Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Kozak Braçi, i njohur ndryshe si “mbreti i Instagramit” vuri në alarm të gjitha autoritetet shqiptare pasi u rrëmbye ditën e kaluar nga katër të rinj. Ishin familjarët e Braçit ata që lajmëruan policinë se të riun e kishin rrëmbyer për tu hakmarrë, pasi kishte ofenduar dhe kërcënuar të dënuarin me burg përjetë në Greqi, Fabio Dushku.
Por, pavarësisht se ka kaluar 24 orë nga ngjarja e rëndë, Policia e Tiranës ka bërë me dije se është vënë në kërkim të dy personave që akuzohen për rrëmbimin dhe kërcënimin e Braçit, por ende nuk ka asnjë gjurmë prej tyre.
Si nisi gjithë sherri mes “Mbretit të Instagramit” dhe Fabio Dushkut në Tik Tok?
Konflikti mes Kozak Braçit dhe Fabio Dushkut, i cili vuan dënimin me burgim të përjetshëm në Greqi, nisën pikërisht në rrjetet sociale. Për muaj me radhë ata ofendonin dhe kërcënonin njëri-tjetrin përmes rrjeteve sociale, por nuk asnjë nga palët nuk kishte marrë asnjë hap më tej. Vetëm pak javë më parë ishte vetë Braçi ai që denoncoi se dikush i hodhi një “kapsolle” në shkallën e pallatit, ngjarje që fillimisht u raportua si tritol, për ta trembur. Por kjo ndodhi, në dukje një kërcënim i hapur kaloi pa iu kushtuar shumë rëndësi dhe i riu nga Alliasi nuk ndalej.
Ai vazhdonte me videot dhe ofendimet në rrjetet sociale kundrejt Dushkut dhe ‘krenaria’ një të dënuari me burg të përjetshëm për katër vrasje, dënim që po e vuan në burgun e Koridhalos në Greqi, nuk po përballonte dot më. Ai nisi të premtonte para në rrjetet sociale vetëm që dikush të merrte përsipër për të grushtuar e për t’i thyer një këmbë Kozak Braçit. Madje në një video-live në Instagram, disa muaj më parë, një mik i tij i ka treguar Braçit se Fabio Dushku ka ofruar 5 mijë euro, për të rrahur atë.
“Mi jep disa që tu jap 5 mijë euro që të rrahin Kozak. Kur tha 5 mijë euro thash për çfarë për të vra Kozak? Me të dhënë dy grushta dhe me të thyr një këmbë. Unë të kisha kap me sekonda unë, por nuk e bëja. Unë do të isha shofer në atentat,”- tregonte miku.
Edhe pse këto deklarata janë bërë publike dhe ishte sinjali i dytë për Braçin, i riu sërish vazhdonte me ‘misionin’ e tij për t’i treguar ‘focën’ Dushkut. Kështu, vëllai i Fabio Dushkut, Daniel Dushku, mori vetë përsipër që të vinte në vend ‘nderin’ e të vëllait. Ai u nis nga Greqia drejt Tiranës dhe në bashkëpunim me tre persona të tjerë rrëmbyen Kozak Braçin në Allias dhe e futën në një makinë. Të rinjtë e filmuan duke e poshtëruar dhe videon e hodhën në rrjetet sociale.
Braçi shihej brenda një makine i rrethuar nga disa persona të tjerë që e godisnin dhe e shanin. Po ashtu ata dëgjoheshin që e detyronin Braçin që të fliste me fjalë banale dhe t’i kërkonte falje Fabio Dushkut. Pak orë më vonë, Braci u lirua, por sërish nuk pati asnjë të arrestuar nga Policia e Tiranës. Përmes një njoftimi zyrtar, policia njoftonte se personat të cilët u përfshinë në ngjarje janë identifikuar dhe po punohet për kapjen e tyre.
Ç’po bën Policia e Shtetit në lidhje me këtë ngjarje?
Sot, kur ka kaluar një ditë nga rrëmbimi i Kozak Braçit, autoritetet po e kalojnë këtë ngjarje vetëm përmes njoftimeve zyrtare rutinë ku njoftohet se është shpallur në kërkim Daniel Dushku, vëllai i të dënuarit përjetë si organizator i të gjithë rrëmbimit e kërcënimit.
Por, asgjë më tepër. Një i ri jo më shumë se 25 vjeç, nga fotot e publikuara, mund të vijë nga Greqia në Shqipëri për të rrëmbyer e një person, mund ta bëjë realitet këtë gjë, të poshtërojë dikë dhe ta postojë në rrjetet sociale, kurse policia nuk mund ta arrestojë dot. Daniel Dushku, në bazë të veprimeve të kryera deri më tani ka treguar se është i zoti t’i fshihet dhe të gjithë armatës së efektivëve të Policisë së Shtetit, që janë aty për të ruajtur sigurinë e qytetarëve. Sot i ndodhi Kozak Braçit, kush e ka radhën nesër ta pësojë nga ‘të fortët’ e rrjeteve sociale?
Kush është i burgosuri në Koridhalo?
Fabio Dushku, 36 vjeç me origjinë nga Mirdita, krahas vendimit me burgim të përjetshëm për disa vrasje, është dënuar edhe me 5 vite burgim për pjesëmarrje në dy organizata terroriste, “17 Nëntori” dhe “Grupi i Zjarrit”. Në vitin 2015, së bashku me 40 persona të tjerë, u kap nga autoritetet greke dhe u akuzua se do të hidhnin në erë burgun ku ndodheshin. Prej 10 vitesh ai është i arrestuar dhe vuan dënimin për vepra të ndryshme penale, disa prej të cilave i pranon e të tjerat jo.
(F.m/Dosja.al)
Iftar dhe politikë, a u prek Muaji i Ramazanit nga politikanët?
VLORË– Situata përballë godinës së Kadastrës së Vlorës ka dalë jashtë kontrollit. Qytetarët janë mbledhur përballë godinës duke bërë thirrje për prob...
TIRANË– Daniel Dushku është shpallur në kërkim nga policia e Tiranës, pasi akuzohet se mori peng për disa orë Kozak Braçin. Ngjarja ndodhi pas...
ELBASAN– Bllokimi i hyrjes së lagjes ‘Emin Matraxhiu’ në Elbasan me rrugën në Unazën Jugore ka ngritur banorët në protestë. Ata kërkojnë hapje...
TIRANË– Kozak Braçi, i njohur si ‘mbreti’ i Instagramit ka rrëfyer gjithçka ndodhi ditën e djeshme me të. Ai ka treguar se ...
VLORË– Drejtori i Kadastrës së Vlorës, Klodian Troci është larguar nga detyra dhe në vend të tij është emëruar Reinard Meta. Pas kësaj lëvizje qyteta...
MALI I ZI– Një sasi droge ende e pacaktuar është sekuestruar në pikën kufitare Muroqin-Sukobin, gjatë kontrolleve të ushtruara nga autoritetet malazeze. A...
SPANJË– I shumëkërkuari kolumbian Julio Cesar Hurtado Rodriguez është vënë në pranga në Valencia të Spanjës dhe pritet të ekstradohet në Itali. Mësoh...
TIRANË– Një 59-vjeçar është arrestuar nga policia pasi u kap nga efektivët duke kultivuar lëndë narkotike në Zall Bastar. Në momentin që u kap...
LUSHNJE– Një 65-vjeçar i identifikuar si Faik Veliu është plagosur me armë zjarri. Ngjarja e rëndë është regjistruar mëngjesin e sotëm në fshatin N...
