Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
SHBA-Presidenti amerikan Donald Trump ka në plan t’u thotë votuesve amerikanë të enjten në mbrëmje se rivali i tij demokrat, Joe Biden po mbështet propozimet “më të skajshme” ndonjëherë nga një kandidat i një partie kryesore, ndërsa udhëheqësi i Shteteve të Bashkuara pranon zyrtarisht emërimin republikan për një mandat të dytë në Shtëpinë e Bardhë.
“Asnjëherë më parë votuesit amerikanë nuk janë gjendur para një zgjedhjeje kaq të qartë mes dy partive, dy vizioneve, dy filozofive apo dy programeve. Ne kemi kaluar katër vitet e fundit, duke u përpjekur të zhbëjmë dëmin që ka shkaktuar Joe Biden në 47 vitet e fundit”, thuhet në pjesë të fjalimit që u bënë të njohura para se ai të flasë në praninë e 1,500 vetëve në Kopshtin Jugor të Shtëpisë së Bardhë.
Zoti Trump, i cili sipas anketave kombëtare dhe në shtetet e pavendosura, është pas zotit Biden, thotë se “Partia Republikane ecën përpara e bashkuar, e vendosur dhe e gatshme të mirëpresë miliona demokratë, të pavarur dhe cilindo që beson në madhështinë e Amerikës dhe në zemrën e pastër të popullit amerikan”.
Zoti Biden i tha kanalit televiziv MSNBC, se ai e sheh ndryshe.
“Problemi që kemi tani është se jemi në Amerikën e Donald Trump-it”, tha ai në reagimin e parë publik ndaj Kuvendit Republikan, ku folësit kanë thënë se një administratë zotit Biden, do të sillte kaos dhe çrregullim.
Fjalimi i Presidentit Trump vjen natën e katërt dhe të fundit të Kuvendit Republikan dhe do të pasohet nga nga një shfaqje fishekzjarresh në shëtitoren kryesore të Uashingtonit.
Përveç fjalimit të tij të drejtpërdrejtë nga Shtëpia e Bardhë dhe atij të mërkurën në mbrëmje nga qyteti Baltimorë i Nënpresidentit Mike Pence, kuvendi ka qenë kryesisht virtual, ashtu si ai i demokratëve një javë më parë.
Dy partitë e morën vendimin për kuvende virtuale, në përpjekje për të frenuar përhapjen e koronavirusit që ka shkaktuar vdekjen e mbi 180,000 vetëve në Shtetet e Bashkuara dhe ka prekur 5.8 milionë, sipas shifrave të Universitetit Johns Hopkins.
Fjalime me lavde
Këshilltarët kryesorë të Presidentit Trump besojnë se ai e ka përmirësuar pozitën e tij politike këtë javë, ku folësit në Kuvend njëri pas tjetrit vlerësuan punën e tij në këto tre vjet e gjysëm dhe sulmuan zotin Biden.
“Populli amerikan e pëlqen platformën e presidentit, i pëlqejnë politikat e tij. Ata duan një president që do të rikthejë vendet e punës në Amerikë. Duan ligj dhe rend. Duan dikë që t’i mbajë komunitetet e tyre të sigurta”, tha Jared Kushner, dhëndër i Presidentit Trump dhe këshilltar i lartë në Shtëpinë e Bardhë, në një aktivitet të organizuar nga media Politico.
Mes folësve të enjten në mbrëmje, do të jetë edhe kreu i shumicës republikane në Senat, Mitch McConnell, Senatori Tom Cotton, kreu i pakicës republikane në Dhomën e Përfaqësuesve, Kevin McCarthy dhe vajza e presidentit, Ivanka.
Ndërkohë që vendi është përfshirë nga trazira të reja racore, Nënpresidenti Mike Pence u tha votuesve, “nuk do të jeni të sigurtë në Amerikën e Joe Bidenit,” duke sulmuar kandidatin demokrat për president se është partner i gatshëm i atyre që duan të shkurtojnë fondet për policinë.
“Joe Biden thotë se Amerika ka racizëm në sistem,” tha zoti Pence në natën e tretë të Kuvendit Kombëtar Republikan. “Dhe se në radhët e forcave të rendit ka ‘paragjykime të brendshme’ kundër pakicave. Dhe kur e pyesin nëse mbështet shkurtimin e fondeve për forcat e rendit, u përgjigj ‘Po, patjetër’,” tha zoti Pence.
