Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
BULQIZË– Minatorët e kompanisë Albchrome në Buqizë, në pronësi të biznesmenit Samir Mane, ditën e sotme bojkotuan punën në shenjë proteste për shkarkimin nga puna të kreut të sindiaktës së minatorëve, Elton Debreshi.
Theksojmë se Debreshi u zgjodh kryetari i Sindikatës së Minatorëve të Bashkuar të Bulqizës, vetëm pak ditë pas krijimit të saj, ndërsa disa prej themeluesve u thirrën nga kompania në Tiranë me arsyetimin “për të shmangur raste të thyerjes së etikës dhe disiplinës në vendin e punës”.
Nëpërmjet një deklarate ata i kanë bërë thirrje kompanisë Albchrome që të ndalojë ndërhyrjet në veprimtaritë e sindikatës, më konkretisht:
-Të anulojë vendimin e saj të paligjshëm të zgjidhjes së kontratës së punës me Kryetarin e Sindikatës, Elton Debreshin.
– Të realizojë rikthimin e menjëhershëm të tij në vendin e punës.
-Të ndalojë sa më parë veprimtarinë e ndërhyrjes në aktivitetin e kësaj Sindikate, që po vazhdon edhe me thirrjen në takime të ngjashme në Tiranë të dy anëtarëve të Këshillit Sindikal, përkatësisht Z. Behar Gjimi dhe Z. Beqir Duriçi.
Deklarata e plotë:
THIRRJE KOMPANISË ALBCHROME QË TË NDALOJË NDËRHYRJEN NË VEPRIMTARINË E SINDIKATËS SË MINATORËVE TË BASHKUAR TË BULQIZËS
Siç jeni në dijeni, Sindikata e Minatorëve të Bashkuar të Bulqizës është themeluar dhe njohur nga Gjykata më datë 15 Tetor 2019. Në 17 Nëntor 2019, në qendër të Bulqizës u organizua edhe shpallja e kësaj Sindikate.
Vetëm pesë ditë pas shpalljes së Sindikatës, kompania Albchrome thirri për takim Kryetarin e Sindikatës, Elton Debreshin, me qëllim diskutimin e etikës në vendin e punës dhe mungesave të konsideruara nga shoqëria si të pajustifikuara. Takimi u mbajt në datën 19.11.2019 në zyrat e Albchrome në Tiranë. Nga përmbajtja e takimit dhe nga sjellja e përfaqësuesve të Albchrome u duk qartazi se ky takim nuk kishte të bënte aspak me problemet konkrete në vendin e punës, por shërbente për të ushtruar presion ndaj meje si Kryetar i Sindikatës. Kjo për një sërë rrethanash:
– Nuk kishte asnjë arsye që takimi të mbahej në zyrat e kompanisë në Tiranë. Albchrome ka në Bulqizë drejtuesit dhe administratën e saj vendore. Diskutimi i problemeve rutinë të punës duhet të ndodhte në Bulqizë. Thirrja në zyrat e Albchrome në Tiranë është haptazi një mjet diskriminues dhe presion.
– Përfaqësuesit e kompanisë gjatë takimit ngritën pretendime në lidhje me mungesat e muajve Korrik, Gusht dhe Shtator. Në asnjë nga këta muaj, Albchrome nuk e ka ngritur këtë shqetësim nëpërmjet ndonjë njoftimi me shkrim. Këto shqetësime, lindën dhe u ngritën vetëm pesë ditë pas shpalljes së Sindikatës. Pra, pretendimet në lidhje me mungesat e muajve Korrik, Gusht dhe Shtator, janë haptazi një mjet diskriminues presioni ndaj Kryetarit të Sindikatës.
Gjatë takimit në Tiranë, Kryetari i Sindikatës ka dhënë shpjegimet në lidhje me mungesat si dhe ka paraqitur kopje të raportit të nënshkruar edhe nga vetë mjeku i kompanisë për muajin Shtator 2019. Megjithatë në procesverbalin e mbajtur nga punonjësit e shoqërisë Albchrome u shkrua e kundërta e deklaratave të dhëna dhe qëllimisht nuk u pranua që procesverbali të saktësohej. Ky fakt dëshmon se procesverbali i takimit është mbajtur me keqbesim nga ana e kompanisë Albchrome.
