Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Kryedemokrati Lulzim Basha bëri thirrje autoriteteve shqiptare që të marrin të gjitha masat për të mbështetur Ukrainën dhe për të luftuar agresionin rus. Nga foltorja e Kuvendit, kryedemokrati kërkon nga qeveria që të mbajë qëndrim ndaj agresionit rus të cilin e dënon.
‘Të dashur bashkëqytetarë, zonja dhe zotërinj, punimet e seancës të të enjtes kanë në rendin e ditës dy marrëveshje ndërkombëtare që kanë të bëjnë me ambientin dhe me lundrimin, Ndërkohë që në komisionin përbashkët parlamentar Shqipëri-BE që po përfundon, po shkon drejt përfundimit ngrihen çështje të rëndësishme të Shqipërisë dhe të shqiptarëve që nga lufta kundër korrupsionit, sundimi i ligjit, zgjedhjet, masakra zgjedhore dhe gjithçka tjetër. Por ndërsa ne ndodhemi këtu në këtë sallë dhe patjetër që koha në vijim do të përdoret për të mos i ikur gjëmës më të madhe që ka dominuar edhe vëmendjen e opinionit publik, skandalit më të madh të këtyre 30 viteve atë të iceneratorëve, kemi detyrimin ton moral së pari në raport me aleatët tanë në NATO dhe me një vend që është zgjuar nën agresionin Rus. Dhe së dyti në raport me aspiratat tona kombëtare dhe me detyrimet tona karshi partnerëve tanë të mbajmë një qëndrim të qartë e të paekuivok për agresionin e Rusisë kundër sovranitetit, lirisë dhe integritetit territorial të Ukrainës. Ndaj, ndërkohë që do të kemi mjaftueshëm kohë për përballjen e të vërtetave të dhimbshme që kanë dalë tashmë hapur e nuk mund të mbulohet nga recitimet e askujt siç nuk mbuluan dot as dje nga recitimet e kryeministrit. Padiskutim që do t’i dëgjojmë këto recitime, por nga ana tjetër tashmë kemi fakte, fakte me vlerë, provash për SPAK-un dhe drejtësinë shqiptare në rastin e inceneratorëve, dua për një moment të shkëputemi qoftë nga pika e rendi të ditës për të cilën ka nisur diskutimi, qoftë nga i pashmangshmi debat këtu për aferën e shekullit dhe të shpreh në emër të Partisë Demokratike të Shqipërisë, në emër të opozitës shqiptare, jam i bindur në emër të çdo shqiptare dhe shqiptari, e madje edhe në emër të mbarë kombit shqiptar dënimin paekuivok në termat më të ashpra, të agresionit të Vladimir Putin dhe regjimit të tij kundër sovranitetit, lirisë dhe integritetit territorial të Ukrainës. Njëkohësisht i bëjmë thirrje për një qëndrim të shpejt, të paekuivok, të vendosur kundër këtij agresioni nga organizata e kombeve të bashkuara, nga aleanca e Atlantikut të Veriut, NATO dhe nga Bashkimi Europian. Në dy organizatat e para, Shqipëria ka tashmë një zë të veçantë, si anëtare e Këshillit të Sigurimit, si anëtare e përkohshme e Këshillit të Sigurimit dhe si anëtare e NATO-s, Shqipëria duhet ta thotë fortë zërin e saj. Ajo para së cilës ndodhemi, ndonëse në një gjeografi tjetër dhe jo me paralele të ngjashme, nuk ndryshon në dramën njerëzore që po përjeton populli i Ukrainës nga ajo që ne përjetuam në vitet 98-99, agresionin e makinerisë ushtarake genocidale të Millosheviçit kundër shqiptarëve në Kosovë, futjen e ushtrisë dhe formacioneve paraushtarake, masakrat mbi civilët, pushtimin me forcë, zhvendosjen, spastrimin etnik dhe gjenocidin. Por akti i mbrëmjes së djeshme dhe mëngjesit të sotëm i kapërcen këto kufij në një aspekt. Ky është akti i parë i plotë dhe i mirëfilltë i një invazioni, injë pushtimi të mirëfilltë të një vendi sovran dhe të lirë nga një vend tjetër në thyerje të parimeve bazë të rendit ndërkombëtar të ndërtuar pas tragjedisë më të madhe që njerëzimi ka njohur gjatë luftës së dytë botërore. Luftë e cila përfundoi me krijimin e Organizatës së Kombeve të Bashkuara dhe kartës themeluese të kësaj organizate e cila sot ka mundësinë të tregohet edhe një herë si gardiane e lirisë dhe sovranitetit të kombeve, vetëm duke qëndruar në krah të popullit të Ukrainës, të autoriteteve të Ukrainës me të gjitha format dhe mënyrat. Ndaj Partia Demokratike dhe opozita në mënyrë të paekuivoke autoriteteve shqiptare të marrin të gjithë masat jo vetëm për bashkërendimin e plotë diplomatik në Këshillin e Sigurimit, në NATO dhe çdo masë tjetër për t’u gjendur pranë autoriteteve’
(a.b)/;dosja.al
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Ministrja e shtetit për marrëdhëniet me parlamentin, Elisa Spiropali bëri të ditur se qeveria shqiptare është në anë të Ukrainës. Nga Kuvendi...
TIRANË-Ish-ministrja e Mbrojtjes, Mimi Kodheli e cila mban postin e zëvendëspresidentes së Asamblesë Parlamentare të Organizatës së Traktatit të Atlantikut...
TIRANË– Deputetët e Kuvendit të Shqipërisë janë ankuar për rendin e ditës dhe për nisjen me vonesë të seancës. Deputeti Tritan Shehu kërkoi që të ndr...
TIRANË– Kryeministri Edi Rama dhe kryetarja e Komisionit Hetimor për Inceneratorët, Jorida Tabaku do të përballen ne gjykatë. Jashtë Kuvendit, përpar...
TIRANË– Kryetarja e Komisionit Hetimor për Inceneratorët, Jorida Tabaku e ka konsideruar një aktrim dëshminë e dhënë për dhjetë orë nga kryeministri ...
TIRANË– Kryedemokrati Lulzim Basha ka dënuar agresion rus në Ukrainë. Përmes një postimi të bërë në ‘Tëitter’, Basha shkruan se Partia De...
TIRANË– Kryeministri Edi Rama ka reaguar ndaj pushtimit rus në Ukrainë. Me anë të një postimi të bërë në ‘Twitter’, kryeministri shqiptar...
TIRANË- Kryeministri Edi Rama ka deklaruar se landfillet për plehrat nuk janë jetëgjatë. Gjatë marrjes në pyetje për Inceneratorët, Rama tha se kjo është a...
TIRANË– Kryetarja e Komisionit Hetimor për Inceneratorët është nxehur dhe ka kërkur ndihmë nga teknika. Teksa merrej në pyetje kryeministri Edi Rama,...
TIRANË– Kryeministri Edi Rama ka folur për ‘afrimitete të tmerrshme’. I pranishëm në Komisionin Hetimor për Inceneratorët, Rama tha se në...
