Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Dashnor Kaloçi
Publikohen disa dokumente arkivore të nxjerra nga institucioni i Autoritetit për Informimin e Dosjeve të ish-Sigurimit të Shtetit, ku ndodhet një dosje voluminoze që i përket Tuk Jakovës, i cili që nga periudha e Monarkisë së Zogut, ishte një nga krerët kryesorë të Grupit Komunist të Shkodrës.
I dënuar me burg politik në gjyqin e famshëm të vitit 1938, së bashku me Qemal Stafën e Vasil Shanton, pjesëmarrës në mbledhjen themeluese të Partisë Komuniste Shqiptare dhe anëtar i Komitetit Qendror Provizor të saj, që nga mbledhja themeluese e 8 nëntorit të vitit 1941, komisar politik i Brigadës së Parë Sulmuese dhe Korparmatës së Parë të Ushtrisë Nacionalçlirimtare, ku nga mbarimi i Luftës, në nëntorin e vitit 1944 e deri në 1955-ën, mbajti disa funksione dhe detyra të larta partiake e shtetërore, si: anëtar i Byrosë Politike dhe sekretar i Komitetit Qendror të Partisë Komuniste Shqiptare, ambasador fuqiplotë i Republikës Popullore të Shqipërisë në Beograd, President i Sindikatave të Shqipërisë, ministër i Financave dhe zv/Kryeministër i qeverisë shqiptare, të kryesuar nga Enver Hoxha etj.
E gjithë dosja voluminoze (formularë dhe hetimore) që publikohet për herë të parë nga Memorie.al., ku ndodhen me qindra dokumente të panjohura, në ngarkim të ish-gjeneral-leitnant Tuk Jakovës, (“Hero i Popullit”), të cilat i përkasin periudhës së viteve 1951-1959, kur ai pas kontradiktave të shumta, që kishte me Enver Hoxhës që nga mbarimi i Luftës, në vitin 1951 u përjashtua si anëtar i Byrosë Politike dhe në 1955-ën, u përjashtua edhe nga Komiteti Qendror i PPSh-së, duke u shkarkuar edhe nga të gjitha funksionet e partiake e shtetërore, që kishte mbajtur deri në atë kohë, u internua familjarisht në rrethin e Beratit, ku pasi punoi disa kohë si përgjegjës i Repartit të Zdrukthëtarisë në atë qytet, në 1957-ën, u dënua me izolim në Kalanë e Kaninës së rrethit të Vlorës, ku dhe u arrestua në vitin 1958, duke u dënuar me 20 vjet burg, i akuzuar si “tradhtar e armik i popullit”, deri sa vdiq në spitalin e Burgut të Tiranës në vitin 1959, në rrethana misterioze!
Çfarë thuhet në dokumentet sekrete (relacione, fotografi, kartela, formularë, raport-informacione, shënime, proces-verbale, raporte-survejimi, plane-masash, letra denoncuese, etj.) që i përkasin periudhës 1955-1959, kur ai ishte në ndjekje dhe survejim të vazhdueshëm nga organet e Sigurimit të Shtetit, cilët ishin oficerët e organeve të Ministrisë së Punëve të Brendshme, që ishin ngarkuar për vëzhgimin e tij dhe emrat e pseudonimet e bashkëpunëtorëve të Sigurimit, që e mbanin atë nën vëzhgim të rreptë?!
Raport-informacioni i oficerit të Sigurimit të Shtetit, toger Tefik Xhuli, lidhur me ndjekjen dhe survejimet që i bëheshin Tuk Jakovës në rrethin e Beratit, si dhe njerëzit që ai takohej e bisedat që bënte me ta
R A P O R T
Më dt. 20.8.1955, në ora 21 e 30, u pa që para apartamentit tonë të shkonin dy persona, porsa unë dola në korridor, një ushtarak me uniform verore me fytyrë të mprehtë dhe një civil me pantallona të gjata blu, pa xhaketë, me këmishë të bardhë, emrat e të cilëve nuk jua mësova dot, hynë në shtëpinë e Tuk Jakovës pa asnjë bisedë dhe se nga familja që hynë brenda, nuk dolli që t’i presë asnjë njeri.
