Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Nga Le Figaro
Nikola Tesla është aeroporti i vetëm evropian i cili vazhdon të sigurojë lidhjen ajrore me Rusinë: dy fluturimet direkte të Air Serbia, nisen dhe kthehen nga Moska çdo ditë. Që nga 21 marsi, nën presionin e Evropës dhe Ukrainës, frekuenca do të bjerë në një fluturim ditor, vajtje-ardhje ndërsa të premten do të vazhdojë të ketë dy fluturime.
I mëdyshur mes Lindjes dhe Perëndimit, Beogradi po bën shumë pirueta në skenën diplomatike, të shndërruar në një fushë të minuar. Ndërsa këmbëngul në besimin e tij tek e drejta ndërkombëtare dhe respekti për “sovranitetin dhe integritetin territorial të Ukrainës”, presidenti serb, Aleksandar Vuçiç, refuzon ti bashkohet sanksioneve kundër Rusisë.
Vërtet, Serbia e mbështeti rezolutën e Asamblesë së Përgjithshme të Kombeve të Bashkuara të 2 marsit, ku u dënua pushtimi rus, por njeriu i fortë i Beogradit ka sqaruar se ky vendim u mor “pasi teksti nuk përmendte sanksionet”. Ai kujtoi se Rusia nuk i’u bashkua embargos kundër Serbisë gjatë konflikteve në ish-Jugosllavi në vitet 1990.
“Ne presim nga vendet kandidate të BE-së që ata ti harmonizojnë qëndrimet me politikën e jashtme të Bashkimit dhe sanksionet, duke iu bashkuar një komuniteti ndërkombëtar të civilizuar, të bazuar në sundimin e ligjit”, këmbënguli më 15 mars, zëdhënësi i BE-së Peter Sano.
Duhet pranuar se Beogradi gjendet në një pozicion delikat. Vendi është kandidat për integrim në Bashkimin Evropian, BE-ja është ekonomikisht partneri kryesor i saj, por qeveria nuk mund të rrezikojë të humbasë mbështetjen e Moskës, një anëtare e përhershme e Këshillit të Sigurimit të OKB-së për çështjen e ndjeshme të Kosovës. Serbia nuk dëshëron gjithashtu ta vërë në dyshim furnizimin me pajisje ushtarake dhe veçanërisht me gazin rus, nga i cili vendi varet tërësisht.
Luaj kartën e neutralitetit
Mbi të gjitha, kur kanë mbetur më pak se tre javë nga zgjedhjet – presidenciale, legjislative dhe ato të pjesshme lokale të 3 prillit, qeveria ka interes të luajë kartën e neutralitetit. Së pari sepse pakënaqësia ndaj NATO-s, e cila bombardoi Serbinë për 78 ditë me radhë gjatë luftës së Kosovës, në vitin 1999, mbetet shumë e fortë. “Një pjesë e madhe e shoqërisë analizon konfliktin në Ukrainë përmes prizmit të vitit 1999, si një lloj hakmarjeje ndaj Perëndimit. Kjo ndjenjë është rezultat i propagandës pro-ruse që ka ndërmarrë Partia Përparimtare Serbe (SNS) që kur erdhi në pushtet.”
Kështu, shtypi tabloid, nën urdhrat e regjimit, nuk hezitoi të merrte anën e Kremlinit që nga fillimi i pushtimit: “Ukraina sulmon Rusinë”, ishte titulli i “Informer” , e cila specifikonte se “amerikanët dhe britanikët duan luftë me çdo kusht”. Në anen tjeter, grupet e ekstremit të djathtë, si p.sh Patrulla e Popullit (Narodna Patroñla), organizuan në Beograd dy mitingje në mbështetje të Rusisë. Në 4 dhe 11 mars, aty u valvitën flamuj serbë, rusë si dhe “Z”-ja, simbol i forcave pro-ruse. Aty u kënduan himnet e të dy vendeve duke brohoritur: “NATO Kriminale”, “Rusët dhe Serbët janë vëllezër”, “Krimeja është Rusi; Kosova është Serbi”.
