Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Kryeministri Edi Rama ka vendosur objektivat për Prokurorinë e Posaçme kundër Korrupsionit dhe Krimit të Organizuar (SPAK) duke kërkuar që të hetojnë Sali Berishën. Në fjalën e tij në Kongresin e Partisë Socialiste, Rama tha se akuzat që Departamenti Amerikan i Shtetit duhet që të adresohen, pasi sipas tij SPAK vihet në lëvizje për çdo akuzë, e deri më tani nuk ka bërë asgjë për pretendimet e Amerikës.
“Unë e di që ka rënë pazari fare kur bie fjala për të kuptuar një gjë. Nderin dhe vlerën e të qenit përfaqësues i popullit në parlament, qeveri dhe në këshill bashkiak. Nëse drejtësia në këtë jetë nuk të kap, vendin e ke në ferr. Por sidoqoftë në PS nuk ke vend. Nuk ka vend për sa kohë që nderi i përfaqësimit të PS më takon mua. Kush do avokat, le të shkojë ta gjejë. Të shkosh tani tek ferri për të paudhët tanë kur ata që ferrin e krijuan këtu, nuk i përkasin fare kësaj partie mund të tingëllojë si dobësi. Edhe faj nuk kanë… Po kthehem tek 10 muaj burg për një arkë peshk ndërkohë që janë me dhjetra të vrarët nga politikanë që kanë emër, e rrotullohen në varr akoma. Vjedhje kolosale që vetëm SPAK nuk i di, burgoset një grua për një arkë peshk. SPAK vihet në lëvizje për këdo zyrtar të lartë sot nuk është vënë në lëvizje nga deklarata më e rëndë që është bërë zyrtarisht në 30 vite nga aleati më i madh strategjik i Shqipërisë. SPAK ka një detyrim që e tejkalon shtetasin e ndaluar familjarisht për të hyrë në SHBA. Ajo deklaratë nuk mund të rrijë pezull. Ose ka, ose nuk ka bazë. Ajo deklaratë e mbetur pa përgjigjen e drejtësisë për të gjithë ata që kuptojnë 2 gramë nga marrëdhëniet ndërkombëtare është gur në qafën tonë. SPAK duhet t’ja heqi Shqipërisë këtë gur nga qafa duke e ndarë ka bazë apo nuk ka bazë,”-tha Rama.
PJESË NGA FJALA E RAMËS:
Po kthehem tani tek ato 10 muajt burg për një arkë peshk, për një punësim që edhe nuk u bë. Çfarë dreqin bëhet kështu? Mdërkohë që janë me dhjetëra të vrarët, të vdekurit nga politikanët që kanë emër e që kanë mbiemër, të cilët rrotullohen në varr akoma në kërkim të drejtësisë, pa llogaritur vjedhjet kolosale të cilat deri tani vetëm SPAK-u nuk i di. Burgoset një grua për 10 kile peshk. Çudia e çudive është kjo, që ndërkohë që SPAK-u vihet natyrshëm në lëvizje edhe nga një deklaratë partie, kuptohet, deklaratë e partive të tjera, jo e jona, për këdo zyrtar të lartë sot, akoma nuk është vënë në lëvizje, të paktën unë nuk di të jetë vënë në lëvizje se nuk kam dëgjuar ta thotë, nga deklarata më e rëndë që është bërë zyrtarisht në 30 vjet nga aleati më i madh strategjik i Shqipërisë, jo për një njeri, por për gjithë Shqipërinë është ajo deklaratë, sepse ai njeri ka drejtuar Shqipërinë. SPAK-u në këtë rast ka një detyrim që e tejkalon shtetasin e ndaluar familjarisht të hyjë në Shtetet e Bashkuara, sepse ajo deklaratë atje nuk mund të rrijë pezull. Ose ka bazë, ose nuk ka bazë! Por këtë nuk mund ta thotë dot politika e brendshme, as këtej, as andej, duhet ta thotë vetëm drejtësia sepse ajo deklaratë e mbetur pa përgjigjen e drejtësisë, për të gjithë ata që kuptojnë dy gram nga marrëdhëniet ndërkombëtare dhe që kuptojnë një gram nga pesha e marrëdhënieve me Shqipërisë dhe Shteteve të Bashkuara, është gur në qafën e Shqipërisë dhe SPAK-u duhet t’ia heqë Shqipërisë këtë gur nga qafa duke e ndarë, ka bazë apo nuk ka bazë? Që shqiptarët edhe ata krejt pa tru, ta marrin mesazhin që ka bazë apo nuk ka bazë.
