Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Kryetari i Gjykatës Administrative të Apelit Tiranë, Kastriot Selita, u konfirmua me shumicë votash nga trupa e Vetingut, pavarësisht pikëpyetjeve të mëdha që u ngritën për konflikt interesi në një numër të konsiderueshëm çështjesh gjyqësore, si edhe për mungesën e burimeve të ligjshme për blerjen e një vile në Gjirin e Lalëzit.
Trupa e Vetingut, e përbërë nga Olsi Komici, kryesues, dhe anëtarë Brunilda Bekteshi dhe Lulzim Hamitaj, publikuan të Martën e kësaj jave vendimin e konfirmimit në detyrë të gjyqtarit Selita, të marrë në 18 Qershor 2019.
Një ndër çështjet e trajtuara nga Komisioni i Vetingut ishte edhe vendimi, ku Selita ishte kryesues i trupit gjykues, nëpërmjet të cilit Gjykata Administrative e Apelit urdhëroi, në mënyrë të dyshimtë, emërimin si prokuror të Bledar Valikajt, bashkëshort i deputetes socialiste, Ermonela Felaj.
Për këtë episod, të tre anëtarët e KPK-së konstatuan “mangësi profesionale” të gjyqtarit Selita. Megjithatë, kjo shkelje nuk u konsiderua e një niveli të tillë, që të nxiste penalizimin e gjyqtarit.
Gjithësesi, kryesuesi i trupës së KPK-së, Olsi Komici, ndryshe nga shumica, është shprehur kundër konfirmimit në detyrë të Kastriot Selitës.
Ai ka ngritur dyshime mbi burimin e ligjshmërisë së shumës për blerjen e një vile dupleks në zonën e preferuar bregdetare të Gjirit të Lalëzit, në Durrës. Gjithashtu, pikëpyetje ka shprehur edhe për një seri vendimesh të tij si gjyqtar, në kushtet e konfliktit faktik apo në dukje të interesave.
Gjithashtu, të njëjtat dyshime u ngritën nga Operacioni Ndërkombëtar i Monitorimit, menjëherë pas zbardhjes së vendimit të konfirmimit për gjyqtarin Kastriot Selita. Vëzhguesit ndërkombëtarë i përcollën institucionit të Komisionerit Publik rekomandimin për apelimin e vendimit të konfirmimit dhe kërkimin për shkarkimin e tij nga Kolegji i Posaçëm i Apelimit.
Sipas përcaktimeve ligjore, Komisioneri Publik mund të ankimojë vendimin brenda 15 ditëve nga zbardhja e tij.
Dyshimet për vilën në Lalëz
Gjyqtari Kastriot Selita rezulton pronar i një apartamenti dupleks, me sipërfaqe 205 m2, në kompleksin rezidencial “Lura” në Gjirin e Lalëzit. Ky apartament është blerë me kontratën e vitit 2015, me vlerë 82 mijë euro. Gjithashtu, bashkë me apartamentin, gjyqtari Selita ka blerë edhe truallin me sipërfaqe 520 m2, me vlerë 950 mijë lekë të reja.
Si burim për blerjen e vilës, gjyqtari Selita deklaron të ardhurat nga shitja e një apartamenti të mëparshëm, në vlerën 35 mijë euro, shumën 2.9 milionë lekë, të përfituar nga një proces divorci, si edhe rreth 30 mijë euro, kursime të bashkëshortes (martesë e dytë), të siguruara nga familja e saj e trungut.
Anëtari i pakicës, Komici, ka ngritur pikëpyetje, duke e konsideruar të pajustifikuar shumën prej 2.9 milionë lekësh. E, duke mos e konsideruar këtë shumë, ai ka ngritur pikëpyetje edhe mbi ligjshmërinë e veprimeve të tjera, të konkluduara me blerjen e dupleksit tek Gjiri i Lalëzit.
Gjyqtari Selita, në formularët e pasurisë, ka deklaruar se shumën prej 2.9 milionë lekësh të reja e ka përfituar pas vendimit të divorcit me shtetasen A.GJ, në vitin 2006. Gjykata e Tiranës në atë kohë, miratoi marrëveshjen mes dy ish-bashkëshortëve, sipas të cilës, A.Gj do të mbante apartamentin dhe pajisjet shtëpiake, duke i dhënë Kastriot Selitës shumën prej 2.9 milionë lekësh.
Shumica në trupën e KPK-së e ka konsideruar të rregullt burimin e kësaj shume, e cila rrjedh nga një vendim gjyqësor.
Por, anëtari i pakicës e ka konsideruar shumën 2.9 milionë lekë, të pajustifikuar ligjërisht. Në analizën e tij, Komici konstaton se shtetasja A.Gj nuk ka pasur mundësi reale për krijimin e kësaj shume. A.Gj ka qenë deklaruese e pasurisë nga viti 2003 dhe deri në vitin 2006, kur mori fund martesa me gjyqtarin Selita, nuk kishte pasur mundësi dhe as kishte deklaruar kursime në këtë nivel.
