Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË- Me rastin e Ditës së Pestë Botërore kushtuar të varfërve, me temë “Të varfërit i keni gjithmonë me ju”, Ipeshkvijtë e Kishës Katolike në Shqipëri, shprehin shqetësimin e tyre, nisur nga ndikimet shumë negative të krizës ekonomike botërore e cila ndërthuret edhe me veçantitë e situatës kritike që ka përfshirë vendin prej kohësh, prandaj i bëjnë ftesë politikës shqiptare për të marrë masa konkrete e për t’i kthyer sytë drejt më të varfërve. Në deklaratën e ipeshkvijve katolikë të Shqipërisë thuhet se radhët që shtohen e bëhen më të gjata në qendrat për të varfrit, kërkesa e vazhdueshme, sidomos e familjeve të reja dhe e të rinjve, për emigrim, janë shenjë e prekshme e përkeqësimit të ekonomisë dhe mundësive për ata në nevojë.
“Ky mesazh i drejtohet Qeverisë, Kuvendit të Shqipërisë, Institucioneve financiare vendase dhe ndërkombëtare, Bashkive të vendit, që të mbështesin dinjitetin e të varfërve dhe nevojtarëve”, deklarojnë Ipeshkvijtë e Kishës Katolike Shqiptare.
DEKLARATA E PLOTË
Me rastin e Ditës së Pestë Botërore për të Varfrit, që kremtohet të dielën me 14 Nëntor 2021, me temë “Të varfrit i keni gjithmonë me ju” (Mk14.7) ne, Ipeshkvijtë e Kishës Katolike në Shqipëri, shprehim shqetësimin tonë, duke vënë re ndikimet shumë negative të krizës ekonomike botërore e cila ndërthuret edhe me veçantitë e situatës kritike që ka përfshirë vendin tonë prej kohësh. Si barinj të Kishës i kemi ndjekur ndryshimet fiskale të ndodhura në kohët e fundit, sikurse rritja e çmimeve të produkteve të shportës, karburanteve dhe gazit (si dhe është përfolur edhe për rritjen e çmimit të energjisë elektrike) dhe vërejmë me keqardhje mungesën e vëmendjes që duhet për të varfrit e nevojtarët, për të pamundurit e të mënjanuarit e shoqërisë sonë.
Ky mesazh është një ftesë dhe njëkohësisht një nxitje për të marrë masa konkrete e për t’i kthyer sytë drejt më të varfërve, sepse Zoti kur zbuloi fytyrën e vet e shfaqi atë si Atë për të varfrit dhe pranë të varfërve e po ashtu detyra e një shoqërie është t’u vijë në ndihmë më të brishtëve në mesin e saj. Të qenit qeveritar, vendimmarrës, politikëbërës nuk është vetëm një pozitë që reflekton autoritet, por është një thirrje për të shërbyer, për t’iu dhënë zë kauzave që u mungon zëri, për të qenë miqtë e nevojtarëve, për të dëgjuar britmat e të varfërve në mjerimet e tyre. Le ta kenë të varfrit e nevojtarët në mesin tuaj, si vendimmarrës, zërin e tyre të mbështetur e të fuqizuar e nëse ua fuqizojmë këtë zë, të mos t’i lëmë ta humbasin shpresën, sidomos kur ajo lidhet me mirëqenien e dinjitetin e jetesës. “Kjo vëmendje dashurie është fillimi i një shqetësimi të vërtetë për qenien e tyre dhe duke filluar nga kjo, fillon edhe kërkimi i të mirës për ta” (EG 198-199).
Tërmeti, pandemia, kriza e përshkallëzuar ekonomike, që ndihet tek rritja e çmimeve të prodhimit e kanë shtuar numrin e parregullsive morale e shoqërore që sigurisht shkaktojnë gjithnjë e më shumë forma të reja varfërie, si pasojë e aktorëve ekonomikë e financiarë të paskrupullt, të privuar nga çdo ndjeshmëri njerëzore e përgjegjësi shoqërore. Radhët që shtohen e bëhen më të gjata në qendrat tona për të varfrit, kërkesa e vazhdueshme, sidomos e familjeve të reja dhe e të rinjve, për emigrim, janë shenjë e prekshme e përkeqësimit të ekonomisë dhe mundësive për nevojtarët, duke treguar rritjen e numrit të tyre.
