Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Sekretari për Organizimin dhe Çështjet Zgjedhore në PS Damian Gjiknuri, ka treguar më tepër detaje mbi ndryshimet në kodin zgjedhor.
TIRANË - Partia Demokratike dhe Partia Socialiste kanë arritur të dakordësohen për ndryshimet e nevojshme në Kodin Zgjedhor për votën e diasporës. Diaspora me 11 maj nuk do ta ketë të nevojshme të vijë në Shqipëri për të votuar, pasi me ndryshimet në ligj ata mund ta ushtrojnë këtë vullnet nga vendi ku jetojnë.
Lidhur me këtë ka folur së fundmi, Sekretari për Organizimin dhe Çështjet Zgjedhore në PS Damian Gjiknuri. Në një intervisë për gazetarin e Top Channel Muhamed Veliu, ai ka treguar më tepër detaje mbi ndryshimet në kodin zgjedhor. Gjiknuri shprehet se ndryshimi i parë ka të bëjë me afatet e votës së diasporës, nga 45 ditëshi që është parashikuar nga Kodi Zgjedhor mund të shkojë në 60 ditë afati për regjistrimin e kandidatëve dhe së dyti është ndryshimi i nenit që ka të bëjë me shpenzimet e votimit, që gjithçka do ta mbulojë buxheti i shtetit nëpërmjet KQZ, edhe ky propozim është dakordësuar.
Pyetje: Si kanë shkuar bisedimet me opozitën për të realizuar votën e diasporës, për të bërë ato ndryshime në afate të cilat i kërkon KQZ.
Damian Gjiknuri: KQZ ka luajtur një rol shumë aktiv ditët e fundit, duke dhënë asistencën e nevojshme për realizuar negociatat, gjithçka që kemi biseduar me palën tjetër ka qenë në harmoni me ato mundësi që ka KQZ për t’i zbatuar këto afate, përgjithësisht është rënë dakord, besoj sot të vijë dhe propozimi nga KQZ për formimet përkatëse pastaj do të mbështeten nga partitë kryesore, për tre elementë që kanë qenë thelbësore për këtë negociatë. E para ka të bëjë me afatet e votës së diasporës, do të thotë që nga 45 ditëshi që është parashikuar nga Kodi Zgjedhor mund të shkojë në 60 ditë afati për regjistrimin e kandidatëve, gjë që i jep mundësi KQZ që të përgatisë më shpejt fletët e votimit dhe të ketë më shumë kohë për dërgimin dhe marrjen zarfeve nga diaspora.
E dyta është ndryshimi i nenit që ka të bëjë me shpenzimet e votës, që gjithçka do ta mbulojë buxheti i shtetit nëpërmjet KQZ, edhe ky propozim është dakordësuar.
Si dhe një shqetësim që e kishin ngritur demokratët që ka të bëjë me përbërjen e grupeve të numërimit dhe komisionit të numërimit të votave të diasporës. Kemi rënë dakord në ato parime që ekzistojnë në kodin zgjedhor, të jetë një përfaqësim partiak, me barazi palësh në përfaqësim. Kemi shprehur edhe gatishmërinë dhe besoj se qeveria do ta realizojë pas kërkesës zyrtare të KQZ-së, personave që iu kanë skaduar mjetet e identifikimi do të kenë mundësi të regjistrohen në këto zgjedhje.
Pyetje: Ka një propozim të PD-së, që a ka shtetas shqiptarë që kanë pasaportë të vendeve europiane që t’i jepet mundësia të regjistrohen dhe votojnë në zgjedhjet e majit, si e shikoni ju?
