Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË – Kuvendi i Shqipërisë vendosi pak ditë më parë të zëvendësojë pragun rajonal zgjedhor në masën 3% me një prag kombëtar në masën 1%. Por ajo që u prezantua si një lëshim nga Partia Socialiste për partitë e vogla mund ta vështirësojë fitimin e mandatit të deputetit nga këto parti dhe jo ta lehtësojë atë.
Partia Socialiste deklaroi pak ditë më parë se ka vendosur të ulë pragun e hyrjes në parlament për partitë e vogla nga 3% që ishte propozimi i mëparshëm në 1%. Në korrik, kur Rama mbështeti për herë të parë ndryshimet kushtetuese dhe në kod zgjedhor të propozuara nga e ashtuquajtura “opozitë parlamentare”, propozimi i tij ishte ngritja e pragut zgjedhor në 5% të votave ndërsa ulja, fillimisht në 3% dhe më pas në 1%, u prezantua si një lëshim që Partia Socialiste i bën partive të vogla. Por një analizë aritmetikore e votave dhe mandateve për çdo qark të Shqipërisë ku garohet për zgjedhjet parlamentare tregon se në fakt, ulja e pragut në 1%, pritet të ketë një efekt edhe më pengues në zgjedhjet e ardhshme parlamentare për llogaritë e partive të vogla garuese se sa pragu i mëparshëm, i cili ishte në masën 3%, por ishte në nivel rajonal.
Shqipëria është e ndarë në 12 zona zgjedhore në të cilat zgjidhen 140 deputetë. Numri i votuesve në secilin qartë përcakton edhe numrin e mandateve të dala nga ai qark. Në qarkun e Kukësit, i cili është më i vogli, dalin 3 deputetë ndërsa në qarkun e Tiranës, që është më i madhi, më 2017 janë zgjedhur 34 deputetë. Kjo do të thotë që për qarkun e Kukësit, një parti politike duhet të marrë së paku 33% të votave në këtë qark për të nxjerrë një deputet ndërsa në qarkun e Tiranës, nevojiten 2.95% të votave për të marrë një deputet. Ky është pragu aritmetik dhe nuk ka lidhje me pragun ligjor përjashtues të miratuar nga Kuvendi me ligj. Nëse një parti merr më pak vota nga sa nevojiten për një mandat në një qark të caktuar, atëherë votat e asaj partie nuk ndikojnë në ndarjen e mandateve.
Për shembull, në zgjedhjet e vitit 2017, partia Lëvizja Socialiste për Intergim mori 7% të votave në Qarkun e Kukësit ndërsa tre mandatet e qarkut u ndanë dy për PD-në dhe 1 për PS-në, duke i nxjerrë të pavlefshme të afro 3 mijë votat e LSI-së në këtë qark. Në këtë rast, pavarësisht nëse pragu është 5% apo 1%, votat e një subjekti të vogël janë të pavlefshme. Po kështu, në qarkun e Tiranës, në vitin 2017, partia Drejtësi Integrim dhe Unitet arriti të marrë 2.99% të votave të qarkut, të cilat praktikisht mund t’i jepnin kësaj partie një mandat deputeti. Por PDIU nuk e mori mandatin e deputetit për shkak se ajo duhej të plotësonte kushtin ligjor të marrjes së më shumë se 3% të votave të qarkut, gjë për të cilën i mungonin më pak se njëzet vota.
Situata duket lehtësisht e ndryshuar me zëvendësimin e pragut rajonal në masën 3% me pragun kombëtar në masën 1%.
Për shembull, Partia Social Demokrate e deputetit Tomë Doshi, mori gjithsej 14,987 vota në të gjithë vendin, por nga këto 13,226 vota i mori në Qarkun Shkodër ku Doshi u zgjodh edhe deputet. Nëse në zgjedhjet e vitit 2017 do të ishte zbatuar pragu kombëtar 1% dhe jo ai rajonal 3%, atëherë Doshi nuk do të kishte plotësuar kriterin e pragut ligjor për shkak se të 14,987 votat e PSD-së në rang kombëtar bëjnë 0.95% të votave totale të vlefshme. Me pak fjalë, zëvendësimi i pragut rajonal 3% me pragun kombëtar 1% duket se e ka vështirësuar nxjerrjen e një mandati për partitë e vogla, por jo se e ka vështirësuar shumë. Nëse një parti e vogël do të dalë në zgjedhje, duket se shanset më të mëdha i ka në Tiranë, ku, në bazë të rezultatit të zgjedhjeve të kaluara, i nevojitet të marrë rreth 12,500 vota, por përveç kësaj, do të duhet të ketë marrë në rang kombëtar më shumë se sa 16,130 vota, pra më shumë se 1% e të gjitha votave të vlefshme të hedhura në zgjedhjet e vitit 2017.
(a.k.dosja.al)
1 vit nga zgjedhjet e 25 prillit si e shikoni gjendjen e vendit:
TIRANE- Kryetari i Partisë Demokratike, Lulzim Basha iu përgjigj akuzave të Bashkisë Tiranë dhe kryeministrit Edi Rama, për denoncime të pavërteta. Shkak u mor ...
TIRANE- Kryetari i Partisë Demokratike Lulzim Basha tha se nuk ka për të patur një qeveri me Partinë Socialiste pas 25 prillit. I pyetur për një takim me kryemi...
KOPLIK– Presidenti i vendit, Ilir Meta ishte i pranishëm ditën e sotme në ceremoninë solemne të përkujtimit të 100-vjetorit të Luftës së Koplikut dhe nderimit t...
TIRANE- Lulzim Basha e sheh si të parealizueshëm vendimin e qeverisë për të vendosur maskat me detyrim. Basha tha se ka shumë qytetarë që nuk sigurojnë dot ushq...
TIRANE- Kryetari i Partisë Demokratike Lulzim Basha përsëriti sot se PD do e kontestojë miratimin e ndryshimeve në Kodin Zgjedhor. I pyetur nga gazetarët në kon...
TIRANE- Lulzim Basha ka rrëzuar alibinë e kryeministrit Edi Rama se nuk ka fonde dhe para për të realizuar planin me 5 pika të propozuar nga Partia Demokratike....
TIRANE- Kryedemokrati Lulzim Basha bëri një parashikim të zymtë për situatën ekonomike në vend. Gjatë bashkëbisedimit të sotëm me gazetarët, Basha tha se pensio...
TIRANË- Kryetari i Partisë Demokratike, Lulzim Basha i ka bërë një thirrje të fundit kryeministrit Edi Rama që të zbatojë planin me 5 pika të opozitës për ...
TIRANE- Ambasada amerikane ka habitur edhe një herë me tërheqjen e vëmendjes që bëri të premten. Një postim në rrjetet sociale dukej si rrufe në qiellin që sapo...
TIRANË- Bashkia Tiranë i është përgjigjur zëdhënëses së Partisë Demokratike pas denoncimit se banorja e njësisë 4., Fatime Joca ende nuk ka marrë ndihmë ng...
