Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Fatmira Guri, pas 25 vitesh punë si kuzhiniere në Spitalin e Pukës, largohet padrejtësisht nga puna. Ajo është zëvendësuar nga një tjetër person, që ka kryer një kurs 4-mujor për specialiste kuzhine.
Kryeministri Edi Rama, gjatë një vizite në Pukë më 19 mars të këtij viti, në kuadër të turit të dëgjesës “Bashkia që duam”, i ka premtuar zonjës Guri se do rikthehet në vendin e punës. Premtim, i cili deri tani nuk është realizuar.
Drejtori i këtij spitali, Enver Sulejmani ka qëndruar i prerë në vendimin e tij dhe nuk ka pranuar t’iu përgjigjet për asnjë moment gazetarëve të “Fiks Fare”, por ka urdhëruar rojën e spitalit të mos lejohet hyrja e tyre në institucion.
Në ndihmë i vjen edhe kryebashkiaku, i cili kërcënon grupin e xhirimit të “Fiks Fare” për mos të bërë xhirime.
Fatmira Guri është nënë e 3 fëmijëve në shkollë të lartë, e njeri prej tyre, për shkak të mospasjes së mundësive ekonomike për t’i përballuar, është detyruar të ndërpresë studimet për të mbajtur prindërit dhe dy motrat në shkollë.
Sipas Fatmirës, ajo është larguar pas 36 viteve punë, nga të cilat, 25 vitet e fundit ka punuar si kuzhiniere.
“Aktualisht edhe bashkëshorti im, i cili ka 35 vite punë, tani ka dy vite pa punë edhe pse ka qenë mësues. Largimi im nga puna është bërë në kuadër të reformës në shëndetësi. Unë isha punonjësja më e vjetër, jam larguar e para nga puna. Drejtori i spitalit, Enver Sulejmani më premtoi se sapo të hapet një vend punë, unë do të isha e para që do të rifilloja punë, por deri tani premtimi nuk është mbajtur. Në vendin tim është marrë në punë një banore e qytetit të Pukës, e cila ka kryer 4 muaj kurs për kuzhiniere. Unë kam kryer shkollën që në vitin 1977, dyvjeçare për kuzhiniere dhe jam profesioniste në këtë zanat. Kam kryer edhe disa specializime. Më 19 shtator në Pukë erdhi kryeministri Edi Rama, ku unë ia ngrita këto probleme dhe ai menjëherë më tha se nga e nesërmja do rifilloja punë”, tregon Fatmira.
Gjithashtu, asaj i është komunikuar edhe nga një telefonatë nga Kryeministria, që të shkruante në portalin e qeverisjes, gjë të cilën e ka bërë. Por, sot e kësaj dite, Fatmira ende nuk ka marrë një përgjigje. Ajo ankohet se drejtuesi i Spitalit të Pukës nuk zbaton urdhrin e kryeministrit.
Pas ankesës në “Fiks Fare”, Fatmira Guri i kërkoi takim drejtorit të Spitalit të Pukës, Enver Sulejmani, i cili u shpreh se “e ka larguar nga puna në kuadër të reformës”. Nga 5 vetë, me anë të reformës u shkurtuan 3 vetë, ku e para ishte Fatmira, edhe pse me vjetërsinë më të madhe të punës.
Ai i shpjegon Fatmirës se punonjësja e re i është ofruar si emër nga Zyra e Punës dhe që, sipas tij, nuk ka shkelur ligjin.
“Ti vazhdo t’i shkruash portalit. Ka qenë komisioni i ngritur nga ana ime, që ka parë dosjet e të gjithë punonjësve dhe ka vendosur të largohesh ti”, shprehet drejtori Sulejmani.
Ndërsa Guri i është shprehur sesi kishte mundësi që është larguar ajo, kur në dosje nuk ka pasur asnjë thyerje disipline apo vërejtje, por ishte e vetmja profesioniste. Më pas, ai shprehet se partitë kanë bërë shumë emërime, si PD-ja, si LSI-ja, por që pushimin nga puna të zonjës e ka vendosur komisioni, “pra unë nuk të kam hequr për arsye politike”, shprehet drejtori.
Pas takimit të zonjës Guri, gazetarët e “Fiks Fare” vajtën e trokitën në zyrën e drejtorit të Spitalit të Pukës, Enver Sulejmani. Fillimisht Sulejmani u ka kërkuar gazetarëve të presin pas dere, por pa vonuar shumë, ai ka dalë nga dera dhe u ka thëne se “nuk donte të fliste”.
Edhe pse gazetarët e kanë ndjekur nëpër korridorin e spitalit dhe jashtë tij, për të mësuar shkakun e largimit të Fatmira Gurit nga puna dhe se a do të zbatohej premtimi i kryeministrit Rama dhënë para banorëve të Pukës, drejtori Sulejmani nuk ka pranuar t’i përgjigjet asnjërës nga pyetjeve.
