Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË- E Ngarkuara me Punë e SHBA në Tiranë, Leyla Moses Ones, ka përsëritur dhe njëherë prioritetin e vendit të saj në luftën kundër trafikimit të personave. Në një fjalim të mbajtur në qendrën “Vatra”, Moses Ones u shpreh se ky është një krim i tmerrshëm, është skllavëria e ditëve tona.
Më tej ahto shtoi se është një krim që përfshin të gjithë globin dhe lë pas shumë viktima, jo vetëm ata që trafikohen, por edhe familjet, miqtë dhe komunitetet që ata lënë pas.
“Nëpërmjet ndihmës për organizatat që punojnë në vijën e parë duke ofruar ndihmë për viktimat dhe duke ndihmuar qeveritë të ndërtojnë kapacitete, Shtetet e Bashkuara punojnë me partnerët tanë ndërkombëtarë, për të krijuar një ekip të pandalshëm në këtë luftë kundër kësaj mizorie dhe krimi të tmerrshëm”, u shpreh më tej e Ngarkuara me Punë.
FJALA E PLOTË
Të nderuar pjesëmarrës dhe të ftuar, është kënaqësi të jem me ju këtë mbrëmje për të festuar 20 vjetorin e organizatës Vatra, si dhe për të marrë këtë vlerësim të jashtëzakonshëm në emër të Ambasadës së Sh.B.A në Tiranë. Faleminderit shumë! Dhe shumë falenderime për ekipit tim të profesionistëve, të cilët kanë punuar me Vatrën, disa prej tyre edhe prej 20 vjetësh! Faleminderit! Shtetet e Bashkuara e shohin trafikimin e personave dhe luftën kundër tij si një prioritet të lartë, dhe sjellin të gjithë ndihmën e duhur për këtë luftë në nivelet më të larta të qeverisë. Ky është një krim i tmerrshëm, është skllavëria e ditëve tona. Është një krim që përfshin të gjithë globin dhe është një krim me shumë viktima: jo vetëm ata që trafikohen, por edhe familjet, miqtë dhe komunitetet që ata lënë pas.
Nëpërmjet ndihmës për organizatat që punojnë në vijën e parë duke ofruar ndihmë për viktimat dhe duke ndihmuar qeveritë të ndërtojnë kapacitete, Shtetet e Bashkuara punojnë me partnerët tanë ndërkombëtarë, si Vatra, për të krijuar një ekip të pandalshëm në këtë luftë kundër kësaj mizorie dhe krimi të tmerrshëm. Siç tha Sekretari Pompeo: “Nëse do të fitojmë këtë luftë, qeveritë kombëtare duhet të fuqizojnë komunitetet lokale për të identifikuar në mënyrë aktive trafikimin e qenieve njerëzore dhe për të zhvilluar zgjidhje vendore për ta trajtuar atë”. Dhe ne të gjithë e dimë rolin e jashtëzakonshëm që luajnë organizatat e shoqërisë civile dhe sa i pazëvendësueshëm është ai.
Sonte dëgjuam shumë fjalë për Vatrën dhe se si ajo është një shembull i organizatave të shoqërisë civile. Nuk mund të isha më dakord se kaq! Programet e tyre të edukimit dhe të ndërgjegjësimit, si dhe shërbimet e identifikimit, mbështetjes dhe riintegrimit janë shumë të rëndësishme për viktimat. Prandaj, nuk është rastësi që ne kemi qenë ndër mbështetësit e parë të “Vatrës”, e cila ka qenë pioniere në përpjekjet për të ndihmuar qoftë viktimat e trafikimit, ashtu edhe ato të dhunës në familje, siç e dëgjuam! “Vatra” ishte një nga organizatat e para që sinjalizoi rrezikun e trafikimit të qenieve njerëzore dhe vazhdon të jetë organizata e vetme në Shqipërinë e jugut që ofron shërbime strehimi dhe rehabilitimi për viktimat e viktimat e mundshme të trafikimit dhe dhunës në familje. Ajo ka qenë thelbësore për qindra, në mos mijëra, gra dhe vajza dhe fëmijë në mbarë vendin që e vlerësojnë lirinë e tyre. Dhe ne jemi shumë krenarë që kemi qqenë partnerë me Vatrën!