Këta ndejën gati deri në orën 22 e 10 minuta dhe kur unë pashë dritaret se të gjitha dritat ishin fikur, nuk kisha mundësi që të vija përreth një misteri, me qëllim që të kuptoja nëse këta ishin atje apo dualën, sepse atë ditë, kishte rënë shi dhe rreth e përqark ishte mbushur me ujë.
Unë mendoj për të gjetur emrat e këtyre, të pyetet toger Thanasi që merret me punët e Sigurimit në Repart, sepse atë ditë nuk kishte liridalje për ushtarët, ndërsa ky, natyrisht ka ikur me leje ose jo dhe me anën e këtij, gjendet edhe civili.
Berat. 22.8.1955 Toger Tefik Xhuli
R A P O R T
Doktor Kosta Jani, mjek ushtarak me gradën Kapiten i Dytë, efektiv i repartit 6650/A Berat, me dt. 24.5.1955, në orën 15 e 20, u pa që të shkojë në shtëpinë e Tuk Jakovës, i cili ndenji vetëm gjashtë minuta, pas pak u vërtetua se ky kishte shkuar atje për të shpurë penicilina për djalin e vogël të Tukut, që e kishte të sëmurë.
Si ky rast i sipërm, e ka përsëritur edhe njëherë para katër ditëve, i cili këtë radhë ka qëndruar me tepër se këtë herë. Nuk njoftova për këtë të dytën, për arsye se nuk kisha të qartë, se nga cila shtëpi dolli, nga major Rustem Harizaj, apo e Tukut? Unë mendoj, se ai herën e parë mund të ketë vizituar djalin dhe tani i solli penicilinat.
Se ku i gjeti këto, nuk dihet. Ky të shikohet se mos ka qenë ai togeri i mëparshëm ,që kanë luajtur shah me Tukun?
25.8.1955 Tefik Xhuli
Raport-informacioni i oficerit të Sigurimit të Shtetit, Kapiten Nazif Latifi, me të dhënat e bashkëpunëtorit të Sigurimit me pseudonimin “Vigjilenca”, lidhur me ndjekjen e survejimin e Tuk Jakovës, në rrethin e Beratit
Marrë nga P.Op. Nazif Latifi
Prej burimit: “Vigjilenca”
Tepër sekret
R A P O R T – Dt.14.9.1955
Më datën 5.9.1955, në zdrukthtari ai bisedonte me Dilaver Qafën, që është shef Plani për këtë ndërmarrje. Dilaveri i tha atij se; Tuk Jakovës, po i vinë me postë lekë, por pa adresë, kështu thotë ai, i kanë ardhur mëse dy herë dhe s’dihet se nga i vinë dhe kush ja dërgon. Këtë Dilaveri e paska parë vetë në postë, kur Tuku ka shkuar e marrë të hollat.
Personi që loz vazhdimisht shah me Tukun, qenka një punëtor që punon në Qytetin “Stalin”, i cili rri në shtëpi, ngjitur me Tukun. Emri i të cilit akoma nuk dihet.
Gjatë kësaj jave, ai ka pas vazhdimisht bisedime me Tukun, këto bisedime janë vërtitur rreth gjahut dhe shahut. Tuku i thoshte atij se: “Megjithëse nuk di mirë shah, por atë punëtorin e mund, jam mërzitur së tepërmi, pasi dhe juve vazhdimisht na keni thënë se do të dalim tok për gjah, por në fakt nuk po vini”.
Në këtë rast, ai i premtoi se do të shkojë bashkë me të, ditën e dielë, datë 18.9.1955. Këtë ditë e kanë lënë të venë për derra nga Vërtopi. Ai nuk ka çifte, prandaj kërkon t’i jepet deri atë ditë.
Veç kësaj, ai e ka rregulluar me Tukun që të lozin shah, në Këndin e Kuq të ndërmarrjes e të mos rrijë në shtëpi, se mërzitet vetëm.
“Vigjëlenca”
Detyra:
Vazhdo të bisedosh e qëndro afër Tukut, që të fitosh besimin e tij.
Në rast se neve nuk do të pasim me çifte deri më datën 18.9.1955, kërko çiften e ndonjë shoku dhe shoqëroje për gjah më datën e mësipërme.
