Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Komisioni i Ankimimeve dhe Sanksioneve ka shqyrtuar sot elementët e formës dhe të përmbajtjes të 5 kërkesave ankimore, depozituar nga subjektet zgjedhore në zgjedhjet vendore të 14 majit.
TIRANË- Komisioni i Ankimimeve dhe Sanksioneve ka shqyrtuar sot elementët e formës dhe të përmbajtjes të 5 kërkesave ankimore, depozituar nga subjektet zgjedhore në zgjedhjet vendore të 14 majit.
KAS vendosi pushimin e kërkesës ankimore të Partisë Aleanca Demokristiane për rinumërimin e votave të këshillit bashkiak Kamzë, pasi nuk depozitoi plotësimin e elementëve të formës dhe përmbajtjes së kërkesës, brenda afatit 24 orë të dhënë nga KAS.
“Komisioni i Akimimeve dhe Sanksioneve shqyrtoi elementët e formës dhe të përmbajtjes së kërkesës ankimore nr. 75, me ankues “Partia Aleanca Demokristiane e Shqipërisë”, me objekt “Kundërshtimin e vendimit të KZAZ dhe KQZ; 1- Kundërshtimin për miratimin e Tabelës përmbledhëse të Rezultateve për zgjedhjet e Këshillit Bashkiak Kamëz. 2- Rinumërimin dhe Rivlerësimin e votave të vlefshme dhe të pavlefshme të subjekteve në kutitë e votimit për Këshill Bashkiak. 3- Ndryshimin e Tabelës Elektronike të KQZ, Tabelës Përmbledhëse të Rezultatit për Këshillin Bashkiak”. Në përfundim të shqyrtimit paraprak, KAS vendosi pushimin e kërkesës ankimore, pasi nuk u depozitua plotësimi i elementëve të formës dhe përmbajtjes së kërkesës, brenda afatit 24 orë të dhënë nga KAS”.
KAS vendosi kalimin për shqyrtim në 31 maj të kërkesës së Partisë Socialdemokrate, e cila kundërshton rezultatin e zgjedhjeve për Kryetar të Bashkisë dhe për Këshillin Bashkiak në Vlorë.
“U shqyrtuan elementët e formës dhe të përmbajtjes së kërkesës ankimore nr. 79, me ankues “Partia Socialdemokrate e Shqipërisë” më objekt “Kundërshtimi i vendimit të Komisionerit Shtetëror të Zgjedhjeve nr. 541, datë 20.02.2023 “Për miratimin e Tabelës Përmbledhëse të Rezultatit të zgjedhjeve për Kryetar të Bashkisë dhe për Këshillin e Bashkisë, në zonën zgjedhore Bashkia Vlorë, për zgjedhjet për organet e qeverisjes vendore të datës 14 Maj 2023. Në përfundim të shqyrtimit paraprak, KAS vendosi kalimin për shqyrtim të kërkesës, ditën e Mërkurë më datë 31.05.2023, ora 12:30”.
KAS do të shqyrtojë në 31 Maj edhe kërkesën ankimore të koalicionit “Bashkë Fitojmë”, që kërkon rinumërimin dhe rivlerësimin e votave në të gjitha qendrat e votimit të Bashkisë Rrogozhinë.
“Sot u shqyrtuan elementët e formës dhe të përmbajtjes edhe për kërkesësn ankimore nr. 80, me ankues Koalicioni “Bashkë Fitojmë”, me objekt “Kundërshtimi i vendimit nr. 531, datë 18.05.2023, “Për miratimin e Tabelës Përmbledhëse të Rezultatit për kandidatët për kryetar Bashkia Rrogozhinë dhe Miratimi i Tabelës së re Përmbledhëse pas Rinumërimit dhe Rivlerësimit të votave në të gjitha qendrat e votimit të zonës zgjedhore, Bashkia Rrogozhinë. Kundështimin e vendimit nr. 531, datë 18.05.2023 “Për miratimin e Tabelës Përmbledhëse të Rezultateve për zgjedhjen e Kryetarit të Bashkisë Rrogozhinë” dhe Miratimi i Tabelës përmbledhëse duke hequr rezultatin zgjedhor të qendrës së votimit nr. 2224/1, IEVP Rrogozhinë. Shpalljen fitues për kryetar të Bashkise Rrogozhinë z. Shkëlqim Hamid Hoxha, propozuar nga subjekti zgjedhor “Bashkë Fitojmë”. Në përfundim, KAS vendosi kalimin për shqyrtim të kërkesës, ditën e Mërkurë, datë 31.05.2023, ora 13:00”.
KAS shqyrtoi elementët e formës dhe të përmbajtjes së kërkesës ankimore të koalicionit “Bashkë Fitojmë” që kundërshton rezultatin zgjedhor në Bashkinë Kamzë dhe kërkon ekspertimin kompjuterik të çdo pajisjeje elektronike që është e pajisur me server për ruajtjen e të dhënave elektronike. Kjo të realizohet nga ekspertë të huaj të pavarur nga institucionet shtetërore apo Komisioni Qendror i Zgjedhjeve. Për këtë nevojitet që pajisjet të ruhen në kushte të përshtatshme në gjendjen aktuale, me qëllim mosndërhyrjen nga personat e paautorizuar si dhe të mirëruajtura nga agjentet atmosferike.
