Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Ministri austriak për Çështjet Europiane dhe Ndërkombëtare, Alexander Schallenberg në një intervistë të dhënë për gazetën “Panorama” ka deklaruar se dita e zgjedhjeve në Shqipëri ishte e qetë.
Sa i takon problematikave të hasura para procesit zgjedhor, si blerja e votës apo çështja e të dhënave personale, ministri kërkoi që këto të sqaron sa më parë dhe në mënyrë të plotë. Ai shpjegoi mekanizmin e ndarjes si dhe rolin e Austrisë, jo vetëm si ndërmjetëse, por edhe në financimin e përkohshëm të projektit për mbulimin me vaksina në Ballkanin Perëndimor.
Janë 145 mijë doza të destinuara për Shqipërinë, një pjesë e të cilave do të vijnë këtë javë, ndërsa të tjerat deri në muajin gusht. Sa i takon vendit mik sekret që mundësoi startimin e procesit të vaksinimit në 11 janar, ministri për Çështjet Europiane dhe Ndërkombëtare shoi kureshtjen e gazetës, duke e përjashtuar Austrinë në përfshirjen e kësaj dërgese.
Zoti ministër, Shqipëria do të përfitojë 145 mijë vaksina nga Bashkimi Europian. Cili është roli i Austrisë në këtë proces?
Komisioni Europian na kërkoi që të merrnim përsipër rolin e koordinatorit për shpërndarjen e vaksinave në gjashtë vendet e Ballkanit Perëndimor. Siç e dini, Austria ka qenë tradicionalisht e lidhur shumë ngushtë me këtë rajon; ky rajon ka qenë gjithmonë një përparësi e politikës së jashtme austriake. Kjo është arsyeja pse ne ishim të lumtur, që e morëm përsipër këtë detyrë plot përgjegjësi pa hezituar. Në takimet e panumërta dhe negociatat që kemi zhvilluar së bashku me Komisionin Europian, kompaninë e barnave dhe partnerët tanë në vendet pritëse, stafi im në Ministrinë e Jashtme Austriake më në fund arriti të sqarojë të gjitha detajet ligjore në mënyrë që kontratat të mund të nënshkruheshin.
Austria ka marrë përsipër jo vetëm koordinimin e vaksinave, por edhe financimin e ARISTIR LUMEZI Dy javë pasi Bashkimi Europian njoftoi lajmin e mirë për dhurimin e 600 mijë vaksinave për vendet e Ballkanit Perëndimor, nis shpërndarja e tyre. përkohshëm. Jam shumë i kënaqur që kemi arritur të realizojmë këtë akt të rëndësishëm solidariteti ndaj miqve tanë në Ballkanin Perëndimor, sepse njollat boshe në hartën e vaksinimit, kudo qofshin ato, në fund të fundit paraqesin një rrezik për të gjithë ne. Prandaj nuk do lodhem kurrë së theksuari: askush nuk është i sigurt, pa qenë të gjithë të sigurt.
Kur do të bëhet dërgesa e parë në Shqipëri?
Është planifikuar që nga muaji maj deri në muajin gusht në Ballkanin Perëndimor të mbërrijnë 651.000 doza vaksinash të “BioNTech/ Pfizer”. Për Shqipërinë janë parashikuar 145.000 doza vaksinash, me të cilat do të vaksinohen punonjësit e vijës së parë dhe grupet e popullatës veçanërisht të rrezikuara. Mbërritja e dërgesave të para në Tiranë është planifikuar për këtë javë. Dëshiroj të theksoj se këto dërgesa janë financuar nga fondet IPA, instrumenti i BE-së për ndihmën e paraanëtarësimit.
A është ky kontingjent vaksinash e vetmja dërgesë apo Shqipëria mund të presë vaksina të tjera nga BE?