Mundohu të nxjerrësh prej tij, nga i vinë e kush ja dërgon lekët pa adresë. Këtë mund t’ja nxjerrësh duke pyetur, a ke të ardhura të tjera veç rrogës? Po në mënyrë që të mos kuptoj pse po e pyet.
Masat Operative:
Me anën e Mistos, të shihet në Postë, a i kanë ardhur, nga i kanë ardhur dhe kush ja ka dërguar këto lekë?
Të gjejë me anën e shokëve që rrinë afër Tukut, cili është punëtori i Qytetit “Stalin”, si e quajnë?
Të bisedohet me drejtorin dhe këtij B.p., t’i jepet çifte.
Raporti të shtypet në një kopje, e t’i jepet toger Nimet Meçanit.
Berad, më 14.9.1955 P.Op. Nën’Toger Nazif Latifi
Tepër sekret
Marrë për P. Op.
Prej burimit “Vigjilenca”
R A P O R T – Dt. 27.91955
Me datën 24 shtator, Tuk Jakova, Mehmet Bolleke, Dilavar Caka dhe ai, e disa të tjerë, në ndërmarrjen e Zdrukthëtarisë, kishin biseduar që ditën e djelë, datë 25 shtator, të shkonin për gjah.
Mirëpo, Mehmet Bolleke, mbas nja tre katër orësh, bëhet pishman dhe takon me atë, Dilaver Cakën etj., dhe ju thotë se; neve nuk po bëjmë mirë që po shkojmë për gjah tok me Tukun, pasi ai është njeri që është goditur rëndë nga Partia, kështu që neve nuk duhet të shoqërohemi me të.
Nga ky u influencua Dilaveri dhe pastaj u vendos t’i thonë Tukut, se; nesër nuk do të shkojmë dot për gjah, pasi fshatari që do shkonim për drekë, nuk ndodhet aty. Kjo legjendë, u mendua nga të gjithë. Kështu, nuk shkuan për gjah.
“Vigjilenca”
Detyrë:
Mundohu që t’i afrohesh Tukut sa më shumë dhe të quhesh shoku ma i ngushtë i tij. Shoqëroje kur ai të dali në qytet, për gjah dhe kudo.
Masat Operative:
Raporti të daktilografohet në dy kopje. Memorie.al
Berat, më 27 .9.1955 P.Op. Toger Nazif Latifaj
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Për modelen Beniada Nishani është bërë një këngë. Finalistja e Big Brother VIP është ‘muza’ e Ponit. Pak javë më parë, këngëtarja...
Dashi Të lindur më: 21 Mars – 19 Prill Në dashuri situata nuk është shumë e mirë, por ruani qetësinë. Në punë, të dielen dita do të jetë më e mirë. Të hën...
TIRANË – Në studion e emisionit “Kjo Javë”, në “News 24”, u komentua debate për pezullimin e restaurimit të shtëpisë së ish-ministrit të Brendshëm Xh...
SHBA- Tre persona u plagosën pas të shtënave në Los Anxhelos ku po organizohej një koncert i Justin Bieber. RollingStone shkruan se pas performancës së Bieber-i...
TIRANË- Mbrëmjen e djeshme në spektaklin “Big Brother VIP”, doli nga shtëpia aktorja Monika Lubonja pa mundur të “prekte” finalen. ...
TIRANË– Moderatorja Einxhel Shkira dhe Dj Dagz janë takuar gjatë mbrëmje që ishte organizuar për të pritur ish-banorët në shtëpinë e “Big Brother Vi...
TIRANË-Moderatorja Bora Zemani dhe këngëtarja Beatrix Ramosaj janë kryefjala e mediave rozë kjo si pasojë e trekëndshit të krijuar mes tyre dhe aktorit Don...
TIRANË– Mungesa e këngëtares Beatrix Ramosaj në mbrëmjen e djeshme që banorët e “Big Brother” kanë organizuar me ish-banorët ka qenë krye...
SHBA-Aktori i njohur Leonardo DiCaprio dhe miku i tij Tobey Maguire, janë fotografuar duke festuar një natë mes miqsh në një restorant në Los Angeles. Në mesin ...
Enver HasaniEnver Hasani nuk ka asnjë mendim të dyfishtë rreth figurës së Xhafer Devës. Për profesorin e së drejtës dhe marrëdhënieve ndërkombëtare, Deva ka qen...