Ndërkohë që ka urdhëruar rojën e spitalit të mos lejojë gazetarët të futen në ambientet e Spitalit të Pukës. Roja u ka komunikuar gazetarëve urdhrin e drejtorit, ndërsa drejtori është “ngujuar” në një nga godinat e spitalit. Ndërkohë, roja i këtij institucioni është shprehur se “drejtori nuk ndodhej në spital dhe as që e kishte parë”, edhe pse pak minuta më parë, ai kishte hyrë në derën ku ishte vendosur roja.
Pak minuta më pas, ndërsa gazetarët po xhironin Spitalin e Pukës, është kryebashkiaku Gjon Gjoni, i cili ka kërcënuar gazetarët duke u kërkuar atyre të mos xhironin spitalin. Ai fillimisht ka kërcënuar operatorin e “Fiks Fare” të ulte kamerën, se do t’ia thyente. Kryebashkiaku nuk ka dashur të tregojë se kush ishte, duke mos bërë të ditur as emrin e as funksionin që ka, ndërsa është shprehur: Do t’iu degjeneroj, do t’iu lidh pas konopit e do t’iu mbaj këtu. Ikni nga këtu”.
Bisedë e qytetares Guri me drejtorin e spitalit, Enver Sulejmani
Drejtori i spitalit: Ulu!
Qytetarja: Ça jeni duke bërë, a jeni duke më marrë tek puna? Me atë fjalë të kryeministrit se më dha fjalën.
Drejtori i spitalit: Ti je shkurtuar nga puna, keni qenë pesë veta tek kuzhina, i pat shkurtua 3 mbeten 2. Pas një viti morën këtë që është sot nëpërmjet Zyres së Punës. Të deklarume si e pa punë , na e afroj Zyra e Punës me dëshminë e kuzhinieres dhe me të gjitha rregullat sikur thotë ligji për të marrë një person në punë. Ke shkruajtur portalit dhe ju kam përgjigjë. Urdhri që ka ardhur prej ministrisë për reformën ta kam ba. Urdhrin e largimit e kam.
Qytetarja: Mirë
Drejtori i spitalit: E ka në dorë portali.
Qytetarja: Aty isha unë për tu heq se isha më e vjetra dhe as kisha shkelje, as thyrje disiplinore, d,m,th nuk kam pas asnjë pse?
Drejtori i spitalit: Është ngrit komision me urdhër
Qytetarja: Kam ardhur në zyrë dhe më kë thën në qoftë se do të hapet vend i punës dhe do të largohet dikush më kë thën ti je e para. Ti a ma ke afruar mua këtë vend pune? Që unë jam profesioniste në profesionin tim. Në qoftë se ti je burrë dhe me fjalën e kryeministrit nuk do të luash.
Drejtori i spitalit: Kryeministri ka thën nëse. Ti je hequr nga puna për shkak të reformës
Qytetarja: Po reformen e bëtë ju Enver
Drejtori i spitalit: Reformën e ka bërë një komision i ngritur me urdhër i ka bërë vlerësimin çdo njërit. Unë të kam thën të hequr reforma.
Qytetarja: Nuk më keni hequr se më ra reforma.
Drejtori i spitalit: Mbush nga partitë mbush Pd -ja mbush LSI -ja.
Qytetarja: Po a sheh se më keni hequr për parti
Drejtori i spitalit: Jo more s’të kemi heq për parti të ka kapur reforma.
Qytetarja: Unë mendoi se do të reagosh e fjalën e kryeministrit do ta zbatosh
Drejtori i spitalit: Fjala e kryeministrit është ligj për çdo njërin, kryeministrit të ka thën taksative nëse është e vërtet ajo që thuhet po. Të ka takuar reforma, komisioni ka bërë verifikimin të gjithë figurave dhe dosjeve të personelit që është punësuar.
Qytetarja: A kam pas shkelje në punë o Ever Sulejmani? Të kam thënë mbledh komplet spitalin në qoftë se një gojë e njerit do të dali e të flasi unë largohem vetë nga puna. Nuk të rri në punë
Drejtori i spitalit: Unë kam zbatuar ligjin. Kam ngritur një komision për të verifikuar dosjet e gjithsecilit
Qytetarja: E dosja ime si rezultoi?
Drejtori i spitalit: Rezultuan të tjerëve më e mirë se e jotja.
Qytetarja: Të ka kap reforma. Të punësumit që do merren tani e tutje do merren nga Zyra e Punës. Unë i jam drejtuar Zyrës Punës, Zyra e Punës më ka paraqit personin.
Shkojmë për të takuar drejtorin e Spitalit të Pukës, Enver Sulejmani
Gazetari: Përshëndetje drejtor, mundet tu shqetësojmë?
Drejtori i spitalit: Jam i zënë
Pas pak Drejtori del nga zyra
Drejtori i spitalit: Nuk kam kohë
Gazetari: Nuk ke kohë të na presësh në institucion?