Damian Gjiknuri: Këtu ka dy elementë, principali dhe praktikë. Principali është se ne kur kemi bërë dispozitat e kodit zgjedhor për diasporën e kemi përcaktuar që shtetasi duhet të ketë mjet identifikimi, ID dhe pasaportë, ku pavarësisht se ku jetojnë këto duhen me patjetër. Nga ana praktike është një problem serioz, sepse të dhënat biometrikë të shqiptarëve janë marrë pas vitit 2008. Hapja e sistemit krijon probleme dhe unë nuk e di se çfarë shqetësimesh mund të sjellin dhe unë nuk dua të eksperimentoj. Pjesa më e madhe atyre që kanë aplikuar gjatë këtyre katër javëve, pjesa dërrmuese e tyre, vetëm 800 ose 900 nuk kanë mjet identifikimi. Nuk është problem aq i madh, për kohën e mbetur nuk kemi pse ndryshojmë rregullat e lojës. Mendoj që me këtë gatishmëri që po tregojmë për heqjen e pengesën për vleftësisë së dokumentit të lëshuar mendoj që hapet hapësira për qytetarët që jetojnë në diasporë.
Pyetje: Kjo dakordësi që keni arritur besoni se do të materializohet me ndryshimet e duhura në kod në seancën e radhës të parlamentit?
Damian Gjiknuri: Shpresoj që këto ditë ta bashkëfirmosim këtë propozime dhe më pas të miratohen me qëllim që procesi të ecë sa më shpejt. Mendoj që edhe sikur të miratohet në fillim të shkurtit jemi sërish në kohë. Kjo gjë do të bëhet publikisht, edhe për pjesën e dokumenteve të skaduara. Procesi mendoj që po ecën mirë, mbase KQZ ka nevojë të shtojë më shumë operatorë për trajtimin e kërkesave në kohë. Një gjë dua të them, se kemi pasur dialog me KQZ, ku pjesë kanë qenë edhe përfaqësues të PD-së.
Pyetje: Cilët janë pritshmëritë tuaja për diasporën, sa do të regjistrohen deri në afatin e përcaktuar nga ju?
Damian Gjiknuri: Këtë nuk mund ta parashikoj dot, por me sa kam parë në trendin e deritanishëm, duke parë mesataren e regjistrimit 4000-4500 në ditë, mendoj që shifra do të jetë më shumë se 200 mijë e atyre që do të aplikojnë. Sa nga këta do të jenë në rregull me dokumentacionin, kartë ID ose pasaportë ose dokumente të tjera. Shpresoj të jetë mbi 200 mijë, sepse përbën një përqindje të lartë të votuesve shqiptarë.
Altin Dumani TIRANË- Kreu i Prokurorisë së Posaçme Altin Dumani ka deklaruar se SPAK ka bërë gati strategjinë e h...
Procesverbali TIRANË - Kryetari i Partisë Demokratike, Sali Berisha pas daljes nga SPAK, në zbatim të vendimit të Apelit, dek...
Ogerta Manastirliu TIRANA- Ministria e Arsimit dhe Sportit dhe Qendra e Shërbimeve Arsimore prezantuan sot raportin e detajuar mbi Maturën S...
Edi Rama TIRANA- Kryeministri Edi Rama, njëherësh dhe kreu i Partisë Socialiste, ka mbledhur paraditen e sotme drejtuesit politike t&eu...
Donald Trump SHBA- Nga sot merr detyrën presidenti i 47-të i Shteteve të Bashkuara, Donald Trump. Pas fitores në zgjedhjet e 5 nën...
Sali Berisha TIRANA- Kreu i Partisë Demokratike, Sali Berisha, tha sot para SPAK se ky institucion komandohet nga kryeministri Edi Rama. Ai tha se Ram...
Sali Berisha TIRANA- Kreu i Partisë Demokratike Sali Berisha tha sot para SPAK se Zaho Koka është dosja që ka ardhur këtu p&e...
Ilirjan Celibashi TIRANË- Komisioni Qëndror i Zgjedhjeve ka bërë tre propozime për ndryshimet në Kodin Zgjedhor. Gjatë d...
Sali Berisha TIRANË - Kryetari i Partisë Demokratike, Sali Berisha, gjatë fjalës së tij në protestën që u mbajt par...
Protesta TIRANA- Mbështetësit e Partisë Demokratike kanë marrë pjesë sot në një protestë të thirrur para ...
