falimentojmë me qindra dhe dhjetëra prodhues shqiptarë vetëm gjatë pranverë-verë të këtij viti.
Tre janë shtresat që e vuajnë më shumë varfërinë: pensionistët, familjet me ndihmë ekonomike, personat me aftësi të kufizuar.
Do ketë një qindarkë shtesë buxheti i vitit të ardhshëm, ky buxheti madhështor për 164 mijë persona me aftësi të kufizuara? Zero. Ndërkohë çmimet do rriten, do varfërohen akoma dhe më tepër.
Po për 62 mijë që janë familje ekonomike, që janë 200 mijë frymë do ketë ndonjë rritje të pagesës së tyre mujore? Zero dhe për ta.
Ndërkohë për pensionistët, do të kujtohet qeveria, që në nëntor të vitit 2025 të bëjë indeksimin ligjor, indeksimi duhet bërë në muajt e parë të vitit, por qeveria do ta bëjë në nëntor të vitit të ardhshëm, ndërkohë deri në nëntorin tjetër për 12 muaj prap çmimet do t’i gërryejnë atë xhepin e shpuar të pensionistit.
Si e luftoi Edi Rama varfërinë? Përkundrazi, po e thellon akoma dhe më tepër atë, ndërkohë që do na marrë para më shumë se sa në 2024.
Ndryshoi gjë për arsimin, apo për shëndetësinë vitin e ardhshëm. Vitin e ardhshëm ajo që do shkojë direkt për arsimin, për arsimin do shkojë 2.6% e GDP-së.Dhe prap do kemi fenomene në vitin e ardhshëm të klasave bosh sepse s’ka mësues dhe klasa me dy turne, sepse investimi në shkolla dhe në çerdhe nuk do bëhen.
2.9% për Shëndetësinë. Këto financime nuk shkojnë atje, përkundrazi.
Do marr një projekt, koncensioni i Sterilizimit, i cili ka vendim gjykate sot, të Shkallës së Parë që urdhëroi qeverinë shqiptare të rishikojë vlerën e kontratës koncensionare sepse është e fryra tha, efektivisht, e thotë gjykata.
Dhe në 2024 kjo kontratë ka marrë 17.5 mln euro. Sa do marrë vitin e ardhshëm, më pak thoni ju, mqs gjykata është shprehur? Jo, do marrë më shumë, 19 mln euro. Për të mos folur për Inceneratorin e Tiranës që do marrë llokmën e vet, 12 mln euro në 2024, 13 mln euro në 2025 edhe pse ende nuk ekziston.
Lukset qeveritare, llokmën e vet. 25mln euro shtesë për lukset qeveritare vetëm të ministrive. Porti i Durrësit, 98 mln euro këtë vit, 147 mln euro vitin e ardhshëm porti i ri në Porto Romano.
Buxheti i vitit 2025 i shpall besnikëri oligarkisë, i shpall besnikëri tenderave pa garë, lukseve dhe i shpall dhe i zyrtarizon për të 12 vit radhazi tradhëtinë ndaj shqiptarit të thjeshtë, ndaj familjes, individit, çifteve të reja, ndaj sipërmarrjes shqiptare, ndaj këtij kombi.
Ndaj, këtë shpopullim që ka ndodhur, ne vetëm një mënyrë kemi, të bëjmë çmos që të realizojmë rotacionin politik. Duke qenë të gjithë bashkë dhe me ide të qarta, me program të qartë, me liderin që e kemi, me ekipin që do jetë dhe me programin e duhur, ne kemi mundësinë t’i bindim shqiptarët për të bërë ndryshimin e madh, sepse ndryshe, thellë e më thellë shkojë kriza, ekonomike, sociale dhe kulturore. Faleminderit!
Olsian Çela dhe Nancy VanHorn TIRANA- E Ngarkuara me Punë në Ambasadën e Shteteve të Bashkuara, Nancy VanHorn, ka zhvilluar...
Albin Kurti KOSOVË- Kryeministri i Kosovës, Albin Kurti foli gjatë seancës së sotme të Kuvendit për sulmet e fundit...
Agron Shehaj DURRËS- Partia Mundësia e drejtuar nga deputeti Agron Shehaj ka hapur degën e saj në Durrës. Shehaj në nj&...
Aleksandër Vuçiç SERBIA- Presidenti serb, Aleksandër Vuçiç po përpiqet të devijojë rrjedhën ...
Berisha TIRANË- Kryedemokrati Sali Berisha prezantoi sot programin ekonomik të PD-së, teksa u ndal te prona. Brisha theksoi se prona, &...
Foto ilustruese BRUKSEL- Në Komisionin për Politikë të Jashtme të Parlamentit Evropian më 2 dhjetor është d...
Sali Berisha TIRANË- Kreu i Partisë Demokratike, Sali Berisha, akuzoi projektin e Ballkanit të Hapur si shkatërrimtar për mijë...
Sali Berisha TIRANË- Kreu i Partisë Demokratike, Sali Berisha, prezantoi projektin ekonomik të PD-së, ku premtoi se rroga minimale do t...
Pirro Vengu TIRANË- Në Komisionin e Ekonomisë u miratua projektligji për organizimin dhe funksionimin e Forcës Rezerviste në ...
Sali Berisha TIRANË- Kreu i Partisë Demokratike, Sali Berisha ka thënë varfëria dhe mjerimi janë një emergjencë ko...