“Varfëria nuk shkaktohet prej fatit, por është pasojë e egoizmit”. “Kështu, të varfrit na mësojnë solidaritetin, bashkëndarjen, sepse mishërojnë dinjitetin e dhënë nga Zoti që askush nuk mund t’ua marrë” – na thotë Papa Françesku në mesazhin e tij për Ditën botërore të të varfërve. Prandaj, ky mesazh është një thirrje e fortë për ata të cilëve populli iu ka besuar administrimin e të mirës së përbashkët, për politikën, për qeverinë, që të mos e humbasin mundësinë për ta bërë të mirën, sepse “Zoti i do ata që dhurojnë me gëzim” (2 Kor 9,7). Ky mesazh i drejtohet Qeverisë, Kuvendit të Shqipërisë, Institucioneve financiare vendase dhe ndërkombëtare, Bashkive të vendit, që të mbështesin dinjitetin e të varfërve dhe nevojtarëve.
Kështu, le t’i kundërvihemi të gjithë së bashku kulturës së indiferencës, padrejtësisë dhe përjashtimit. Viktimat e para të kësaj kulture janë pikërisht të varfrit, nevojtarët e të mënjanuarit. Me bindjen se do të dëgjohet zëri i të varfërve, sikurse na fton edhe Papa Françesku, ne Ipeshkvijtë përtërijmë angazhimin tonë për të qenë pranë nevojtarëve, ashtu sikurse kemi bërë gjithmonë, duke ofruar mbështetjen dhe bashkëpunimin tonë dhe të institucioneve tona të bamirësisë, në këtë sfidë kundër varfërisë, brenda mundësive tona, por me gjithë vetveten tonë. Gjithashtu sigurojmë lutjen tonë për të mirën e përbashkët, paqen dhe shpresën në vendin tonë! Zoti e bekoftë Shqipërinë dhe shqiptarët! Ipeshkvijtë e Kishës Katolike në Shqipëri
SHIKO EDHE:
Apeli i Ipeshkvijve të Shqipërisë, Meta: Nevojitet një politikë që lufton varfërinë
(k.m/dosja.al)
Cila mendoni se është alternativa më e mirë:
BEOGRAD – Një grup të rinjsh dhe aktivistësh serb për të drejtat e njeriut protestuan përpara muralit të ish-gjeneralit famëkeq në Luftën e Bosnjes Ratko ...
SOFJE– Bullgarët filluan të votojnë sot për zgjedhjet e treta parlamentare brenda një viti! Por edhe kësaj here sondazhet që tregojnë për një tjetër rezul...
BRITANI E MADHE- Duket se gjendja shëndetësore e mbretëreshës Elizabeth nuk është e mirë. Sot ajo anuloi një tjetër takim duke vendosur që të mos marrë pjesë në...
PRISHTINË – Ish—kryeministri i Kosovës Ramush Haradinaj u bëri thirrje qytetarëve të votojnë sot për zgjedhjet e kryetarëve të rinj të komunave. Krye...
PRISHTINË – Komisioni Qendror i Zgjedhjeve në Kosovë publikoi së fundmi shifrat e pjesëmarrjes në votimet e raundit të dytë të zgjedhjeve lokale deri...
KOSOVË– Ka qytetarë të devotshëm por si ky të rrallë janë! Teksa në Kosovë votohet për raundin e dytë të zgjedhjeve të pjesshme lokale, një qytetar i...
PRISHTINË – Kryeministri i Kosovës Albin Kurti hodhi votën e tij në Prishtinë për raundin e dytë të zgjedhjeve lokale në Kosovë. Shefi i qeverisë u s...
PRISHTINË – I riu Esat Shala zbulon se siguron rreth 4 mijë orë xhirime të masakrave të ushtrisë serbe në Kosovës gjatë luftës në vitet 1998-1999. Në...
Boksieri amator kosovar, 19-vjeçari, Bashkim Bajoku, ka fituar pesë gara kombëtare boksi në Kosovë dhe dy në Shqipëri. Majin e kaluar ai fitoi në Zagreb ...
Hakerët kanë sulmuar sistemin e jashtëm të postës elektronike të Byrosë Federale të Hetimit të SHBA-së (FBI), tha agjencia e zbatimit të ligjit, duke konfirmuar...