Ndërsa opozita, është treguar e kujdesshme që të mos mbajë anën e agresorit në Ukrainë: “Qytetarët e Serbisë e dinë mirë se ç’janë tmerret dhe absurditetet e luftës. Ne bëjmë thirrje për paqe dhe për t’i dhënë fund konfliktit në Ukrainë”, thotë Dragan Gjilas i koalicionit të qendrës së djathtë ‘Liri dhe Drejtësi”.
Pak a shumë të njëjtin qëndrim ka dhe ish-presidenti Boris Tadiç, i cili ka krijuar një koalicion rreth Partisë së tij Socialdemokrate. Ai e konsideron luftën si një “agresion”, “faj të Putinit”, por nga ana tjetër i quan “sanksionet e pakontrolluara ndaj Rusisë, gabime që të kujtojnë kohën e makartizmit”.
Rusët kundër Putinit
Vetëm përfaqësuesit e koalicionit të ri të ekologjistëve të majtë “Moramo” i janë bashkuar demonstratave të organizuara kundër luftës, në Beograd dhe në Novi Sad, nga lëvizjet paqësore si “Gratë me të Zeza”, apo nga komuniteti i vogël ukrainas që gjendet në Serbi. “Jo luftës”, “Nuk e duam diktaturën”, thërrisnin disa qindra demonstrues në datat 6, 13 dhe 16 mars. Disa qytetarë rusë të vendosur në kryeqytetin serb, të cilëve i janë bashkuar edhe bashkëatdhetarët e tyre që kanë mbërritur ditët e fundit, marshuan me një flamur ukrainas disa dhjetëra metra të gjatë ku binte në sy slogani: “Putini nuk është Rusia!”
Simbol i kësaj ndarjeje të thellë të popullssë është edhe një pikturë murale e Putinit që shfaq në qendrën historike të Beogradit në fillim të pushtimit rus: ajo restaurohet pareshtur dhe më pas zhgaravitet çdo ditë, në varësi të demostruesve të secilit kamp.
Marrë nga Lapsi.al
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
BULLGARI- Ish-kryeministri i Bullgarisë Bojko Borisov dhe dy anëtarë të partisë së tij GERB u liruan pa akuza të premten vonë pasi kaluan mbi 20 orë në paraburg...
RUSI- Presidenti rus Vladimir Putin u tërbua kundër Perëndimit dhe mburrej se po luftonte për ‘vlerat universale’ të të gjithë rusëve sot, ndërsa ki...
UKRAINË- Agjencia për Migracion e Kombeve të Bashkuara tha të premten se rreth 6.5 milionë njerëz janë zhvendosur brenda Ukrainës, derisa 3.2 milionë të tj...
SHKUP- Qeveria e Maqedonisë së Veriut ka zgjatur deri më 15 prill ndalimin e eksportit të drithërave, si miellit, grurit, misrit, elbit, farave të lulediellit, ...
UKRAINË- Zëvendëskryeministrja e Ukrainës, Irina Vereshchuk ka deklaruar se Rusia po përgatitet për një sulm të tmerrshëm me “laboratorë biologjikë’....
Nga Vjosa OsmaniAkomodimi i autokratëve sot vetëm i trimëron ata nesër. Koncesionet ndaj tiranëve nuk janë kurrë të përkohshme dhe asnjëherë nuk sjellin paqe të...
KOSOVË- Raportuesja për Kosovën në Parlamentin Evropian, Viola Von Cramon nuk beson se Kosova do të mund të anëtarësohet shpejtë në NATO. Gazeta Express sh...
ANGLI- Deputetja britanike Fleur Anderson ka deklaruar në Parlamentin anglez se ndikimi i Rusisë në Serbi mund të destabilizojnë situatën në Ballkan. Anderson ë...
Ndërsa lufta brutale e Rusisë në Ukrainë ndërpret furnizimin me energji dhe i detyron liderët botërorë të shqyrtojnë varësinë e tyre nga nafta dhe gazi natyror ...
Politologu i njohur bullgar Ivan Krastev, është një vëzhgues shumë i mprehtë i Vladimir Putinit. Në një intervistë për “Der Spiegel”, studiuesi i Institutit për...
