"Me trup këtu, me shpirt e zemër në Shqipëri”/ Protesta kundër projektit në Zvërnec përfshijnë diasporën, tubime në Gjermani, Itali dhe Angli
VIDEO/ Çështja e Zvërnecit/ Qindra qytetarë mblidhen në Londër: Rama në burg, Berisha në burg, mos dal...
VIDEO/ Çështja e Zvërnecit/ Qindra qytetarë mblidhen në Londër: Rama në burg, Berisha në burg, mos dal...
Berisha: Këshilli Kombëtar i PD thirrjet javën që vjen. Nuk do të rivalizojmë me protestë, por do bëjm&e...
“Zvërneci” në gjykatë/ Rama: Paratë e shitjes janë bllokuar, nëse fitoni ato ju takojnë juve 5 ...
FOTO/ Flamuj dhe flakadanë! Bulevardi “ndizet” kuq e zi, qytetarët kërkojnë largimin e Ramës 5 Qershor, 1...
Presidenti i IOC beson, se "duke i ndaluar për të konkurruar në disa gara, në të cilat janë regjistruar edhe përfaqësues të Rusisë, qeveria ukrainase po i diskrimino sportistët e saj".
FRANCE - Presidenti i Komitetit Olimpik Ndërkombëtar (IOC), gjermani Thomas Bach, u shpreh se atletët ukrainas "po diskriminohen nga qeveria e tyre", duke i ndaluar të konkurrojnë në disa gara, në të cilat janë edhe përfaqësues të Rusisë, një vend pushtues i Ukrainës dhe aleati i saj Bjellorusia.
Bach kujtoi se kjo masë mund t'i privojë ata nga kualifikimi për Lojërat e Parisit 2024. "Shumë ukrainas do të dëshironin të konkurronin ndërkombëtarisht, por ata nuk mund ta bëjnë këtë në xhudo apo taekwondo, duke ndjekur udhëzimet e Ministrisë së Sportit të Ukrainës, - tha Bach. - Ata janë duke u sanksionuar nga qeveria e tyre."
Bach përditësoi asamblenë e IOC-së, të mbledhur këtë të enjte në sesionin e saj të 140-të, mbi situatën e shkaktuar nga lufta në Ukrainë, përpara se të debatohej për të ardhmen e boksit olimpik, pika kryesore në rendin e ditës.
"Është e vështirë të kuptohet, - tha presidenti, - që qeveria ukrainase po privon atletët e saj nga kualifikimi për “Paris 2024”. Është e vështirë të kuptohet pse atyre u lejohet të konkurrojnë në tenis, por jo në pingpong; pse në çiklizëm, por jo në not, pse në skermë në testin A por jo në testin B”.
Në turneun e fundit evropian të skermës, të transferuar nga Polonia në Bullgari, pasi qeveria polake refuzoi t'u jepte viza sportistëve rusë, të gjithë morën pjesë, përveç ukrainasve vetëm në testet pa rusët.
Thomas Bach tha, se ekipi i Ukrainës meriton shansin për të "patur një pritje entuziaste përgjatë Senës nga qindra mijëra njerëz" në ceremoninë e hapjes në Paris. "Do të ishte një shfaqje e fuqishme rezistence,"- tha ai.
Thomas Bach përsëriti besimin e tij se duke inkurajuar pjesëmarrjen e të gjithë sportistëve, pavarësisht nga pasaporta e tyre, ai po mbron "unitetin e Lëvizjes Olimpike, vetë natyrën e sportit në shkallë globale".
Nëse ndodh e kundërta, shtoi ai, "do të përfundonim duke pasur vetëm gara midis sportistëve nga i njëjti bllok politik dhe Lojërat Olimpike universale nuk do të ishin më të mundshme. Politizimi i sportit do të ishte militarizimi i sportit,"- tha ai.
Bach kujtoi se 141 vende e kanë dënuar luftën në Ukrainë, por vetëm 52 qeveri, "që përfaqësojnë 15% të popullsisë së botës", kanë vendosur sanksione ndaj qeverive ruse dhe bjelloruse. "Është përshkrim i realitetit të një bote të fragmentuar. Në këtë botë ne duhet të mbrojmë atletët, unitetin tonë, vlerat tona dhe të kundërshtojmë çdo lloj diskriminimi," tha ai.
Kur Rusia pushtoi Ukrainën në mars 2022, IOC rekomandoi largimin e rusëve dhe bjellorusëve nga garat, ose në rastin më të mirë t'i detyronte ata të konkurronin, si neutralë. Një vit më vonë, që përkon me periudhën kualifikuese për Lojërat e Parisit 2024, organizata këshilloi federatat që të autorizonin kthimin e tyre, gjithmonë si neutralë dhe në rast se nuk i përkisnin ushtrisë ose e kishin mbështetur aktivisht luftën.
Në fjalimin e tij në sesion, Bach e karakterizoi Lëvizjen Olimpike, si një forcë të barabartë, të kritikuar nga rusët dhe ukrainasit njësoj për "qasjen e saj me sportistët në qendër". "Vlerat tona nuk janë koncepte abstrakte. Ne jemi këtu për të mbështetur atletët në mbarë botën dhe për të promovuar pjesëmarrjen e të gjithë atyre që pranojnë rregullat,"- këmbënguli ai.
B.T (Dosja.al)
TIRANE - Armand Duka ka reaguar në rrjetet sociale, teksa shprehet besimplotë se ky program do të masivizojë më shumë lojën...
ANGLI - Kanë mbetur edhe shumë javë dhe shumë telenovela për të përcaktuar, por fillimi i kësaj merkatoje verore e ...
SHBA - Tashmë është zyrtarizuar prej pak më shumë se dy javësh, që Lionel Messi do të evoluojë vitin e ardhsh&eum...
ITALI - Tashmë është zyrtare, Angel Di Maria nuk do të jetë më lojtar i Juventusit vitin e ardhshëm. I ardhur vitin e ...
SPANJE - Prej disa orësh, siç raportohet në rrjetet sociale, Kylian Mbappé ka bërë gati valixhet për të ...
ITALI - Sulmuesi i Napolit, Victor Osimhen është një sulmues veçanërisht i lakmuar këtë verë në tregun e transfer...
BRAZIL - Luis Suarez synon të njoftojë së shpejti lamtumirën e tij, njoftuan të martën media të ndryshme braziliane. Kom...
BRAZIL - “Justifikuar të pajustifikueshmen. Nuk kisha nevojë të bëja atë që bëra, por kam nevojë për t...
TURQI - Finalisti në Champions League me Interin (0-1 ndaj Manchester Cityt), Edin Dzeko do të largohet nga Seria A, kampionati ku luan që nga ...
ITALI - Sandro Tonali ka pranuar ofertën me Newcastle dhe është gati të largohet nga Milani, nëse dy kompanit&...