Asnjë nga pretendimet e ngritura gjatë takimit nuk përbën shkak për zgjidhjen e menjëhershme të marrëdhënieve të punës, as sipas Kodit të Punës dhe as sipas kontratës së punës. Kjo është veçanërisht e vërtetë duke pasur parasysh faktin se mungesat e pretenduara prej kësaj shoqërie janë të justifikuara me anë të raporteve të dorëzuara tek dega e Albchrome në Bulqizë.
E vetmja arsye për zgjidhjen e kontratës së punës me efekte të menjëhershme është themelimi dhe regjistrimi i Sindikatës së Minatorëve të Bashkuar të Bulqizës dhe zgjedhja e Elton Debreshit si Kryetar i kësaj sindikate.
Si rrjedhojë, zgjidhja e kontratës së punës është e paligjshme, është e pavlefshme dhe është një akt ndërhyrjeje në funksionimin e Sindikatës së Minatorëve të Bashkuar të Bulqizës, nëpërmjet veprimeve diskriminuese kundër Kryetarit të Sindikatës.
Për të gjitha arsyet e mësipërme, Sindikata e Minatorëve të Bashkuar të Bulqizës i bën thirrje kompanisë Albchrome:
Vazhdimi i kësaj strategjie penguese ndaj organizimit sindikal, e bën kompaninë Albchrome jo vetëm një kompani që vepron me arrogancë dhe paligjshmëri flagrante, por edhe subjekt të gjobave të parashikuara nga Kodi i Punës, si dhe masave të tjera administrative dhe gjyqësore të parashikuara nga ligjet shqiptare.
Në rast të kundërt, nëse kërkesat tona nuk merren parasysh, përveç rrugës ligjore, do të përshkallëzojmë veprimet tona në përputhje me hapësirat që na jep ligji.
Minatorët e bashkuar, kanë për të fituar!
– Sindikata e Minatorëve të Bashkuar të Bulqizës
Bulqizë, 25 nëntor 2019
Pak ditë më parë Sindikata e Minatorëve të Bashkuar të Bulqizës denoncoi se pas themelimit të saj, kompania e biznesmenit më të pasur në Shqipëri, Samir Mane, ka shkarkuar kryetarin e kësaj sindikate nga kompania “AlbChrome”. Sipas sindikatës, shkarkimi i Debreshit është i paligjshëm dhe i padrejtë dhe se ky akt është hakmarrje nga ana e kompanisë, pas krijimit të sindikatës që ka në fokus mbrojtjen e minatorëve dhe përfaqësimin e drejtë të tyre. Në një intervistë për Dosja.al Debreshi rrëfeu klimën, kushtet, abuzimet dhe situatën e krijuar në kompaninë e njeriut më të pasur në Shqipëri, Samir Mane, “Albchrome”.
(a.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Tiranë– Prokuroria e Krimeve të Rënda ka përfunduar hetimet për një nga grupet e ‘Dosjes 339’, që ka lidhje me abuzimin e pronave në Tale, Shëngjin dhe Rana e H...
Tiranë-Ndërkohë që kryeministri Edi Rama po prezanton në ambientet e ArTurbinës, paketën speciale Anti-KÇK, ku në fokus do të jetë goditja e krimit të or...
TIRANË– Gazetarja e njohur Rudina Xhunga ka rrëfyer një histori të sajën personale, ku një person e kërcënonte me mesazhe të pështira.Në kuadër ditës...
SHQIPËRI– Katër persona kanë rënë në pranga pasi akuzohen për vepra të ndryshme penale. Një 64 vjeçar me inicialet N.M., banues në Vlorë është...
Elbasan– Një automjet është përmbysur në rrugën nacionale Elbasan-Peqin dhe raportohet se një vajzë është lënduar.Sipas Policisë janë përplasur dy makina, një m...
SHKODËR- Gjyqtari i Shkodrës, Andri Ymeri, të cilit mbrëmjen e djeshme iu dogj makina, teksa ishte parkuar në afërsi të kishës Françeskane.Gjyqtari ...
Berat– Në prangat e Policisë së Beratit ka rënë një 48-vjeçar pasi kreu marrëdhënie seksuale me 31-vjeçaere nëpërmjet presionit. Nga Policia...
Shqipëri-Rikthehen reshjet e shiut në vend. IGJEUM parashikon se që nga dita e sotme do të rikthehen reshjet e shiut në të gjithë vendin. Po ashtu vihet re edhe...
Shkodër- Mbrëmjen e djeshme në Shkodër janë shkrumbuar nga flakët dy makina, njëra prej të cilave është e gjyqtarit Andri Ymerit, gjyqtarit të Shkodrës. Dyshoh...