“Gjithashtu, KAS shqyrtoi elementët e formës dhe të përmbajtjes së kërkesës ankimore nr. 81, me ankues Koalicioni “Bashkë Fitojmë” dhe objekt “1. Kundërshtimin e vendimit Nr. 536, datë 20.05.2023 “Për miratimin e Tabelës Përmbledhëse të Rezultateve për zgjedhjen e kryetarit të Bashkisë dhe për Këshillin e Bashkisë, në Zonën Zgjedhore Bashkia Kamëz, për zgjedhjet për organet e qeverisjes vendore të datës 14 maj 2023”. 2. Ekspertimin kompjuterik të çdo pajisjeje elektronike që është e pajisur me server për ruajtjen e të dhënave elektronike. Kjo të realizohet nga eksperte të huaj të pavarur nga institucionet shtetërore apo Komisioni Qendror i Zgjedhjeve. Për këtë nevojitet që pajisjet të ruhen në kushte të përshtatshme në gjendjen aktuale me qëllim mosndërhyrjen nga personat e paautorizuar si dhe të mirëruajtura nga agjentet atmosferike. 3. Krahasimin e rezultatit elektronik të zgjedhjeve me rezultatin fizik (fletëve të votimit të gjendura në kuti), për çdo qendër votimi. Për këtë kërkohet një proces sa më transparent dhe gjithëpërfshirës. 4. Kqyrjen e kamerave të jashtme dhe të atyre të përdorura brenda qendrave të votimit me qëllim evidentimin e të gjithë personave të paautorizuar apo pjesë e administratës vendore dhe qendrore në nivel specialist apo drejtuesi, që kanë qenë gjatë gjithë kohës nëpër qendra votimi, evidentimin e mosnënshkrimit të deklaratave përkatëse për votuesit që janë shoqëruar, evidentimin e votimit nga vetë operatorët e PEVN-ve, evidentimin e votimit të komisionerëve për llogari të votuesve. 5. Krahasimin e kodeve të votuesve me listën e votuesve për çdo QV në Bashkinë Kamëz, në lidhje me pajisjen e identifikimit të votuesve (PED). 6. Rinumërimin dhe Rivlerësimin e votave në të gjitha qendrat e votimit të njësisë zgjedhore, Bashkia Kamëz dhe miratim i tabelës përmbledhëse për zonën zgjedhore Bashkia Kamëz duke përfshirë në të rezultatin e dalë nga rinumërimi dhe rivlerësimi i votave; 7. Pavlefshmëria e zgjedhjeve të zhvilluara në zonën zgjedhore Bashkia Kamëz; si dhe 8. Së fundmi, pasi të jenë kryer veprimet e mësipërme dhe të keni krijuar bindjen Tuaj institucionale se kjo nuk është vota e qytarëve, nga ana Juaj kërkojmë: Përsëritjen e zgjedhjeve për Kryetar të Bashkisë si dhe të Këshillit Bashkiak Kamëz”. Në përfundim të shqyrtimit paqraprak, KAS kalimin për shqyrtim të kërkesës, ditën e Mërkurë më datë 31.05.2023, ora 15:00”
KAS vendosi kthimin për plotësim brenda 24 orëve të kërkesës së Partisë Aleanca Demokristiane, e cila kërkon rivlerësim të votave të vlefshme dhe të pavlefshme për disa prej subjekteve në disa prej kutive të votimit për Këshillin Bashkiak Kamzë.
“KAS gjithashtu shqyrtoi elementët e formës dhe të përmbajtjes edhe për kërkesën ankimore nr. 84, me ankues “Partia Aleanca Demokristiane e Shqipërisë”, me objekt “Kundërshtimin e vendimit të KZAZ dhe KQZ; 1- Kundërshtimin për miratimin e tabelës përmbledhëse të rezultateve për zgjedhjet e Këshillit Bashkiak Kamëz dhe hartimin e tabelës së re përmbledhëse pas këqyrjes se materialit zgjedhor sipas kësaj kërkese ankimore. 2-Rivlerësim i votave të vlefshme dhe të pavlefshme për disa subjekteve në disa prej kutive të votimit për Këshillin Bashkiak Kamëz. 3- Rivlerësim për ndryshimet e pa motivuara në Tabelën Elektronike të Rezultateve përmbledhëse për Këshillin Bashkiak Kamëz”. Në përfundim të shqyrtimit paraprak, KAS vendosi kthimin për plotësim të kërkesës, me afat 24 orë.
Petrit Doda TIRANË- Deputeti i Partisë Demokratike, Petrit Doda ishte një nga ata që votoi kundër rritjes së pagave për ...
Edi Rama DURRËS- Kryeministri Edi Rama i ka vënë 'gishtin' udhëheqësve të Partisë Socialiste, duke i fajësuar p&eum...
denoncimi nga Petrit Vasili TIRANE- Nënkryetari i Partisë së Lirisë, Petrit Vasili ka publikuar fakte të reja, për manipulim...
Ditmir Bushati & Bujar Osmani TIRANË- Shqiptarët e Maqedonisë së Veriut, roli i tyre shtetformues, sfidat e fqinjit tonë ...
Ilirjan Celibashi TIRANË- Komisioneri Shtetëror i Zgjedhjeve, Ilirjan Celibashi u pyet sesi do të procedohet me vijimin e mandatit t&eu...
Edi Rama TIRANË- Kryeministri Edi Rama ka reaguar pas tensioneve në veri të Kosovës. Përmes një postimi në rrjetet socia...
Arlind Qori TIRANË- Kreu i Lëvizjes Bashkë, Arlind Qori ka komentuar rritjen e pagave të deputetëve. Përmes një postimi ...
Richard Grenell TIRANË- Ish i dërguari i SHBA-së për dialogun Kosovë-Serbi Richard Grenell, ka dyshime për shpalljen non-grat...
Bajram Begaj TIRANË- Një ditë më parë, Kuvendi i Shqipërisë miratoi projektligjin për rritjen e pagave edhe pë...
Jorida Tabaku TIRANË- Deputetja e PD-së, Jorida Tabaku, ka apeluar ndaj qeverisë që të shkrijë Bordin e Karburanteve. Me an&...