Do të doja të përfitoja nga kjo mundësi për të vlerësuar përpjekjet e jashtëzakonshme të Vera Leskos, e cila qe e para që e nisi këtë betejë të guximshme kundër trafikimit njëzet vjet më parë, si dhe të Brikena Pukës, Drejtoreshës Ekzekutive. Çfarë udhëheqje e admirueshme dhe e fortë dhe çfarë përkushtimi guximtar! Mund të kujtoj çaste të caktuara gjatë karrierës sime diplomatike, kur jam ndier jashtëzakonisht krenare për të qenurit diplomate dhe amerikane. Por sonte, pasi ju Znj. Lesko folët për shoqërimin e viktimave në gjykatë, dhe taktikat frikësuese të kriminelëve, të cilët i thanë njëri-tjetrit: “Atë e mbështesin Shtetet e Bashkuara, dorëzohu”! Dhe mund t’ju them se Shtetet e Bashkuara janë me ju, prandaj të gjithë kriminelët duhet të dorëzohen që sot e tutje.
Sigurisht, është bërë përparim, por është thelbësore që lufta të vazhdojë, që beteja të vazhdojë, qeveria dhe institucionet në Shqipëri të punojnë së bashku për të forcuar rregullat dhe, më e rëndësishmja, për të vënë në praktikë të gjithë harkun e sistemit të drejtësisë penale, për të mbrojtur viktimat dhe për të arritur vërtet drejtësi për viktimat. Ne nuk kemi iluzione se kjo betejë do të mund të fitohet shpejt apo do të mund të fitohet lehtë. Por, Shtetet e Bashkuara do të vazhdojnë të qëndrojnë krah jush, krah qeverisë shqiptare, institucioneve të shoqërisë civile, Vatrës dhe, krejt sinqerisht, në krah të të gjitha nuancave dhe formave të aleatëve antitrafikim, të cilët i bashkohen luftës kundër trafikimit të personave, si dhe luftës kundër fatkeqësisë së dhunës në familje!
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Tiranë– Nis Komisioni Hetimor për çështjen e shkarkimit të Presidentit Ilir Meta. Për pak minuta ky komision po zhvillohet me dyer të mbyllura pasi anëta...
Tiranë- Ditën e djeshme Presidenti Ilir Meta deklaroi se zëdhënësi i tij Tedi Blushi është shantazhuar në emër të një ambasade të huaj.Por në emisionin “Opionin...
Tiranë- “Kanë filluar të dalin fjalë që mund te jetë Soreca. Nëse kanë një video për Sorecën, që Rilindja i ka dhënë një zv/ministre në përdorim, autoritetet du...
TIRANË– Analisti Lorenc Vangjeli është përplasur me gazetarin Fitim Zkthi. Teksa ishin të ftuar në emisionin”Opinion” dhe po diskutonin në lidhje me përpla...
TIRANË- Debate u zhvilluan në “Open” në Top Channel, ku i ftuar është Albin Kurti.Albin Kurti tha se koalicioni me LDK ka përparuar goxha dhe është në faza...
TIRANË- ish-deputeti i PD, Flamur Noka, i ftuar në “360 gradë”, në Ora News, është shprehur se, Vettingun po e bejnë juristë fabrikash këpucësh dhe peshku....
TIRANË– Gazetari Artan Hoxha ka deklaruar mbrëmjen e sotme se ka në dorë një video, përmbajtja e të cilës diskrediton një kryebashkiak në Shqipëri. I ftuar...
TIRANË- Mbrëmjen e sotme në emisionin Open të Eni Vasilit është i ftuar kryetari i Lëvizjes Vetëvendosje, Albin Kurti, i cili është edhe kandidati kryesor ...
TIRANË– Biznesmeni i njohur serbo-boshnjak, Damir Fazliç ka bërë një postim promovues në rrjetet sociale për ish-deputeten e PD-së, Majlinda Bregun....
TIRANË- I ftuar mbrëmjen e sotme në emisionin “Open”, kryetari i Lëvizjes Vetëvendosje dhe kandidati për kryeministër i Kosovës, Albin Kurti ka folur për s...
