Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
TIRANË– Kryetarja e Bashkisë Shkodër, Voltana Ademi, i ka dërguar një letër kryeministrit Edi Rama, ministrit të Brendshëm Sandër Lleshaj dhe ministrit të Turizmit, Blendi Klosi.
Në letrën e saj, për dijeni edhe Prokurorisë së Rrethit Gjyqësor Shkodër, Ambasadës së SHBA-ve, Delegacionit të Bashkimit Europian dhe Këshillit të Euopës, Ademi, ngre shqetësimin e prishjes së ndërtesave dhe biznesseve, ngjarje e ndodhur një ditë më parë në Velipojë.
Ndër të tjera, kryebashkiakja shkruan se nuk është vënë aspak në dijeni për këtë aksion të IKMT-së, duke u anashkaluar si pushtet vendor dhe se gjatë këtij aksioni janë bërë shumë shkelje.
Voltana Ademi shprehet gjithashtu që duhet të ishte marrë parasysh që të paktën të kalonte sezoni turistik, dhe se në shembjen e pronave s’duhet të kishte selektime, sipas ‘ngjyrave të partive’ .
Letra e plotë
Lënda: Mbi grabitjen e plazhit të Velipojës nga Qeveria e Republikës së Shqipërisë.
EDI RAMA, KRYEMINISTËR
SANDËR LLESHI, MINISTËR I BRENDSHËM
BLENDI KLOSI, MINISTËR I TURIZMIT DHE MJEDISIT
Vënie në dijeni: PROKURORIA E RRETHIT GJYQËSOR SHKODËR
Vënie në dijeni: AMBASADA E SHTETEVE TË BASHKUARA TË AMERIKËS
DELEGACIONI I BASHKIMIT EUROPIAN
KËSHILLI I EUROPËS
Prej orëve të para të mëngjesit të së mërkurës, datë 10.06.2020, në plazhin e Velipojës, pa asnjë njoftim paraprak dhe në mënyrë të beftë, kanë zbarkuar fadromat dhe inspektorët e Ispektoriatit Kombëtar të Mbrojtjes së Territorit (IKMT), të mbështetur nga policia e shtetit dhe Forcat e Ndërhyrjes së Shpejtë (FNSH). Ardhja e tyre ka patur për qëllim shembjen e strukturave “Beach-bare” në brezin ranor, të evidentuara gjatë njëzet viteve si ndërtime pa leje, procedura të cilat janë në gjykim në proçese gjyqësore në vijim. Ndërkohë këto struktura kanë shërbyer në hapësirat stacione plazhi për të ofruar shërbimet për turistët dhe vizitorët në plazhin e Velipojës.
Pa vënë në dijeni Bashkinë Shkodër, madje duke na anashkaluar si pushtet vendor, IKMT duke mos paraqitur asnjë dokumentacion, pa nje njoftim paraprak dhe në shkelje të çdo proçedure ligjore, ka vepruar duke shembur strukturat “Beach bare”, të administruara nga subjektet dhe operatorët turistikë, restorante, resorte, dhe hotele. Bashkia Shkodër ka kërkuar që të diskutohet dhe të merret një vendim i pjekur lidhur me adminsitrimin dhe shërbimin në bregun e Velipojës, duke gjykuar që çdo veprim duhet të marrë në konsideratë periudhën e sezonit turistik dhe kushtet ekonomike të biznesit, nevojën e madhe për të punuar në periudhën e verës në plazhin e Velipojës.