Nga ana tjetër, askush nuk duhet as të çuditet e as të humbasë durimin. Kush ka kujtuar se reforma në drejtësi do ta ndryshonte realitetin e drejtësisë si me magji apo kush ka menduar se drejtësia e re do ta niste luftën e saj kundër padrejtësisë duke ua hapur dyert e burgut atyre që i madh dhe i vogël, shqiptar dhe i huaj u di emrat, u di dhe bëmat, thjesht është ngutur në optimizëm. Të ndërtosh një sistem drejtësie që të jetë garanci e rendit ligjor, që të jetë garanci e sigurisë juridike të individëve e të subjekteve pa dallim të një vendi, në një vend ku 500 vjet nuk ka pasur kurrë ndërmjetësi por ka pasur vetëm sisteme drejtësie të ngritura e të kapura për këmbësh, nga pushtetet e radhës, mu si ato delet që varen atje tek kasapi, nuk është si të ndërtosh shtëpi, shkolla, çerdhe, kopshte, spitale, autostrada, kërkon kohë, por kërkon dhe mundim të madh, por mbi të gjitha kërkon një durim të madh sepse nuk është asnjë rrugë e shkurtër, nuk është asnjë rrugë e lehtë, nuk është asnjë rrugë e drejtë, por është një rrugë tejet e vështirë, plot me kthesa. Por nuk është, as faji, as përgjegjësia jonë, që askush përpara nesh nuk e nisi këtë rrugë fare, fare. Të gjithë u stepën nga frika e një reforme në drejtësi, e cila do të bënte pikërisht këtë që ka filluar të bëjë, goditjen brenda rradhëve të sipërme të pushtetit politik.
Sikur ta kishin nisur të tjerët më parë këtë reformë, sot Shqipëria do të ishte një vend tjetër dhe shqiptarët do të flisnin për gjëra të tjera, por janë humbur 25 vjet, çerek shekulli dhe koha që humbet bashkë me mundësitë që sjell, është shumë më e gjatë sesa koha që humbet kur mundësitë nuk janë aty. Shqipërisë ju tretën shumë shance dhe mundësi të kohës. Koha i solli, Shqipëria nuk i shfrytëzoi. Pikërisht se reforma në drejtësi, njësoj si të gjitha të tjerat që ne kemi nisur, thuajse të gjitha, ka nisur me handikapin e një vonese kaq të gjatë, ne sot duhet të durojmë shumë, shumë, shumë fare teksa ne luftojmë për drejtësi. Duhet të shtrëngojmë dhëmbët dhe të vazhdojmë të ecim përpara dhe nuk duhet të lëndohemi edhe kur njerëzit tanë na thonë ore, ça bëhet kështu, ik ore, të ishe burrë e kishe futur në burg këtë, e kishe futur në burg atë. Ik ore se të gjithë jeni bashkë. Ik ore se hani të gjithë në një çanak. Ik ore…Ik ore… duhet ta durosh. Duhet ta durosh sado e tmerrshme të jetë ta imagjinosh veten në një çanak me Sliun dhe me Ilir Metën, duke ngrënë, kuptohet.
LAJMI KRYESOR- Mblidhet Kongresi i PS! Nis faza e dytë e punimeve, priten ndryshime në Statut
(k.m/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
LEZHË– Banesa e Mark Lukës shpërtheu ditën e sotme nga bombula e gazit në Lezhë. E zonja e shtëpisë, Gjyste Luka, është goditur rëndë nga shpërthimi ...
TIRANË– Policia e Tiranës ka vendosur në pranga 11 persona për vepra të ndryshme penale që nisin nga vjedhja e bankave dhe e arkave të kursimit, deri...
Këto janë të vetmet pamjet filmike që kanë fiksuar momentin e vrasjes së 35-vjeçarit, Erion Çela pasditen e 4 Janarit në zonën e Don Boskos në kry...
ITALI- Dy të rinj shqiptarë janë arrestuar dhe më pas janë lënë të lirë pasi u kapën për trafik të lëndëve narkotike në Capua të Italisë.Sipas mediave italiane,...
MILOT– Trupi i pajetë i Zef Kecit është gjetur ditën e sotme në Milot të Kurbinit. Dyshimet e para për këtë ngjarje ishin se Keci mund të ishte vrarë mirë...
TIRANË– Pronari i “Alba Exotic Fruit”, Eduart Dauti është lënë në burg nga Gjykata kundër Korrupsionit dhe Krimit të Organizuar. Vendimi është dhënë ...
TIRANË– Bombola e gazit e cila shpërtheu ditën e sotme në Lezhë, ishte montuar një ditë më parë. Në momentin e shpërthimit, gruaja ishte e vetme në s...
SHKODËR– Policia e Shkodrës ka arrestuar në flagrancë tre persona, duke sekuestruar dhe një sasi të konsiderueshme droge. Në kuadër të operacionit të...
ITALI– Një grup trafikantësh shqiptarë droge janë prangosur në Itali, pasi dyshohet se janë pjesë e grupit të Ergys Dashit, që u vra në Ekuador në muajin ...
TIRANË– Forumet para Kongresit të Partisë Socialiste ishin 5. Në këto kryesonin ministrat e deputetët e Partisë Socialiste, që sot kishin zgjedhur lo...