“E vërteta e vështirë është se ju nuk do të jeni të sigurtë në Amerikën e Joe Bidenit,” tha zoti Pence në fjalimin që mbajti nga Fort McHenry në Baltimorë, një fortesë që ka hyrë në histori për betejën e vitit 1814 me trupat britanike. Gjatë betejës, një oficer amerikan u frymëzua dhe kompozoi këngën “Flamuri i Spërkatur me Yje,” që u bë himni kombëtar.
Ish-nënpresidenti Biden reagoi të enjten, gjatë një interviste në televizionin CNN, duke akuzuar republikanët dhe Presidentin Donald Trump se janë ata, që duan që të ketë dhunë.
“Vendi do të jetë shumë më i sigurt kur ai të mos jetë më president”, tha zoti Biden.
Ai shtoi se gjithmonë ka “denoncuar dhunën dhe plaçkitjet”.
Debati për policinë
Presidenti Donald Trump dhe shumë nga përkrahësit e tij kanë akuzuar zotin Biden se mbështet thirrjet e Lëvizjes BLM (Jetët e Afrikano-Amerikanëve Vlejnë ) si dhe të grupimeve të tjera liberale për të anuluar fondet për departamentet e policisë, një akuzë që zoti Biden e ka hedhur poshtë. Por zoti Pence u bazua në komente reale të rivalëve demokratë në zgjedhje, se Joe Biden dhe Kamala Harris janë shprehur hapur ndaj idesë për të reduktuar fondet për policinë dhe për të përdorur fondet e kursyera për agjenci komunitare që të angazhohen për të luftuar krimin.
“Nuk dua të anuloj fondet për policinë,” tha këtë muaj zoti Biden. “Dua të miratoj më shumë fonde për policinë për t’iu përgjigjur nevojave urgjente, që nga qasja tek metodat e ruajtjes së rendit në formë komunitare, tek punësimi i punonjësve socialë në departamentet e tyre, të psikologëve, të cilët të jenë në gjendje të merren me problemet e rënda që do të kërkonin diploma universitare për zgjidhje,” siç u shpreh zoti Biden.
Zëvendës menaxherja e fushatës së zotit Biden, Kate Bedingfield tha në një deklaratë të mërkurën se zoti Pence në fjalimin e tij përdori vetëm “taktika frikësimi të diskredituara dhe manipulim në një përpjekje për të na përçarë edhe më shumë”. Ajo tha se zoti Pence pothuajse nuk e përmendi “virusin që po vret mijëra amerikanë çdo javë”, dhe uraganin e fuqishëm që po i afrohet brigjeve amerikane.
Në fjalimin e tij për të pranuar zyrtarisht emërimin si kandidat i republikanëve për një mandat të dytë si nënpresident, zoti Pence u betua se ai dhe Presidenti Trump do të “qëndrojmë përkrah atyre që veshin uniformën blu dhe nuk do të ndalim fondet për policinë, as tani, as kurrë!”.
Turma e mbledhur, shumë prej tyre veteranë të ushtrisë, ishin ulur pranë njëri-tjetrit, pa shumë distancë, pa maska, siç e kërkojnë rregullat për të penguar përhapjen e koronavirusit.
Në mes të punimeve të kuvendit, trazirat racore kanë përfshirë qytetin Kenosha në Uiskonsin ku policia të dielën qëlloi 29-vjeçarin Jacob Blake duke rindezur revoltimin e aktivistëve që kanë demonstruar prej muajsh me thirrjet për drejtësi racore.
Një 17-vjeçar u arrestua në shtetin e Ilinoit nën dyshimet për vrasjen e dy protestuesve dhe plagosjen e një të treti.
Dyshja konkurrente republikane Trump dhe Pence, si dhe një numër figurash republikane që e kanë marrë fjalën gjatë kuvendit kanë theksuar se administrata është një përkrahëse e fortë e forcave të rendit, përballë protestave të dhunshme që kanë shpërthyer kundër dhunës dhe padrejtësive racore ndaj pakicave që nga vdekja më 25 maj e George Floyd-it në Mineapolis gjatë arrestit.
Nënpresidenti Pence deklaroi: “Dhuna duhet të ndalet, qoftë në Mineapolis, në Portland apo në Kenosha,” duke shtuar se administrata Trump do të garantonte “ligjin dhe rendin” për çdo qytetar.
Në komentet e tij, ai tha “Presidenti Trump dhe unë e kemi të qartë se burrat e gratë që mbajnë uniformat e rendit janë njerëzit më të mirë që kanë dalë prej nesh. Ata vënë jetën në rrezik çdo ditë”.
