Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital
3 Qersho...
Aktualitet
Raporti i KE-së/ Rama: BE s’ka oreks për zgjerim, presim. Soreca: Luftoni krimin
20 Tetor 2021, 07:02Nga DOSJA
TIRANË– Kryeministri Edi Rama ka deklaruar se projekt-raporti i Komisionit Evropian ka rikonfirmuar edhe një herë tjetër se Shqipëria i ka plotësuar kushtet dhe se duhet të mbahet konferenca e parë ndërqeveritare. Në konferencën për mediat që u mbajt në Kryeministri bashkë me ambasadorin e Bashkimit Evropian, Luigi Soreca, Rama tha se bllokimet që vijnë nga vendet e tjera që janë anëtare të Bashkimit Evropian janë vetëm për politikë dhe se lënë të kuptohet që BE-ja nuk ka shumë oreks për zgjerim në këto momente. Gjithsesi Rama shtoi se Shqipëria do të ecë përpara pavarësisht nëse hapen apo jo negociatat.
I pyetur në lidhje me propozimet e bëra nga Partia Demokratike për Vettingun e politikanëve, për ndryshimet kushtetuese apo edhe për Reformën territorial, Rama tha se do të tregonte mungesë etike nëse do të fliste për këtë gjë pa dialoguar me Opozitën dhe vetë PD-në. Përsa u përket patronazhistëve, Kreu i Qeverisë tha se është shumë krenar për ta. Madje ai shtoi se Partia Socialiste do të kishte marrë dhe 77 mandate nëse votuesit nuk do të kishin ngatërruar numrat e partisë me ata të kandidatëve. Kritikat për lirinë e medias sipas tij nuk qëndrojnë, pasi në Shqipëri ‘liria e shpifjes’ është në nivelin më të lartë krahasuar me vendet e tjera.
Kryesocialisti shtoi gjithashtu se Agjencia për Media dhe Informim mund edhe të shkrihet nëse vetë gazetarët gjejnë argumente të forta për ta bërë këtë gjë. Edhe ambasadori i Bashkimit Europian në Shqipëri, Luigi Soreca tha se raporti konfirmoi edhe një herë se Shqipëri ai ka plotësuar të gjitha kushtet dhe se duhet mbajtur konferenca e parë ndërqeveritare brenda këtij viti. Ai u bëri thirrje shteteve anëtare të BE-së që të lexojnë progress-raportin e KE-së dhe të ulin në tryezë Shqipërinë e Maqedoninë e Veriut. Sipas ambasadorit, lufta ndaj krimit të organizuar dhe korrupsionit është prioritet për Integrimin e vendit tonë. Soreca tha gjithashtu se Shqipëria ka shumë punë për të bërë në lidhje me Vettingu-n, Reformën në Drejtësi dhe lirinë e shtypit.
Gjithashtu, sot po zhvillohet edhe mbledhja e Këshillit Kombëtar për Integrimin Europian. Takimi i kryesuar nga Kryetarja, Jorida Tabaku dhe Nënkryetari i Këshillit Kombëtar të Integrimit Europian, Taulant Balla pritet të prezantojë “Raportin Vjetor të Komisionit Europian për Shqipërinë”. E pranishme do të jetë edhe Olta Xhaçka, Ministre për Europën dhe Punët e Jashtme bashkë me Zef Mazin, Kryenegociator i Shqipërisë me Bashkimin Europian. Nga ana e Partisë Demokratike janë edhe Gazment Bardhi, Albana Vokshi, Oerd Bylykbashi, Agron Gjekmarkaj.
Çfarë ndodhi një ditë më parë?
Një ditë më parë në takimin e Parlamentit Evropian, Komisioneri i Bashkimit Evropian për Fqinjësinë dhe Zgjerimin, Oliver Varhelyika prezantuar projekt-raportin për rajonin e Ballkanit Perëndimor duke theksuar se Shqipëria ka arritur rezultate të dukshme me reformat por se duhet të bëjë më shumë në luftën kundër korrupsionit dhe krimit të organizuar. Komisioneri vlerësoi edhe zgjedhjet duke u shprehur se ishin të mira, por kërkoi hetimin e denoncimeve të bëra, ku shqetësim mbetet blerja e votës dhe rrjedhja e të dhënave të ndjeshme personale.
TIRANË– Kryetarja e Këshillit Kombëtar të Integrimit Evropian, Jorida Tabaku ka renditur nëntë treguesit që sipas saj janë përkeqësuar nën qeverisjen...
Prokuroria e Posaçme Kundër Korrupsionit dhe Krimit të Organizuar në datën 20.12.2019 ka regjistruar procedimin penal nr.132 të vitit 2019, për veprat pe...
VLORË- Një ngjarje e rëndë ka ndodhur mëngjesin e sotëm në orën 08:18 në qytetin e Vlorës. Një e moshuar 80-vjeçare ka humbur jetën në lagjen “28 Në...
TIRANË– Gate Mahmutaj, i cilësuar si i forti i Lazaratit, ka ndërruar jetë ditën e sotme në banesën e tij. Ai u lirua me kusht më 14 tetor për shkak ...
TIRANË– Vitin e ardhshëm Shqipëria do të ketë dy satelitët e saj në hapësirë. Kryeministri Edi Rama ka publikuar një video në profilin e tij në Insta...
TIRANË– Komisioni i Pavarur i Kualifikimit, KPK ka shkarkuar nga detyra ditën e sotme gjyqtaren e Tiranës, Manjola Bejleri. Shkarkimi i Bejlerit u ve...
TIRANË– Firma e ndërtimit “Salillari” është shkaktarja kryesore e krimit mjedisor që po ndodh në fshatin Ibë. Ky skandal po ndodh nën syrin e polici...