Që në fillim, BE ka zgjedhur një qasje shumëpalëshe sa i përket mundësisë për marrjen e vaksinave. BE është një nga donatorët më të mëdhenj për COVAX, iniciativa globale për të siguruar qasje universale dhe të barabartë sa u përket vaksinave. “Team Europe”, – BE dhe vendet e saj anëtare – kanë kontribuar deri tani me mbi 2.47 miliardë euro për COVAX. Dërgesat e para në kuadër të COVAX tashmë kanë mbërritur në Shqipëri dhe vendet e tjera të Ballkanit Perëndimor. Gjithashtu, mekanizmi i BE-së për shpërndarjen e vaksinave po i kushton vëmendje të veçantë Ballkanit Perëndimor. Të jeni të sigurt: ne do të bëjmë gjithçka që mundemi, që në të ardhmen të mund të shpërndajmë edhe më shumë doza vaksinash në rajon, sapo të ketë më shumë vaksina në dispozicion.
Në muajin janar, atëherë ku Shqipëria nuk kishte asnjë përgjigje nga BE apo dhe kompanitë që prodhojnë vaksina, Kryeministri Rama siguroi 970 vaksina që atëherë u tha se janë dhënë nga një vend mik anëtar i BEsë. A erdhën këto vaksina nga Austria dhe në çfarë kushtesh u dhanë ato?
BE dhe Austria e kanë mbështetur Shqipërinë që nga fillimi i pandemisë Covid-19 për të përmirësuar kujdesin mjekësor dhe për të lehtësuar pasojat ekonomike dhe sociale për popullatën. Unë vetë erdha në Tiranë në maj 2020, – udhëtimi im i parë jashtë vendit që nga shpërthimi i pandemisë – për të sjellë pako me ndihma. Kryqi i Kuq Shqiptar i shpërndau këto ndihma, të financuara nga Bashkëpunimi Austriak për Zhvillim, në më shumë se 2000 familje në 31 bashki në Shqipëri. Qeveria Federale e Austrisë nuk ishte e përfshirë në dërgesën e vaksinave në janar 2021.
Shqipëria zhvilloi ditën e diel zgjedhjet e saj parlamentare, të cilat rikonfirmuan në një mandat të tretë Kryeministrin Rama. Keni një vlerësim për këto zgjedhje sa i takon standardit të tyre?
OSBE, Organizata për Sigurinë dhe Bashkëpunimin në Europë dhe Këshilli i Europës vëzhguan me kujdes zgjedhjet parlamentare në 25 prill. Pesë deputetë austriakë ishin gjithashtu pjesë e ekipeve vëzhguese. Delegacioni i BEsë dhe ambasadat e vendeve anëtare të BE-së në Tiranë morën gjithashtu pjesë në vëzhgim me 50 ekipe në të gjithë Shqipërinë, përfshirë edhe ambasadorin austriak. Siç më kanë raportuar vëzhgueset dhe vëzhguesit, dita e zgjedhjeve kaloi në një atmosferë të qetë. Trajtimi teknik i zgjedhjeve ishte profesional përkundër sfidave në lidhje me pandeminë. Komisioni Qendror i Zgjedhjeve ka kryer detyrën e tij në mënyrë transparente, duke rritur kështu besimin në procesin zgjedhor.
Megjithatë, OSBE, Këshilli i Europës dhe BE adresuan disa çështje problematike që lidhen me kohën para ditës së zgjedhjeve, për shembull në lidhje me mbrojtjen e të dhënave personale dhe pretendimet mbi blerjen e votës. Unë mendoj se është e rëndësishme, që të gjitha pikat e përmendura të sqarohen shpejt dhe në mënyrë të plotë. Thënë të gjitha këto, ne në Austri jemi të lumtur të punojmë me të gjitha forcat politike në Shqipëri – me qeverinë e re që do të formohet si dhe me deputetët e sapo zgjedhur të të gjitha grupeve parlamentare.