“Populli amerikan e di se nuk na kërkohet të zgjedhim mes përkrahjes për forcat e rendit dhe mbështetjes së afrikano-amerikanëve që janë fqinjët tanë për të përmirësuar cilësinë e jetës në qytetet tona. Që nga dita e parë e administrates Trump, i kemi bërë të dyja dhe do të vazhdojmë edhe për katër vjet të tjera në Shtëpinë e Bardhë,” tha ai.
Pas fjalimit të zotit Pence, Presidenti dhe Zonja e Parë hipën në podiumin e ngritur në Fortesën “Fort McHenry” për të përshëndetur nënpresidentin dhe bashkëshorten e tij dhe për të dëgjuar këngëtarin e muzikës Country, Trace Adkins në interpretimin e himnit kombëtar.
Të mërkurën e mori fjalën edhe Kellyanne Conway, një nga këshilltarët kryesorë të Presidentit Trump, e cila brenda pak ditësh pritet të largohet nga Shtëpia e Bardhë për të shpenzuar më shumë kohë me familjen dhe katër fëmijët e saj.
Duke folur për presidentin, ajo tha se ai është një individ që “zgjedh betejat më të vështira dhe do të luftojë për ju”.
Lista e figurave republikane që morën fjalën të mërkurën përfshinte edhe senatorët Marsha Blackburn nga Tenesi dhe Joni Ernst nga Ajova, si dhe Richard Grenell, ish-drejtor në detyrë i zbulimit kombëtar.
Anketat tregojnë se zoti Biden kryeson me një epërsi mesatarisht prej 7.6 për qind, sipas një analize anketash nga faqja “Real Clear Politics”. Megjithatë epërsia e zotit Biden është më e vogël në disa shtete të pavendosura, që edhe këtë radhë mund të jenë vendimare për rezultatin e zgjedhjeve.
Në katër dekadat e fundit vetëm dy presidentë amerikanë nuk kanë arritur të zgjidhen për një mandat të dytë, Jimmy Carter në vitin 1980 dhe George H.W. Bush në vitin 1992.
Marrë nga:VOA
(A.K.Dosja.al)
1 vit nga zgjedhjet e 25 prillit si e shikoni gjendjen e vendit:
JAPONI- Kryeministri japonez Shinzo Abe, ditën e sotme ka dhënë dorëheqjen. Sipas burimeve zyrtare ai ka marrë këtë vendim për shkak se gjendja e tij shëndetës...
SHBA- Dy të reja në Florida të SHBA-ve, kryesisht të moshës 19 dhe 20 vjeç, janë arrestuar pasi këto të fundit dyshohen se shfrytëzonin vajza të mitura p...
SHBA- Më shumë se një shekull pasi mori të drejtën për të ekspozuar një të ri afrikan në shtëpinë e majmunëve, kopshti zoologjik i Bronksit, në Nju-Jork, më në...
SHBA- Të paktën gjashtë njerëz kanë humbur jetën si pasojë e uraganit Laura që goditi ditën e djshme shtetin amerikan të Luizianës. Sipas mediave të huaja, erër...
BRITANI- Artisti britanik Banksy, ka dhënë para për të blerë një varkë në mënyrë që të shpëtojë refugjatët që përpiqen të arrijnë në Evropë nga Afrika e Veriut....
AFRIKË E JUGUT- West Mathewson i cili kujdesej për disa luanë në Afrikën e Jugut ka humbur jetën ditën e sotme.Sipas mediave të huaja ai është vrarë nga dy...
GJERMANI- Kancelarja Merkel dhe 16 kryeministrat e landeve njoftuan se në kuadër të një sërë masash që synojnë të zvogëlojnë numrin e rasteve të koronavirusit n...
BJELLORUSI- Presidenti rus Vladimir Putin ka deklaruar se Kremlini është i gatshëm t’i sigurojë ndihmë ushtarake presidentit të Bjellorusisë, Alexander Lukashen...
SHBA- Pas pretendimit të shkencëtarëve në Universitetin e Hong Kongut se një pacient është infektuar për herë të dytë me virusin që shkakton COVID-19, Qendra Mj...
BRUKSEL– I dërguari i Posaçëm i BE-së për dialogun Kosovë-Serbi, Miroslav Lajçak, ka postuar disa fotografi të takimit me përfaqësuesit e dy shtet...