Megjithë kundërshtitë e Bashkisë Shkodër, të pronarëve, dhe pretendimeve që ato kanë patur, IKMT ka vepruar duke shembur struktura në mënyre selektive, duke shembur disa objekte e disa të tjera jo. Nëse do të kishte patur një urdhër dhe plan pune, do të duhej të ishte ndjekur praktika ligjore, transparente, komunikimi dhe bashkërendimi me pushtetin vendor, urdhëri i prishjes nga IKMT, realizimi i njoftimeve paraprake, e më pas ekzekutimi i vendimit për të gjithë njëlloj. Unë duke qenë në takim me Minsitrin Klosi, dhe Ministrin e Brendshëm, në Tiranë, e ftuar gjoja “për të diskutuar mbi mbarëvajtjen dhe ndërmarrjen e angazhimeve për sezonin turistik”, ditën e mërkure e kam patur të pamundur të jem në terren. E informuar nga media mbi veprimet e paligjshme të IKMT, i kam kërkuar publikisht dy ministrave, të pranishëm në takim. që të ndalonin çdo veprim jo ligjor në Velipojë. Të enjten, me të mbërritur në Shkodër i jam drejtuar plazhit të Velipojës. Pasi kam dëgjuar pretendimet e biznesit dhe kam parë në terren gjendjen, i kam kërkuar përfaqësuesve të IKMT dokumentacionin mbi të cilin po vepronin. Inspektorët nuk dispononin urdhërat dhe procedurën shkresore, Duke parë mungesën e këtij dokumentacioni, i kam kërkuar inspektorëve dhe punonjësve të IKMT dhe Policisë së Shtetit të pezullojnë shembjet, sepse po kryenin veprime të kundraligjshme.
Dokumentacioni akoma edhe sot mungon, dhe IKMT ka vepruar jashtë procedurës ligjore duke përdorur Policinë e Shtetit, e cila ka vepruar barbarisht në terren, kundër njerëzve dhe bizneseve, duke ushtruar dhunë dhe presion.
Pasojat e lëna janë të mëdha, dëme ekonomike për biznesin,për qytetarët, ashtu edhe për imazhin e turizmit dhe mikpritjen në një sezon veror turistik, aq të nevojshëm për Shkodrën dhe Shqipërinë, sidomos pas periudhës së rëndë të pandemisë që po kalojmë.
U jam drejtuar ju drejtuesve të lartë të IKMT, Ministrit të Turizmit, Ministrit të Brendshëm, në respekt të ligjit duke kërkuar zbatimin e tij, por akoma mbetemi pa një përgjigje deri më tani.
Velipoja ka marrë një goditje të rëndë këtë prag sezoni. Kjo është e qëllimshme dhe me ngjyrim edhe politik, sepse skena të tilla, si kemi parë askund në vijën bregdetare në prag sezoni.
Komuniteti i biznesit pas pandemisë COVID 19, merr këtë goditje të rënde, në një kohë aspak të përshtatshme dhe kur gjerat mund dhe duhet të ishin zgjidhur ndryshe, gjithmonë duke respektuar kornizat ligjore.
Po rendis vetëm disa prej shkeljeve:
Bizneset janë ne proçes gjyqësor mbi pretendimet e ngritura për beach-baret që kanë shfrytëzuar gjatë viteve.
Çdo vit ata kanë aplikuar pranë Bashkisë Shkodër, duke shfrytëzuar dhe punuar në sipërfaqen e përdorur për stacion plazhi dhe shërbime beach-bare, në vijën bregdetare.
Këtë vit, sikurse çdo vit, por me një ndryshim, jo pranë Bashkisë Shkodër, por përmes sistemit qeveritar të aplikimeve E-albania, sipas protokollit te ministrisë bizneset, subjektet, operatorët turistikë kanë aplikuar dhe deri më sot, më datë 12 qershor 2020, nuk kanë marrë ende një përgjigje.
IKMT nuk ka asnjë procedurë (procesverbal të IKMT, vendim të IKMT, urdhër ekzekutimi për prishje të IKMT, njoftim për subjektet nga IKMT), duke cënuar rëndë procedurën administrative dhe të drejtën ligjore të subjekteve dhe individëve, për t’u respektuar e për të qenë të barabartë përpara ligjit.
Bashkia Shkodër nuk është njoftuar për një ndërhyrje të tillë në territor. Në mënyrë tinzare, antiligjore, IKMT ka dezinformuar qytetarët, duke fshehur veprimet e saja antiligjore dhe duke mbjellë panik, grindje dhe konflikte ndërmjet qytetarëve dhe adminsitratorëve lokalë.
Është vepruar në mënyrë të fshehtë, jo transparente, në mënyrë korruptive.