Drejtori i spitalit: Ça don? Ule kamerën
Gazetari: Atëherë një pyetje
Drejtori i spitalit: As një pyetje, asnjë pyetje
Gazetari: Kryeministri ishte para një muaj
Drejtori i spitalit: Asnjë pyetje
Gazetari: Drejtor, para një muaj ishte Kryeministri Rama, ku mori premtimin që një nga punonjësit që keni larguar ju nga puna do ta rikthej në punë. E keni zbatuar vendimin e kryeministrit?Drejtor keni zbatuar urdhrin e kryeministrit? Drejtor cila është arsyeja e largimit nga puna e Fatmira Grurit dhe a do zbatohet urdhri i kryeministrit Rama për rikthimin e saj në vendin e punës? Atëherë cila është arsyeja e largimit nga puna të Fatmira Gurit?Të lutem cila është arsyeja
Drejtori i spitalit: (I jep urdhër rojës) Mos le me hy kanë
Roja: Shko more, s’ka p.. nane që hynë këtu!
Gazetari: Ore mos prek me dorë ti?
Roja: Këtu jo ishalla!
Gazetari: ( Ndërsa drejtori kërkon ta shtyj me dhunë ) Të lutem mos më prek me dorë mua. Të lutem zoti drejtor një përgjigje
Roja: Të lutem këtu s’ke…Për të hyrë këtu s’ke
Gazetari: Ku e ke dokumentin?
Roja: Jam me rroba civile
Gazetari: Atëherë nxirr dokumentin kush je?
Roja: Një sekondë, një sekondë
Gazetari: S’e jep emrin kush je?
Roja: Urdhëro të lutem!
Gazetari: Cila është detyra juaj, për të ndaluar njerëzit të hynë në institucione shtetërore?
Roja: Po
Gazetari: Me cilin urdhër?
Roja: Me urdhër të drejtorit Enver Sulejmani e ka emrin.
Gazetari: Do hy në institucion të bisedoi me drejtorin
Roja: Drejtori s’asht këtu.
Gazetari: Tani hyri drejtori si s’është këtu?
Roja: Ka shumë hyrje
Gazetari: Drejtori ju dha urdhër?
Roja: S’e kam pa hiç.
Pas pak minutash vjen kryetari i Bashkisë Pukë, Gjon Gjoni i cili i drejtohet operatorit
Kryetari i Bashkisë Pukë: Ti pse pop më bën filmim mua?Ça je duke ba? Ti a jeton i lirë apo jo? Ti a jeton i lirë. A ka privim lirie apo jo a je i lirë?Jeton i lirë mor ti?
Gazetari: Prezantohu kush je ti? Pasta flasim?
Kryetari i bashkisë: Ti pse më ban filmim mua?
Gazetari: Ti prezantohu kush je . Jemi duke filmuar institucionin
Kryetari i bashkisë: Ça je ti mor?
Gazetar: Unë gazetar
Kryetari i bashkisë: Të degjeneroi m…Unë jam qytetar . Ça ma drejton kameren mu?
Gazetari: Je duke folur gabim
Kryetari i bashkisë: Për kryet të fëmijëve të lidhi për konopi një këtu të la.
Gazetari: Kush je ti?
Shoqëruesi i kryetarit: Ç’punë ke ti kush është?
Kryetari i bashkisë: Ik pra.
Marrë nga Top Channel
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Drejtori ekzekutiv i “Lëvizja VETËVENDOSJE” në Shqipëri , Bojken Abazi i ftuar në emision A-Show në News 24 përgënjeshtron zërat që kjo lëviz...
TIRANË-Pas përplasjeve që banorët e Bregut të Lumit kanë patur ditën e sotme me policinë, së fundmi janë shoqëruar dy persona. Të shoqëruarit janë dy vëlle...
Zëvendës Ndihmës Sekretari i Shtetit për Evropën Matthew Palmer nisi sot vizitën e tij në Tiranë, me një takim të gjatë me kryeministrin Edi Rama. Vizita e tij ...
SERBI– Një 29-vjeçar shqiptar nga Podujeva është arratisur në mënyrë spektakolare nga ambientet e paraburgimit në Nis të Serbisë.Mediat serbe bëjnë me di...
TIRANË- Kryeministri i është përgjigjur drejtorit të VOA, Elez Biberaj, pas deklaratave të këtij të fundit, ku e quante si të korruptuar dhe autoritar. (Le...
TIRANË- Kryetari i Partisë Demokratike, Lulzim Basha, zhvilloi sot një vizitë në Kukës, por ndërsa po kthehej nga andaj në Milot është shoqëruar nga disa p...
TIRANË- Policia e kryeqytetit po zhvillon një megaoperacion gjatë të cilit deri më tani kanë rënë në pranga 4 persona. (Lexo këtu)Burime i thanë Dosja.al, ...
TIRANË- Vazhdon debati ‘online’ mes Rezarta Shkurtës dhe djalit të kryeministrit Sali Berisha.Gjithçka nisi me një postim të ish-kryeminsitri që me ...
ELBASAN- Një aksident ka ndodhur pasditen e sotme në aksin Elbasan –Xibrake, ku dy automjete janë përplasur.Mësohet se nga përplasja e automjete kanë mbetur të ...
TIRANE- Një megaoperacion i Policisë së Tiranës është finalizuar me arrestimin e 4 personave. Burime për Dosja.al bëjn...