Mendoni se me standardin e këtyre zgjedhjeve, ku qytetarët votuan masivisht, qetësisht, pa i cenuar ato dhe ku partitë humbëse nuk shprehën asnjë kontestim, por pritën në qetësi rezultatin, Shqipëria ka plotësuar një kusht shumë të rëndësishëm për të pasur tashmë një datë për zhvillimin e Konferencës së Parë ndërqeveritare mes BE dhe Shqipërisë dhe cili do të jetë pozicioni i Austrisë?
Mbajtja e zgjedhjeve të lira dhe të ndershme është sigurisht një kusht paraprak i rëndësishëm në procesin e pranimit në BE. Në lidhje me këtë dëshiroj të theksoj qartë: Integrimi europian i vendeve të Ballkanit Perëndimor, ndër to sigurisht edhe i Shqipërisë, është një çështje thelbësore për politikën e jashtme dhe europiane të Austrisë. BE është e paplotë pa Ballkanin Perëndimor, ky rajon është një pjesë integrale e Europës. Është gjithashtu edhe në interesin e Austrisë dhe të BE-së, që ky rajon kryesor strategjik të përfshihet plotësisht në BE.
Ballkani Perëndimor nuk duhet të mbetet si një “vend bosh” në hartën e Europës, pa këto shtete Bashkimi Europian nuk është i plotë. Sa i përket mbajtjes së Konferencës së parë Ndërqeveritare mes BEsë dhe Shqipërisë: Në lidhje me këtë çështje unë jam në kontakt të ngushtë me homologët e mi në BE. Nga pikëpamja austriake, Konferenca Ndërqeveritare duhet të mbahet sa më parë të jetë e mundur. Një gjë është e sigurt: Austria do të vazhdojë ta mbështesë Shqipërinë intensivisht në rrugën e saj drejt anëtarësimit në BE.
Marrë nga PANORAMA.com.al
(f.m/dosja.al)
Rama është propozuar për president nga disa deputetë socialiste, mendoni se:
TIRANË– Prezenca e OSBE-së në Shqipëri ka dhënë një mesazh të rëndësishëm për gazetarës në Ditën Ndërkombëtare të Lirisë së Medias. Në një status në ...
GJERMANI– Ministri gjerman i Punëve të Jashtme, Heiko Maas nuk është për ndarjen e Shqipërisë nga Maqedonia e Veriut në procesin e anëtarësimit në BE. Në ...
TIRANË– Zëdhënësi i Presidencës, Tedi Blushi ka bërë me dije se ka dërguar një kërkesë kundrejt një kompanie telefonike për të marrë informacione në ...
TIRANË – Partia Demokratike ka denoncuar ditën e sotme Prokurorinë e Posaçme kundër Krimit të organizuar dhe Korrupsionit, me pretendimin se po hesh...
TIRANË– Një grup deputetësh të Partisë Socialiste i kërkuan parlamentit shkarkimin e Presidentit të Republikës, Ilir Meta, për shkak të shkeljeve, që...
TIRANË– Sekretari i PD për çështjet zgjedhore, Ivi Kaso, doli në një deklaratë për mediat ditën e sotme. Ai u shpreh se Partia Demokratike pritet të...
TIRANË– Kryetari i Partisë Demokratike Lulzim Basha është i vendosur që të mos japë dorëheqjen. Ai ka folur për herë të parë ditën e sotme për ‘ReportTv’. ...
KRUJË– Kryeministri Edi Rama ishte i pranishëm ditën e sotme në Budull, aty ku pa nga afër punimet që po vijojnë në shkollën “Sherif Dervishi”. Së ba...
TIRANË– Në selinë e Partisë Demokratike ka mbërritur dhe ambasadori italian në Shqipëri, Fabrizio Bucci. Mëngjesin e sotëm në selinë blu mbërriti edh...
Kandidatet femra në zgjedhjet e 25 prillit, nga të tre partitë kryesore, PS, PD, LSI kanë arritur të marrin gjithsej 328 mijë vota, nga rreth 1.6 milionë votues...