Trupa e KPK-së kishte kërkuar deklarimin e shtetases A.Gj., por ajo nuk ishte paraqitur para komisionerëve. Në këto kushte, shumica e trupës së Vetingut ka vlerësuar se shuma 2.9 milionë lekë është e justifikuar dhe nuk mund të këmbëngulej për pyetjen e shtetases A.Gj., pasi nuk e konsideruan “person të lidhur”, sipas kuptimit të ligjit.
Dyshimet për konflikt interesi
Bashkëshortja aktuale e gjyqtarit Kastriot Selita, shtetasja M.K., mban prej vitesh pozicione drejtuese në administratën tatimore në Tiranë. Komisioni i Pavarur i Kualifikimit ka verifikuar nëse, në vendimmarrje të ndryshme, gjyqtari Selita ka qenë ose jo në kushtet e konfliktit të interesave.
Gjatë verifikimeve janë konstatuar të paktën 11 raste, kur ankimet e subjekteve tregtare të penalizuar nga administrata tatimore e Tiranës, gjatë kohës që M.K. ka qenë në poste drejtuese, ishin shqyrtuar nga trupat gjyqësore, pjesë e të cilave ishte edhe Kastriot Selita.
Shumica e trupës së Vetingut të gjyqtarit Selita ka konkluduar se këto raste nuk përbënin konflikt interesi. Në një vështrim krejt tjetër i ka parë anëtari Olsi Komici.
Sipas tij, “në çdo proces gjyqësor, në të cilin njëra nga palët është institucioni ku personi i lidhur me subjektin punon, pavarësisht faktit nëse personi i lidhur ka kontakte direkte apo indirekte me subjektet tregtare që janë palë në proces, pavarësisht nëse në këtë proces gjyqësor janë ankimuar akte që mund të mos jenë firmosur nga ajo, vendimmarrja e subjektit të rivlerësimit është tërësisht e paragjykuar, si në sytë e palës tjetër ndërgjygjëse, ashtu edhe në sytë e publikut, sepse për shkak të lidhjeve familjare me subjektin duket sikur do të anojë nga krahu i palës ndërgjygjëse, në të cilën rezulton të jetë e punësuar personi i lidhur me subjektin”.
Duke vijuar këtë analizë, anëtari i pakicës shprehet se “subjekti i rivlerësimit të ketë zhvilluar procese gjyqësore dhe të ketë marrë vendime në situatën e konfliktit faktik dhe atij në dukje të interesit, në mënyrë të vazhdueshme, duke sjellë si pasojë cenimin e besimit të publikut te drejtësia”.
Marrë nga Boldnews.al
(k.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Aktori i njohur Guljelm Radoja gjatë fjalës së tij para Teatrit Kombëtar ditën e sotme ka përmendur një koleg tijin. Edhe pse pa e përmendur,...
TIRANË-Artistja me origjinë shqiptare, Elina Duni ka përshëndetur qytetarët, të cilët dje dolën në mbrojtje të Teatrit Kombëtar.Në një postim në Facebook, ...
ELBASAN- Një ngjarje e rëndë abuzimi seksual ndodhi para pak ditësh në qytetin e Elbasanit, duke tronditur opinionin publik, ku një 42-vjeçar kreu marrëd...
SHBA– Imami i njohur Gazi Aga, i cili tani predikon për komunitetin shqiptar në SHBA, ka komentuar çështjen e Teatrit Kombëtar.Me anë të një status...
FINLANDË– Një biznesmen kosovar ka plagosur tre shqiptarë në Finlandë. Bëhet fjalë për një sipërmarrës 32-vjeçar nga Kosova, identiteti i të cilit e...
TIRANË- Këshilli i Emërimeve në Drejtësi (KED), zhvilloi sot mbledhjen për verifikimin e kandidatëve për vendet vakant për në Gjykatën Kushtetuese dhe Insp...
ELBASAN– Një restorant pranë stadiumit “Elbasan Arena” është përfshirë nga flakët pasditen e sotme. Zjarri, i cili ka ardhur nga kuzhina e gatimit e restorantit...
VLORË– Një aksident ka ndodhur në zonën e Skelës, ku një grua, e cila ishte duke kaluar rrugën me të birin u përplas nga një makinë. Burime për Dosja.al bë...
AUSTRALI – Shoqja e ngushtë e Sabrinës, 20-vjeçares që u vra dy ditë më parë nga i ati, ka publikuar mesazhe të saj ku shqiptarja i ankohej për prindërit...
AUSTRALI- Vrasja e Sabrina Lekës, 20-vjeçarja që iu mor jeta nga babai dy netë më parë në Adelaide, sepse kishte dalë me shoqërinë për jetë nate, ka tron...