Sot më datë 12.06.2020, Velipoja është gdhirë si një gërmadhë. Grumbuj të tërë inertesh gjenden në bregun e rërës. Pirgje me materiale ndërtimore dhe pajisje kanë zënë vendin e stacioneve të plazhit tashmë. Ndërkohë që, strukturat shtetërore, përfshirë këtu IKMT, Drejtorinë e Përgjithshme të Policisë së Shtetit, Drejtorinë Vendore të Policisë së Shtetit, Prefekturën e Shkodrës, IKMT rajonale në Shkodër, janë të gjitha të përfshira në një aferë të madhe korruptive, me qëllim zaptimin e bregut ranor dhe ndërtimi në mënyrë të paligjshëm, duke i mohuar përfituesve, qytetarëve, operatorëve turistikë të drejtën e shfrytëzimit dhe përdorimit sipas ligjit, gjithmonë.
Dua të denoncoj duke ua thënë atë që qeveria, kryeministri dhe ministrat e dinë shumë mire: Qeveria në bashkëpunim me krimin po përpiqet fshehtazi, në mënyrë korruptive të grabisë pronën publike në plazhin e Velipojës. Për këtë qeveria përdor strukturat e Ministrisë së Brendshme dhe Policinë e Shtetit, me ministrin Lleshaj në krye, për të ushtruar dhunë mbi qytetarët, për të shkatërruar dhe për të zaptuar. Përdoren strukturat e Ministrisë së Mjedisit, me Ministrin Klosi në krye, për të prodhuar e përdorur paçavure dokumente, të jashtëligjshme, korruptive, për të përvetësuar territore publike, duke grabitur kësisoj pasurinë territoriale më të çmuar të Shkodrës.
Bashkia Shkodër do të vijojë të kërkojë të drejtën ligjore, vendosjen përpara ligjit të shkelësve të tij. Vë në dijeni Prokurorinë e Rrethit Gjyqësor Shkodër, që të ndërmarrë të gjitha veprimet për të hedhur dritë, për të hetuar dhe vendosur drejtësinë.
KRYETAR
Voltana Ademi
Një ditë më parë, IKMT-ja zbarkoi në Velipojë ku shembi disa godina që ishin të ndërtuara pa leje, gjatë 20 viteve të fundit. Aksioni u zhvillua me përplasje me banorët dhe biznesmenët e pronave që u shemben. U përdor gaz lot sjellës dhe një nga vajzat humbi ndjenjat.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Klodian Tace, i zgjedhuri i Partisë Socialiste në Gramsh, ka fshehur në formularin e dekriminalizimit hetimin për vjedhje nga prokuroria e Tiranës ...
TIRANË– Presidenti Ilir Meta ka publikuar sot plaftormën e tij për masat që duhet të marrë vendi për integrimin në Bashkimin Evropian. Në reagimin e tij Me...
TIRANË- Kreu i Partisë Demokratike, Lulzim Basha ka nderuar ditën e sotme një nga heronjtë e luftës së Kosovës. Kryedemokrati vendosi lule pranë bustit të ...
TIRANË- Ish-deputeti i Partisë Demokratike, Enkelejd Alibeaj, ka reaguar kundër Kryeministrit Edi Rama duke e quajtur kufomë politike. Në një reagim në med...
TIRANË- Nën kryetari i Partisë Demokratike, Edi Paloka, ka rëaguar pas mbledhjes së Këshillit Politik dhe shkruan se maxhoranca më në fund ka treguar qëlli...
TIRANË -Përfaqësuesi i PD në Këshillin Politik, Oerd Bylykbashi bëri me dije për mediat pas mbledhjes së radhës, se sot u diskutuan elementët e financimit ...
TIRANË- Bashkëkryetari për Reformën Zgjedhore, Damian Gjiknuri, u shpreh për mediat pas përfundimit të Mbledhjes së Këshillit Politik, se deri të hënën, do...
TIRANË- Deputetetja Rudina Hajdari ka thënë për mediat pas përfundimit të mbledhjes së Këshillit Politik, se tashmë po flitet për gjëra që i kanë në dorë e...
TIRANË- Presidenti Ilir Meta gjatë konferencës së sotme për shtyp, ka përcjellë dy urime. Njëra prej tyre i drejtohej Partisë Socialiste për 29 vjetorin e ...
Tiranë- Ilir Meta e cilëson të vonuar, por pozitiv vendimin e KLGJ-së për të larguar Ardian Dvoranin si anëtar i Gjykatës së Lartë dhe rrjedhimisht edhe nga pos...
